Քաղաքական
ԿԱՐՃ ԼՈՒՐԵՐ
Խաղաղ օվկիանոսում Հունգա-Տոնգա-Հունգա-Հաապայ ստորջրյա հրաբխի ժայթքումը կարող է լինել այս հրաբխի ամենահզոր ժայթքումը մ.թ. 1100 թվականից ի վեր: Այս մասին ասվում է Օքլենդի համալսարանի պրոֆեսոր, հրաբխագետ Շեյն Քրոնինի հոդվածում: Գիտնականների բացահայտումների համաձայն՝ «կալդերայի խոշոր ժայթքումները տեղի են ունենում մոտավորապես հազար տարին մեկ»։
Աղբյուր՝ ria.ru
Առնվազն 12 մարդ է զոհվել երկուշաբթի արևմտյան Աֆղանստանում տեղի ունեցած երկրաշարժի հետևանքով: Զոհերը մահացել են, երբ նրանց բնակելի տների տանիքները փլվել են արևմտյան Բադղիս նահանգի Քադիս շրջում, AFP-ին ասել է շրջանի նահանգապետ Մոհամմադ Սալեհ Փուրդելը:
Աղբյուր՝ france24.com
Պեկինում այս տարվա ձմեռային օլիմպիական խաղերի կազմակերպիչները չեղյալ են հայտարարել ընդհանուր հանրությանը տոմսեր վաճառելու պլանները՝ որպես Չինաստանի մայրաքաղաքում Covid-19-ի խիստ սահմանափակումների մաս: Ավելի վաղ խաղերի կազմակերպիչները հայտարարել էին, որ օտարերկրյա հանդիսատես չի լինելու, սակայն խոստացել էին տեղացի հանդիսատեսին թույլ տալ ներկա գտնվել: Բայց այժմ տոմսերը կբաժանվեն միայն հրավիրված խմբերին:
Աղբյուր՝ bbc.com
Իրանի նախագահ Իբրահիմ Ռաիսին հինգշաբթի ելույթ կունենա Պետդումայում: Այս մասին հայտնել է Պետդումայի առաջին փոխխոսնակ Ալեքսանդր Ժուկովը:
Աղբյուր՝ interfax.ru
Հարավային Կորեայի զինվորականների փոխանցմամբ՝ Հյուսիսային Կորեան երկուշաբթի երկու փոքր հեռահարության բալիստիկ հրթիռ է արձակել իր մայրաքաղաք Փհենյանի օդանավակայանից այս ամսվա չորրորդ փորձարկման ժամանակ: Ճապոնիայի կառավարությունը նույնպես զեկուցել է արձակման մասին, իսկ կառավարության գլխավոր քարտուղար Հիրոկազու Մացունոն որակել է դրանք որպես տարածաշրջանի խաղաղության և անվտանգության սպառնալիք:
Աղբյուր՝ france24.com
Բելգիացի Էդեն Ազարը մտադիր է հեռանալ Մադրիդի «Ռեալից», և կարծես թե «արքայական ակումբը» մտադիր չէ կանխել դա: Կիսապաշտպանն Իսպանիայում կորցրեց ժամանակն ու առողջությունը. մի շարք վնասվածքների պատճառով նա գրեթե չի մասնակցել խաղերին:
Աղբյուր՝ vesti.ru
Երկրաշարժը գրանցվել է 11.40-ին (ՀԿԺ): Երկրաշարժի էպիկենտրոնը գտնվել է Աֆղանստանի Բաղդիս նահանգի կենտրոն Քալայ-Նաու քաղաքից 40 կմ դեպի արևելք և Հերաթ քաղաքից 141 կմ հյուսիս-արևելք: Երկրաշարժի օջախը գտնվել է 10 կիլոմետր խորության վրա: Հնարավոր զոհերի և ավերածությունների մասին տեղեկություններ չկան։
Աղբյուր՝ ria.ru
Էմիրությունների իշխանությունների հաղորդմամբ՝ առնվազն երեք մարդ է զոհվել, ևս վեցը վիրավորվել է Աբու Դաբիում ենթադրյալ անօդաչու թռչող սարքի հարձակման հետևանքով երեք նավթատարերի պայթյունից: Միևնույն ժամանակ, Եմենի հութի ապստամբները հայտարարել են, որ գործողություն են սկսել ԱՄԷ-ի «խորքում»: Վառելիքով լի երեք բեռնատարները պայթել են երկուշաբթի արդյունաբերական Մուսաֆահ շրջանում: Հրդեհ է բռնկվել նաև Աբու Դաբիի միջազգային օդանավակայանի հրապարակում:
Աղբյուր՝ aljazeera.com
Դերասան Ռուպերտ Գրինթը Times-ին տված հարցազրույցում գրող Ջոան Ռոուլինգին համեմատել է հորաքրոջ հետ: Նա Ռոուլինգի հետ հարաբերությունները բարդ է անվանել: «Ես նրան վերաբերվում եմ հորաքրոջ պես: Պարտադիր չէ, որ հորաքրոջս հետ համաձայն լինեմ ամեն ինչում, ինչ նա ասում է, բայց նա միևնույնն է իմ հորաքույրն է: Բարդ հարց է»,- գրել է նա:
Աղբյուր՝ gazeta.ru
Երկուշաբթի ազգային բյուրոյի տվյալները ցույց են տվել, որ Չինաստանում ծնելիության մակարդակը 2021 թվականին իջել է մինչև 7,52 ռեկորդային ցածր մակարդակի՝ 1000 մարդու հաշվով՝ արագացնելով նվազման միտումը, որն անցյալ տարի ստիպեց Պեկինին սկսել թույլ տալ զույգերին ունենալ մինչև երեք երեխա: Ծնելիությունն ամենացածրն է եղել 1949 թվականից ի վեր, երբ վիճակագրության բյուրոն սկսեց տվյալների հավաքագրումը:
Աղբյուր՝ aljazeera.com
Կարիմ Բենզեման սպառնացել է հեռանալ Մադրիդի «Ռեալից» հաջորդ ամառ, եթե ակումբը ձեռք բերի Էրլինգ Հոլանդին: Ըստ լուրերի, արդյունավետ հարձակվողը դժգոհ է Ֆլորենտինո Պերեսի՝ նոր հարձակվող բերելու փորձերից: Ընթացիկ մրցաշրջանում 34-ամյա Բենզեման 27 խաղում խփել է 24 գոլ, սակայն, ամենայն հավանականությամբ, Մադրիդի «Ռեալը» կլինի Հոլանդի համար պայքարի առաջնագծում, երբ նա ամռանը հեռանա Դորտմունդի «Բորուսիայից»:
Աղբյուր՝ dailymail.co.uk
Ռիդլի Սքոթը հայտնել է, որ հրաժարվել է հեքիաթի հիման վրա ֆիլմ նկարահանել «Դիսնեյ» կինոընկերության համար: «Որքան մեծանում եմ, այնքան ավելի իմաստալից բաներ եմ փնտրում: Այն չպետք է զվարճացնի, անհրաժեշտ է, որ այն ազդեցություն ունենա մարդկանց վրա»,- ասել է ռեժիսորը: Նա չի հայտնել, թե «Դիսնեյի» որ նախագիծն է մերժել, սակայն նշել է, որ «դա վատ գաղափար էր»:
Աղբյուր՝ kulturomania.ru
Սելին Դիոնը հայտարարել է իր համաշխարհային շրջագայության մնացած 16 շոուների չեղարկման մասին՝ տևական առողջական խնդիրների պատճառով: Կանադացի երգչուհին ասել է, որ ապաքինվում է «մկանների սուր և մշտական սպազմից», որը խանգարում է իրեն ելույթ ունենալ: Այս մասին նշվում է Instagram-ի նրա պաշտոնական էջում շաբաթ օրը հրապարակված գրառման մեջ:
Աղբյուր՝ cnn.com
Լիտվայում ուժի մեջ է մտել Առողջապահության նախարարության որոշումը, ըստ որի՝ փակ միջոցառումների մասնակիցներից այժմ պահանջվում է օգտագործել պաշտպանության երկրորդ մակարդակի (FFP2) շնչառական սարքեր: Որոշումն ընդունվել է «օմիկրոնի շտամի» տարածման դեմ պայքարելու նպատակով։
Աղբյուր՝ vesti.ru
Հունվարի 10-ից 14-ն ընկած ժամանակահատվածում բնակչությունը հիմնականում դիմել է վարկային պարտավորությունների կատարման ապահովմանը, նոր վարկերի տրամադրմանը, բնակարանային խնդիրների լուծմանը վերաբերող հարցերով: Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 81 հետզանգ` իրազեկման, խորհրդատվության, խնդիրների վերհանման և այլ նպատակներով:
