
Սուրեն Շահվերդյանը փակագծեր է բացել «Չէին սպասում» հաղորդումը լքելու մասին
Ռեժիսոր, հաղորդավար Սուրեն Շահվերդյանը փակագծեր է բացել «Չէին սպասում»-ը լքելու մասին։
«22 տարի այդ հաղորդումը վարել եմ ես։ Անընդատ սերիլաներ են նկարահանվում, նոր սիրված կեպարներ են ի հայտ գալիս, ովքեր հետաքրքրում են մեր հասարակությանը։ Բայց վերջին ամիսներին մենք մեծամասամբ նկարում էինք բլոգերների, վլոգերների, տիկ-տոկում, Ինսթագրամում հայտնի կերպարների, որոնց հետ իմ զրույցն առանձնապես չէր ստացվում, որովհետև ինձ համար մարդն իր խորությամբ, իր գիտելիքներով է հետաքրքիր, ոչ թե իր առօրյան ինչպես է անցկացնում, քանի հետևորդ ունի։ Ցավոք նշեմ, որքան տափակ է իրենց նյութը, այդքան շատ են դիտում։ Իմ երկխոսությունն առանձնապես չէր ստացվում։ Ստացվում էր, որ ես գնում եմ, այդ մարդկանց փորձում ասել՝ ինչ-որ մի բան սխալ է, փոխեք ձեր կոնտենտը, փորձեք 4 գիրք կարդալ, որովհետև մարդ պետք է գիտելիքներ ունենա, որ հետաքրքիր լինի։
«Չէին սպասում»-ից հեռանալու բուն պատճառը՝ Դավիթի հետ (հաղորդման հեղինակ, պրոդյուսեր, օպերատոր Դավիթ Վարդանյան) կոնֆլիկտ ունեցա, այդ ամենը բերեց նրան, որ մեր միասին համագործակցությունն այլևս անհնար է։ Ես շատ համբերատար եմ, ռեժիսորի համերություն ունեմ, փորձում եմ մտնել մարդու դրության մեջ, հասկանալ՝ ինչու է այսպիսին, այնպիսին։ 22 տարի անց եղավ կոնֆլիկտ, եթե փորձեի ներել մեր մեջ ծագած տարաձայնությունն ու խնդիրը, ես ինքս պետք է սկսեի ինձ չհարգել։ Կարող եմ նույնիսկ չակերտները բացել, լուրջ ֆինանսական կողմնակի եկամուտից զրկվել եմ, բայց ինքս ինձ հարգելը շատ ավելի կարևոր է, քան այս կյանքում որևէ մի բան։ Զիջում չեղավ, կտրուկ վերջակետ դրվեց։ Ավելին ասեմ, Դավիթի հետ երկու ամիս չեմ շփվում։
Կարծում եմ, միգուցե կգա մի ժամանակ, Դավիթը կհասկանա իր սխալը, կարտահայտվի դրա մասին։ Ես գիտեմ, որ դա տեղի կունենա։ Վստահ եմ՝ գիտակցում է, ինչ է արել և վստահ եմ, մի օր կհանդիպենք և կասի այն, ինչ պետք է ասի, ես կասեմ՝ հասկացա։ Չակերտներ չեմ ուզում բացել, որովհետև վատ նստավածք չկա, ուղղակի ես լինելով ռեժիսոր, ես հասկանում եմ իր տեսակը, իր անհեթեթ, միգուցե ոչ սթափ վիճակում խոսակցությունը։ Գիտեմ, բայց կա մի սահման, կներեք, մինչև ինչ-որ մի բան տեղի չունենա, ես ինքս չեմ կարող ինձ հարգել, եթե շարունակեմ նրա հետ շփվեմ։ Իմիջացյլոց, այսքան անկեղծ երևի չի կարելի լինել, բայց փորձում եմ անկեղծ, բաց ասել։
Մարդիկ խնդիրներ ունեն, որովհետև հայտնվում են իրավիճակներում, որտեղ գործում են սխալ։ Ես կգործեմ սխալ, եթե այս պահին անեմ այն, ինչ չպետք է անեմ»,- LIFEROOM հաղորդման ժամանակ մանրամասնել է Սուրեն Շահվերդյանը։
Լրահոս
Տեսանյութեր

Հարկերը վճարենք ու տեսնենք, թե իրենք ինչ ցոփ ու շռայլ կյանք են վարում. Տնտեսվարողներ


