![](https://panorama.am/news_images/930/2788408_1/f63d8f3d45605d_63d8f3d4560a0.thumb.jpg)
Հոլիվուդյան դերասան Մել Գիբսոնն այցելել է Գլենդելի հայկական եկեղեցի
Հոլիվուդյան հայտնի ռեժիսոր և դերասան Մել Գիբսոնն այցելել է Գլենդելի Սուրբ Գրիգոր հայկական կաթողիկ եկեղեցի (St Gregory Armenian Catholic Church)։ Դերասանի հետ լուսանկարներ են հրապարակել հայ համայնքի ներկայացուցիչները։
Հայտնի երգիչ Էնթոնի Բեզջյանը (Անտուան Բեզջյան) Գիբսոնի հետ լուսանկար է տարածել։
Բեզջյանի հետևորդները գրել են. «Երանի ես էլ հանդիպեի նրան», «Մելը եկավ մեր եկեղեցի. սուպեր!»։
«Ես այնքան հպարտ եմ, որ հանդիպել եմ այս լեգենդի հետ և հպարտ եմ նրա հավատքով մեր Փրկիչ Հիսուս Քրիստոսի հանդեպ և հայ ժողովրդի հետ նրա ունեցած կապով: Շնորհակալություն այսօր մեզ միանալու համար»,- Instagram-ում գրել է Ալինա Սամուելյանը՝ կցելով լուսանկար օսկարակիր դերասանի հետ։
Հիշեցնենք, որ Գիբսոնը 2020 թվականի աշնանը Արցախյան Երրորդ պատերազմի ժամանակ հանդես էր եկել ի պաշտպանություն հայ ժողովրդի։
«Ես շատ հայ ընկերներ ունեմ Միացյալ Նահանգներում։ Նրանք պատմեցին ձեր տառապանքների և կորստի մասին: Ես շատ եմ հարգում հայ ժողովրդին։ Հայերը մեծ սիրտ ունեն։ Նրանք ստիպված էին դիմակայել բազմաթիվ դժվարություններ, բայց մենք գիտենք, որ հայ ժողովրդի հնարավորություններն անսահման են»,- ասել է Գիբսոնը։
Դերասանն ընդգծել էր, որ այս դժվար պահին աղոթում է հայկական հարցի խաղաղ կարգավորման համար։
«Ուժեղ եղեք, իմ ընկերներ, շարունակեք նույն ոգով: Աստված օրհնի ձեզ»,-նշել էր Մել Գիբսոնը։
Мел Гибсон переживает из-за войны в Нагорном Карабахе и молится за весь армянский народ и за мирное разрешение конфликта. Публикуем его мнение по поводу событий в Арцахеhttps://t.co/zGB1QLXWBF pic.twitter.com/JR9Jrdi5Go
— RTVI US (@RTVi) October 26, 2020
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)