Աղբյուր՝ Արցախի Հանրապետության նախագահի աշխատակազմ
Ճապոնիայի ամենահարուստ «Վիսել Կոբե» ֆուտբոլային ակումբը ցանկանում է կառուցել Աշխարհի գավաթի հաղթող Անդրես Ինյեստայի բրոնզե արձանը և դրա վճարի համար սկսում է քրաուդֆանդինգ նախագիծ: «Բարսելոնայի» նախկին մաեստրո Ինյեստան միացել է «Վիսել Կոբեին» 2018 թվականին՝ տարեկան 30 միլիոն դոլար արժողությամբ գործարքով: Այժմ ակումբը ցանկանում է հավաքել 15 միլիոն իեն (130,000 դոլար)՝ հարգանքի տուրք մատուցելու 37-ամյա կիսապաշտպանին իրենց մարզադաշտի մոտ արձանի կառուցմամբ:
Աղբյուր՝ france24.com
Ավստրալիայի ներքին գործերի նախարար Քարեն Էնդրյուսը հաստատել է, որ սերբ թենիսիստ Նովակ Ջոկովիչին երեք տարով արգելել են մուտք գործել երկիր:
Աղբյուր՝ gazeta.ru
Դիետոլոգ Ելենա Քալենը թվարկել է այն մթերքները, որոնց օգտագործումը ընթրիքին կարող է բացասաբար ազդել քնի խորության և որակի վրա: Քնի կանոնավոր պակասի դեպքում իմունիտետը նվազում է, օրգանիզմում կուտակվում են սթրեսի հորմոններ: Մասնագետի խոսքով՝ անքնության պատճառ կարող են լինել տապակած կամ խորոված միսը, լոլիկը, սմբուկը, պահածոները, մարինացված և ՛բանջարեղենը, և ՛ ձուկը, ինչպես նաև ավոկադոն և կապույտ պանիրը:
Ազբյուր՝ ria.ru
Տոնգայի թագավորությունը «անհապաղ օգնություն» է խնդրել՝ քաղցրահամ ջրի և սննդի տեսքով, գնահատելով շաբաթ օրը Հունգա Հաափայ ստորջրյա հրաբխի ժայթքման պատճառած վնասները: Հզոր ժայթքումը համարվում է ամենաուժեղը՝ 1991 թվականին Ֆիլիպիններում Պինատուբոյի ժայթքումից ի վեր: Այն առաջացրել է ցունամի և ծածկել խաղաղօվկիանոսյան կղզու երկիրը հրաբխային մոխրով:
Աղբյուր՝ aljazeera.com
Ամերիկացի կինոպրոդյուսեր, սցենարիստ, ռեժիսոր Ջորջ Լուկասը և Lucasfilm-ի նախագահ և պրոդյուսեր Քեթլին Քենեդին կպարգևատրվեն թվականի Milestone Award-2022 մրցանակով: Մրցանակը կշնորհվի «կինոարդյունաբերության մեջ՝ ինչպես անհատապես, այնպես էլ համատեղ ունեցած աննախադեպ ավանդի համար»: Մրցանակաբաշխությունը տեղի կունենա մարտի 19-ին։
Աղբյուր՝ kulturomania.ru
Պյոտր Պորոշենկոն հայտարարել է, որ վերադառնում է Ուկրաինա՝ պայքարելու դավաճանության մեղադրանքների դեմ, թեև ինքը դրանք համարում է քաղաքական դրդապատճառներով արված: Դրանց դեմ պայքարը նա ազգային միասնության իր պաշտպանության մի մասն է համարում: Այդ մասին Պորոշենկոն խոսել է կիրակի Վարշավայում կայացած մամուլի ասուլիսում և հայտնել, որ երկուշաբթի Լեհաստանի մայրաքաղաքից թռչելու է Կիև:
Աղբյուր՝ apnews.com
Դատավորները մերժել են չպատվաստված թենիսիստի միջնորդությունը՝ կառավարության կողմից նրա մուտքի արտոնագիրը «առողջության և հասարակական կարգի պահպանման» հիմքով չեղարկվելուց հետո: Ջոկովիչն ասել է, որ «չափազանց հիասթափված է», բայց ընդունել է որոշումը: Նա մեկնել է Դուբայ: Այսպիսով ավարտվեց 10-օրյա սագան, որում աշխարիհ առաջին ռակետը պայքարում էր Ավստրալիայի բաց առաջնությունում իր տիտղոսը պաշտպանելու համար:
Աղբյուր՝ bbc.com
Երեխայի ծնունդից հետո մեծ սպորտ վերադարձած ռուսաստանցի սուսերամարտիկ Յանա Եգորյանը Թբիլիսիում կայացած մրցաշարի կիսաեզրափակչում պարտվել է հունաստանցի Թեոդորե Գունտուրային։ Օլիմպիական խաղերի կրկնակի չեմպիոնուհին հույն մրցակցին զիջել է 14:15 հաշվով։ Այդպիսով, նա դարձել է մրցաշարի բրոնզե մեդալակիր։
Աղբյուր՝ vesti.ru
Թուրքիայի Էրճիես լեռնադահուկային հանգստավայրում փրկարարները հայտնաբերել են ՄԱԿ-ի համակարգող անդամ, Կանադայի քաղաքացի Մայքլ Քրիֆթի մարմինը: Այդ մասին կիրակի հայտնել է Huriyyet թերթը: Տեղեկության համաձայն՝ դահուկ քշելու նպատակով Գազիանթեփից (Այնթապ) Կայսերի եկած երեք անձինք Էրճիես լեռնադահուկային հանգստավայրի Հիսարջիկ Կապայի հովտում հայտնվել են ձնահյուսի տակ:
Աղբյուր՝ ria.ru
76 տարեկանում կյանքից հեռացել է Մալիի նախկին նախագահ Իբրահիմ Բուբակար Կեյտա: Այս մասին կիրակի հայտնել է Մալիի պետական ORTM հեռուստաալիքը: Կեյտան պաշտոնավարել է յոթ տարի՝ 2013 թվականի սեպտեմբերից մինչև 2020 թվականի օգոստոսը՝ մինչև ռազմական հեղաշրջման արդյունքում պաշտոնանկ արվելը:
Աղբյուր՝ cnn.com
Մաշկի և մազերի առողջությունը, ինչպես նաև ծերացման գործընթացը դանդաղեցնելն ապահովում է ռիբոֆլավինը կամ վիտամին B2-ը: Այս մասին հայտնել է է թերապևտ-գաստրոէնտերոլոգ Ելենա Տյուլպինան։ Բժիշկը պարզաբանել է, որ օրգանիզմում բոլոր կենսաքիմիական գործընթացները տեղի են ունենում B խմբի վիտամինների, այդ թվում՝ B2-ի մասնակցությամբ: Այս վիտամինը կարևոր դեր է խաղում սպիտակուցների, ճարպերի և ածխաջրերի նյութափոխանակության մեջ։
Աղբյուր՝ gazeta.ru
Երգչուհի Շինեյդ Օ'Քոնորը հոսպիտալացվել է՝ 17-ամյա որդուն մահացած հայտնաբերելուց մեկ շաբաթ անց։ «Nothing Compares 2 U» երգի հայտնի կատարողը հինգշաբթի երեկոյան երկրպագուներին ասել է, որ գնում է հիվանդանոց՝ օգնություն ստանալու: Դրանից առաջ նա Twitter-ում մի շարք անհանգստացնող գրառումներ էր տարածել, որ պատրաստվում է ինքնասպան լինել:
Աղբյուր՝ cnn.com
Թուրինի «Յուվենտուսը» պատրաստ է Սանկտ Պետերբուրգի «Զենիթին» 5 միլիոն եվրո առաջարկել իրանցի հարձակվող Սերդար Ազմունի տրանսֆերի համար։ Այս մասին հայտնում է Tuttosport-ը։
Աղբյուր՝ gazeta.ru
Հարավային Կորեայի պաշտոնյաները հայտնել են, որ ուրբաթ Հյուսիսային Կորեան փոքր հեռահարության երկու բալիստիկ հրթիռ է արձակել՝ այս ամիս զենքի երրորդ արձակման ընթացքում՝ ակնհայտորեն ի պատասխան նոր պատժամիջոցների, որոնք սահմանել է Բայդենի վարչակազմը շարունակական փորձարկումների պատճառով:
Աղբյուր՝ apnews.com
Ճապոնիայում գրանցվել է կորոնավիրուսի «օմիկրոն» շտամով մարդու մահվան առաջին դեպքը: Այդ մասին հայտնում է Kyodo գործակալությունը: Խոսքը հունվարի 11-ին Սիզուոկա քաղաքում կորոնավիրուսից մահացած տարեց տղամարդու մասին է: Հետագա անալիզները հաստատել են, որ տղամարդը վարակված է եղել «օմիկրոն» շտամով:
Աղբյուր՝ ria.ru
Տորոնտոյի համալսարանի պրոֆեսոր դոկտոր Աիշա Խաթիբը պատմել է, որ մոտ մեկ ժամ էր անցել Դոհայից Էնտեբե իր թռիչքից, երբ կանչ լսվեց: Ուգանդացի աշխատանքային միգրանտը, ով Սաուդյան Արաբիայից տուն էր վերադառնում, պատրաստվում էր լույս աշխարհ բերել իր առաջնեկին։ Վաղաժամ՝ 35 շաբաթականում ծնվել է առողջ երեխա, և ի պատիվ բժշկուհու նրան անվանել են Միրըքլ (Miracle՝ հրաշք) Աիշա:
Աղբյուր՝ bbc.com
«Մանչեսթեր Յունայթեդի» հարձակվող Կրիշտիանու Ռոնալդուն հույս է հայտնել, որ Պորտուգալիան 2022 թվականի աշխարհի առաջնության ուղեգիր ձեռք կբերի: Պորտուգալիայի հավաքականը կմասնակցի 2022 թվականի աշխարհի առաջնության ուղեգիր նվաճելու իրավունքի փլեյ-օֆֆ մրցաշարին: Կիսաեզրափակչում պորտուգալացիները կխաղան Թուրքիայի հետ. հանդիպումը կկայանա մարտի 24-ին։ Հանդիպման հաղթողը եզրափակիչում կխաղա Իտալիա - Մակեդոնիա խաղի հաղթողի հետ։
Աղբյուր՝ sport-express.ru
Ամերիկյան Սամոայում ցունամիի նախազգուշացում է հայտարարվել Տոնգայի կղզիներում հրաբխի ժայթքումից հետո: Այս մասին հայտնում է ԱՄՆ Ցունամիի նախազգուշացման կենտրոնը (NWS): Ավելի վաղ տեղական լրատվական Matangi Tonga պորտալը հայտնել էր Խաղաղ օվկիանոսի հարավային Տոնգայի թագավորությունում Հունգա Հաափայ հրաբխի ժայթքման մասին:
Աղբյուր՝ ria.ru
Այս մասին ուրբաթ ուշ երեկոյան հայտարարել է Հոսեյն Ամիրաբդոլլահիանը՝ որպես արտաքին գործերի նախարար Չինաստան կատարած իր առաջին այցի ժամանակ՝ չինացի գործընկեր Վան Յիի հետ հանդիպումից հետո: Համաձայնագիրը ներառում է համագործակցություն տնտեսական, ռազմական և անվտանգության ոլորտներում:
Աղբյուր՝ aljazeera.com
Մայրաքաղաք Բուենոս Այրեսում ուղիղ եթերի ժամանակ շոգից ուշաթափվել է Channel 9-ի թղթակից Կառլոս Ֆերերան։ Դեպքը տեղի է ունեցել հունվարի 13-ին: Երբ հեռարձակումը մոտեցել է ավարտին, Ֆերերան հանկարծակի ընկել է մայթին:
Աղբյուր՝ korrespondent.net
Կորոնավիրուսի նոր «օմիկրոն» շտամը երեխաների մոտ առավել հաճախ դրսևորվում է բրոնխիոլիտի ախտանիշներով՝ մանր բրոնխների բորբոքումով, որը կարող է հանգեցնել շնչառական անբավարարության, թոքաբորբի: Այս մասին հայտնում է «Ռոսսիսկայա գազետա»-ն՝ հղում անելով Եվրոպական բժշկական կենտրոնի (EMC) մանկաբույժ Ելենա Տիսյաչնայային:
Աղբյուր՝ gazeta.ru
