WarGonzo նախագծի հեղինակ Սեմյոն Պեգովը հիվանդանոցից տեսաուղերձ է տարածել

Սոցիալական ցանցերում տեսանյութ է շրջանառվում, որից պարզվում է, որ WarGonzo նախագծի հեղինակ, ռուս ռազմական լրագրող Սեմյոն Պեգովը Դոնեցկի շրջանի Վոդյանոյ բնակավայրի մոտ վիրավորում ստանալուց հետո վիրահատվել է:

Հիվանդանոցում Պեգովը լրագրողներին հայտնել է, որ Դոնեցկի շրջանի առաջնագծերից մեկում նկարահանումներից վերադառնալիս իր գործընկերների հետ ընկել են կրակի տակ: Նրա խոսքով՝ իրենց վրա կրակել են նաև տանկերից:

Լրագրողին տեղափոխել են դոնեցկի հիվանդանոցներից մեկը և կադրերից երևում է, որ նա ոտքից էր վիրավորվել, և վիրահատությունն հաջող է անցել: