Տնտեսություն

ԿԱՐՃ ԼՈՒՐԵՐ

20:00 Աշխարհում
Ճապոնիայի լողափերում ատոմային ռմբակոծության հետքեր են գտել

Ապակե մանրադիտակային մասնիկներում աղետի հետևանքով ոչնչացված քաղաքային շենքերի փոշի և բեկորներ են եղել:

19:31 Աշխարհում
Տալլինում անցկացվող Էլեկտրոնային կառավարման 5-րդ միջազգային համաժողովի շրջանակներում կայացած նախարարական պանելի ընթացքում ելույթ է ունեցել

ՀՀ տրանսպորտի, կապի և տեղեկատվական տեխնոլոգիաների նախարար Հ. Արշակյանը։ Իր ելույթում նախարարը ներկայացրել է Հայաստանի ազգային թվային օրակարգի տեսլականը, ինչպես նաև տեխնոլոգիական ոլորտի զարգացմանն ու առաջընթացին ուղղված ՀՀ կառավարության առաջնահերթությունները, այդ ուղղությամբ իրականացվող աշխատանքները։
Աղբյուր՝ mtcit.am

19:16 Հայաստան
Արդարադատության նախարարի առաջին տեղակալ Ա. Ասատրյանն ընդունել է Թրանսփարենսի ինթերնեշնլ հակակոռուպցիոն կենտրոնի ներկայացուցիչներին՝ միջազգային փորձագետ Լյուբեն Պանովի գլխավորությամբ

Կողմերը քննարկել են հասարակական կազմակերպությունների ֆինանսական հաշվետվողականությանն առնչվող մի շարք հարցեր: Փոխնախարար Ասատրյանը ողջունել է հասարակական կազմակերպության ներկայացուցիչներին Արդարադատության նախարարությունում՝ կարևորելով ԹԻՀԿ-ի հետ համագործակցության հարուստ փորձը և գործընկերային բարձր հարաբերությունները:
Աղբյուր՝ ՀՀ ԱՆ

19:00 Հայաստան
Տեղի է ունեցել նախարարի տեղակալ Մանե Ադամյանի հանդիպումը Եվրոպական հանձնաժողովի Հարևանության և ընդլայնման հարցերով գլխավոր տնօրինության՝

Հայաստանի, Ադրբեջանի, Բելառուսի և Արևելյան գործընկերության հարցերով բաժնի ղեկավար Վասիլիս Մարագոսի հետ: Քննարկվել են ՀՀ-ԵՄ համագործակցության շրջանակներում ԵՄ կողմից Հայաստանին տրամադրվող տեխնիկական և բյուջետային աջակցության ծրագրերին, աջակցության գործիքներին, այդ շրջանակներում 2018թ. ընթացքում նախատեսվող գործընթացներին, դրանց իրականացման քայլերին և համապատասխան իրազեկմանն ուղղված միջոցառումներին, ինչպես նաև երկկողմ առավել արդյունավետ համագործակցության շարունակականության ապահովմանն առնչվող հարցեր։
Մամուլի հաղորդագրություն

 

18:33 Հայաստան
ՀՀ տարածքային կառավարման և զարգացման նախարար Ս. Պապիկյանն անց է կացրել Հաղթանակի և խաղաղության ու Հանրապետության տոներին նվիրված միջոցառումների նախապատրաստման

և կազմակերպման միջգերատեսչական հանձնաժողովի հերթական նիստը։ Նախարարը միջգերատեսչական հանձնաժողովի կազմում ընդգրկված կառույցների ներկայացուցիչների հետ քննարկել է Հանրապետության տոնին նվիրված միջոցառումների կազմակերպմանը և համակարգմանն ուղղված մի շարք հարցեր։ Մասնավորապես՝ հստակեցվել են նախատեսվող միջոցառումների ծրագիրը, պատասխանատու և աջակցող գերատեսչությունների գործառույթները, ինչպես նաև տոնակատարությունների բովանդակային, թեմատիկ, խորհրդանշական և արարողակարգային բաղադրիչները։
Մամուլի հաղորդագրություն