Netflix ընկերությունը 1-2 դոլարով բարձրացրել է իր ամսական բաժանորդագրության գինը ԱՄՆ-ում ամսական 1-ից 2 դոլարով՝ կախված պլանից, որպեսզի օգնի վճարել նոր ծրագրերի համար՝ մրցակցելու եռուստատեսային հոսքային շուկայում: Ստանդարտ պլանը, որը թույլ է տալիս միաժամանակ երկու հոսքեր, այժմ արժե ամսական 15,49 ԱՄՆ դոլար ԱՄՆ-ում և 16,49 կանադական դոլար Կանադայում:
Աղբյուր՝ reuters.com
Հնդիկ միլիարդատեր Մուկեշ Ամբանին ակտիվ աշխատանքներ է տանում վերականգնվող էներգիայի զարգացման գործում: Նրա կոնգլոմերատը՝ Reliance Industries-ը, հինգշաբթի հայտարարեց, որ կհատկացնի 6 տրիլիոն ռուփի (մոտ 80,6 միլիարդ դոլար) վերականգնվող էներգիայի նախագծերին Հնդկաստանի արևմտյան Գուջարաթ նահանգում, որտեղ մտադիր են ստեղծել մեկ միլիոն նոր աշխատատեղ:
Աղբյուր՝ cnn.com
Ալվարո Մորատան մրցաշրջանի մնացած հատվածը կանցկացնի Յուվենտուսում: Իսպանացի հարձակվողի տեղափոխությունը «Բարսելոնա» ձախողվել է: Կատալոնացիները պատրաստ էին փոխհատուցում վճարել «Ատլետիկոյին», որին պատկանում է հարձակվողը, և «Յուվենտուսին»՝ վարձակալության դադարեցման համար: Այնուամենայնիվ, այս գործարքը ձախողվեց: «Բարսելոնային» չի գոհացրել «Ատլետիկոյի» կողմից ներկայացված գինը՝ 40 միլիոն եվրո։
Աղբյուր՝ vesti.ru
Իսպանացի ճարտարապետ Ռիկարդո Բոֆիլը, ով նախագծել է հարյուրավոր նախագծեր ամբողջ աշխարհում, մահացել է ուրբաթ Covid-ի հետ կապված բարդություններից: Այդ մասին հայտնել է նրա ընտանիքը: Բոֆիլը 82 տարեկան է:
Աղբյուր՝ france24.com
Նիդերլանդները որոշել է ձմեռային օլիմպիական խաղերին կառավարական պատվիրակություն չուղարկել Պեկին: Հիմնական պատճառն այն է, որ նիդերլանդցի երկրպագուները չեն կարողանալու ներկա գտնվել մարզական միջոցառմանը:
Աղբյուր՝ tass.ru
Գործողությունների համատեղ համապարփակ ծրագրի (JCPOA) շուրջ բանակցությունների շարունակությունն իմաստ չունի, եթե մոտ ապագայում առաջընթացի հեռանկար չլինի։ Այս մասին ուրբաթ հայտարարել է Ֆրանսիայի արտգործնախարար Ժան-Իվ Լը Դրիանը, ելույթ ունենալով Ֆրանսիայի արևմտյան Բրեստում ավարտված ԵՄ ԱԳ նախարարների երկօրյա հանդիպման արդյունքներով հրավիրված մամուլի ասուլիսում։
Աղբյուր՝ tass.ru
Նիդերլանդներում գրանցվել է կորոնավիրուսով վարակման ռեկորդային 35 521 օրական դեպք: Սա ամենաբարձր ցուցանիշն է երկրում համավարակի սկզբից ի վեր, հայտնում է երկրի Առողջապահության ազգային ինստիտուտը (RIVM):
Աղբյուր՝ ria.ru
Ալֆոնսո Դեյվիսը դադարեցրել է մարզումները այն բանից հետո, երբ ակումբի մասնագետները սրտամկանի բորբոքման նշաններ են հայտնաբերել: 21-ամյա կանադացին չի խաղացել դեկտեմբերի 17-ից՝ Covid-19-ով վարակվելուց ի վեր: «Բավարիայի» գլխավոր մարզիչ Յուլիան Նագելսմանը հայտնել է, որ միոկարդիտի մեղմ նշան է հայտնաբերվել այն բանից հետո, երբ Դեյվիսը վերադարձել է մարզումներին:
Աղբյուր՝ bbc.com
