Իրավունք

ԿԱՐՃ ԼՈՒՐԵՐ

18:06 Հայաստան
ՀՀ քննչական կոմիտեի նախագահ Հ. Գրիգորյանի հանձնարարությամբ հրավիրվել է ընդլայնված նիստ, որի ժամանակ ամփոփվել են Երևան քաղաքի քննչական վարչության

և ԵՔՔՎ հինգ քննչական բաժինների կողմից 2018 թվականին կատարված աշխատանքները: Երևանի քննչական վարչության պետը և ԵՔՔՎ հինգ քննչական բաժինների պետերը հանդես են եկել նախորդ տարվա ընթացքում կատարված աշխատանքների վերաբերյալ զեկույցներով: ՀՀ քննչական կոմիտեի նախագահ Հ. Գրիգորյանը քննարկել է հարուցված քրեական գործերի ընթացքը, դրանք առավել արդյունավետ կազմակերպելու, ինչպես նաև քննիչների կողմից դեպքի վայրի զննության ընթացքում թույլ տրված վրիպումները շտկելու վերաբերյալ տվել հանձնարարականներ:
Աղբյուր՝ ՀՀ քննչական կոմիտե

 

17:53 Հայաստան
ՀՀ ԿԳ նախարարի տեղակալ Ա. Անափիոսյանը և Հայաստանում գտնվող Միջազգային հանրապետական ինստիտուտի ռազմավարական խորհրդատու Բ. Ջեքսոնի գլխավորած պատվիրակությունը քննարկել են

կրթության և գիտության համակարգում բարեփոխումների հիմնական ուղղություններին, կրթության կառավարման արդյունավետության բարձրացմանը և գերատեսչական կարողությունների հզորացմանն առնչվող մի շարք հարցեր: Այս համատեքստում կողմերը կարևորել են մասնավորապես հաղորդակցության ռազմավարության մշակումը` շեշտը դնելով կրթության բոլոր մակարդակներում մեկնարկած բարեփոխումների գործընթացում հանրային ընկալումների աջակցության դերակատարման բարձրացման վրա:
Աղբյուր՝ ՀՀ ԿԳՆ

17:40 Հայաստան
Այսօր տեղի է ունեցել ՀՀ ԳԱԱ-ի Մաթեմատիկական և տեխնիկական գիտությունների բաժանմունքի տարեկան ընդհանուր ժողովը

2018թ-ի գիտական և գիտակազմակերպական գործունեության հիմնական արդյունքները ներկայացրել է Մաթեմատիկական և տեխնիկական գիտությունների բաժանմունքի ակադեմիկոս-քարտուղար ՀՀ ԳԱԱ ակադեմիկոս Լ. Աղալովյանը: ՀՀ ԳԱԱ-ի Մաթեմատիկական և տեխնիկական գիտությունների բաժանմունքի կազմում ընդգրկված են՝ Մաթեմատիկայի, Մեխանիկայի, Ինֆորմատիկայի և ավտոմատացման պրոբլեմների ինստիտուտները, «Հիդրոմեխանիկայի և վիբրոտեխնիկայի բաժին» ՓԲԸ-ն: Բաժանմունքի կազմում ընդգրկված են` ՀՀ ԳԱԱ 14 ակադեմիկոս, 9 թղթակից անդամ, 26 արտասահմանյան անդամ, 5 պատվավոր դոկտոր:
Աղբյուր՝ ՀՀ ԳԱԱ
 

17:25 Հայաստան
ՀՀ ԳԱԱ-ի քիմիական և Երկրի մասին գիտությունների բաժանմունքն ամփոփել է 2018թ-ի գործունեության արդյունքները բաժանմունքի տարեկան ընդհանուր ժողովում

