Պակիստանում ՃՊՏ-ից 27 մարդ զոհվել է, 30-ը տուժել

Պակիստանի հյուսիս-արևելքում՝ Փենջաբ նահանգում, բախվել են ավտոբուսն ու կցորդը, ինչի հետևանքով զոհվել է առնվազն 27 մարդ, ևս 30-ը՝ տուժել: Գազետա.ռու-ի հաղորդմամբ, վթարը տեղի է ունեցել Դերա-Գազի-Հան քաղաքում:

Ըստ տեղեկությունների, ավտոբուսը գերազանցել է արագությունը և բախվել շրջանցիկ ճանապարհի մոտակայքում գտնվող կցորդին: Տուժածները տեղափոխվել են մոտակա հիվանդանոց: