Համացանց

ԿԱՐՃ ԼՈՒՐԵՐ

20:28 Աշխարհում
Հայկական SNKH ճարտարապետական ձեռնարկությունը հաղթել է «Garage Screen»- ի հաջորդ ամառային կինոթատրոնը նախագծելու մրցույթը

Strelka KB- ի կողմից կազմակերպված մրցույթը Ռուսաստանից, Հայաստանից, Բելառուսից, Ղազախստանից և Ղրղզստանից 136 մասնակցի դիմում է ստացել։

17:53 Հայաստան
Զինծառայողների տեսական գիտելիքներն ու զենքի տիրապետման գործնական հմտությունները կատարելագործելու նպատակով

զորամիավորման զորամասերից մեկի հրաձգարանում անցկացվել են հրաձգության գործնական պարապմունքներ: Պարապմունքների շրջանակում բացազատվել են ուսումնական կետեր, ցուցադրվել են խոշոր տրամաչափի զենքերի կառուցվածքն ու կիրառման առանձնահատկությունները:
Աղբյուր՝ ՀՀ ՊՆ

17:41 Հայաստան
ՀՀ ՊՆ վարչական համալիրում կայացել է «Մոնթե Մելքոնյանի անվան ռազմամարզական վարժարան» հիմնադրամի հոգաբարձուների խորհրդի հերթական նիստը

Վարժարանի տնօրեն Գ. Սարգսյանը հաշվետու զեկույց է ներկայացրել կրթահամալիրում կատարված որակական և բովանդակային նոր փոփոխությունների, ռազմամարզական ծրագրերի ներդրման արդյունքում սաների առաջադիմության և կարգապահության, 2019թ. ուսումնական տարվա շրջանավարտների վիճակագրական ցուցանիշների վերաբերյալ՝ ուրախությամբ փաստելով, որ վարժարանում առկա պայմանները շարունակում են մրցակցային որակյալ կրթություն ապահովել սաների համար: Նիստի ընթացքում անդրադարձ է կատարվել նաև դիմորդների ընդունելության կարգում նախատեսվող փոփոխություններին, միջազգային կապերի ամրապնդման և փորձի փոխանակման հարցերին:
Աղբյուր՝ ՀՀ ՊՆ
 

17:25 Հայաստան
Արցախի նախկին վարչապետ, «Ազատ հայրենիք» կուսակցության նախագահ Ա. Հարությունյանը «Ապագան սկսվում է այսօր» խորագրով համահայկական ուսանողական ֆորումի մասնակիցների հետ հանդիպմանը հայտարարել է,

որ գալիք տարի Արցախում համահայկական ճամբար կկազմակերպվի: Անդրադառնալով այդ հանդիպմանը՝ Հարությունյանը ֆեյսբուքյան իր էջում գրել է, որ ուսանողներին ուղղված իր ելույթում հիմնական շեշտը դրել է համահայկականության գաղափարի վրա: Նա կարևորել է նաև սփյուռքահայ բարձրակարգ մասնագետներին Արցախի զարգացման գործում ներգրավման ակտիվացումը՝ պարզաբանելով, որ նախկինում բազմիցս անհատական օրինակներ ունեցել են, բայց այն կազմակերպված աշխատանքի չի վերածվել:

«Ազատ հայրենիք» կուսակցության մամուլի կենտրոն

16:33 Հայաստան
Նոյեմբերի 21-ից 25-ն ընկած ժամանակահատվածում արձանագրվել է իրավախախտման 44 դեպք, որից 30 դեպքով հաշվարկվել է 53.506.300 ՀՀ դրամի չափով շրջակա միջավայրին հասցված վնաս,

19 դեպքով նշանակվել 2.250.000 ՀՀ դրամի չափով վարչական տուգանք։ Նշված ժամանակահատվածում ՀՀ պետական բյուջե մուտքագրվել է 879.170 ՀՀ դրամ:
Աղբյուր՝ Բնապահպանության և ընդերքի տեսչական մարմին

16:24 Արցախ
Ժաննա Գալստյանի նախագահությամբ տեղի է ունեցել ԱԺ պաշտպանության, անվտանգության և օրինապահպանության հարցերի մշտական հանձնաժողովի նիստը

Նիտին քննարկվել է ««Պետական և ծառայողական գաղտնիքի մասին» օրենքում փոփոխություններ կատարելու մասին» օրենքի նախագիծը, որը հանձնաժողովին է ներկայացրել ԱՀ Նախագահի աշխատակազմի կառավարության գործերի կառավարչության պետ-աշխատակազմի ղեկավարի առաջին տեղակալ Արայիկ Լազարյանը: Նախագծով առաջարկվում է օրենքը համապատասխանեցնել ԱՀ Սահմանադրությանը: Հանձնաժողովը քվեարկել և օրինագծի վերաբերյալ տվել է դրական եզրակացություն:
Արցախի Հանրապետության Ազգային ժողովի լրատվության և հանրության հետ կապերի բաժին