Բաժանմունքի ակադեմիկոս-քարտուղար ՀՀ ԳԱԱ ակադեմիկոս Լևոն Թավադյանը ժողովի ընթացքում ներկայացրել է 2018թ-ի գիտական և գիտակազմակերպական գործունեության հիմնական արդյունքները: ԳԱԱ-ի քիմիական և Երկրի մասին գիտությունների բաժանմունքի կազմում ընդգրկված են Ա.Նալբանդյանի անվան քիմիական ֆիզիկայի, Մ.Մանվելյանի անվան ընդհանուր և անօրգանական քիմիայի, Երկրաբանական գիտությունների, Ա.Նազարովի անվան երկրաֆիզիկայի և ինժեներային սեյսմաբանության ինստիտուտները, Օրգանական և դեղագործական քիմիայի գիտատեխնոլոգիական կենտրոնը:
Աղբյուր՝ ՀՀ ԳԱԱ

17:12 Հայաստան
ՀՀ ԳԱԱ-ի Բնական գիտությունների բաժանմունքի տարեկան ընդհանուր ժողովին բնական գիտությունների բաժանմունքի ակադեմիկոս-քարտուղար, ՀՀ ԳԱԱ թղթակից անդամ Ռ. Հարությունյանը ներկայացրել է

2018թ-ի գիտական և գիտակազմակերպական գործունեության հիմնական արդյունքները:  Բաժանմունքի կազմում ընդգրկված են Էկոլոգանոոսֆերային հետազոտությունների կենտրոնը, «Հայկենսատեխնոլոգիա» գիտաարտադրական կենտրոնը, Կենդանաբանության և հիդրոէկոլոգիայի գիտական կենտրոնը, Ա.Թախտաջյանի անվան բուսաբանության ինստիտուտը, Հ.Բունիաթյանի անվան կենսաքիմիայի ինստիտուտը, Գ.Դավթյանի անվան հիդրոպոնիկայի պրոբլեմների ինստիտուտը, Մոլեկուլային կենսաբանության ինստիտուտը, Լ.Օրբելու անվան ֆիզիոլոգիայի ինստիտուտը:
Աղբյուր՝ ՀՀ ԳԱԱ

16:33 Հայաստան
Այսօր տեղի է ունեցել ՀՀ ԳԱԱ-ի Հայագիտության և հասարակական գիտությունների բաժանմունքի տարեկան ընդհանուր ժողովը

Հայագիտության և հասարակական գիտությունների բաժանմունքի ակադեմիկոս-քարտուղար ՀՀ ԳԱԱ ակադեմիկոս Յուրի Սուվարյանը ներկայացրել է բաժանմունքի 2018թ-ի գիտական և գիտակազմակերպական գործունեության հիմնական արդյունքները: Բաժանմունքի կազմում ընդգրկված են` Պատմության, Մ.Քոթանյանի անվան տնտեսագիտության, Փիլիսոփայության, սոցիոլոգիայի և իրավունքի, Հրաչյա Աճառյանի անվան լեզվի, Մանուկ Աբեղյանի անվան գրականության, Արևելագիտության, Հնագիտության և ազգագրության, Արվեստի ինստիտուտները, Շիրակի հայագիտական հետազոտությունների կենտրոնը, «Հայկական հանրագիտարան» հրատարակչությունը:
Աղբյուր՝ ՀՀ ԳԱԱ

16:06 Աշխարհում
ՄԱԿ-ի Հարավ-Հարավ համագործակցության բարձր մակարդակով երկրորդ միջազգային համաժողովի շրջանակներում Արգենտինայի ԱԳ արտաքին հարաբերությունների քարտուղար Գ. Սլաուվինենն ընդունել է

Հայաստանի ԱԳ նախարարի տեղակալ Ա. Ապիտոնյանի գլխավորած պատվիրակությանը: Կողմերը գոհունակությամբ արձանագրել են հայ-արգենտինյան քաղաքական երկխոսության բարձր մակարդակը, կարևորել երկու պետությունների միջև հարաբերություններում արգենտինահայ համայնքի դերակատարումը, քննարկել առևտրատնտեսական, կրթական և մշակութային կապերի առավել խորացման և ակտիվացման հեռանկարները:
Աղբյուր՝ mfa.am

15:44 Աշխարհում
Մարտի 22-ին, Ֆրանկոֆոնիայի միջազգային օրվան նվիրված տոնակատարությունների շրջանակներում, ՖՄԿ կենտրոնակայանում տեղի է ունեցել

«Արտիստների ժամանակը» վավերագրական ֆիլմի առաջին ցուցադրությունը Ֆրանսիայում՝ ՖՄԿ ադմինիստրատոր Ա. Ուանի, ՀՀ վարչապետի անձնական ներկայացուցիչ դեսպան Ք. Տեր-Ստեփանյանի, Ֆրանսիայում ՀՀ դեսպան Հ. Տոլմաջյանի, ֆիլմի հեղինակ Ա. Դասո Տեր-Մեսրոպյանի, համաարտադրող Ս. Ավեդիկյանի, ֆրանսիացի ռեժիսոր Դ. Վ. Դյուրանի:
Աղբյուր՝ mfa.am

 

15:30 Հայաստան
ՀՀ ՊՆ վարչական համալիրում անցկացվող զինված ուժերի ղեկավար կազմի օպերատիվ հավաքի շրջանակում դասախոսությամբ հանդես է եկել ՀՀ արտաքին գործերի նախարար Զոհրաբ Մնացականյանը

Զինված ուժերի բարձրաստիճան սպաներին են ներկայացվել Լեռնային Ղարաբաղի հիմնախնդրի խաղաղ կարգավորման գործընթացում Հայաստանի մոտեցումները և սկզբունքային դիրքորոշումը, տարածաշրջանային զարգացումները և այն կարևորագույն ազդակներն ու գործոնները, որոնք կարող են դերակատարություն ունենալ այս հարցում: ՀՀ արտաքին գործերի նախարարը ևս մեկ անգամ փաստել է, որ Լեռնային Ղարաղաբի հակամարտության խաղաղ կարգավորման գործընթացն այլընտրանք չունի:
Աղբյուր՝ ՀՀ ՊՆ

15:21 Հայաստան
«Հերացի» հիվանդանոցային համալիրի պոլիկլինիկայում ԵՊԲՀ պրոֆեսորների կողմից իրականացվում են անվճար բժշկական խորհրդատվություններ,

որոնք կատարվում են ցանկացած բնակչի համար` անկախ տարիքից, սեռից և սպասարկման տարածքից, նախնական գրանցումով, յուրաքանչյուր շաբաթ օր, ժամը 10:00-12:00-ն:
Մանրամասների համար կարող եք զանգահարել (010) 58 07 24 հեռախոսահամարով:
«Հերացի» հիվանդանոցային համալիր

14:21 Հայաստան
Փետրվարին Հանրապետությունում անշարժ գույքի նկատմամբ իրականացվել է իրավունքի պետական գրանցման 13 223 գործարք.

ցուցանիշը 2019 թվականի հունվար ամսվա համեմատ աճել է 43.6 %-ով, իսկ 2018 թվականի փետրվար ամսվա համեմատ` 4.1 %-ով: Երևանում 2019 թվականի փետրվարին բազմաբնակարան բնակելի շենքերի բնակարանների 1 քառ.մ մակերեսի հաշվարկով շուկայական միջին գները 2019 թվականի հունվարի համեմատ աճել են 0.7 %-ով, իսկ 2018 թվականի փետրվարի համեմատ՝ 9.1 %-ով:
Աղբյուր՝ ՀՀ անշարժ գույքի կադաստրի կոմիտե

13:53 Հայաստան
«Ավրորա» մարդասիրական նախագիծը հնարավորություն կտա «Միացյալ աշխարհի քոլեջների» ուսանողներին իրենց ներդրումն ունենալ մարդասիրական հրատապ հիմնախնդիրների լուծման գործում

««Ավրորան»՝ UWC ցանցի դպրոցներին» նախագծի հայտերի ընդունումը սկսված է: Այն հնարավորություն է տալիս UWC ցանցի դպրոցների և քոլեջների ուսանողներին մշակել նախագծեր, որոնք կառաջարկեն մարդասիրական լուծումներ և դրական փոփոխություն կապահովեն համայնքներում: Նախագիծն իրագործելու համար հաղթող թիմը կստանա 4,000 ԱՄՆ դոլար դրամաշնորհ:
«Ավրորա» մարդասիրական հիմնադրամ

13:40 Արցախ
Արցախի Հանրապետության նախագահ Բակո Սահակյանի նախագահությամբ մարտի 25-ին տեղի է ունեցել կառավարության նիստ,

որի օրակարգում ընդգրկված հարցերի քննարկման ընթացքում նախագահը կոնկրետ հանձնարարականներ է տվել շահագրգիռ մարմինների ղեկավարներին՝ քննարկված հարցերի պատշաճ լուծման ուղղությամբ:
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

13:25 Հայաստան
Մարտի 28-ին 18:30-ին «Արամ Խաչատրյան» համերգասրահում տեղի կունենա ՀՀ տնտեսության ոլորտին նվիրված ապրանքանիշերի, հանրային ծառայությունների,

առողջապահության, տարածքային կառավարման ոլորտների վարկանիշով առաջատար ընկերություններին, համայնքներին և անհատներին նվիրված «Մերկուրի» միջազգային մրցանակաբաշխությունը, որին ներկայացված են 23 անվանակարգ: Միջոցառումն ուղեկցվելու է համերգային ծրագրով:
Մամուլի հաղորդագրություն

17:53 Աշխարհում
Համապետական շաբաթօրյակի աշխատանքերին ակտիվորեն ներգրավվել է նաև «Վեոլիա Ջուր» ընկերությունը

Շաբաթօրյակի շրջանակներում ընկերության ավելի քան հազար աշխատակիցներ հանրապետության մայրաքաղաքում և բոլոր մարզերում, Աշոցքից մինչև Մեղրի, Գյումրիից մինչև Վարդենիս, մասնակցել են մաքրման և խնամքի աշխատանքներին: Աշխատանքների արդյունքում մաքրվել և կարգի են բերվել ջրաղբյուրներն իրենց սանիտարական գոտիներով հանդերձ, խոշոր և բնակավայրերում տեղակայված բակային պոմպակայանների և այլ ինժեներական կառույցների տարածքներ, հավաքվել և վերացվել են ձմռան ընթացքում կուտակված աղբը, կոտրատված ճյուղերը, հին օգտագործված մեխանիզմները և այլն:
Մամուլի հաղորդագրություն

17:00 Հայաստան
ԱԺ նախագահ Ա. Միրզոյանը, պատգամավորները, աշխատակազմի տարբեր ստորաբաժանումների աշխատակիցներն իրենց մասնակցությունն են ունեցել համապետական շաբաթօրյակին

ԱԺ ներկայացուցիչները մաքրման, հողի փխրեցման, խոտածածկ տարածքների բարեկարգման աշխատանքներ և ծառատունկ են իրականացրել մայրաքաղաքի Օղակաձև զբոսայգում՝ Վարդան Մամիկոնյանի արձանի հարակից տարածքում: Խորհրդարանի ղեկավար Արարատ Միրզոյանը նախաձեռնությանը մասնակցել է ընտանիքով՝ կնոջ և երեխաների հետ: ԱԺ նախագահի խոսքով՝ իր համար օրն առավել քան տոնական է եղել ու սպասված:
Մամուլի հաղորդագրություն

16:33 Հայաստան
Համապետական շաբաթօրյակին Երևանի քաղաքապետը մասնակցել է ընտանիքի հետ

