![](https://panorama.am/news_images/929/2785062_1/f63cf617cc637c_63cf617cc63cd.thumb.jpeg)
Զելենսկին արգելել է պաշտոնյաներին լքել Ուկրաինան
Ուկրաինայի իշխանություններն արգելել են մի շարք պաշտոնյաների և իրավապահների արտասահման մեկնել առանց պաշտոնական նպատակների։ «Ռիա Նովոստի»-ի փոխանցմամբ, այս մասին ասել է Վլադիմիր Զելենսկին։
Նա հայտնել է, որ մի քանի կարևոր հրամանագրեր է ստորագրել, որոնք վերաբերում են պաշտոնյաների արտասահման մեկնելուն։
«Արգելքը վերաբերում է կենտրոնական իշխանության և տեղական ինքնակառավարման տարբեր մակարդակների բոլոր քաղաքացիական ծառայողներին: Արտերկիր մեկնելն արգելված է նաև իրավապահներին, պատգամավորներին, դատախազներին և բոլոր նրանց, որոնք կարող են աշխատել պետության համար: Եթե հիմա ուզում են հանգստանալ, պետական ծառայությունից դուրս են հանգստանալու։ Պաշտոնյաներն այլևս չեն կարող մեկնել արտերկիր հանգստի կամ որևէ այլ ոչ պետական նպատակով»,- ասել է Զելենսկին իր տեսաուղերձում։
Նա հավելել է, որ հինգ օրվա ընթացքում Նախարարների կաբինետը պետք է մշակի պաշտոնյաների համար սահմանը հատելու այնպիսի ընթացակարգ, որ միակ հիմքը երկրից դուրս գալու լինի միայն ծառայողական գործուղումը։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)