15:30 Հայաստան
Նոյեմբերի 21-ից դեկտեմբերի 14-ը կանցկացվի Գոհար Գասպարյանի անվան մեներգիչների համահայկական մրցույթը

ՀՀ կրթության, գիտության, մշակույթի և սպրոտի նախարարության աջակցությամբ, Հայաստանի երաժշտական ընկերությունը: Մրցույթն այս տարի նվիրվում է ԽՍՀՄ ժողովրդական արտիստ, Պետական մրցանակի դափնեկիր, պրոֆեսոր Գոհար Գասպարյանի ծննդյան 95-ամյակին: Մրցույթն անցկացվում է երգիչ-երգչուհիների բացահայտման, նրանց մասնագիտական ներուժի խթանման, հետագա գործունեության ծավալման և տաղանդի դրսևորման, ինչպես նաև հայ օպերային արվեստի երախտավորների հիշատակն արժևորելու նպատակով: Մրցույթին մասնակցության հայտ են ներկայացրել 31 երգիչ-երգչուհիներ՝ հանրապետության երաժշտական, արվեստի քոլեջների, պետական կոնսերվատորիայի ուսանողներ, ասպիրանտներ, ինչպես նաև Ա. Սպենդիարյանի անվան օպերայի և բալետի ազգային ակադեմիական թատրոնի երիտասարդ արտիստներ:
ՀՀ կրթության, գիտության, մշակույթի և սպրոտի նախարարություն

 


 

15:17 Հայաստան
ԿԳՄՍ նախարար Ա. Հարությունյանի հրամանով հաստատվել է «Երևանում բարձրագույն կրթության հասանելիության ապահովում մարզաբնակ ուսանողներին» ծրագիրը,

համաձայն որի՝ կեցության ծառայությունների վճարների զեղչերից կարող են օգտվել ավելի մեծ թվով խմբեր:Կեցության վճարի 100% զեղչ տրվում է՝ միջպետական համաձայնագրերի շրջանակներում ուսումնառող ուսանողներին, երկկողմանի ծնողազուրկ ուսանողներին, հաշմանդամության առաջին և երկրորդ կարգ ունեցող ուսանողներին: Կեցության վճարի 50% փոխհատուցում տրվում է՝միակողմանի ծնողազուրկ ուսանողներին, սոցիալապես անապահով ընտանիքների անդամ հանդիսացող ուսանողներին, հաշմանդամության երրորդ կարգ ունեցող ուսանողներին, 2016 թվականի ապրիլի 2-6-ը ընկած ժամանակահատվածում Հայաստանի Հանրապետության զինված ուժերում մարտական հերթապահություն իրականացրած կամ մարտական գործողություններին մասնակցած ուսանողներին:
Աղբյուր՝ ՀՀ ԿԳՄՍՆ

 

13:12 Աշխարհում
Մեգան Մարկլը չի կարող ստանալ բրիտանական քաղաքացիություն

Նախկին դերասանուհին Բրիտանիայի արքայազնի հետ արդեն 18 ամիս է, ինչ ամուսնացած է, սակայն օրենքի տառը մեծարվում է Մեծ Բրիտանիայում և հանուն նրա բացառություն չի արվի:

11:14 Աշխարհում
Կանադայում կովին վաճառել են 106 հազար դոլարով

Կենդանուն ցանկացել են գնել Կանադայի, Մեքսիկայի և Միացյալ Նահանգների ագարակատերերը։

10:51 Աշխարհում
Ճապոնիայում միջուկային վառելիքային ձող են գտել

Դեռ անհայտ է, թե որտեղից կարող էր հայտնվել այն Օկինավայում, քանի որ այնտեղ ատոմակայան չկա։

18:33 Հայաստան
ԱՄՆ կառավարությունն այս տարի ավելացնում է Հայաստանի Հանրապետությանը տրամադրվող աջակցությունը մոտ 40 տոկոսով

