05.05.2021. Արցախում կորոնավիրուս է հաստատվել 7 մարդու մոտ
Արցախում մայիսի 4-ին կատարվել է 99 թեստավորում, որի արդյունքում Արցախում հաստատվել է կորոնավիրուսային հիվանդության 7 դեպք: Վարակակիրները նախկինում հաստատված օջախների կոնտակտավորներ են:
Արցախի առողջապահության նախարարության հաղորդմամբ, կորոնավիրուսային հիվանդությամբ այս պահին ստացիոնար բուժում է ստանում 21 վարակակիր, իսկ թեթև ձևերը ամբուլատոր բուժում են ստանում տնային պայմաններում:
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 6714 քաղաքացու հետազոտություն, որից 802-ի մոտ արձանագրվել է դրական թեստի պատասխան։
Արցախի Հանրապետությունում, ընդհանուր առմամբ, հաստատվել է կորոնավիրուսային հիվանդության 2686 դեպք: Կատարվել է 24 169 թեստավորում:
Հարակից հրապարակումներ`
- 01.05.2021. Արցախում կորոնավիրուս է հաստատվել 4 մարդու մոտ
- Արցախում վեց ամսվա ընթացքում կորոնավիրուսի հետևանքով մահվան առաջին դեպքն է գրանցվել
- 28.04.2021. Արցախում կորոնավիրուս է հաստատվել 9 մարդու մոտ