Թիվ 8 երթուղու միկրոավտոբուսում կատարված գողությունը բացահայտել են

ՆԳՆ ոստիկանության Արաբկիրի բաժնում դեկտեմբերի 1-ի ժամը 14.14-ին հաղորդում տված 64-ամյա կինը հայտնել էր, որ ժամը 12.40-ից ժամը 13.05-ն ընկած ժամանակահատվածում Դավիթաշենի 4-րդ թաղամասից մինչև Բաղրամյան պողոտայի՝ Մետրոպոլիտենի կանգառն ընկած ճանապարհատվածում թիվ 8 երթուղու միկրոավտոբուսում երեք անհայտ անձինք իր պայուսակից գողացել են դրամապանակը, որի մեջ բանկային քարտեր և 44 000 դրամ կար, սակայն հանցագործությունն ավարտին չեն հասցրել, քանի որ ձերբակալվել ոստիկանության ծառայողների կողմից:

Ոստիկանությունից հայտնում են՝ նշված վայրում գտնվող ՆԳՆ ոստիկանության Մալաթիայի բաժնի ծառայողները, լսելով կնոջ դրամապանակը գողանալու մասին, ձերբակալել և ոստիկանության Արաբկիրի բաժին են ներկայացրել 30-ամյա, 33-ամյա և 29-ամյա երեք երիտասարդի:

Գողոնը հայտնաբերվել է: Ձերբակալվածները և կազմված փաստաթղթերը ներկայացվել են քննչական բաժին: