Օրվա թեմա

ԿԱՐՃ ԼՈՒՐԵՐ

18:20 Հայաստան
ՀՀ տարածքային կառավարման և զարգացման նախարարությունում տեղի է ունեցել «Մաքուր Հայաստան» գործողությունների ծրագրի իրականացման միջգերատեսչական հանձնաժողովի հերթական նիստը,

որը վարել ՏԿԶ նախարարի առաջին տեղակալ, հանձնաժողովի նախագահ Վ. Տերտերյանը:
Ներկայացվել են «Մաքուր Հայաստան» ծրագրի շրջանակում կատարված աշխատանքները: Ծրագրի շրջանակում կազմակերպվել է երկու համապետական շաբաթօրյակ և երկու լրացուցիչ համաքաղաքային շաբաթօրյակ Երևանում, արդյունքում՝ 2017 թվականի հոկտեմբերի 18-ի դրությամբ, արձանագրված 2029 աղբանոցից մաքրվել կամ կոնսերվացվել են 1574-ը: 
Մամուլի հաղորդագրություն

18:07 Հայաստան
Հոկտեմբերի 9-13-ն ընկած ժամանակահատվածում նորերով է փոխարինվել փողոցների ու բակերի 720 վնասված լուսատու

Այգիների և խաղահրապարակների արտաքին լուսավորության ցանցերում առկա բոլոր թերությունները վերացվել են: Արագ արձագանք են ստացել նաև թեժ գծերով ստացված զանգերը: Նախորդ շաբաթվա ընթացքում կառուցվել և Երևանի արտաքին լուսավորության ցանցին է միացվել 1 փողոցի հատված:
Աղբյուր՝ Երևանի քաղաքապետարան

18:06 Հայաստան
ՀՀ արդարադատության նախարարի տեղակալ Ս. Քրմոյանի գլխավորությամբ տեղի է ունեցել Անչափահասների արդարադատության խորհրդի հերթական նիստը

Հանդիպմանը ներկա են եղել պետական, միջազգային և հասարակական կազմակերպությունների շուրջ երկու տասնյակ ներկայացուցիչներ: Ս. Քրմոյանը հանդիպման մասնակիցների հետ քննարկել է Հայաստանի՝ «Վերջ երեխաների նկատմամբ բռնությանը» (EVAC) գլոբալ գործընկերությանն անդամակցելու հարցն ու Անչափահասների արդարադատության խորհուրդը նշված կազմակերպությանն անդամակցելու համար անհրաժեշտ հարթակ դիտարկելու նպատակահարմարությունը:
Աղբյուր՝ ՀՀ ԱՆ

18:05 Աշխարհում
Հայ դատի Եվրոպայի հանձնախմբի նախաձեռնությամբ Բելգիայի մայրաքաղաք Բրյուսելի «Հայ տանը» մեկնարկել է Եվրոպահայերի 4-րդ համագումարը,

որին մասնակցում են Արցախի նախագահ Բ. Սահակյանը, Մեծի Տանն Կիլիկիո Արամ Ա կաթողիկոսը, ՀՀ սփյուռքի նախարար Հ. Հակոբյանը, ՀՀ ԱԳ նախարար Է. Նալբանդյանը և այլք: Համագումարին բացման խոսքով հանդես է եկել ՀՅԴ Եվրոպայի Հայ դատի հանձնախմբի նախագահ Գ. Կարապետյանը: Սփյուռքի նախարարն անդրադարձել է հայերի ակտիվ մասնակցությանը եվրոպական քաղաքակրթության  զարգացման գործում, ինչպես նաև եվրոպական արժեհամակարգի ազդեցությանը հայ մշակույթի զարգացման, Հայաստանում ժողովրդավարական արժեքների ամրապնդման գործընթացում:
Աղբյուր՝ ՀՀ սփյուռքի նախարարություն

17:57 Հայաստան
ՀՀ փաստաբանների պալատը քննարկում էր նախաձեռնել «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» ՀՀ օրենքի նախագծի վերաբերյալ

Պալատի նախագահը ուշադրություն է հրավիրել այն փաստին, որ ՀՀ արդարադատության նախարարությունը նախագծի ընդունումը պայմանավորում է բռնության դեպքերի մեջ տեղ գտած ընտանեկան բռնության առկայությամբ, որի դեպքերին առնչվող վիճակագրությունը փոքր է, բայց նախարարությունը վստահեցնում է, որ լատենտայնություն կա, թաքնված դեպքերը շատ են: Նա, բերելով բռնության մի շարք օրինակներ, նշել է, որ այն առկա է դպրոցներում, ԲՈՒՀ-երում, բանակում, պետական մարմիններում՝ հավելելով, որ բոլոր տիպի բռնությունների արձանագրման դեպքում էլ ընտանեկան բռնություններն էլի աննշան թիվ են կազմելու:
Աղբյուր՝ pastaban.am

17:53 Աշխարհում
Հրապարակվել է ՄԱԿ-ի բնակչության հիմնադրամի «Աշխարհի բնակչությունը 2017թ.» տարեկան զեկույցը, որի խորագիրն է «Անջատ աշխարհներ. վերարտադրողական առողջությունը և իրավունքները անհավասարության դարում»

Այն անդրադառնում է անհավասարության դրսևորումներին և ազդեցությանը այնպիսի ոլորտներում, ինչպիսիք են մայրական մահացությունը, հղիների խնամքը, եկամուտների բաշխվածությունը բնակչության և սեռերի միջև, աշխատանքի և կրթության կարևորությունը տղամարդկանց և կանանց համար և այլն: Զեկույցի բացահայտումներում ուշագրավ է Հայաստանում արձանագրված դրական փորձին կատարված անդրադարձը, որում Հայաստանի հաջողված պատմությունը ներկայացված է որպես հղիների խնամքի և առողջապահական ծառայությունների մատչելիության առումով  անհավասարությունների կրճատման լավագույն օրինակ:
Մամուլի հաղորդագրություն
 

17:53 Հայաստան
Ավարտվել են հոկտեմբերի 16-ից 18-ը Երևանում անցկացված ՀՀ մարզերի, Երևան քաղաքի և Արցախի հանրակրթական դպրոցների 8-12-րդ դասարանների «Սպարտակիադա» մարզական միջոցառման ծրագրով անցկացվող

հնգամարտի մրցումները, որը կազմակերպել է ՀՀ սպորտի և երիտասարդության հարցերի նախարարությունը: Բոլոր հաղթողները և մրցանակակիրներն արժանացել են ՀՀ սպորտի և երիտասարդության հարցերի նախարարության հավաստագրերի, մեդալների և գավաթների:
Աղբյուր՝ ՀՀ սպորտի և երիտասարդության հարցերի նախարարություն

17:40 Հայաստան
ՀՀ բնապահպանության նախարարի տեղակալ Խ. Հակոբյանը հանդիպել է «Ինտերնացիոնալ արտ» ընկերության ներկայացուցիչ Մ. Փարսադանելլիին, ով ՀՀ է ժամանել «Ես Հայաստանն եմ- մեծ մշակույթ» նախագծի շրջանակներում

Մշակույթի և արվեստի ոլորտում միջազգային ծրագրերի մասնագետը տեղեկացրել է, որ  համաշխարհային խոշոր SILA SVETA /Լոս Անջելես/ կազմակերպության հետ կազմակերպվում է մուլտիմեդիա ձևաչափով ցուցահանդես` նվիրված Հայաստանին և հայ ժողովրդի մեծերին: Ցուցահանդեսում նախատեսված է նաև Հայաստանի շրջակա միջավայրին նվիրված ցուցասրահ և հյուրը խնդրել է աջակցել վերջինիս ձևավորման և համապատասխան տեղեկատվության տրամադրման հարցում:
Աղբյուր՝ ՀՀ բնապահպանության նախարարություն

17:39 Աշխարհում
Սիրիայում ՀՀ դեսպան Ա. Փոլադյանը և ՍԱՀ Էկոնոմիկայի և արտաքին առևտրի նախարար Ա.Ս. Խալիլը քննարկել են երկու երկրների միջև տնտեսական հարաբերությունների աշխուժացման հեռանկարները

Նախարար Խալիլը նշել է, որ Սիրիան մեծապես հետաքրքրված է տեսնու հայկական արտադրության ապրանքներն իր շուկայում՝ ընդգծելով, որ ներկայումս առկա են բոլոր նախապայմանները հայ-սիրիական առևտրական համագործակցությունը վերսկսելու համար:
Կողմերն անդրադարձել են Սիրիայի տնտեսության վերականգնման գործում Հայաստանի մասնակցության հնարավորություններին գյուղատնտեսության, արդյունաբերության, առողջապահության, կրթության և տեխնոլոգիաների ոլորտներում:
Աղբյուր՝ ՀՀ ԱԳՆ

17:25 Հայաստան
Գինեսի համաշխարհային ռեկորդ սահմանած ջութակահար Նիկոլոյա Մադոյանն իր հաղթանակը նվիրել է ապրիլյան պետերազմի հերոսներին

33 ժամ, 2 րոպե և 41 ժամ անընդմեջ նվագով (ժամը մեկ՝ 5-րոպեական դադարներով) ջութակահարը համաշխաշխարհային ռեկորդ է սահմանել։ Գինեսի համաշխարհային գրասենյակը պաշտոնապես ճանաչել է նրա ռեկորդը հուլիսի 25- ին, իսկ ռեկորդը սահմանվել է փետրվարի 11-12-ը՝ Կամերային երաժշտության տանը։
Մամուլի հաղորդագրություն

17:12 Հայաստան
ՀՀ տրանսպորտի, կապի և տեղեկատվական տեխնոլոգիաների նախարարը և ՀՀ- ում Սիրիայի դեսպան Մ. Հ. Իբրահիմն անդրադարձել են տեղեկատվական տեխնոլոգիաների ոլորտում հարաբերությունների ստեղծմանն ուղղված քայլերին

Նախարար Վ. Մարտիրոսյանը նշել է, որ ուրախ կլինի, եթե սիրիական ընկերությունները մասնակցեն Հայաստամի համար կարևոր նշանակություն ունեցող ծրագրերին։ Դեսպանը խոսել է Սիրիայում տիրող ներկա իրավիճակի և տրանսպորտային կապուղիները վերականգնելու խնդրի մասին, ընդգծել, որ լիահույս է Հայաստանի հետ վերականգնելու և զարգացնելու հարաբերությունները հատկապես ուղևորափոխադրումների և բեռնափոխադրումների ոլորտներում:
Աղբյուր՝ mtcit.am

16:33 Հայաստան
Հոկտեմբերի 18-ի ՀՀ ԳԱԱ նախագահության նիստում Լևոն Օրբելու անվան ՀՀ ԳԱԱ ֆիզիոլոգիայի ինստիտուտի տնօրենի պաշտոնում վերընտրվել է կենսաբանական գիտությունների դոկտոր Նաիրա Այվազյանը

Նա ՀՀ ԳԱԱ ֆիզիոլոգիայի ինստիտուտը ղեկավարում է 2012թ-ից: Ն. Այվազյանի գիտական հետաքրքրությունների շրջանակն ընդգրկում է տոքսիկոլոգիան, կենսաֆիզիկան, նեյրոքիմիան, կենսաքիմիան: Նա 91 գիտական աշխատանքի հեղինակ է, այդ թվում հեղինակել է 3 ուսումնամեթոդական ձեռնարկ և 1 մենագրություն:
Աղբյուր՝ ՀՀ ԳԱԱ

16:20 Հայաստան
Հոկտեմբերի 19-ին 19.00- ին, «Արամ Խաչատրյան» համերգասրահում Խաչատրյանի միջազգային փառատոնի շրջանակներում տեղի կունենա Սերժ Թանկյանի «Օրկա» սիմֆոնիայի հայաստանյան պրեմիերան

Երեկոյի ընթացքում Հայաստանի պետական երիտասարդական նվագախմբի հետ ելույթ կունենա նաև դաշնակահար Լևոն Կարապետյանը՝ ներկայացնելով Արամ Խաչատրյանի Դաշնամուրի կոնցերտը։ Խաչատրյանական փառատոնն անցկացվում է ՀՀ նախագահի հովանու ներքո։
Մամուլի հաղորդագրություն

16:06 Հայաստան
Հոկտեմբերի 23-ին մեկնարկում են ՀՀ սպորտի և երիտասարդության հարցերի նախարարության կողմից անցկացվող հանրապետական ուսանողական մարզական խաղերը,

որն ընդգրկում է վեց մարզաձև՝ բասկետբոլ( տղաներ և աղջիկներ), վոլեյբոլ (տղաներ և աղջիկներ), ֆուտզալ (տղաներ), սեղանի թենիս (տղաներ և աղջիկներ), հրաձգություն (տղաներ և աղջիկներ) և հնգամարտ (տղաներ և աղջիկներ): Հանրապետական ուսանողական մարզական խաղերի ծրագրով առաջինը կանցկացվեն հնգամարտի մրցումները, որոնք տեղի կունենան «Հայաստան» մարզական միություն հասարակական կազմակերպության մարզադաշտում: Հաջորդը կմեկնարկի վոլեյբոլի մրցաշարը, որը տեղի կունենա հոկտեմբերի 25-ից 29-ը Երևանի պետական համալսարանի մարզադահլիճում:
Աղբյուր՝ ՀՀ սպորտի և երիտասարդության հարցերի նախարարություն

15:30 Աշխարհում
ՆԱՍԱ- ում պատմել են «Սոյուզ» տիեզերանավի ապահերմետիկացման մասին

Ըստ տիեզերագնաց Ստաֆֆորդի՝ դեպքն անձնակազմի համար վտանգ չի առաջացրել, սակայն հարցականի տակ է դրել ռուսական նավերի հուսալիությունը:

15:17 Հայաստան
ՀՀ սպորտի և երիտասարդության հարցերի նախարարության, «SALTO-YOUTH EuroMed & Good Practices Resource Centre» և «SALTO EECA» միջազգային կազմակերպությունների աջակցությամբ «ԿԱԶԱ» շվեյցարական հիմնադրամը

հոկտեմբերի 20-ին ՀՀ- ում առաջին անգամ անցկացնելու է կրթական գործիքների ազգային տոնավաճառ: «ԿԱԶԱ» շվեյցարական մարդասիրական հիմնադրամի տնօրեն Ա. Մինասյանը մի շարք մանրամասներ է ներկայացրել կայանալիք տոնավաճառի մասին: Նա նշել է, որ այն հարթակ է, որտեղ երիտասարդների հետ կամ նրանց համար աշխատող մասնակիցները կկարողանան շփվել, փոխանակվել ոչ ֆորմալ կրթության և երիտասարդական աշխատանքի ոլորտի իրենց մեթոդներով, փորձարկել, վերլուծել և ոգեշնչվել նոր մեթոդների ստեղծման համար: Հանդիպման ընթացքում ներկայացվել է educationaltoolsportal.eu պորտալը:
Աղբյուր՝ ՀՀ սպորտի և երիտասարդության հարցերի նախարարություն

14:04 Հայաստան
ՀՀ աշխատանքի և սոցիալական հարցերի նախարարությունում սկսվել է պետական հավաստագրերի հիման վրա լսողական սարք և հաշմանդամի սայլակ տրամադրող իրավաբանական անձանց և անհատ ձեռնարկատերերի

որակավորման գործընթացը: Կազմակերպությունը կարող է ցանկացած ժամանակ դիմել և որակավորվելու դեպքում ներառվել որակավորված կազմակերպությունների ցանկում: Նաև կազմակերպութունը ցանկացած ժամանակ կարող է դուրս գալ ցանկից` իր գրավոր դիմումի համաձայն: Պետական հավաստագրերի հիման վրա լսողական սարք, հաշմանդամի սայլակ տրամադրելու նպատակով իրականացվող որակավորման գործընթացին մասնակցելու համար կազմակերպությանը ներկայացվող պահանջները, անհրաժեշտ փաստաթղթերի ցանկը, փաստաթղթերը ներկայացնելու կարգը և այլ տեղեկատվությունը՝ այստեղ:
Աղբյուր՝ ՀՀ աշխատանքի և սոցիալական հարցերի նախարարություն

13:12 Հայաստան
Եվրոպայի վոլեյբոլի կոնֆեդերացիայի նախագահ Ա. Բորիչիչի գլխավորած պատվիրակության հետ հանդիպմանը Երևանի քաղաքապետն առաջարկել է Հայաստանի ֆեդերացիայի հետ համատեղ քննարկել

ու ներկայացնել ծրագրային առաջարկությունների հստակ փաթեթ՝ մեկ անգամ ևս ընդգծելով, որ Երևանի քաղաքապետարանն իր լիազորությունների շրջանակում պատրաստակամ է համագործակցել և աջակցել բոլոր այն նախաձեռնություններին, որոնք ուղղված են Երևանում առողջ ապրելակերպի խթանմանն ու սպորտի մասսայականացմանը:
Աղբյուր՝ Երևանի քաղաքապետարան

13:00 Աշխարհում
Հոկտեմբերի 15-ին Սանկտ Պետերբուրգում կայացած Միջխորհրդարանական միության գլխավոր վեհաժողովի շրջանակներում կառույցի առողջապահական խմբում ՀՀ ԱԺ պատգամավոր, Կ.Ավագյանը հանդես է եկել զեկույցով՝

ներկայացնելով ՄԻԱՎ/ՁԻԱՀ-ի դեմ պայքարի գործում ՀՀ ԱԺ կողմից իրականացված օրենսդրական բարեփոխումները։ Միջխորհրդարանական միության առողջապահական խմբում քննարկվում են համաշխարհային առողջապահական խնդիրները, մարտահրավերները, դրանց լուծման ուղիները։ Խոսելով հայաստանյան փորձի մասին՝ ՀՀ ԱԺ պատգամավորը մանրամասն անդրադարձել է թեմային առնչվող օրենսդրական փոփոխություններին, մասնավորապես, ՄԻԱՎ-ով ապրող անձանց նկատմամբ ճամփորդական արգելքների, պարտադիր հետազոտությունների վերացմանը։ Կարեն Ավագյանն իր ելույթում հատուկ ընդգծել է, որ ցանկացած տիպի պատժիչ օրենսդրություն չի նպաստում էպիդեմիայի վերացմանը, ուստի անհրաժեշտ է հանրային առողջապահական մոտեցումներ ցուցաբերել և կիրառել նոր մեթոդներ՝ բուժումը դիտարկելով որպես կանխարգելում։
Աղբյուր՝ ՀՀԿ երիտասարդական կազմակերպություն

11:43 Աշխարհում
Չինաստանում սկսվել է Կոմկուսի 19-րդ համագումարը

Երկրի մայրաքաղաքում անցկացվող միջոցառմանը մասնակցելու համար 2287 պատվիրակներ են եկել:

11:00 Հայաստան
Երևանի քաղաքապետը Նոր Նորք վարչական շրջանում ներկա է գտնվել ՀԽՍՀ պետական գործիչ, Նոր Նորքի առաջին ղեկավար Պավել Սաֆյանի անունով անցուղու անվանակոչման հանդիսավոր արարողությանը

Հանդիսավոր արարողության ժամանակ ներկաները ծաղիկներ են խոնարհել անցուղու հարևանությամբ գտնվող Պ. Սաֆյանի և Նոր Նորք վարչական շրջանի նախկին ղեկավար Դ. Պետրոսյանի կիսանդրիներին: Անցուղու երկայնքով տեղադրվել են նաև նստարաններ և ծաղկամաններ:
Աղբյուր՝ Երևանի քաղաքապետարան

10:51 Հայաստան
Միջոցներ են ձեռնարկվում՝ պարզելու գողացված քարտով գումարի կանխիկացման փորձ կատարած անձի ինքնությունը

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասի, 2-րդ մասի 3-րդ կետի և 324-րդ հոդվածի 1-ին մասի հատկանիշներով, որով նախաքննությունն իրականացվում է ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում: Տեսանյութը՝ քննչական կոմիտեի պաշտոնական կայքում:
Աղբյուր՝ ՀՀ քննչական կոմիտե

 

10:39 Հայաստան
ԳՄՀԸ «Կենսաբազմազանության ինտեգրված կառավարումը Հարավային Կովկասում» ծրագրի բաղադրիչներից մեկն է «Ինտեգրված էրոզիայի վերահսկողությունը Հայաստանում» ծրագիրը,

որը համաֆինանսավորվում է Ավստրիական զարգացման գործակալության կողմից: Այն աշխատանքներ է իրականացնում Շիրակի և Արագածոտնի մարզի 10 ընտրված պիլոտային համայնքներում: Մեծ Մանթաշը այն պիլոտային համայնքներից մեկն է, որտեղ իրականացվում են անտառապատման և բիոինժեներական միջոցառումներ: Էրոզիայի կանխագելման նպատակով էրոզացված տարածքներում իրականացվել է անտառապատման ծրագիր, որի շրջանակներում Շիրակի մարզի նաև Սարալանջ, Փոքր Մանթաշ, Նահապետավան և Հառիճ համայնքներում կատարվել և ընթացքի մեջ են շուրջ 65 հա ընդհանուր մակերեսով տարածքի համայնքային անտառների հիմնման աշխատանքներ:
Մամուլի հաղորդագրություն


 

10:25 Աշխարհում
Նիդերլանդների Հաագա քաղաքում տեղի է ունեցել տոնական համերգ-միջոցառում, որը նվիրված է եղել ՀՀ անկախության 26-րդ և Հայաստանի ու Նիդերլանդների միջև դիվանագիտական հարաբերությունների հաստատման

25-րդ տարեդարձներին։ Միջոցառմանը ներկա են եղել Նիդերլանդների պետական մարմինների, Նիդերլանդներում հավատարմագրված դիվանագիտական ներկայացուցչությունների և միջազգային կազմակերպությունների ու դատարանների ներկայացուցիչներ, արվեստի գործիչներ, գործարարներ և հայ համայնքի ներկայացուցիչներ: Կայացած համերգին ելույթ է ունեցել «Կոմիտաս» ազգային քառյակը:
Համերգները կազմակերպվել էին Նիդերլանդներում ՀՀ դեսպանության և Մաաստրխտի «Անի» հայ համայնքի կողմից` ՀՀ ՄՆ աջակցությամբ:
Աղբյուր՝ ՀՀ ԱԳՆ

10:12 Հայաստան
Քննարկվել է Հայաստանի համայնքները Էկոգյուղերի գլոբալ ցանցում ընդգրկելու հեռանկարը

ՀՀ բնապահպանության նախարարի տեղակալ Խ. Հակոբյանը հանդիպել է Էկոգյուղերի գլոբալ ցանցի գործադիր տնօրեն Կ. Ա. Ջոուբերտին և Վայրի բնության և մշակութային արժեքների պահպանության հիմնադրամի նախագահ Ռ. Խաչատրյանին, ում հրավերով հյուրը Հայաստան է ժամանել «Արևորդի» միջազգային բնապահպանական 7-րդ փառատոնին մասնակցելու նպատակով:
Աղբյուր՝ ՀՀ բնապահպանության նախարարություն

20:30 Աշխարհում
App Store- ից կջնջեն Ֆիլիպինների նախագահի մասին խաղերը

Ըստ առողջապահական կազմակերպությունների՝ բջջային հավելվածները Դուտերտեի բռնապետությունն են քարոզում:

19:00 Հայաստան
Մայրաքաղաքում բացվել է Քանաքեռ-Զեյթունի մանկապատանեկան համալիր մարզադպրոցի նոր մասնաշենքը

Միջոցառմանը ներկա են եղել Երևանի քաղաքապետը, ՀՀ ԱԺ պատգամավոր Ռ. Սարգսյանը, հունահռոմեական ոճի ըմբշամարտի Հայաստանի ազգային հավաքականի գլխավոր մարզիչ Լ. Ջուլֆալակյանը, օլիմպիական չեմպիոն և աշխարհի եռակի չեմպիոն Ա. Ալեքսանյանը և այլք: Քաղաքապետարան-մասնավոր հատված համագործակցության շրջանակում կյանքի կոչված ծրագրով երեխաների մարզումների համար ստեղծվել են անհրաժեշտ բոլոր պայմանները:
Աղբյուր՝ Երևանի քաղաքապետարան

18:44 Աշխարհում
Գերմանացիների 70 տոկոսը դեմ են մահմեդական տոներին

Դրանք օրենսդրական մակարդակում ներառելու առաջարկ է արել երկրի ներքին գործերի նախարարը:

Տեսանյութեր

Արա Զոհրաբյան. «Ընտանեկան բռնության կանխարգելման մասին» օրենքը վերաբերում է բոլորիս
15:42 18/10/2017

Արա Զոհրաբյան. «Ընտանեկան բռնության կանխարգելման մասին» օրենքը վերաբերում է բոլորիս

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}