Այսօրվա իշխանությունները փակել են ականջները, աչքերը. Շաքե Իսայան

«Փաստն այն է, որ այսօրվա իշխանությունները փակել են ականջները, աչքերը, ունեցել են, ինչպես իրենք են պնդում, մեկ հստակ պայման՝ խաղաղության օրակարգ և ամեն գնով գնում են այդ խաղաղության օրակարգին»,- «Այլընտրանքային նախագծեր» խմբի կազմակերպած «Ի՞նչ ուղերձ ենք հղում հասարակությանը» թեմայով պանելային քննարկմանն ասաց ԱԺ նախկին պատգամավոր (ԲՀԿ) Շաքե Իսայանը։

Նա նշեց՝ հակված է մտածելու, որ օրվա իշխանությունները բոլորիս ուզում են ապացուցել, որ Ադրբեջանն ու Թուրքիան թույլ են տալու Հայաստանի խաղաղ գոյությունը, հայերի բնակեցումն այս տարածքում։

«Տեսնում ենք, որ ամեն անգամ խաղաղության օրակարգին հաջորդում է  նոր պահանջ, օրվա իշխանությունները զիջում են, արդեն քննարկման թեմա է մեր Սահմանադրությունը»,- ասաց Շ.Իսայանը։

Ըստ քաղաքական գործչի, Բաքվում պահվող ռազմագերիների կադրերի ցուցադրումը, այն ազդակները, որոնք գալիս են Ադրբեջանից,  մեր բոլորիս արժանապատվության, ազգային ինքնության  հարցն է։

Մանրամասն՝ տեսանյութում։