Ձեր վստահելի աղբյուրը

Ադրբեջանը կողմ է Հայաստանի հետ ուղիղ երկկողմ խաղաղ բանակցություններին, որոնք ապացուցել են, որ ամենաարդյունավետ և հաջող լուծումն են։ Այս մասին երեկ հայտարարել է  Ադրբեջանի ԱԳ նախարար Ջեյհուն Բայրամովը։

Panoarama.am-ը քաղաքագետ Ստեփան Դանիելյանից հետաքրքրվեց, թե ի՞նչ ռիսկեր են պարունակում Ադրբեջանի հետ առանց միջնորդների բանակցությունները Հայաստանի համար։

Ստեփան Դանիելյան-Ռիսկերի մասին ասել է Ադրբեջանի ԱԳ նախարարը։ Նա հայտարարել է, որ երկկողմ բանակցություններն արդյունավետ են։ Արդյունավետ ո՞ւմ համար, բնականաբար Ադրբեջանի համար։ Իմաստն ինչի՞ մեջ է։ Եթե կան միջնորդներ, դա նշանակում է միջազգային երաշխիքներ պայմանավորվածությունների կատարման վերաբերյալ։ Ենթադրվում է, որ միջնորդներն այն երկրներն են, որոնք ունեն այդքան ներուժ, որ երաշխավոր հանդիսանան և ազդեն գործընթացի վրա։ Հիմա Ադրբեջանին միջնորդ պետք չէ, Ադրբեջանը միակողմանի զիջումներ է ստանում առանց միջազգային երաշխիքների։ Ավելին, եթե Տավուշի հատվածում սահմանազատման մասին փաստաթուղթը   նայեք, ապա գրված է, որ այս պահին այն իրականացվում է Ալմա Աթայի հռչակագրի հիման վրա, իսկ հետագայում կարող է այլ չափանիշներով սահմազատումն ու սահմանագծումն իրականացվեն։ Այսինքն գրել են, որ հետագայում դրանից էլ են հրաժարվելու։

Panoarama.am-Երեկ դրա մասին խոստովանեց  Արարատ Միրզոյանը, որ Ադրբեջանը դժկամություն է ցուցաբերում։
Ստեփան Դանիելյան-Խոստովանելու կարիք չկա, դա փաստաթղթում է գրված։ Դժկամություւն չի ցուցաբերում, այլ թղթի վրա գրված է , որ հետագայում կարող է փոխվել։ Դրա ներքո ստորագրություններ են դրված։

Panoarama.am-Սա ի՞նչ է նշանակում։

Ստեփան Դանիելյան-Նշանակում է, որ վաղը կարող է Զանգեզուրի միջանցք ուզեն, Սևանի լճի ափը ուզեն։ Այսինքն, Տավուշի գյուղերի հետ կապված առաջնորդվում են Ալմա Աթայի հռչակագրի սկզբունքներով, հետո կարող է Հայաստանից այլ տարածքներ ուզեն, ոչ թե ուզեն, այլ մտնեն, վերցնեն։

Panoarama.am-Ես վստահ եմ, որ Ադրբեջանի իշխանությունների հետ բանալցող Հայաստանի իշխանությունները գիտակցում են այս ռիսկերը։ Բայց ի՞նչն է նրանց ստիպում մինչև վերջ համաձայնել Բաքվի առաջադրած պայմաններին, առանց միջնորդների բանակցությունների շարունակմանը։

Ստեփան Դանիելյան-Շատ պարզ է ամեն ինչ։ Երկու միջնորդություն է առաջարկվում՝ ռուսական և արևմտյան։ Ռուսական միջնորդությունը մերժում են, քանի որ հայտարարել են, չեն ուզում ռուսական ծայրամասային գուբերնիա լինել։ Այսինքն, աշխարհքաղաքական փոփոխությունների են գնում։ Արևմուտքը չի երաշխավորում, ու ընդհանրապես Արևմուտքին Հայաստանը պետք չէ, պետք է թուրքական աշխարհի ճանապարհն աշխատի, որի մասին իրենք բացահայտ հայտարարում են։

Հարցազրույցի մանրամասները՝ ձայնագրությամբ։