![](https://panorama.am/news_images/1001/3002971_1/294781298_5469041109824551_6230937434074333917_n.thumb.jpg)
ԵՊՀ-ում չկա և չի կարող լինել քաղաքական որևէ գործընթաց․ ԵՊՀ-ի արձագանքը
ԵՊՀ-ը հայտարարություն է տարածել, որում ասվում է․
«Ընդդիմադիր մի շարք լրատվամիջոցներում տարածվում է տեղեկատվություն, թե իբր ԵՊՀ 50-ից ավելի դասախոսներ միացել են անհասկանալի ինչ-որ հայտարարության, ինչը չի համապատասխանում իրականությանը։
Չնայած հանգամանքին, որ քաղաքական մի շարք ուժեր և անհատներ, նենգափոխելով ու խեղաթյուրելով իրականությունը, փորձում են Երևանի պետական համալսարանին ներքաշել քաղաքական գործընթացների մեջ, վստահեցնում ենք՝ ԵՊՀ-ում չկա և չի կարող լինել քաղաքական որևէ գործընթաց։
Համալսարանն ապաքաղաքական կրթական հաստատություն է, որը շարունակում է իրականացնել իր առաքելությունը»։
Հատկանշական է ԵՊՀ-ի հայտարարության տակ տեղ գտած արձագանքները։ Մասնավորապես, քաղաքացիներն այսպես են արձագանքել․ «ԵՊՀ-ն, եթե փախստականների ճամբար չի, ապա իր խոսքը պիտի ասի` տեղի ունեցող սահմանազատման ու սահմանագծման մասին։
Հարգում եմ խղճով և սկզբունքներով առաջնորդվող մտավորականներին»։
«1988- ին ԵՊՀ- ն եղել է շարժման առաջամարտիկ, թե' դասախոսական, թե' ուսանողական կազմով...»։
«Ինչ կրթական, շատ-շատ՝ ուսումնական այսպե՞ս են կրթում»։
Նշենք, որ ԵՊՀ ավելի քան 5 տասնյակ դասախոսներ աջակցում են շարժմանը և պահանջում Նիկոլ Փաշինյանի հրաժարականը։
Հարակից հրապարակումներ`
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)