16:20 Հայաստան
ՀՀ ԿԳ նախարար Ա. Հարությունյանը և Միջազգային բակալավրիատի Աֆրիկայի, Մերձավոր Արևելքի և Եվրոպայի գրասենյակի ներկայացուցիչները քննարկել են

Հայաստանում գործող Միջազգային բակալավրիատի ծրագրերով հավաստագրված երեք դպրոցներում՝ Դիլիջան UWC, Քվանտ վարժարանում և Շիրակացու ճեմարանում ծրագրի ներդրման արդյունքները: Անդրադարձ է եղել ծրագրի ճանաչման, համադրելիության և ՀՀ բուհական համակարգում ՄԲ շրջանավարտների ընդգրկման հնարավորության հարցերին: ԿԳ նախարարը նշել է, որ վերոնշյալ դպրոցները ՄԲ ծրագրերով դրական արդյունքներ են արձանագրել, և պետք է աշխատել, որ ծրագիրը բուհերի ընդունելության ազգային համակարգի հետ համադրելի լինի՝ չառաջացնելով լրացուցիչ խնդիրներ:
Աղբյուր՝ ՀՀ ԱԳՆ
 

15:05 Հայաստան
Փոխվարչապետ Մ. Գրիգորյանն ընդունել է Շվեդիայի միջազգային զարգացման համագործակցության գործակալության ներկայացուցիչներին՝ Հայաստանում Շվեդիայի դեսպան Ու. Թիդեստրյոմի գլխավորությամբ

Մ. Գրիգորյանը նշել է, որ Շվեդիայի պես գործընկերոջ հետ հարաբերությունները խորացնելու յուրաքանչյուր հնարավորություն բարձր է գնահատվում Կառավարության կողմից: Փոխվարչապետն անդրադարձել է Արժույթի միջազգային հիմնադրամի և Համաշխարհային բանկի հետ ունեցած համագործակցության շրջանակին և հյուրերին հակիրճ ներկայացրել Կառավարության գերակայություններն ու երկրում կատարվելիք բարեփոխումները:
Աղբյուր՝ gov.am

14:30 Հայաստան
Մ. Հայրապետյանը «Հայաստան» համահայկական հիմնադրամի գործադիր տնօրեն Հ.Արշամյանին ներկայացրել է հիմնադրամը փաստացի համահայկական դարձնելուն միտված առաջարկ.

ամենամյա հեռուստամարաթոն-դրամահավաքի արդյունքում հավաքագրված գումարի որոշակի մասն ուղղել Սփյուռքի հայկական համայնքների ուժեղացման տարբեր ծրագրերի։ Ըստ Հայրապետյանի` սա Սփյուռքի հետ հարաբերություններում բոլորովին նոր քաղաքականություն վարելու իրենց նախընտրական ծրագրի կետերից մեկն է, որի շնորհիվ Հայաստանը կարևորագույն դեր կունենա Սփյուռքի բազմազան համայնքների, կազմակերպությունների, հաստատություների ուժեղացման գործում, կաջակցի դժվարության մեջ հայտնվածներին, կլուծի հրատապ խնդիրները:
Մամուլի հաղորդագրություն

14:16 Հայաստան
Ռուսաստանաբնակ եղբայրներ Սերգո և Սամվել Ստեփանյանները շուրջ 100մլն. դրամի ներդրում են կատարել Հայաստանում

Նրանք ֆինանսավորել են Կոտայքի մարզի Նոր Երզնկա համայնք տանող 3 կմ ճանապարհի կառուցումը, որը անկախացումից ի վեր չէր վերանորոգվել:
Մամուլի հաղորդագրություն

12:15 Հայաստան
Աշխարհի տարբեր անկյուններում այսօր շնորհավորանքներ կհնչեն Շառլ Ազնավուրի ծննդյան առիթով

Բաց այսօր առաջին անգամ այդ շնորհավորանքները նրան չեն հասնի, կթևածեն օդում և մթնոլորտը կլցնեն Ազնավուրին հատուկ պարզ անկեղծությամբ: Մեր շշուկները նրան չեն հասնի, բայց մեկ է, նա էլի իր գործը կանի, ինչպես նրա երգի ամեն մի հչյունը՝ մեզ կվարակի ու կհարստացնի իր լուսավոր ջերմությամբ:
«Բուկինիստ» գրախանութի ֆեյսբուքյան էջ

