![](https://panorama.am/news_images/978/2932890_1/f6567056c25bea_6567056c25c2c.thumb.jpeg)
Զախարովա. Մոսկվան ծայրաստիճան անհանգստացած է Երուսաղեմի հայկական պարտեզի շուրջ ստեղծված իրավիճակից
Մոսկվան ծայրաստիճան անհանգստացած է Երուսաղեմի քրիստոնեական համայնքի ներկայացուցիչների դեմ սադրիչ գործողությունների հաճախակիացման մասին տեղեկություններից։ Այս մասին չորեքշաբթի՝ նոյեմբերի 29-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մասնավորապես, մենք ուշադրություն ենք դարձրել այն կոնֆլիկտային իրավիճակի վրա, որը ձևավորվել է Հին քաղաքում, այսպես կոչված, հայկական պարտեզի շուրջ։ Դրանք դատական գործընթացի առարկա են դարձել Երուսաղեմի Հայոց պատրիարքարանի և իսրայելական բնակեցման կողմնակից կազմակերպություններից մեկի միջև։
Չսպասելով դատավարության արդյունքներին՝ կազմակերպության ներկայացուցիչները սկսեցին վիճելի վայրում հյուրանոցային համալիրի կառուցման նախապատրաստական աշխատանքները, ինչը հանգեցրեց տեղի հայերի և հրեա արմատականների միջև բախումների։
Մենք կոչ ենք անում Իսրայելի իշխանություններին քայլեր ձեռնարկել՝ որպեսզի ապահովվի այս զգայուն հարցը լարդարացի և օրենքի սահմաններում լուծումը։ Կարծում ենք, որ երկրի բոլոր կրոնական համայնքների իրավունքները պետք է պաշտպանվեն նույն չափով։ Դեմ ենք ցանկացած անօրինական գործողությունների, որոնք ուղղված են Երուսաղեմի Հին քաղաքում պատմականորեն հաստատված էթնո-կրոնական հավասարակշռությունը փոխելուն, ներառյալ՝ դարեր շարունակ այնտեղ ապրած քրիստոնյաների, նրանց սրբավայրերի և ունեցվածքի դեմ ոտնձգություններին»,- նշել է նա։
Հարակից հրապարակումներ`
- Երուսաղեմի հայերը դիմադրում են զինված վերաբնակիչներին
- Պետք է հաղթահարենք ռիսկերը, որոնք սպառնում են Երուսաղեմի Հին քաղաքում 1600-ամյա հայկական ներկայության ամբողջականությանը. Թաթոյան
- Երուսաղեմի Հայոց պատրիարքարանը գտնվում է իր պատմության ամենամեծ գոյաբանական սպառնալիքի ներքո
- Երուսաղեմի Հայոց Պատրիարքություն. Երկրորդ կողմը զինված անվտանգության աշխատակիցներ և վարժեցրած շներ էր բերել «Կովերի պարտեզ» կալվածք
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)