ԱՄՆ-ն դադարեցրել է Իրանի վրա հարձակումները՝ Օմանի հետ բանակցությունները չխաթարելու համար

ԱՄՆ-ն դադարեցրել է Իրանին հարվածները՝ Թեհրանի և Օմանի միջև բանակցությունները չխաթարելու համար։ Այդ մասին հաղորդում է ամերիկյան CBS հեռուստաալիքը՝ հղում անելով անանուն տարածաշրջանային պաշտոնյաների։

Ավելի վաղ Իրանի արտաքին գործերի նախարարությունը հայտարարել էր, որ հուլիսի 24-ին և 25-ին Թեհրանում փոխարտգործնախարարի մակարդակով տեղի են ունեցել Իրանի և Օմանի միջև երկխոսության մի քանի փուլեր, որոնց ընթացքում քննարկվել են Հորմուզի նեղուցում անվտանգ նավարկության կառավարման ընդհանուր սկզբունքներն ու գործնական մեխանիզմները։ Նախարարության տվյալներով՝ Իրանը և Օմանը առաջընթաց են գրանցել Հորմուզի նեղուցում նավագնացության վերաբերյալ երկխոսության մեջ, սակայն ջրային ճանապարհին առկա իրավիճակը մնում է անփոփոխ։

«ԱՄՆ-ի ռմբակոծությունների արշավը նպատակային դադարեցվել է՝ զգայուն, դեմ առ դեմ դիվանագիտական ​​բանակցությունները չխաթարելու համար», - ասվում էր հայտարարության մեջ։

Ավելի վաղ Axios-ը, հղում անելով աղբյուրներին, հաղորդել էր, որ ԱՄՆ զինված ուժերը շարունակում են պլաններ պատրաստել Իրանի դեմ լայնածավալ ռազմական գործողությունների վերսկսման դեպքում, սակայն Թրամփը դեռևս համապատասխան հրամաններ չի տվել։ Պորտալի տվյալներով՝ ուրբաթ օրը Թրամփը հրամայել է չհարվածել Իրանին, վերջ դնելով 13-օրյա հարձակումների շարքին։