Քաղաքական

ԿԱՐՃ ԼՈՒՐԵՐ

15:30 Աշխարհում
Ապրիլի 23-ին Ուկրաինայում ՀՀ դեսպան Տ. Սեյրանյանը մասնակցել է Տարաս Շևչենկոյի անվան Կիևի ազգային համալսարանի Միջազգային հարաբերությունների ինստիտուտում կազմակերպված՝

«Ցեղասպանությունը որպես մարդկության գլոբալ սպառնալիք» խորագրով կլոր սեղանին։ Ձեռնարկը, որը կազմակերպել էին Կիևի հայ համայնքը, Միջազգային հարաբերությունների ինստիտուտը և Հայաստանի Հանրապետության դեսպանությունը, նվիրված էր Հայոց ցեղասպանության 104-ամյա տարելիցին։ Կլոր սեղանի բացման խոսքով ելույթ է ունեցել ինստիտուտի փոխտնօրեն Անտոն Կորինևիչը։ Գիտնականը համերաշխություն է հայտնել հայ ժողովրդին, խոսել «ցեղասպանություն» եզրույթի պատմության մասին։
Աղբյուր՝ mfa.am

 

15:17 Հայաստան
ՀՀ քննչական կոմիտեի ծառայողները ՔԿ նախագահ Հայկ Գրիգորյանի գլխավորությամբ, այցելել են Ծիծեռնակաբերդի հուշահամալիր

Քննչական կոմիտեի անձնակազմը ծաղիկներ է խոնարհել անմեղ զոհերի հիշատակը հավերժացնող անմար կրակի մոտ և մեկ րոպե լռությամբ հարգել Մեծ եղեռնի զոհերի հիշատակը:
Աղբյուր՝ ՀՀ քննչական կոմիտե

15:05 Աշխարհում
San Francisco Chronicle. Թուրքիան կոչ է անում ուսումնասիրել Հայոց ցեղասպանությանը վերաբերող իր արխիվները

Երկրի նախագահ Էրդողանը հայտարարել է, որ այն ազգերն, ովքեր Թուրքիային մեղադրում են ցեղասպանության մեջ, «արյունոտ անցյալ» ունեն:

13:00 Աշխարհում
Ապրիլի 22-ին Ռիգայի «Սևագլուխների տանը» Լատվիայում ՀՀ դեսպանության կազմակերպմամբ տեղի է ունեցել Հայոց ցեղասպանության 104-րդ տարելիցին և Կոմիտասի 150-ամյակին նվիրած միջոցառում,

որի ընթացքում համերգային հատուկ ծրագրով հանդես են եկել ՀՀ ժողովրդական արտիստ, օպերային երգչուհի Հասմիկ Պապյանը և դաշնակահարուհի️, Արամ Խաչատրյանի թանգարանի տնօրեն Արմինե Գրիգորյանը։ Միջոցառմանը ներկա են եղել Լատվիայում հավատարմագրված դեսպաներ, Լատվիայի օրենսդիր և գործադիր իշխանության մարմինների ներկայացուցիչներ, Լատվիայի խորհրդարանի Լատվիա-Հայաստան պատգամավորական խմբի անդամներ, հասարակական, քաղաքական և մշակութային գործիչներ, լրատվամիջոցներ, հայ համայնքի բազմաթիվ ներկայացուցիչներ։
Աղբյուր՝ mfa.am

11:28 Աշխարհում
Ապրիլի 21-ին Հունաստանի Սալոնիկ քաղաքում տեղի է ունեցել Հայոց ցեղասպանության 104-րդ տարելիցին նվիրված հիշատակի միջոցառում,

որին մասնակցել են Հունաստանի կառավարության և Խորհրդարանում ներկայացված քաղաքական կուսակցությունների՝ Մակեդոնիայի և Թրակիայի տարածաշրջանից ընտրված բարձրաստիճան պաշտոնյաներ, Սալոնիկում հավատարմագրված դիվանագիտական ներկայացուցչությունների ղեկավարներ և դիվանագետներ, հայ առաքելական և հույն ուղղափառ եկեղեցիների սպասավորներ, զինվորականներ, մտավորականներ, դասախոսներ, հասարակական-քաղաքական շրջանակների և հայ համայնքի բազմաթիվ ներկայացուցիչներ: Միջոցառմանը ելույթ է ունեցել Հունաստանում ՀՀ դեսպան Ֆադեյ Չարչօղլյանը:
Աղբյուր՝ mfa.am

11:14 Հայաստան
Փոխվարչապետ Մ. Գրիգորյանը և Միջազգային ֆինանսական կորպորացիայի տարածաշրջանային կառավարիչ Յ. Վան Բիլսենն անդրադարձել են Համաշխարհային Բանկի և Արժույթի միջազգային հիմնադրամի

