Ձեր վստահելի աղբյուրը

Գործող իշխանությունը՝ Նիկոլ Փաշինյանի գլխավորությամբ, ունի աննախադեպ ցածր վարկանիշ։ Հասարակության գերակշիռ հատվածը դժգոհ է իշխանությունների վարած քաղաքականությունից։ Այս ամենի ֆոնին Բագրատ Սրբազանի առաջնորդած շարժմանը չի հաջողվում կարճ ժամանակահատվածում հեռացնել Նիկոլ Փաշինյանին և պայքարը թևակոխում է նոր փուլ՝ նոր ձևաչափով։ Սրբազան շարժման վերաբերյալ սոցիոլոգիական հարցումների արդյունքների և ընթացող զարգացումների վերաբերյալ իր դիտարկումները  «Panorama-հարցազրույց»-ի տաղավարում հայտնեց «GALLUP International Association»-ի Հայաստանում լիիրավ անդամ, «Էմ Փի ՋԻ» ՍՊԸ-ի տնօրեն Արամ Նավասարդյանը։

▪Մենք ասել ենք և պնդում ենք, որ Նիկոլ Փաշինյանի ռեյտինգը, եթե համեմատում ենք 2018 թվականի հետ գրեթե ոչնչացել է, որովհետեև մարդ-կուսակցությունը, որն ուներ գրեթե 80 % ռեյտինգ, այժմ գրանցել է գրեթե 12.8 %։

▪Շատ հետաքրքիր փոփոխություններ են եղել։ Վերջին տարիներին Նիկոլ Փաշինյանն ուներ ավելի բարձր անձնական ռեյտինգ, քան Քաղաքացիական  պայմանագիր կուսակցությունը, բայց հարցումների վերջին մի քանի փուլերի ընթացքում, երբ մենք հարցնում ենք, թե քանի տոկոսն է վստահում Նիկոլ Փաշինյանին, ապա վերջին ցուցանիշը 9.1 %-է և եթե համեմատում ենք ՔՊ-ի հետ՝ միանշանակ ավելի ցածր է։  Այնտեղ կա նաև «որոշ չափով վստահելու» տոկոսը, բայց եթե խոսում ենք ՔՊ-ի, կամ Նիկոլ Փաշինյանի կուռ հետևորդների մասին, ապա նրանք շուրջ 10 %-ն են մնացել։

▪Եթե ես ասում եմ, որ ամեն ինչ նորմալ չէ իշխաղ կուսակցության համար, ապա այն չի նշանակում, որ ամեն ինչ նորմալ է տիտուլային ընդդիմության համար։ Ցավոք սրտի, այդպես էլ չէ։ Եթե չեմ սխալվում՝ «Հայաստան» դաշինքն ունի շուրջ 5 %, այնուհետև գալիս է Վարդան Ղուկասյանի «Դոգ կուսակցությունը», հետո «Պատիվ ունեմը» իսկ դրանից հետո այնքան ցածր են տոկոսները, որ անգամ կարելի է չանդրադառնալ։

▪Հարցումների ընթացքում Բագրատ Սրբազանն որպես լիդեր նշվել էր երկրորդ տեղում՝ Նիկոլ Փաշինյանի ղեկավարած  թիմից հետո։ Այսինքը եթե դիտարկենք, որ Սրբազանի շարժումը կուսակցություն է և նա լիներ կուսակցության առաջնորդը, ապա նա ընդդիմության մեջ կունենար հնարավոր առավել շանսերը։

▪Դա չի նշանակում, որ նախկինները պետք է պախկվեն, ասեն՝ չե, մենք նախկինը չենք, նախկինը դուք եք։ Այդ հռետորաբանությունը կարծում եմ ժամանակավրեպ է, հաշվի առնելով այն արհավիրքները, որ գործել են այս իշխանությունները։ Ինչ-որ տեղ նախկինները կարող են հպարտ լինել իրենց նախկին լինելով՝ համեմատելով այն արդյունքները, որոնք գրանցել է Հայաստանի Հանրապետությունն իրենց իշխանության ժամանակ և այն ինչ մենք ունենք հիմա։

▪Եթե համեմատում ենք այն արդյունքները, որոնք գրանցել էին նախկին իշխանությունները և այն, ինչ հիմա է գրանցվում, ապա մենք տեսնում ենք, որ Նիկոլ Փաշինյանը կարող անձ է բացասական տիրույթում։ Նա կարողացել է գրեթե մեր կյանքի բոլոր ոլորտները խարխլել և ոչնչացնել։ Միայն այն փաստարկը, որ մեկ անձից գնումների ծավալներն անգամներով ավելացել են, ինչ էլ խոսեն, ինչ ռազմավարության մասին ել ասեն, միևնույնն է՝ միայն այդ փաստը բավարար է պնդելու, որ Նիկոլ Փաշինյանի իշխանությունն առավել  է թաթախված կոռուպցիոն գործարքների մեջ քան նախկինները։ Այնպես, որ նախկիններ և ներկաներ խոսույթն առտոչինչ է։

Հարցազրույցն ամբողջությամբ՝ կից տեսանյութում։