Օրվա թեմա

ԿԱՐՃ ԼՈՒՐԵՐ

15:17 Հայաստան
ՀՀ Ազգային ժողովի նախագահ Ա. Միրզոյանն ընդունել է Հայաստանում Հունաստանի դեսպան Նաֆսիկա Նանսի Էվա Վրայլային, որն ավարտում է իր դիվանագիտական առաքելությունը

ԱԺ նախագահը նշել է, որ հաշվի առնելով Հայաստանի և Հունաստանի ջերմ հարաբերությունները՝ Նաֆսիկա Նանսի Էվա Վրայլայի հետ առաջիկայում համագործակցության առիթներ դեռ կստեղծվեն: Ա. Միրզոյանը շնորհակալություն է հայտնել դեսպանին՝ հայ-հունական գործընկերային հարաբերություններում ունեցած անձնական ներդրման համար և վստահություն է հայտնել, որ հեռանալով Հայաստանից՝ դեսպանը կշարունակի մնալ Հայաստանի լավ բարեկամը:
Նաֆսիկա Նանսի Էվա Վրայլան շնորհակալություն է հայտնել ընդունելության համար և գոհունակությամբ արձանագրել, որ հունահայկական հարաբերությունները շարունակում են ամրապնդվել:
Աղբյուր՝ ՀՀ ԱԺ

14:11 Աշխարհում
Greenpeace- ն առաջարկում է Ռուսաստանում արգելել թաց անձեռոցիկները

Պատճառը շրջակա միջավայրի աղտոտումն է:

Աղբյուր՝ РИА

13:12 Արցախ
«Արցախի հանրապետական» կուսակցության հրավիրած արտահերթ նիստում որոշում է կայացվել 2020թ.-ին Արցախում կայանալիք նախագահական ընտրություններին սատարելու Ա. Հարությունյանի թեկնածությունը

Անդրադառնալով ԱՀԿ որոշմանը՝ Արցախի առաջատար քաղաքական ուժի ղեկավար և օրերս այդ կուսակցության համագումարի որոշմամբ սպասվող նախագահական ընտրություններին նախագահի թեկնածու հայտարարված Ա. Հարությունյանը իր ֆեյսբուքյան էջում գրել է՝ դա իր համար կարևոր էր այն առումով, որ առաջին հերթին հաշվի են առնվել կուսակցության կողմից առաջ քաշված ծրագրային դրույթները, ինչը փաստում է, որ իրենց ձևավորած քաղաքական օրակարգը կարող է դառնալ միավորող գործոն:
Արայիկ Հարությունյանի ֆեյսբուքյան էջ

11:43 Աշխարհում
Մալայզիայի ավիաընկերությունների թռիչքները դեպի ԱՄՆ սահմանափակել են

Մալայզիայի քաղաքացիական ավիացիայի կառավարումը չի համապատասխանում միջազգային քաղաքացիական ավիացիայի կազմակերպության անվտանգության չափանիշներին։

18:20 Հայաստան
Փոխվարչապետ Տ. Ավինյանն ընդունել է Հայաստանում Եվրոպական միության (ԵՄ) դեսպան Անդրեա Վիկտորինին

Տիգրան Ավինյանը նշել է, որ Հայաստանը նպատակադրված է էլ ավելի խորացնել փոխադարձ շահերի վրա հիմնված համապարփակ համագործակցությունը ԵՄ և նրա անդամ-երկրների հետ: Նա նաև շնորհակալություն է հայտնել երկրում իրականացվող բարեփոխումներին Միության ցուցաբերած աջակցության համար: Զրուցակիցները քննարկել են հանրային կառավարման բարեփոխումների ռազմավարությանը, թվայնացման և էլեկտրոնային կառավարման գործընթացներին վերաբերող վերջին զարգացումները: Անդրադարձ է կատարվել ներառական աճի մոդելին, կրթության ոլորտում իրականացվող բարեփոխումներին, «Աշխատիր, Հայաստան» ծրագրին: 
ՀՀ փոխվարչապետ Տիգրան Ավինյանի գրասենյակ

18:06 Հայաստան
Արագածոտնի մարզում «Կայուն դպրոցական սնունդ» ծրագրի կառավարումն ու իրականացումը ՄԱԿ-ի Պարենի համաշխարհային ծրագիրը պաշտոնապես փոխանցել է ՀՀ կառավարությանը՝

ի դեմս Կրթության, գիտության, մշակույթի և սպորտի նախարարության: Այդ մասին ազդարարվել է Աշտարակի Վ.Պետրոսյանի անվան հիմնական դպրոցում այսօր տեղի ունեցած հանդիսավոր միջոցառման ժամանակ, որին ներկա են գտնվել ՀՀ կրթության, գիտության, մշակույթի և սպորտի նախարար Ա. Հարությունյանը, Արագածոտնի մարզպետ Դ. Գևորգյանը, ՄԱԿ-ի Պարենի համաշխարհային ծրագրի ներկայացուցիչ և հայաստանյան գրասենյակի տնօրեն Ե. Միլոշևիչը, ՌԴ ֆինանսների նախարարության արտաքին ֆինանսական հարաբերությունների դեպարտամենտի փոխտնօրեն Վ. Կովալենկոն, ՌԴ Ճյուղային սննդի ինստիտուտի նախագահ Վ. Չերնիկովը և այլք:
Աղբյուր՝ ՀՀ կառավարություն

 


 

17:25 Հայաստան
ՀՀ գլխավոր հարկադիր կատարողի պաշտոնակատար Դ. Բեգինյանն ամենամսյա աշխատանքային խորհրդակցություն է անցկացրել Հարկադիր կատարումն ապահովող ծառայության ղեկավար կազմի

և կառուցվածքային ստորաբաժանումների պետերի մասնակցությամբ: Ըստ օրակարգի՝ ներկայացվել են հոկտեմբերի ընթացքում կատարված աշխատանքների, տրված հանձնարարականների, ինչպես նաև բաժինների կողմից գումարների բռնագանձումների, կատարողական վարույթների կարճումների ու ավարտների վերաբերյալ զեկույցները:
Հաշվետու ժամանակահատվածում Ծառայության կողմից բռնագանձումների ընդհանուր ծավալը կազմել է շուրջ 3 մլրդ. 867 մլն. ՀՀ դրամ, իսկ հայցի ապահովման բնույթի կատարողական վարույթներով վերականգնվել է ավելի քան 145 մլն. ՀՀ դրամ: Հարուցվել և վերսկսվել է 127478 կատարողական վարույթ, կարճվել և ավարտվել է 133817 կատարողական վարույթ:

ՀՀ գլխավոր հարկադիր կատարողական ծառայություն

17:07 Հայաստան
4-րդ զորամիավորման ենթակայությամբ գործող զորամասերից մեկի հրետանային դիվիզիոնի ներգրավմամբ անցկացրել է մարտական հրաձգությամբ ցուցադրական մարտավարական զորավարժություն

Մարտական պատրաստականության վիճակի ստուգման նպատակով անցկացված զորավարժության շրջանակում դիվիզիոնը բերվել է պատրաստականության բարձր աստիճանի, զբաղեցրել կենտրոնացման շրջանը, պաշտպանական մարտ վարել համազորային ստորաբաժանումների հետ:
Աղբյուր՝ ՀՀ ՊՆ

16:33 Հայաստան
Գյումրիում ամփոփվել են Երևանի օրերը

Մշակութային շաբաթը Գյումրիում սկսլ է նոյեմբերի 8-ին՝ Հայաստանի պետական կամերային երգչախմբի և Հայաստանի պետական կամերային նվագախմբի համերգով: «Երևանի օրերը Գյումրիում» մշակութային ծրագրով կայացել է նաև Հովհ. Թումանյանի անվան պետական տիկնիկային թատրոնի «Անխելք մարդը» ներկայացումը: Երևանի Ալ. Սպենդիարյանի անվան մասնագիտական երաժշտական դպրոցի ջազ-նվագախմբի սաներն էլ Դավիթ Գյոդակյանի ղեկավարությամբ հանդես են եկել համերգային ծրագրով: Մշակութային ապակենտրոնացման ու երկրի մշակութային կյանքն աշխուժացնելու նպատակով իրականացվող նմանատիպ նախագծերն առաջիկա տարիներին ևս կլինեն շարունակական:
Երևանի քաղաքապետարան

16:25 Հայաստան
Շուշիի տեխնոլոգիական համալսարանն ինստիտուցիոնալ հավատարմագրում է անցնում

Հավատարմագրման շրջանակներում փորձագիտական խումբն այսօրվանից սկսած մինչև նոյեմբերի 14-ը Շուշիի տեխնոլոգիական համալսարանում է լինելու՝ գնահատելու բուհի գործունեությունն ինստիտուցիոնալ հավատարմագրման տասը չափանիշներին համապատասխանության տեսանկյունից։ Այցի օրերին փորձագետները հանդիպումներ կունենան բուհի հոգաբարձուների խորհրդի, ռեկտորի, պրոռեկտորների, ինքնավերլուծություն իրականացրած խմբի, դեկանների, ամբիոնների վարիչների, պրոֆեսորադասախոսական կազմի, գործատուների, ուսանողների, ուսանողական կառույցների ներկայացուցիչների հետ, կիրականացնեն փաստաթղթերի ուսումնասիրություն և ռեսուրսների դիտարկում։
ՈԱԱԿ հասարակության հետ կապերի պատասխանատու Հայկուհի Բարսեղյան

 

16:06 Հայաստան
Հայտարարվել է ճանապարհային անվտանգության ուսուցման և հանրային իրազեկման ծառայությունների մատուցման մրցույթ

Ծառայությունները ներառում են՝ ճանապարհային անվտանգության ուսուցման արդյունքների և հանրային իրազեկման քարոզարշավի նախագծում և իրականացում։ Ոսուցման և իրազեկման ծրագիրը նպատակ ունի բարելավել ճանապարհային անվտանգությանն առնչվող ուսանողների, ծնողների և ընդհանուր առմամբ դպրոցական անձնակազմի վարքագիծը: Ծառայությունների մատուցումը ակնկալվում է սկսել 2020 թվականի հունվար ամսին և ավարտել 2020 թվականի մայիս ամսին:
Աղբյուր՝ tpio.am

15:44 Աշխարհում
ՀՅԴ Բյուրոյի նախաձեռնությամբ Բրյուսելում տեղի է ունեցել Հայ Դատի աշխատանքներին նվիրվածած դրամահավաք,

որին մասնակցել են Արամ Ա Վեհափառը, ԱՀ. նախագահ Բ. Սահակյանը։ Ուղերձ են հղել ՀՀ նախագահ Ա. Սարգսյանը և Հայոց Կաթողիկոսը։ Դրամահավաքին մասնակցել են տարբեր երկրներից ավելի քան 100 բարերար: Հավաքվել է շուրջ 2.200.000 ԱՄՆ դոլար:
Աղբյուր՝ arfd.am

15:30 Հայաստան
ԵՊՀ Սարգիս և Մարի Իզմիրլյանների անվան գրադարանի նախասրահում մեկնարկել է «Քիմիան արտադրությունում 2019» խորագրով եռօրյա ցուցահանդեսը

Նոյեմբերի 11-13-ն անցկացվող ցուցահանդեսը կազմակերպվել է ԵՊՀ քիմիայի ֆակուլտետի ուսանողների և երիտասարդ գիտնականների նախաձեռնությամբ: Ֆակուլտետի 4-րդ կուրսի ուսանող Վ. Վարդապետյանն ասել է, որ միջոցառման նպատակն է հանրամատչելի կերպով հանրությանը ներկայացնել քիմիայի դերը կյանքում, մասնավորապես՝ արտադրության տարբեր ոլորտներում, ինչպես նաև դիմորդներին ուղղորդել մասնագիտության ընտրության հարցում: 
Ցուցադրությանը ներկայացված են Վ. Վարդապետյանի և ֆակուլտետի 4-րդ կուրսի ուսանողուհի Ա. Գրիգորյանի կողմից աճեցված բյուրեղները, որոնք արդեն գտել են իրենց կիրառությունը զարդերի մեջ:
Աղբյուր՝ ՀՀ ԵՊՀ