ՀՀ աշխատանքի և սոցիալական հարցերի նախարարը հյուրերին տեղեկացրել է, որ հաշմանդամություն ունեցող անձանց իրավունքների պաշտպանության ոլորտում նախարարությունն արդեն իսկ ձեռնամուխ է եղել երկու կարևորագույն օրինագծերի մշակման, որոնք ուղղված են հաշմանդամություն ունեցող անձանց կյանքի որակը փոխելուն: ԱՄՆ Միջազգային զարգացման գործակալության հայաստանյան առաքելության տնօրենը ողջունել է նախարարության որդեգրած ներառական քաղաքականությունը և որոշ մանրամասներ ներկայացրել 2020 թ.-ին մեկնարկող ծրագրի վերաբերյալ: Նա հույս է հայտնել, որ ամերիկյան և տեղացի գործընկեր կազմակերպությունները հաջողությամբ կիրագործեն իրենց առջև դրված խնդիրները, և ոլորտում նշանակալի առաջընթաց կունենանք:
Աղբյուր՝ ՀՀ աշխատանքի և սոցիալական հարցերի նախարարություն

16:33 Հայաստան
Հետևելով Հայոց լեզու և Հայոց պատմություն առարկաները ԲՈՒՀ-երից դուրս բերելու հետ կապված՝

«վերջին շրջանի իրադարձությունների զարգացմանը՝ իրականությունը գալիս է ևս մեկ անգամ փաստելու, որ մի շարք ուժեր ցանկացած արհեստականորեն ստեղծված առիթ կեղծ լուրերի հիման վրա և մանիպուլացիաների միջոցով պատրաստ են ծառայեցնել քաղաքական շահարկումների և  քաղաքական դիվիդենտների հավաքման։ Կասկածի տակ չդնելով որևէ ուժի, կառույցի կամ անհատի հայրենասիրության զգացումը՝ դիմում ենք շահագրգիռ կողմերին՝ Հայոց լեզվի և Հայոց պատմության ֆակուլտետների դեկաններին, ամբիոնների վարիչներին, գիտական և դասախոսական կազմին, ԿԳՍՄ նախարարությանը՝ առաջարկելով հանդիպել պատվիրակություններով և տալ խնդրին հանգուցալուծում սեղանի շուրջ, որը կբխի մեր պետական և ազգային շահերից։ Սոցիալ-Դեմոկրատ Հնչակյան կուսակցությունը պատրաստ է ցուցաբերել իր աջակցությունը խնդրի հանգուցալուծման համար»:

Սոցիալ-Դեմոկրատ Հնչակյան Կուսակցություն

16:20 Հայաստան
Զինված ուժերում շարունակվում է սեպտեմբերին մեկնարկած «Զինվորը՝ որպես դասավանդող» ծրագիրը

Ծրագրի շրջանակում Սյունիքի մարզի Ագարակ քաղաքում կազմակերպվել է տեղեկատվական տեխնոլոգիաների ոլոր¬տի անվճար դասընթաց, որն իրականացնում են ժամկետային երեք զինծառայողներ: Դասընթացին մասնակցում է 8-ից 12-րդ դասարանների 60 աշակերտ: Ինտերակտիվ և նախագծային դասերի միջոցով կազմակերպված ուսուցումը նպաստում է նաև թիմային աշխատանքի, վերլուծական մտածողության, ստեղծարարության ու նախաձեռնողականության զարգացմանը:
Աղբյուր՝ ՀՀ ՊՆ

 

15:30 Հայաստան
ՊԵԿ- ը նոյեմբերի 18-19-ը Երևանում հյուրընկալում է «Թվային լուծումներ` միջսահմանային համագործակցության և առևտրի դյուրացման համար» խորագրով տարածաշրջանային համաժողովը

Միջոցառման բացմանը մասնակցել են ՀՀ փոխվարչապետ Տ. Ավինյանը, ՊԵԿ նախագահ Դ.Անանյանը, Համաշխարհային մաքսային կազմակերպության գլխավոր քարտուղար Կ. Միկուրիան, ինչպես նաև միջազգային կառույցների, պետական և մասնավոր ոլորտների, տարբեր երկրների մաքսային ծառայությունների ներկայացուցիչներ: Համաժողովի սկզբում երկկողմ փաստաթղթեր են ստորագրվել ՀՀ պետական եկամուտների կոմիտեի և Վրաստանի ֆինանսների նախարարության, ինչպես նաև ՀՀ պետական եկամուտների կոմիտեի և Իրանի Իսլամական Հանրապետության մաքսային ծառայության միջև:
ՀՀ ՊԵԿ տեղեկատվության և հասարակայնության հետ կապերի բաժին

 

14:42 Հայաստան
ՀՀ ԱԻՆ ՓԾ ճգնաժամային կառավարման ազգային կենտրոնում նոյեմբերի 11-ից 17-ը գրանցվել է 400 դեպք, որից 214-ը՝ արտակարգ

