![](https://panorama.am/news_images/998/2991301_1/5.thumb.jpg)
Սերգեյ Մելքոնյան. Օրինաչափություն է՝ չկա հայ բնակչություն, չկա ռուսական ներկայություն
«Արցախից ռուս խաղաղապահների դուրսբերումն անակնկալ չէր։ Ինձ համար այն, ինչ կատարվում է, ևս մեկ անգամ հաստատում է դարերի օրինաչափությունը՝ տարածաշրջանում չկա հայ բնակչություն, չկա ռուսական ներկայություն. լինի Կարսը, Էրզրումը և Տրապիզոնը, թե Լեռնային Ղարաբաղը»,-նշում է պատմական գիտությունների թեկնածու, վերլուծաբան, APRI Armenia-ի գիտաշխատող Սերգեյ Մելքոնյանը։
Նրա խոսքով, սակայն դրանից ոչ միայն պատմական դասեր չի քաղում Հայաստանը, այլև Ռուսաստանը։
«Բայց այդ դասերը լավ սովորեցին Բաքվում, Անկարայում և ոչ միայն։ Սա մեզ համար ցուցանիշ պետք է լինի, որ այլ դերակատարների շահերը չպետք է գերագնահատել՝ սրա շուրջ դավադրության տեսություններ կառուցելով, հատկապես «նրանք եկել են, որ հանձնեն» ոգով։ Այդ դեպքում կարող էին ուղղակի չգալ, Երևանն արդեն հանձնել էր։
Բայց կարևոր է մեկ այլ ցուցանիշ. եթե 2023 թվականին Հայաստանը ոտքի չկանգնեց պաշտպանելու Արցախը, ապա ուրիշ ոչ ոք չի կանգնի։ Հիմա սա արդիական է «անկլավների» համատեքստում»,-նշում է նա։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)