գարնանային համաժողովի շրջանակներում փոխվարչապետի՝ ԱՄՆ կատարած այցի արդյունքներին: Այնուհետև քննարկվել է ՄՖԿ կողմից Հայաստանի զարգացմանն ուղղված իրականացվելիք ծրագրերի տրամաբանությունը: Փոխվարչապետն ընդգծել է, որ Կառավարության կողմից նախանշված բազմաթիվ բարեփոխումներ կան, որոնցում ՄՖԿ ներգրավվածությունը մեծ նպաստ կբերի, մասնավորապես՝ շեշտվել է կապիտալի շուկայի զարգացումն ու բիզնեսների հրապարակային գործունեության բարձրացումը:
Աղբյուր՝ gov.am

10:51 Աշխարհում
Ապրիլի 22-ին Եգիպտոսում ՀՀ դեսպան Կ. Գրիգորյանը հանդիպել է ԵԱՀ մշակույթի նախարար Ինես Աբդել Դաիմի հետ

Դեսպան Գրիգորյանը նշել է, որ մշակութային համագործակցությունը կարևոր տեղ է զբաղեցնում հայ-եգիպտական երկկողմ օրակարգում։ Կարեն Գրիգորյանն ընդգծել է, որ հայ և եգիպտացի ժողովուրդների դարավոր բարեկամությունը և փոխադարձ համակրանքը լավագույնս դրսևորվում են ամուր հումանիտար և մշակութային կապերով։ Միաժամանակ, դեսպան Գրիգորյանը գոհունակությամբ նշել է, որ մշակույթի ոլորտում համագործակցության համար Հայաստանի և Եգիպտոսի միջև առկա է ընդգրկում իրավապայմանագրային հենք։
Աղբյուր՝ mfa.am

10:39 Հայաստան
ՀՀ աշխատանքի և սոցիալական հարցերի նախարար Զ. Բաթոյանը հանդիպել է Միգրացիայի միջազգային կազմակերպության ներկայացուցիչների հետ

Նախարարը տեղեկացրել է, որ ակտիվ աշխատանքներ են իրականացվում ժողովրդագրության, զբաղվածության ոլորտներում և շեշտել, որ ակնկալում է սերտ համագործակցություն տեղական և միջազգային կառույցների հետ։ Միգրացիայի միջազգային կազմակերպության հայաստանյան գրասենյակի ղեկավար Իլոնա Տեր-Մինասյանը տեղեկացրել է, որ կազմակերպությունը Հայաստանում առաքելություն իրականացնում է 1993 թ.-ից՝ հակամարտության հետևանքով առաջացած  խնդիրների լուծման նպատակով: Վերջին 15 տարիներին առաքելության մանդատը զգալիորեն փոփոխվել և ընդլայնվել է՝ ներառելով հատկապես տեխնիկական աջակցության տարրեր.
ՀՀ աշխատանքի և սոցիալական հարցերի նախարարություն
 

10:21 Հայաստան
Երևանի թիվ 200 հիմնական դպրոցի «Արմաթ» ինժեներական լաբորատորիան համալրվել է 3D Systems ամերիկյան արտադրության FabPro 1000 բացառիկ տպիչով,

որն առանձնահատուկ է ինժեներական նորագույն լուծումներով և ճշգրիտ մեխանիզմով: Այս սարքով մոդելավորվող և տպվող դետալները կիրառվում են ռազմական, առողջապահության, տրանսպորտի, ժամանցային և այլ ոլորտներում՝ պրոդուկտների նախագծման և արտադրության համար: Թիվ 200 հիմնական դպրոցի «Արմաթ» խմբակին 3D Systems ամերիկյան արտադրության FabPro 1000 տպիչը նվիրել է բարերար Սամվել Բեկյանը, ում որդին սովորում է միևնույն դպրոցում:
ԱՏՁՄ Հանրային կապեր

 

10:12 Աշխարհում
Հայոց ցեղասպանության զոհերի հիշատակի օրն է

Պայմանականորեն Հայոց ցեղասպանության զոհերի հիշատակի օր է համարվում 1915 թվականի ապրիլի 24-ը, երբ Կոստանդնուպոլսում, ըստ նախօրոք պատրաստված ցուցակների, ձերբակալվել է մոտ 235 հայազգի մտավորական։

18:33 Հայաստան
Ինովացիոն լուծումների և տեխնոլոգիաների կենտրոնը (ISTC) և Սան Խոսեի պետական համալսարանը սկսել են համագործակցություն տեխնոլոգիական կրթության ասպարեզում

Համագործակցության շրջանակում մարտ ամսին Հայաստան էր այցելել Սան Խոսեի պետական համալսարանից հրավիրված դասախոս Գլեն Մյուլսը: Այցի շրջանակում վերջինս անց է կացրել քառօրյա փակ դասընթացներ մագիստրոսական ծրագրերի ուսանողների համար, իսկ արդեն Data is EVERYTHING! խորագրով բաց սեմինարի ընթացքում տեխնոլոգիական ոլորտի մասնագետները, տվյալագետները և այլ հետաքրքրված անձիք՝ ընդհանուր առմամբ 130 և ավելի մասնակիցներ, հնարավորություն են ստացել ավելին իմանալու այսօրվա աշխարհում բիզնեսի և հասարակության մեջ տվյալների կարեւորության մասին: Սեմինարն իրականացվել է ԱՄՆ ՄԶԳ աջակցությամբ:
Ձեռնարկությունների ինկուբատոր հիմնադրամ

