
Թուրքն ո՞վ ա, որ հուշարձանը արգելի. Քաղաքացիները՝ Թուրքիայի կողմից օդային տարածքը փակելու մասին
Թուրքիան, ի պատասխան Երևանի կենտրոնում Նեմեսիս գործողությունն իրականացնողներին՝ Ազգային արժանապատվության ասպետներին նվիրված հուշարձանի բացմանը, փակել է օդային տարածքը հայկական ինքնաթիռների համար։ Panorama.am-ը փոքրիկ հարցման միջոցով փորձել է հասկանալ՝ քաղաքացիների կարծիքով, ո՞րը պետք է լինի հայկական կողմի արձագանքը։
«Լավ են արել տեղադրել են, վաղուց պիտի դնեին Նեմեսիսի արձանը, թուրքերից էդքան չպիտի վախենալ, անընդհատ հոխորտում են ու հոխորտում, հայերն էլ մի քիչ ուժեղ պիտի լինեն, էնպես որ շատ լավ են արել, որ տեղադրել են»,- ասաց քաղաքացիներից մեկը։
«Օդային տարծք փակելը ուղղակի կապիկություն ա»,- բնորոշեց մեկ այլ քաղաքացի։
Հարցվողներից շատերը կարծում են, որ համապատասխան քայլերը պետք է ձեռնարկի միայն կառավարությունը. «Կառավարության գործն ա քայլեր ձեռնարկելը, ժողովուրդն ի՞նչ պիտի անի։ Ինքնաթիռները շրջանցելով գալիս են, հո չեն մնալու ճանապարհին։ Պիտի աշխատանքներ տարվի, որ կարողանան բացեն»։
Քաղաքացիներից մեկն էլ պնդեց, որ քայլեր անելուց առաջ պետք է երկար մտածել.
«Ինձ թվում է պետք է ղեկավարությունը ճիշտ կողմնորոշվի, ու միանգամից որոշումներ չկայացնի, որ հետո հետադարձ հարված չունենա»,- պատասխանեց քաղաքացին։
Հարցման մասնակիցներից մեկի խոսքով էլ այլևս ոչինչ պետք չէ հանդուրժել. «Աչքի դեմ աչք, զզվել ենք Թուրքիայի և Ադրբեջանի վերաբերմունքից, որքան զիջես, էնքան առաջ կգնան, վաղը Երևան կհասնեն»։
Հարակից հրապարակումներ`
- «Նեմեսիս» հուշարձանը մեր հերթական թեստն է լինելու՝ արդյո՞ք մենք իսկապես արժանապատիվ ենք լինելու. Արտյոմ Երկանյան
- Ո՞վ կդառնա Նեմեսիսի հաջորդ թիրախը․ Արտյոմ Երկանյան
- Flyone-ը նոր չվերթներ է հետաձգել ու չեղարկել
- Flyone-ի ուղևորները Երևան հասնել չեն կարողանում