Արցախում ռուս սակրավորները ոչնչացրել են շուրջ 120 պայթուցիկ առարկա

Ռուսաստանի խաղաղապահ զորամիավորման ինժեներասակրավորական ստորաբաժանման անձնակազմը շարունակում է աշխատանքներն Արցախի տարածքում հայտնաբերված պայթուցիկ առարկաների ոչնչացման ուղղությամբ: Այդ մասին հաղորդագրություն է հրապարակել ՌԴ ՊՆ-ի պաշտոնական կայքը:

Նախորդ օրվա ընթացքում Բալիջայում տեղակայված հատուկ պոլիգոնում ռուս զինծառայողները ոչնչացրել են շուրջ 120 պայթուցիկ առարկա՝ ականներ և տարբեր տրամաչափի հրետանային արկեր: Ոչնչացումն իրականացվում է պայթեցման եղանակով` գործողությունների ընթացքում անվտանգության բոլոր անհրաժեշտ միջոցառումների ապահովմամբ:

Ամեն օր ռուսական խաղաղապահ զորախմբի մոտ 10 զինծառայող է ներգրավված պայթուցիկ նյութերի չեզոքացման աշխատանքներում: