Ամենից շատ կարդացված նյութեր
.jpg "Դատարանը Վարդան Ղուկասյանի նկատմամբ հնարավոր բոլոր սահմանափակումները կիրառեց. փաստաբան")
Դատարանը Վարդան Ղուկասյանի նկատմամբ հնարավոր բոլոր սահմանափակումները կիրառեց. փաստաբան
«Դատարանը Վարդան Ղուկասյանի նկատմամբ հնարավոր բոլոր սահմանափակումները կիրառեց՝ տեսակցությունների, հյուրեր ընդունելու, հրապարակային խոսքի, հեռախոսազրույցների արգելք»,- դատական նիստից հետո ասաց Գյումրու քաղաքապետ Վարդան Ղուկասյանի պաշտպան Արամայիս Հայրապետյանը։
Ըստ նրա, այս դեպքում տնային կալանքի ու կալանքի տարբերությունը միայն պահման պայմաններն են՝ այն ժամանակ ՔԿՀ-ում, հիմա կլինի տանը՝ առավել սահմանափակումներով։
Ա. Հայրապետյանն ասաց, որ պաշտպանները թեև միջնորդել էին վարչական հսկողություն խափանման միջոցի կիրառումը, սակայն դատարանը գտավ, որ այս փուլում տնային կալանք է բավարար։
Հիշեցնենք՝ Հակակոռուպցիոն դատարանը փոխեց Գյումրու քաղաքապետ Վարդան Ղուկասյանի փախանման միջոց կալանքը։ Նրա նկատմամբ կիրառվեց երեք ամսով տնային կալանք և 15 միլիոն դրամ գրավ։ Հանրային մեղադրողը միջնորդել էր ևս երեք ամսով երկարաձգել Ղուկասյանի խափանման միջոց կալանքը։
Studio One