Օրվա մամուլ

ՀԱՄԱՑԱՆՑ

20:27 Հայաստան
Լուսինե Թովմասյան. Մենք հաղթահարելու ենք այս ամենը

Հայտնի մոդել, հաղորդավարուհի Լուսինե Թովմասյանը, ում սկեսրայրը՝ «Սիներջի» ընկերության հիմնադիր տնօրեն Աշոտ Հովհաննիսյանը կալանավորված է, ֆեյսբուքյան էջում գրել է.

«Ընտանիքը ինձ համար այն մարդկանց ամբողջությունն է, ովքեր իրարով ուրախանում են, իրարով տխրում, իրար աջակցում: Հիմա մենք ավելի քան պետք ենք իրար: Սիրով, ուժով և հոգատարությամբ ապրում ենք միասին: Թե երեխաներն են մեզ ուժ տալիս, թե մենք իրենց: Մենք հաղթահարելու ենք այս ամենը, քանի որ իրար ունենք»։

 

20:21 Հայաստան
Տիգրան Ավինյանի կինը խնամքի միջոցների բիզնես է սկսել

Hayeli.am -ը գրում է. 

«Տիգրան Ավինյանի կինը խնամքի միջոցների բիզնես է սկսել. ընկերուհիների հետ նոր բրենդ է բացել և ինքն էլ անձամբ գովազդում է այդ բրենդը նկարահանվելով գովազդային հոլովակներում:

Տեսահոլովակում և նկարներում հենց ինքն է` Մարիամ Պահլավունին»։ 

 

17:36 Հայաստան
Փաշինյանի ընտանիքի անդամների թռիչքի կադրերը Հայաստանի Հանրապետության թիվ մեկ բորտից

Համացանցում  տարածվում են կադրեր Հայաստանի Հանրապետության թիվ մեկ բորտից, որով Նիկոլ Փաշինյանն այսօր Մյունխեն  է մեկնել ընտանիքի անդեմների՝ կնոջ և դուստրերի հետ։

Նախորդ անգամ  էլ Նիկոլ Փաշինյանը Արփի Փաշինյանի հետ Գերմանիա էր մեկնել՝ մասնակցելու  Մյունխենի անվտանգության համաժողովի բացման պաշտոնական արարողությանը։
 

 

09:35 Հայաստան
Էրիկ. Այն ինչ կատարվեց, կարծես իրական չլիներ

Էրիկ Կարապետյանը, որ օրեր առաջ Երևանում հանդես եկավ մենահամերգով, պատմել է իր տպավորությունների մասին.

«Այն ինչ կատարվեց կարծես իրական չլիներ…

Խոսքերս չեն հերիքի , որպեսզի  նկարագրեմ  ապրումներս ու այն ինչ զգացի բեմում կանգնած ` Ձեր առջև 10.000+  հանդիսատես։

Կարճ ասած ` դեռ շոկի մեջ եմ։

Շնորհակալ եմ յուրաքանչյուրիդ ` իմ կողքին լինելու համար: Այդքան շատ սեր ու թև տալու համար։ Խոնարհվում եմ Ձեր առջև։ Շնորհակալություն եմ ուզում հայտնել իմ մեծ թիմին `առանց ում այս համերգը չէր լինի այսքան ֆանտաստիկ»։

22:41 Հայաստան
Ալեն Սիմոնյանը լուսանկար է հրապարակել կալանքից ազատված եղբոր կնոջ հետ

ԱԺ նախագահ Ալեն Սիմոնյանը թելեգրամում լուսանկար է հրապարակել կալանքից ազատված եղբոր կնոջ՝ Անի Գևորգյանի հետ։ 

 Անի Գևորգյանը փետրվարի 1-ին  2 ամսով կալանավորվել էր «Սիներջի» ընկերության և էկոնոմիկայի նախարարության գործով։ Այսօր հայտնի դարձավ, որ դատախազը սեփական նախաձեռնությամբ փոխել է նրա խափանման միջոցը։

Հիշեցնենք, որ դատախազը 2024 թվականի հունվարի 31-ին հանրային քրեական հետապնդում էր հարուցել ՀՀ էկոնոմիկայի նախարարության պաշտոնատար անձանց նկատմամբ՝ Քրեական օրենսգրքի 441-րդ հոդվածի 2-րդ մասի 4-րդ կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը), իսկ առևտրային կազմակերպության ղեկավարի և աշխատակիցների նկատմամբ՝ նույն արարքին հանցակցելու (Քրեական օրենսգրքի 46-441-րդ հոդվածի 2-րդ մասի 4-րդ կետ):