Ավստրալիան կհետաձգի լավագույն թենիսիստ Նովակ Ջոկովիչին արտաքսելու ջանքերը մինչև նրա նոր դատավարության ավարտը: Ուրբաթ տեղի ունեցած արտահերթ լսումների ժամանակ կառավարության փաստաբան Սթիվեն Լլոյդը դատավորին հայտնեց, որ Ավստրալիան չի կալանավորի Ջոկովիչին մինչև շաբաթ առավոտյան միգրացիոն հարցերով պատասխանատուների հետ անցկացվելիք հարցազրույցը, և նա չի արտաքսվի մինչև իր գործի քննությունը:
Աղբյուր՝ aljazeera.com
Մեծ Բրիտանիայի վարչապետ Բորիս Ջոնսոնի պարելու տեսանյութը տարածվել է՝ համավարակի պիկին Դաունինգ Սթրիթի անօրինական երեկույթի սկանդալից հետո: Glenn Kitson անունով գգտատերը Instagram-ում տեսանյութ է հրապարակել, որում Ջոնսոնը պարում է միջին տարիքի սևամորթ կնոջ հետ, իսկ շուրջը կանգնած են մի քանի տասնյակ մարդիկ: Տեսանյութը վերահրապարակվել է Twitter-ում, որից հետո սկսել է տարածվել ողջ համացանցում:
Աղբյուր՝ gazeta.ru
Ամերիկացի դերասան և ռեժիսոր Դենզել Վաշինգտոնը հաստատել է «Մեծն հավասարեցնողը» ֆիլմի երրորդ մասի թողարկումը: Collider-ին տված հարցազրույցում Վաշինգտոնը հայտնել է, որ մարտաֆիլմի երրորդ մասի մշակումը շարունակվում է, և ինքը կրկին հանդես կգա գլխավոր դերում:
Աղբյուր՝ kulturomania.ru
Չոմբան՝ «Ատլանտայի կենդանաբանական այգու գորիլաների բնակչության հիմնադիր անդամներից մեկը», սատկել է հինգշաբթի: Անասնաբուժական անձնակազմը «վերջին օրերին ուշադիր հետևում էր Չոմբային՝ արթրիտի և տարիքի հետ կապված այլ բարդությունների պատճառով նրա ֆիզիկական վիճակի զգալի վատթարացումից հետո», - ասվում է կենդանաբանական այգու հայտարարության մեջ: Նրան ստիպված են եղել էֆթանազիայի ենթարկել:
Աղբյուր՝ cnn.com
Ճապոնիայի վարչապետի աշխատակազմին կից ստեղծվել է ճգնաժամային շտաբ՝ կապված ԿԺԴՀ-ի կողմից հնարավոր հրթիռային փորձարկման հետ, հայտնում է NHK հեռուստաալիքը: Երկրիի ծովային անվտանգության վարչությունը տեղական ժամանակով ժամը 14:55-ին նախազգուշացում է տարածել ԿԺԴՀ-ից հրթիռի հնարավոր արձակման մասին: Հինգ րոպե անց հաղորդում է հայտնվել, որ արկը արդեն վայրէջք է կատարել։
Աղբյուր՝ ria.ru
1984 թվականին թողարկված հայտնի կոմիքսի մեկ էջը հինգշաբթի ԱՄՆ-ում վաճառվել է ռեկորդային 3,36 միլիոն դոլարով, ինչը կոմիքսի հերոսին դարձնում է ամենահզոր սուպերհերոսը աճուրդի աշխարհում:
Աղբյուր՝ france24.com
Լեհաստանի խորհրդարանի ստորին պալատը ընդունել է իշխող ազգայնական «Իրավունք և արդարություն» (PiS) կուսակցության օրինագիծը, որը կուժեղացնի պետական վերահսկողությունը դպրոցներում, ինչը, ըստ քննադատների, կարող է սահմանափակել ԼԳԲՏ և վերարտադրողական իրավունքների ուսուցման հասանելիությունը: Օրինագիծն ընդունվել է հինգշաբթի՝ 227 կողմ, 214 դեմ ձայների հարաբերակցությամբ և այժմ կանցնի Սենատ:
Աղբյուր՝ theguardian.com
Ֆրենսիս Ֆորդ Կոպոլայի «Կնքահայրը» (1972) ֆիլմի վերականգնված տարբերակը կվերաթողարկվի փետրվարի 24-ին՝ նշելու ֆիլմի 50-ամյակը։ Այս մասին հայտնում է Central Partnership-ի մամուլի ծառայությունը։