11:00 Աշխարհում
1859 թվականին այս օրը ծնվել է շոտլանդացի բժիշկ և գրող Արթուր Կոնան Դոյլը

Գրել է պատմական, արկածային և գիտաֆանտաստիկ ժանրի ստեղծագործություններ։

10:39 Աշխարհում
ՀՀ տրանսպորտի, կապի և տեղեկատվական տեխնոլոգիաների նախարար Հ. Արշակյանի գլխավորած պատվիրակությունը մայիսի 21-22-ը Տալլինում մասնակցում է

էլեկտրոնային կառավարման 5-րդ միջազգային համաժողովին։ Համաժողովի հանդիսավոր բացման ընթացքում ելույթներով հանդես են եկել Էստոնիայի նախագահ Կ. Կալյուլայդը, ՄԱԿ-ի փոխքարտուղար Ֆ. Հոսչիլդը, Եվրոպական հանձնաժողովի փոխնախագահ Ա. Անսիպը։ Ներկայացուցչական այս համաժողովը առանձնահատուկ մի հարթակ է էլեկտրոնային կառավարման ոլորտի մասնագետների և փորձագետների հանդիպման, փորձի փոխանակման համար։
Աղբյուր՝ mtcit.am

10:25 Աշխարհում
Մայիսի 17-ին ԱՄՆ-ում ՀՀ դեսպան Վ. Ներսեսյանը հանդիպել է ԱՄՆ պետքարտուղարի` կրթության ու մշակույթի հարցերով տեղակալ Մ. Ռոյսի հետ

Դեսպան Ներսեսյանը պետքարտուղարի տեղակալ Ռոյսին ներկայացրել է վերջին շրջանում ԱՄՆ-ում հայ հասարակությանն ու մշակույթին նվիրված միջոցառումների, այդ թվում` Սմիթսոնիան «Ֆոլքլայֆ» փառատոնի հայկական ծրագրի (որին նաև մասնակցել է Մարի Ռոյսը) ու Մետրոպոլիտան թանգարանի աննախադեպ «Հայաստան» ցուցադրության արդյունքները: Նա նաև խոսել է 2020-2021թթ. համար նախատեսվող մի շարք մշակութային նախաձեռնությունների, այդ թվում` 2020թ. Վաշինգտոնի ազգային տաճարի ու PostClassical նվագախմբի հետ համատեղ կազմակերպվելիք «Նռան գույնը. հայկական ոդիսական» փառատոնի մասին:
Աղբյուր՝ ՀՀ ԱԳՆ

10:12 Հայաստան
ՀՀ տարածքային կառավարման և զարգացման նախարարի տեղակալ Լ. Շուշանյանը մասնակցել է

«Բնական պաշարների կառավարում և էկոհամակարգային ծառայությունների պահպանություն՝ Հարավային Կովկասում կայուն համայնքային զարգացման նպատակով»(ECOserve) ծրագրի արդյունքների մոդելի քննարկմանը: Փոխնախարարն իր ողջույնի խոսքում բարձր է գնահատել կենսաբազմազանության կայուն կառավարման ոլորտում Գերմանիայի միջազգային համագործակցության ընկերության հետ առկա համագործակցությունը, միաժամանակ նշելով, որ այս նոր ծրագրի հաջողության գրավականը պետք է լինի դեռևս նախնական փուլում կարիքների ճիշտ գնահատումը, ինչպես նաև շահառուների կողմից փոխհամաձայնեցված և թիրախային միջոցառումների պլանավորումը:
Մամուլի հաղորդագրություն

19:31 Աշխարհում
ԳԴՀ Բրանդենբուրգ երկրամասի Լանդթագի պատգամավոր Պետեր Ֆիդան նախաձեռնել է իր ընտրատարածքում՝ Բերնաու քաղաքում, Լեռնային Ղարաբաղի վերաբերյալ միջոցառում,