Հայկ Մարությանը շնորհակալություն է հայտնել շաբաթօրյակ-ծառատունկին միացած բոլոր բնակիչներին և ընդգծել, որ մաքուր քաղաք ունենալու համար կարևոր է յուրաքանչյուր քաղաքացու հոգատար վերաբերմունքը:
Աղբյուր՝ Երևանի քաղաքապետարան

15:44 Հայաստան
Քննչական կոմիտեի նախագահ Հայկ Գրիգորյանի հանձնարարությամբ` Կոմիտեի բոլոր ստորաբաժանումների և դեպարտամենտի աշխատակիցներն առավոտյան ժամը 10:00-ից ներգրավվել են

ՔԿ վարչական շենքերի և դրա հարակից տարածքների մաքրման աշխատանքներին: ՔԿ աշխատակիցների ջանքերով մաքրվել և բարեկարգվել է իրենց հատկացված տարածքները, իսկ որոշ վարչական շրջանների քննչական բաժնի աշխատակիցներ ներգրավվել են բնակելի շենքերի բակերի մաքրման աշխատանքներում: ՔԿ նախագահը շրջել է քննչական բաժնի շենքերով և ծանոթացել համապետական շաբաթօրյակի շրջանակներում կատարվող աշխատանքներին:
ՀՀ քննչական կոմիտե

15:05 Հայաստան
Հարկադիր կատարումն ապահովող ծառայությունում անցկացվել է շաբաթօրյակ, որին մասնակցել են Ծառայության կենտրոնական մարմնի ու Երևան քաղաքի բաժինների բոլոր աշխատակիցները՝

ՀՀ գլխավոր հարկադիր կատարող, արդարադատության գնդապետ Հակոբ Հակոբյանի գլխավորությամբ: Ծառայության վարչական շենքում և հարակից տարածքներում կատարվել են մաքրման, ծաղիկների, ծառերի տնկման ու կրապատման աշխատանքներ: Շաբաթօրյակ ու ծառատունկ կատարվել են նաև Ծառայության բոլոր մարզային բաժիններում:
Մամուլի հաղորդագրություն

14:42 Հայաստան
«Մաքուր Հայաստան» ծրագրի շրջանակներում Հայաստանի Հանրապետության ողջ տարածքում մեկնարկել է համապետական շաբաթօրյակը

ՀՀ ԱՆ քրեակատարողական ծառայության, ինչպես նաև բոլոր հիմնարկների աշխատակիցները նույնպես իրականացրին ծառայության շենքի, հիմնարկների տարածքների մաքրության և բարեկարգման ակտիվ աշխատանքներ: Ծառայության անձնակազմի կողմից թափոններից մաքրելու լայնածավալ աշխատանքներ տարվեցին նաև վարչական շենքի հարակից փողոցում:
Մամուլի հաղորդագրություն

13:40 Հայաստան
Գյուղատնտեսության նախարարի առաջին տեղակալ Գ. Գևորգյանը նախարարության աշխատակազմի հետ մասնակցել է համապետական շաբաթօրյակին և ծառատունկին

Բարեկարգման աշխատանքներին մասնակցել են նաև Գյուղատնտեսության զարգացման հիմնադրամի, Հայաստանի խաղողագործության և գինեգործության հիմնադրամի և ենթակա կառույցների ներկայացուցիչները: Նախարարության և համակարգի կազմակերպությունների աշխատակիցներն այս տարի սանիտարական մաքրման, աղբահավաքման և կանաչապատման աշխատանքներ են իրականացրել Կոմիտասի անվան պանթեոնում։
ՀՀ գյուղատնտեսության նախարարություն

Տեսանյութեր

Սերժ Սարգսյանը հարգանքի տուրք է մատուցել Անդրանիկ Մարգարյանի հիշատակին
14:09 25/03/2019

Սերժ Սարգսյանը հարգանքի տուրք է մատուցել Անդրանիկ Մարգարյանի հիշատակին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}