![](https://panorama.am/news_images/978/2931940_1/l_kdlzg7u985.thumb.jpg)
Բելգիայում այրվածքներով բուժում ստացող երեք տուժածից երկուսն ապաքինվել են. ԱՆ
Բելգիայում այրվածքներով բուժում ստացող երեք տուժածից երկուսն ապաքինվել են, շուտով կլինեն Հայաստանում: Մեկ տուժած կշարունակի բուժումը։
Առողջապահության նախարարությունից նաև հայտնում են՝ Անահիտ Ավանեսյանն իր երախտագիտությունն է հայտնել ՀՀ-ում Բելգիայի Թագավորության արտակարգ և լիազոր դեսպան Էրիկ Դե Մույնքին` Ստեփանակերտի մոտ տեղի ունեցած պայթյունից հետո Հայաստանին օգնության ձեռք մեկնելու համար:
«Շատ շուտով Բելգիան դեսպանություն կբացի Երևանում` ի նշան համերաշխության: Այդ ծանր օրերին տպավորված էի Բելգիական առաջին օգնության և աջակցության թիմի (B-FAST), ԵՄ քաղաքացիական պաշտպանության մեխանիզմի և ձեր համակարգված աշխատանքով` տուժածներին օգնելու հարցում»,-նշել է դեսպանը:
Քննարկվել են առողջապահական համակարգային բարեփոխումներն ու մի շարք ոլորտներում հնարավոր համագործակցությունը`
.առողջության համապարփակ ապահովագրության փորձագիտական աջակցություն
.այրվածքների կառավարման, մասնագիտական վերապատրաստման հնարավորություն
.դեղագործության ոլորտում կապերի խորացում
.ուռուցքաբանության ոլորտում գործընկերային կապերի հաստատում:
Ա. Ավանեսյանը վստահություն է հայտնել, որ դեսպանության բացումը նոր լիցք կհաղորդի առողջապահության ոլորտում երկկողմ հարաբերությունների զարգացմանը:
Հարակից հրապարակումներ`
- Ստեփանակերտի պայթյունի հետևանքով 150 անճանաչելի դիակ գտնվում է փորձաքննության բյուրոյում
- Ինչ է հայտնի ավելի քան 180 մարդու կյանք խլած Ստեփանակերտի պայթյունի գործով
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)