որի ընթացքում Պետեր Ֆիդան հանդես է եկել բանախոսությամբ՝ անդրադառնալով Լեռնային Ղարաբաղի հակամարտությանը: Պատգամավորը ներկայացրել է իր կատարած ճամփորդությունից լուսանկարներ, Արցախի զբոսաշրջության լայն հնարավորությունները, հարուստ բնությունն ու պատմամշակութային ժառանգությունը: Այնուհետև ԼՂ հակամարտության խաղաղ կարգավորման ուղղությամբ գործադրվող ջանքերի ներկայիս փուլի մասին խոսել է ԳԴՀ-ում ՀՀ դեսպան Աշոտ Սմբատյանը, ով պատասխանել է նաև ներկաների բազմաթիվ հարցերին:
Աղբյուր՝ ՀՀ ԱԳՆ

19:16 Հայաստան
Մայիսի 19-ին «Զվարթնոց» պատմամշակութային արգելոց-թանգարանի տարածքում անցկացվել է Տոլմայի համահայկական 9-րդ փառատոնը

«Հայ խոհարարական ավանդույթների զարգացման և պահպանման» ՀԿ-ի կազմակերպած փառատոնին մասնակցել է նաև պաշտպանության նախարարության թիմը և «Լավագույն տեսք» անվանակարգում արժանացել Ոսկե մեդալի։ Փառատոնի նպատակը հայկական ավանդական ուտեստի՝ տոլմայի ժողովրդականացումն ու հայկական մշակույթի՝ հայկական խոհանոցի ոչ նյութական արժեքների ամրապնդումն է:
Մամուլի հաղորդագրություն

19:00 Հայաստան
1-ին զորամիավորումում անցկացվել է մարտական հրաձգությամբ ցուցադրական զորավարժություն` տանկային, մոտոհրաձգային և հրետանային ստորաբաժանումների ներգրավմամբ

Ուսուցանվող կազմին ցուցադրական կետերում ներկայացվել է զորավարժության նախապատրաստման և անցկացման կարգը: Զորավարժությանը ներգրավված ստորաբաժանումները հաջողությամբ կատարել են առաջադրված բոլոր խնդիրները: Զորամիավորման հրամանատար, գնդապետ Ժ. Պողոսյանը բարձր է գնահատել զորավարժության արդյունքները:
Մամուլի հաղորդագրություն

18:33 Հայաստան
Մայիսի 20-ին «Արթիկ» քրեակատարողական հիմնարկի աշխատակիցը վարչական տարածքում գործող հացի արտադրամասի մուտքի մոտ դրված ալյումինե տարայում թաքցված բարձի զննությամբ

հայտնաբերել և առգրավել է 2 փաթեթ, որոնցում եղել են թվով 3 բջջային հեռախոս՝ իրենց բաժանորդային քարտերով, լիցքավորիչներով, ինչպես նաև մուգ դարչնագույն, կասկածելի զանգված՝ ընդհանուր 5.21 գրամ քաշով։ Դեպքի առթիվ նախապատրաստվում են նյութեր, նշանակվել է դատաքիմիական փորձաքննություն:
ՀՀ ԱՆ քրեակատարողական ծառայության հանրային կապերի բաժին

 

18:20 Աշխարհում
Մայիսի 18-ին ԱՄՆ-ում ՀՀ դեսպան Վ. Ներսեսյանը մեկնել է Նյու Յորք` մասնակցելու Սբ. Վարդան տաճարում Հայ առաքելական եկեղեցու

ԱՄՆ Արևելյան թեմի առաջնորդ Տ. Դանիել եպիսկոպոս Ֆընտըգյանի կողմից մատուցված անդրանիկ եպիսկոպոսական պատարագին: Ներկաների թվում էին Հայ եկեղեցու բարձրաստիճան հոգևորականներ, օտարերկրյա եկեղեցական առաջնորդներ, դիվանագետներ, ԱՄՆ Արևելյան թեմի համայնքի ներկայացուցիչներ: Ավելի ուշ դեսպան Ներսեսյանը ելույթ է ունեցել Սբ. Ներսես վարժարանի կողմից Արևելյան թեմի նախկին առաջնորդ Խաժակ արքեպիսկոպոս Պարսամյանի և նորընտիր առաջնորդ Դանիել եպիսկոպոս Ֆընտըգյանի պատվին կազմակերպված հանդիսավոր ճաշկերույթի ընթացքում:
Մամուլի հաղորդագրություն

