Ամենից շատ կարդացված նյութեր

Ռազմական դրությունը օգտագործում են, որպեսզի ԱԺ-ն չքննարկի Փաշինյանի անվստահության հարցը. Միհրան Պողոսյան

16:25 17/03/2021

Հայաստան

Ռազմական դրությունը օգտագործում են, որպեսզի ԱԺ-ն չքննարկի Փաշինյանի անվստահության հարցը. Միհրան Պողոսյան

«Ռազմական դրությունը մինչ այս պահը պահպանվել է միմիայն քաղաքական նպատակով»,- ասուլիսում ասաց փաստաբան Միհրան Պողոսյանը:

Նա հիշեցրեց՝ Սահմանադրությամբ սահմանված է, որ ՀՀ-ում վարչապետին ռազմական և արտակարգ դրության պայմաններում չեն կարող անվստահություն հայտնել:

«Եթե մենք ռազմական առումով իրական վտանգ ունենք, թող հայտնեն հասարակությանը, չեն հայտնում, որ այս պահին անմիջական վտանգ կա, որևէ գործողության մասին չեն նշում, բայց ռազմական դրությունը շարունակում են պահպանել: Դա նշանակում է՝ ռազմական դրությունը օգտագործում են, որպեսզի Ազգային ժողովը չքննարկի վարչապետի անվստահության հարցը»,- ասաց Մ. Պողոսյանը:

Հիշեցնենք, որ Հայաստանում ռազմական դրություն է հայտարարված 2020 թ. սեպտեմբերի 27-ից:

Placeholder