Երկու ամսում Գորիս-Կապան ճանապարհից ադրբեջանական բյուջե է մուտքագրվել մոտ 1,1 մլն դոլար
Հայաստանի Սյունիքի մարզով անցնող Գորիս-Կապան ճանապարհի անցակետերում ադրբեջանական մաքսավորները երկու ամսվա ընթացքում հավաքել են 2 մլն մանաթ (մոտ 1,1 մլն դոլար)։ «Ռեգնումի» փոխանցմամբ, այդ մասին ասել է Ադրբեջանի պետական մաքսային կոմիտեի ղեկավար Սաֆար Մեհդիևը։
Թշնամական Ադրբեջանը մտել է ՀՀ տարածք, ապօրինաբար ու ՀՀ իշխանությունների լուռ կեցվածքի տակ անցակետ դրել, գումար է որպես «տուրք» գանձում, լցնում իր արյունոտ բյուջեն ու լկտիաբար հաշվետվություն ներկայացնում։
Ավելին՝ դեռ օգոստոսի 25-ին Ադրբեջանը փակում էր ՀՀ տարածքով անցնող, ՀՀ տարածքում ամբողջությամբ գտնվող Կապան-Գորիս միջպետական ճանապարհի Կարմրաքար-Շուռնուխ հատվածը, որտեղից հետո տրանսպորտային միջոցները տարհանվում են ՌԴ սահմանապահ ծառայողների բանակցությունների միջոցով։
ՀՀ տարածքում թշնամական երկիրը անցակետ է դնում, փակում է՝ երբ ուզում է, և բացում է երրորդ երկրի բանակցությունների արդյունքում։
«Իսկ հիմա պատկերացրեք, ինչ ա լինելու կոմունիկացիաների բացումից հետո».-զգուշացնում էր ադրբեջանագետ Անժելա Էլիբեգովան։
«Այդքան զգուշացնում եմ այս վտանգի մասին ու ասում եմ, թե ինչ պետք է անել ու հրատապ անել. ադրբեջանական զինված ծառայողների ներկայությունը ՀՀ Սյունքի համայնքների միջև ճանապարհներին հանցավոր է և վերջ: Դա ինքին խախտում է մարդկանց կյանքի, ազատ տեղաշարժման և միջազգայնորեն երաշխավորված այլ կենսական իրավունքներ:
Փաստերից ինձ համար ակնհայտ է, որ սա նախապես պլանավորված բացահայտ հանցագործություն է ՀՀ քաղաքացիական բնակչության դեմ»,-դեռ ամիսներ առաջ զգուշացրել էր ՀՀ ՄԻՊ Արման Թաթոյանը:
Հարակից հրապարակումներ`
- Որոտանի, Շուռնուխի և Բարձրավանի բնակիչների խնդիրները՝ Գորիս-Կապան ճանապարհը փակվելուց հետո
- Արման Թաթոյանը հրապարակել է Կապան-Ճակատեն ճանապարհին ադրբեջանական անօրինական արարքների փաստահավաք տվյալները
- Մեր քաղաքացիները մեր իսկ տարածքում ծուղակի մեջ են մնում ցանկացած պահի, երբ դա կուզեն ադրբեջանցիները. Էլիբեգովա
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը