![](https://panorama.am/news_images/937/2810641_1/61184d9ed99979e5c3247956af1713dc.thumb.jpg)
ԱՀԿ-ն խոլերայի տարածման վտանգը համաշխարհային մակարդակով շատ բարձր է գնահատում
Առողջապահության համաշխարհային կազմակերպությունը կարծում է, որ խոլերայի վտանգը գլոբալ մակարդակում շատ բարձր է՝ պայմանավորված բռնկումների թվի աճով և դրանց աշխարհագրական ընդլայնմամբ։ Վեստի.ռու-ի հաղորդմամբ, այս մասին ասվում է կազմակերպության կայքում հրապարակված զեկույցում։
Նշվում է, որ բռնկումների աճող թվի, դրանց աշխարհագրական ընդլայնման, պատվաստանյութերի և այլ ռեսուրսների պակասի պատճառով ԱՀԿ-ն խոլերայի վտանգը շատ բարձր է գնահատում։
2023 թվականի փետրվարի 11-ին հրապարակվել են հիվանդության բռնկման վերջին տվյալները՝ կապված խոլերայի գլոբալ իրավիճակի հետ։ Այդ ժամանակից ի վեր իրավիճակը ավելի է վատացել, և ևս չորս երկրներ հայտնել են խոլերայի բռնկումների մասին: Ընդհանուր առմամբ 24 երկրներում այս պահին գրանցվում են խոլերայի դեպքեր:
ԱՀԿ-ի տվյալներով՝ երկրների մեծ մասը, որտեղ խոլերայի բռնկումներ են գրանցվել, գտնվում են Մերձավոր Արևելքում և Աֆրիկայում։
Լրահոս
Տեսանյութեր
![GG-ում խուզարկությունը ռեպրեսիա է. Ռուբեն Մելիքյան](https://panorama.am/video_images/17/49467_1/f666d7bfa4e699_666d7bfa4e6d9.jpg)
![Ապրում ենք իրավական ամենաթողության մեջ. Բագրատ Սրբազան](https://panorama.am/video_images/17/49449_1/f666d70d2be002_666d70d2be042.jpg)