![](https://panorama.am/news_images/995/2984986_1/420234381_940491081414662_4177949713834026916_n.thumb.jpg)
Կոնսերվատորիայի ուսանողը Արվեստների միջազգային մրցույթում արժանացել է 1-ին մրցանակի
Երևանի Կոմիտասի անվան պետական կոնսերվատորիայի Հայ ավանդական երաժշտության կատարողական արվեստի ամբիոնի պրոֆեսոր Արզաս Ոսկանյանի մասնագիտական դասարանում սովորող Արա Գյուլբեկյանը ՅՈՒՆԵՍԿՕ-ի կատարողական արվեստների համաշխարհային ասոցիացիայի Արվեստների միջազգային մրցույթ «ЛУЧШИЙ-2024»-ի՝ «Ժողովրդական երգ» անվանակարգում արժանացել է 1-ին մրցանակի։
Արա Գյուլբեկյանը մինչ կոնսերվատորիա ընդունվելը սովորել է ծննդավայրի՝ Ախալքալաքի մշակույթի տանը։ Երգեցողության նրա առաջին ուսուցիչը եղել է Աշուղ Ալիք Ջավախքը (Ալիկ Քսպոյան)։ Այսօր նա մասնագիտանում է պրոֆեսոր Արզաս Ոսկանյանի ղեկավարությամբ։
Կոնսերվատորիայից նշում են, որ Արա Գյուլբեկյանը մասնակցել է բազմաթիվ մրցույթների, որոնցից առանձնացնում է Ջավախքում կայացող «Գարուն» փառատոնի դափնիները։ Առանձնահատուկ էր այս անգամվա՝ ՅՈՒՆԵՍԿՕ-ի կատարողական արվեստների համաշխարհային ասոցիացիայի մրցույթ-փառատոնը․ կատարել է Սայաթ Նովայի երգերի շարք։ Ամեն մրցութային հաղթանակը նրան հույս է տալիս, որ տարիներ հետո կհասնի ավելի մեծ բեմեր։
Արա Գյուլբեկյանի համար Կոնսերվատորիան Կոմիտասի ու հայ երաժշտարվեստի մեծերի ամենակարևոր խորհրդանիշն է և իր երազանքն է արժանանալ նրանց անուններին։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)