Աղբյուր՝ tass.ru
Ավստրալիան ուրբաթ երկրորդ անգամ չեղարկել է Նովակ Ջոկովիչի վիզան՝ չպատվաստված թենիսի գերաստղին արտաքսելու սենսացիոն նոր փորձով։ Երկրի պահպանողական կառավարությունը, որը մեկ անգամ պարտվել էր դատարանում, դիմել է արտակարգ գործադիր լիազորություններին՝ 34-ամյա սերբի վիզան կրկին չեղարկելու համար՝ հիմք ընդունելով հանրային շահը:
Աղբյուր՝ france24.com
«Baby Shark Dance» երգի տեսահոլովակը ռեկորդ է սահմանել: Այս մասին Twitter-ում հայտնել է տեսանյութը հրապարակած հարավկորեական Pinkfong կրթական ընկերությունը: «Այսօր մենք նշում ենք մեր պատմական ձեռքբերումը»,- ասված է հայտարարության մեջ։ «Baby Shark Dance»-ը դարձել է պատմության մեջ առաջին տեսահոլովակը, որը YouTube-ում հասել է 10 միլիարդ դիտումների:
Աղբյուր՝ gazeta.ru
ՍՄՆ Կոնգրեսի գրադարանը հինգշաբթի հայտնեց, որ Ռիչին կստանա ազգային գրադարանի կողմից սահմանված Գերշվինի մրցանակ՝ փոփ երաժշտության համար: Նա կպարգևատրվի մարտի 9-ին՝ Վաշինգտոնում կայանալիք բոլոր աստղերի հարգանքի տուրքի ժամանակ:
Աղբյուր՝ apnews.com
Հինգշաբթի ԱՄՆ Հանրապետական կուսակցությունը հայտարարեց, որ նախագահի իր ապագա թեկնածուները կարող են չմասնակցել նախագահական բանավեճերի հանձնաժողովի կողմից անցկացվող քննարկումներին՝ արդարության, տասնամյակների ավանդույթները խախտելու մտահոգության պատճառով:
Աղբյուր՝ reuters.com
Սեյսմոլոգները 2021 թվականին Իտալիայում և շրջակա տարածքներում գրանցել են 16095 երկրաշարժ. օրական եղել է մոտ 44 հետցնցում, որը համարժեք է մոտավորապես մեկ երկրաշարժի յուրաքանչյուր 30 րոպեն մեկ: Սեյսմոլոգների տվյալներով՝ երկրաշարժերի առավել հակված տարածքները եղել են Սիցիլիան, Մարկեն և Ումբրիան։
Աղբյուր՝ tass.ru
Թագավորական ընտանիքը կդադարի օգտագործել պատմական ոսկե կառքը: Քննադատներն նշում են, որ De Gouden Koets (Ոսկե ծածկակառք) կոչվող ձիակառքի մի կողմը զարդարված է պատկերով, որը փառաբանում է երկրի գաղութային անցյալը: 2015 թվականից չօգտագործված կառքը ավանդաբար օգտագործվում էր հոլանդացի միապետներին խորհրդարանի բացմանը տանելու համար:
Աղբյուր՝ bbc.com
Թուրքիայի առողջապահության նախարար Ֆահրեթթին Քոջան Twitter-ում գրել է, որ երկրում գերիշխում է կորոնավիրուսի «օմիկրոն» շտամը: Նրա խոսքով, ընթացիկ ամսում դեպքերի թիվը նախորդ տարվա դեկտեմբերի համեմատ աճել է չորս անգամ:
Աղբյուր՝ gazeta.ru
2013-2021 թվականներն ընդգրկող բոլոր տարիները դասվում են ռեկորդային 10 ամենաշոգերի շարքին: Այս մասին ասվում է ԱՄՆ Օվկիանոսի և մթնոլորտի ազգային վարչության (NOAA) հինգշաբթի հրապարակված ամենամյա զեկույցում, Վերջին տվյալներն ընդգծում են կլիմայական գլոբալ ճգնաժամը:
Աղբյուր՝ france24.com
Տեսանյութեր
Հայաստանի և Թուրքիայի հատուկ ներկայացուցիչները ժամանել են Մոսկվա