15:17 Հայաստան
Կմշակվի ծառերի խնամքի մեկ ընդհանուր հայեցակարգ՝ ողջ քաղաքի համար

Երևանի քաղաքապետարանի բնապահպանության վարչությունը վարչական շրջանների առջև պահանջ է դրել. խոր էտի են ենթարկվում միայն ծեր և վթարային ծառերը: «Ընդհանուր առմամբ աշնան ընթացքում նախատեսված է շուրջ 7000 ծառ ենթարկել էտի: Ասեմ նաև, որ էտի տարբեր եղանակներ են ներկայումս կիրառվում. ձևավորման էտ, սանիտարական էտ, կանաչ էտ և խոր էտ»,- ասել է գյուղատնտեսական գիտությունների թեկնածու Սուրեն Մաքսապետյանը: Մասնագետների մոտեցումը հստակ է նաև մայրաքաղաքում առկա չորացած և վթարային ծառերի պարագայում: Աշնանային էտի ընթացքում կհատվի շուրջ 250 ծառ:
Աղբյուր՝ Երևանի քաղաքապետարան

 

14:19 Աշխարհում
Արկտիկայում փոկերը սատկում են ժանտախտի պատճառով

Այդ վարակը կենդանիների հետ միասին է մտել Խաղաղ օվկիանոս, որոնք փախել են Գրենլանդիայում գլոբալ տաքացման հետևանքով:

13:53 Հայաստան
ՀՀ մարդու իրավունքների պաշտպանի աշխատակազմի ներկայացուցիչները հանդիպել են Երևան քաղաքի ավագանու «Լույս» խմբակցության ղեկավար Դ. Խաժակյանին և ավագանու անդամ Ա. Խաչատրյանին,

ովքեր ավելի վաղ հանդիպել էին նաև Մարդու իրավունքների պաշտպան Ա. Թաթոյանի հետ։ Անմիջականորեն ժողովրդի քվեով ընտրված և քաղաքացիների հետ մշտական կապի մեջ գտնվող ավագանու անդամների հետ համագործակցության նման ձևաչափը կբարձրացնի խնդիրների լուծման արդյունավետությունը։ Հանդիպման ընթացքում քննարկվել են Մարդու իրավունքների պաշտպանին հասցեագրված և Երևանի քաղաքապետարանի իրավասությանն առնչվող համակարգային խնդիրները և դրանց վերհանմանն ու լուծմանն ուղղված համատեղ գործունեության ուղղությունները:
Աղբյուր՝ ՀՀ ՄԻՊ

13:40 Հայաստան
ՀՀ կրթության, գիտության, մշակույթի և սպորտի նախարարության աջակցությամբ մեկնարկում է «ԿԻՆ» միջազգային 16-րդ կինոփառատոնը, որը կտևի մինչև նոյեմբերի 15-ը

Փառատոնն արդեն 16 տարի ցուցադրում է աշխարհի ամենատարբեր կին ռեժիսորների հեղինակած ֆիլմերը` հայ և արտասահմանցի կին կինոռեժիսորների միջև հանդիսանալով փորձի փոխանակման հարթակ։ Այս տարի կինոփառատոնի ընթացքում կցուցադրվի 65 ֆիլմ` 13 երկրից, որոնք ընդգրկվել են փառատոնի ծրագրերում: Փառատոնը ներառում է՝ Կարճամետրաժ ֆիլմերի մրցութային, Հյուրերի ծրագրերը, Բրիտանական խորհրդի «Կինոժապավեն՝ իրականությունից», «Կանացի հայացք» կանադական կարճամետրաժ ֆիլմերի ծրագրերը: Կցուցադրվի նաև Մարգարեթ ֆոն Տրոտտայի «Փնտրելով Ինգմար Բերգմանին» ֆիլմը, որի պրեմիերան տեղի է ունեցել Կաննի միջազգային կինոփառատոնի շրջանակում, իսկ ռետրոսպեկտիվ ցուցադրությունը նվիրված է Անյես Վարդայի հիշատակին:
ՀՀ կրթության, գիտության, մշակույթի և սպորտի նախարարություն

Տեսանյութեր

«22 օր ապօրինի անազատության մեջ եմ գտնվել». Արսեն Բաբայանն ազատ արձակվեց
13:59 12/11/2019

«22 օր ապօրինի անազատության մեջ եմ գտնվել». Արսեն Բաբայանն ազատ արձակվեց

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}