18:17 Հայաստան
ՀՀ ԿԳ նախարարությունում տեղի է ունեցել դպրոցականների առարկայական օլիմպիադաների առաջին կարգի դիպլոմների հանձնման արարողությունը

Աշակերտներին շնորհավորել և դիպլոմները հանձնել է ՀՀ կրթության և գիտության նախարար Ա. Հարությունյանը: 2018-2019 ուսումնական տարվա դպրոցականների առարկայական օլիմպիադաներին մասնակցել է շուրջ 57000 սովորող: Դպրոցականների օլիմպադաները կազմակերպվում են 16 առարկայից, որոնցից մաթեմատիկա, ֆիզիկա, քիմիա, կենսաբանություն, աստղագիտություն, ինֆորմատիկա և աշխարհագրություն առարկաներից մեր սովորողները մասնակցում են միջազգային օլիմպիադաներին: Միջազգային օլիմպիադաների թիմերը կազմվում են հանրապետական փուլի հաղթողներից:
Աղբյուր՝ ՀՀ ԿԳՆ

18:06 Հայաստան
Երևանում մեկնարկել է «Հեղինակային իրավունքի և հարակից իրավունքների կոլեկտիվ հիմունքներով կառավարում» խորագիրը կրող տարածաշրջանային աշխատաժողովը

Այն համատեղ կազմակերպել են ՀՀ տնտեսական զարգացման և ներդրումների նախարարության Մտավոր սեփականության գործակալությունը և Մտավոր սեփականության համաշխարհային կազմակերպությունը/ՄՍՀԿ: Միջոցառմանը մասնակցել են ոլորտը համակարգող պետական կառույցների պաշտոնյաներ, ոլորտի միջազգային և մասնավոր կազմակերպությունների ներկայացուցիչներ և փորձագետներ Հայաստանից, Բելառուսից, Բուլղարիայից, Վրաստանից, Ուկրաինայից, Լեհաստանից, Բելգիայից, Մեծ Բրիտանիայից, Ֆրանսիայից։
Մամուլի հաղորդագրություն

18:02 Հայաստան
Հայաստանը և Իտալիան համագործակցելու են քրեական հետաքննության և տրանսֆերային գնագոյացման ոլորտներում հսկողությունը բարելավելու նպատակով

Մայիսի 21-ից 24-ը աշխատանքային այցով Հայաստանում են Իտալիայի եկամուտների գործակալության պատվիրակությունը և Տնտեսական համագործակցության և զարգացման կազմակերպության (ՏՀԶԿ) փորձագետները: ՊԵԿ նախագահի և Հայաստանում Իտալիայի դեսպանի ներկայությամբ Իտալիայի եկամուտների գործակալության ղեկավարի տեղակալ Պ. Բարբանտինին և ՊԵԿ նախագահի տեղակալ Մ. Փաշայանը ստորագրել են փոխըմբռնման հուշագիր` «Հարկային տեսուչներ առանց սահմանների» ծրագրի շրջանակում Պետական եկամուտների կոմիտեին տեխնիկական աջակցություն ցուցաբերելու վերաբերյալ:
ՀՀ ՊԵԿ տեղեկատվության և հասարակայնության հետ կապերի բաժին

17:41 Հայաստան
ՀՀ ՊՆ պաշտպանական քաղաքականության վարչությունում հյուրընկալվել են արտագնա ուսումնական գործընթացի շրջանակում տարածաշրջանային այցով Հայաստանում գտնվող

Մեծ Բրիտանիայի պաշտպանական հետազոտությունների թագավորական քոլեջի ունկնդիրները: Հանդիպմանը ներկայացված «ՀՀ պաշտպանական քաղաքականությունը» բանախոսության և ծավալված քննարկման ընթացքում անդրադարձ է կատարվել տարածաշրջանում ձևավորված անվտանգային միջավայրին, Հայաստանի դիտանկյունից առկա սպառնալիքներին ու մարտահրավերներին:
Աղբյուր՝ ՀՀ ՊՆ

