«Ապրելու երկիր»-ը Ալավերդիում պատրաստ է նոր ընտրությունների. Մեսրոպ Առաքելյան

«Համայնքապետին անվստահությաւն հայտնելը ենթադրում է  ավագանու կողմից համայնքի նոր ղեկավարի ընտրություն, այսինքն չեն լինի արտահերթ ընտրություններ»,-լրագրողների հետ հանդիպմանը, անդրադառնալով Ալավերդիում ստեղծված իրավիճակին, ասաց «Ապրելու երկիր» կուսակցության քաղխորհրդի անդամ Մեսրոպ Առաքելյանը։

Նա նշեց, հաշվի առնելով համայնքապետարանում լարված իրավիճակը, որը խանգարում է քաղաքաի զարգացման աշխատանքներին, իր թիմակիցները փոխանցել են, որ պատրաստ են գնալ արտահերթ ընտրությունների։

«Իհարկե, ժողովուրդն է որոշում ընտրությունների արդյունքների։ Անհամեստություն չթվա, մեկ տարվա համատեղ կառավարման ընթացքում կատարված աշխատանքները մեզ վստահություն են տալիս, որ մենք կվերահստատենք։ Մենք պատրաստ ենք այսպես ասած վստահության հանրաքվեի»,-ասաց նա։