Նշված ժամանակահատվածում արձանագրվել է 156 կենցաղային կանչ, 133 հրդեհի ահազանգ, 68 ճանապարհատրանսպորտային պատահար, որի հետևանքով զոհվել է 2 և տուժել 70 մարդ, իսկ փրկարարական օպերատիվ գործողությունների արդյունքում՝ փրկվել 1 քաղաքացի: Շաբաթվա ընթացքում արձանագրվել է թունավորման 8 դեպք, տուժել է 19, զոհվել` 5 քաղաքացի: ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել զգոն և խստորեն պահպանել անվտանգության կանոնները:
Աղբյուր՝ ՀՀ ԱԻՆ

 

14:30 Հայաստան
ՀՀ էկոնոմիկայի նախարարության Մտավոր սեփականության գործակալության և Կորեայի գյուտարարության խթանման ասոցիացիայի միջև ստորագրվել է փոխըմբռնման հուշագիր,

որով նախատեսվում է, որ Կորեայի գյուտերի խթանման ասոցիացիան  Հայաստանի Հանրապետության Էկոնոմիկայի նախարարության Մտավոր սեփականության գործակալության հետ կկիսվի մտավոր սեփականության ոլորտում  իր ուսումնական ծրագրերով: Մտավոր սեփականության ոլորտում ուսուցման մշակույթը խթանելու և երկու կազմակերպությունների միջև սերտ կապերը խորացնելու նպատակով կիրականացվի տեղեկատվության և կադրերի փոխանակում:  Հուշագիրը ստորագրել են Մտավոր սեփականության գործակալության պետ Երեմ Չախոյանը և Կորեայի գյուտարարության խթանման ասոցիացիայի նախագահ Ջունիո Կոն։
Աղբյուր՝ ՀՀ էկոնոմիկայի նախարարություն

14:16 Հայաստան
Փոխվարչապետ Տիգրան Ավինյանը մասնակցել է «Թվային լուծումներ` միջսահմանային համագործակցության և առևտրի դյուրացման համար» տարածաշրջանային համաժողովին

Տ. Ավինյանը հանդես է եկել ելույթով: Համաժողովի ընթացքում երկկողմ փաստաթղթեր են ստորագրվել ՀՀ պետական եկամուտների կոմիտեի և Վրաստանի ֆինանսների նախարարության, ինչպես նաև ՀՀ պետական եկամուտների կոմիտեի և Իրանի Իսլամական Հանրապետության մաքսային ծառայության միջև:
Փոխվարչապետ Տիգրան Ավինյանի գրասենյակ

14:04 Հայաստան
Նոյեմբերի 19-ին 20։00-ին Կոմիտասի անվան կամերային երաժշտության տանը կանցկացվի համերգ՝ նվիրված քանդակագործ Արթօ Չագմաքչյանի հիշատակին

Միջոցառման ընթացքում կհնչի «Կոմիտաս. Տասը Հայտնություն» երգաշարը, բանաստեղծությունը՝ Կոմիտասի, երաժշտությունը՝ Վահան Արծրունու: Երեկոյին հանդես կգան Հայաստանի պետական կամերային նվագախումբը, Մայր Աթոռ Ս. Էջմիածնի և ՀԲԸՄ Նորքի հայորդաց տան «Շողակաթ» մանկական երգչախումբը, Վահան Արծունին, Նելլի Մանուկյանը, Հովհաննես Պապիկյան և այլք:
Կոմիտասի անվան կամերային երաժշտության տուն

13:53 Հայաստան
Դիվանագետ Ե. Պրիմակովի ծննդյան 90-ամյակի տարում, Հայ-Ռուսական համալսարանը և ՌԴ գիտ. ակադեմիայի Պրիմակովի անվան Համաշխարհային տնտեսագիտության և միջազգային հարաբերությունների հետազոտական ինստիտուտը

նոյեմբերի 22-23-ն անցկացնելու են «Պրիմակովյան ընթերցումներ» միջազգային գիտափորձագիտական համաժողովը։ Բացման հանդիսավոր արարողությունը կայանալու է նոյեմբերի 22-ին՝ ժամը 10:30-ին՝ Հայ-Ռուսական համալսարանի Մշակույթի տանը (մասնակիցների գրանցումը մեկնարկելու է 10:00-ին)։ 
«Պրիմակովյան ընթերցումներ» համաժողովի աշխատանքային լեզուներն են ռուսերենը և անգլերենը։ Լինելու է նաև համաժամանակյա թարգմանություն։ Համաժողովի կազմակերպիչը Հայ-Ռուսական համալսարանն է։
Աղբյուր՝ Հայ-Ռուսական համալսարան

Տեսանյութեր

Վիկտոր Սողոմոնյան. Մեկ ու կես տարվա ընթացքում ջարդուփշուր եղան մի քանի առասպելներ
15:28 15/11/2019

Վիկտոր Սողոմոնյան. Մեկ ու կես տարվա ընթացքում ջարդուփշուր եղան մի քանի առասպելներ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}