 

 

08:42 Հայաստան
Մահացել է շոումեն և հումորիստ Ալիկ Հակոբյանը

Մահացել է շոումեն և հումորիստ Ալիկ Հակոբյանը։ Շոումենը մասնակցել է «Հումորի լիգա» նախագծին, որտեղ նրանց թիմը հասել էր մինչև եզրափակիչ։

Դերասանուհի և հաղորդավարուհի Անահիտ Կիրակոսյանը, որը մի շարք միջոցառումներ է վարել շոումենի հետ ինստագրամյան իր էջի «Սթորի» բաժնում հրապարակել է նրա լուսանկարներ ու գրել. 

«Մահացել է ընկերս ...ՄԱՐԴ մեծատառով ... էլ բառեր չունեմ ասելու ... սիրեք ու գնահատեք ամեն վայրկյանը ...

Ալիկ... Իմ հարազատ ... հոգիդ լույս դառնա...»։ 

13:57 Հայաստան
Վահագ Ռաշը Տերյանի ծննդյան օրը ներկայացրել է «Կարուսել» երգը՝

Վահագ Ռաշը Տերյանի ծննդյան օրը ներկայացրել է սիրված հեղինակի խոսքերով և Ալեքսեյ Հեքիմյանի երաժշտությամբ «Կարուսել» երգը` բլյուզային մեկնաբանությամբ։

«Ծնունդ, որ վերածնունդ ու կյանք էր բովանդակ ժողովրդի համար։ Խոսք, որ սիրտ, ուղեղ ու հոգի էր։ Գրիչ, որ անսահման ու կես  բնություն էր։ Օրհնյալ է ծնունդն այն ԲԱՆԱՍՏԵՂԾԻ, որ որպես հավերժության սերմնացան` հավերժաբար ժայթքեց գրականության եղեգան փողից»,-նշել է երգիչը։

Գործիքավորումը կատարել է Կարեն Արզումանյանը, միքս մասթերինգը՝ Սերգեյ Գասպարյանը։

15:49 Հայաստան
DJ Վակցինա. Սիրահարվել եմ

Արուսիկ Մկրտչյանը, որ առավել հայտնի  որպես DJ Վակցինա, սիրառատ լուսանկար է հրապարակել սոցիալական ցանցի իր էջում և գրել.

«Կադրերը ամեն ինչ ասում են։
Հ.Գ. Սիրահարվել եմ»։

10:58 Հայաստան
Լուսինե Թովմասյան. Շատ կուզեի՝ էս աբսուրդի մեջ չլիներ մեր ընտանիքը, ու կարողանայի մի լավ ուրախանալ

Հայտնի մոդել, հաղորդավարուհի Լուսինե Թովմասյանն ինսթագրամի իր էջում շնորհավորել է ավագ քրոջ՝ գեղեկուհի Իրինա Թովմասյանի ծննդյան տարեդարձը.

«Ինձ միշտ ուժ տվող, ինձ սթափեցնող ու թևեր տվող ,անտանելի բարի:

Իմ ժպտերեսիկ ջան, Ծնունդդ Շնորհավոր։ Քո նմանը չկա Իռուլիկ։
Շաաատ կուզեի՝ էս աբսուրդի մեջ չլիներ մեր ընտանիքը ու քեզ հետ կարողանայի մի լավ ուրախանալ այսօր»։



11:00 Աշխարհում
Քարդաշյան. Քենդըլին խոստացել եմ հրաժարվել այդ դիրքից

Աշխարհահռչակ մոդել Քիմ Քարդաշյանն ինսթագրամի իր էջում մի քանի լուսանկարներ է  հրապարակել, որտեղ արյունակից քրոջ՝ Քենդըլ Ջենների հետ է։ Նրանք պառկած են ձյան վրա, ձնեմարդի աջ ու ձախ կողմերում։

Առաջին նկարում նա սելֆի է արել հայելու օգնությամբ, ապա մանրամասնել, որ Քենդըլին խոստացել է հրաժարվել այդ դիրքից։

«Այնպես որ վայելեք,  քանի դեռ կարող եք»,-գրել է Քարդաշյանը։





Տեսանյութեր

Միսաք Մանուշյանի և տիկնոջ անձնական արխիվը պահվում է Գրականության և արվեստի թանգարանում
16:20 21/02/2024

Միսաք Մանուշյանի և տիկնոջ անձնական արխիվը պահվում է Գրականության և արվեստի թանգարանում

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}