17:40 Արցախ
Արցախի Հանրապետությունում տեղի է ունեցել ԱԺ արտաքին հարաբերությունների մշտական հանձնաժողովի նիստը՝ Ա. Մխիթարյանի նախագահությամբ

ԱԺ կանոնակարգի 119-րդ հոդվածի համաձայն՝ հեռուստառադիոընկերության խորհրդի նախագահ Արսեն Առստամյանը հանձնաժողովի անդամներին ու նիստին ներկա մյուս պատգամավորներին է ներկայացրել Արցախի հանրային հեռուստառադիոընկերության 2018 թվականի գործունեության վերաբերյալ հաղորդումը:
Արցախի Հանրապետության ԱԺ լրատվության և հանրության հետ կապերի բաժին
 

17:39 Հայաստան
Հավանական հակառակորդին չեզոքացնելու արդյունավետ ձևերն ու մեթոդները, բարդ իրավիճակներում արագ կողմնորոշվելու տարբերակներն անձնակազմին ուսուցանելու նպատակով

5-րդ զորամիավորման ենթակա N զորամասի ստորաբաժանումների հետ անցկացվել են հատուկ պատրաստության պարապմունքներ:
Մամուլի հաղորդագրություն

17:38 Աշխարհում
ՀՀ ԶՈՒ գլխավոր շտաբի կապի և ԱԿՀ վարչության ներկայացուցիչները մասնակցում են

Մոսկվայում մայիսի 20-ից 23-ն անցկացվող «Փի Էյջ Դեյզ» կիբեռանվտանգության մրցույթին:
Աղբյուր՝ ՀՀ ՊՆ

17:34 Աշխարհում
ՀՀ պաշտպանության նախարարության ներկայացուցիչը մայիսի 21-ից 23-ը մասնակցում է «Միջազգային բանակային խաղեր-2019» միջոցառման շրջանակում

Ռուսաստանի Դաշնությունում կայանալիք «Էլբրուսյան շրջան» մրցման անցկացման վայրերի տեղազննմանը:
Աղբյուր՝ ՀՀ ՊՆ

17:29 Հայաստան
Մայիսի 16-ից 17-ը զորամիավորումների ենթակա զորամասերի արտահաստիքային հրշեջ խմբերի պետերի հետ անցկացվել է հավաք-խորհրդակցություն

Հանդիպումը նպատակաուղղված էր հակահրդեհային անվտանգության խնդիրների պարզաբանմանը: Ուսուցանվել են արտահաստիքային հրշեջ խմբերի պետերի և անձնակազմի պարտականություններն ու իրավունքները, քննարկվել մասնագիտական հմտություններին վերաբերող մի շարք հարցեր: Հավաք-խորհրդակցության շրջանակում անցկացվել է նաև գործնական պարապմունք՝ «Հրդեհի մեկուսացման և հրդեհաշիջման աշխատանքներ» թեմայով:
Աղբյուր՝ ՀՀ ՊՆ

17:25 Հայաստան
ՀՀ ՊՆ ռազմական ոստիկանության խաղաղապահ դասակի 15 զինծառայողներ մայիսի 13-ից 16-ը մասնակցել են Բուլղարիայում անցկացված

«Հորիզոնից այն կողմ-2019» միջազգային զորավարժությանը, որին ներգրավված էին 5 երկրի շուրջ 300 ներկայացուցիչներ: «Հորիզոնից այն կողմ-2019» միջազգային զորավարժությանը ՀՀ ՊՆ ռազմական ոստիկանության խաղաղապահ դասակը մասնակցել է առաջին անգամ՝ ուժերը չափելով ԱՄՆ-ի Ազգային գվարդիայի (Թենեսի նահանգ), Ռումինիայի, Ուկրաինայի, Հյուսիսային Մակեդոնիայի ռազմական ոստիկանության ներկայացուցիչների հետ: Հայ զինծառայողներն արժանացել են գերազանց մասնակցության հավաստագրերի:
ՀՀ ՊՆ ռազմական ոստիկանություն

Տեսանյութեր

43 մլն. դրամի օգնություն ռազմական երկու համալսարաններին Միքայել Վարդանյանից
16:30 22/05/2019

43 մլն. դրամի օգնություն ռազմական երկու համալսարաններին Միքայել Վարդանյանից

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}