 

18:20 Հայաստան
Հայոց ցեղասպանության թանգարան-ինստիտուտում բացվել է «Հայոց ցեղասպանության 150-ամյա վկաները. Կոմիտաս վարդապետ և Հովհաննես Թումանյան» խորագիրը կրող ցուցադրությունը,

որը նվիրված է հայ ժողովրդի մտավորականների ծննդյան 150-ամյա հոբելյաններին: Ցուցադրությանը ներկա ՀՀ ԿԳ նախարար Ա. Հարությունյանը նշել է, որ բոլոր հաստատություններն այս կամ այն կերպ անդրադառնում են Հ. Թումանյանի և Կոմիտասի ծննդյան 150-ամյա հոբելյաններին: Ութ խորագրից կազմված երկլեզու (հայերեն, անգլերեն) ցուցադրության մեջ ներառված են ինչպես «Հայոց ցեղասպանության թանգարան-ինստիտուտ» հիմնադրամի, այնպես էլ ՀՀ տարբեր արխիվների ու թանգարանների ֆոնդերում պահվող բնօրինակ նյութեր, բացառիկ կադրեր:
Մամուլի հաղորդագրություն

18:06 Հայաստան
ՀՀ արդարադատության նախարար Ա. Զեյնալյանը մասնակցել է փաստաբանական գրասենյակների «ARMLEGAL EXPO 2019» անդրանիկ ցուցահանդեսի հանդիսավոր բացման արարողությանը

Նախարարն անուրանալի է համարել փաստաբանների՝ որպես իրավապաշտպան համայնքի ներդրումը երկրի ժողովրդավարական արժեքների կայացման և զարգացման գործում: Որպես կառավարության անդամ և ոլորտի քաղաքականության պատասխանատու` նախարարը հավաստիացրել է, որ փաստաբանության խնդիրները և դրանց լուծումները մշտապես եղել և մնում են Արդարադատության նախարարության ուշադրության կենտրոնում և բարեփոխումների օրակարգում, քանի որ առանց փաստաբանության ոլորտի որակական բարեփոխումների` դժվար է պատկերացնել դատաիրավական սեկտորի համապարփակ և համալիր առաջընթացը:
ՀՀ ԱՆ տեղեկատվության և հասարակայնության

17:39 Հայաստան
ՀՀ տարածքային կառավարման և զարգացման նախարար Սուրեն Պապիկյանն ընդունել է Շվեդիայի Թագավորության Սոդերթայլե քաղաքի քաղաքապետ Բոել Սեսիլիա Գոնդերի գլխավորած պատվիրակությանը,

որի կազում են եղել քաղաքային խորհրդի անդամներ Լինդա Սյոգրենն ու Սարգիս-Հովհաննես Խաչատուրյանը։ Հանդիպումը կազմակերպվել է ՀՅԴ Հայ Դատի Եվրոպայի հանձնախմբի միջնորդությամբ։ Նախարար Պապիկյանը ողջունել է հյուրերին և շնորհակալություն հայտնել նրանց Շվեդիայի Թագավորության խորհրդարանի և Սոդերթայլեի քաղաքային խորհրդի կողմից Հայոց ցեղասպանության ճանաչման ու դատապարտման գործում ունեցած անուրանալի ներդրման, ինչպես նաև Մեծ եղեռնի զոհերին նվիրված ամենամյա հիշատակման միջոցառումներ կազմակերպելու համար։
Մամուլի հաղորդագրություն

 

17:21 Արցախ
Արցախի Հանրապետության նախագահ Բ. Սահակյանը Ստեփանակերտի պատկերասրահում ներկա է գտնվել Երևանի Սերգեյ Փարաջանովի թանգարանի տնօրեն Զ. Սարգսյանի

անհատական լուսանկարչական ցուցահանդեսի բացման արարողությանը: Նախագահը գոհունակությամբ նշել է, որ Զավեն Սարգսյանի ցուցահանդեսներն Արցախում կրում են պարբերական բնույթ՝ հույս հայտնելով, որ այս ավանդույթը կպահպանվի նաեւ ապագայում:
Մամուլի հաղորդագրություն

17:14 Արցախ
Արցախի Հանրապետության նախագահ Բ. Սահակյանն այցելել է «Ազատ Արցախ» հանրապետական թերթի խմբագրություն և հանդիպել թերթի աշխատակիցների հետ

Շոշափվել են թերթի գործունեության և հետագա անելիքների հետ կապված հարցեր:
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

16:33 Հայաստան
Բաբկեն Տեր Գրիգորյանի ուղեկցությամբ Ֆրանսիայի «Համազգային, «Դպրոցասեր տիկնանց» և «Սուրբ Մեսրոպ-Արապեան» հայկական ամենօրյա վարժարանների աշակերտները և ուսուցիչները

շրջայց են կատարել ՀՀ կառավարության շենքում: Դպրոցի սաներին հատկապես հետաքրքրել են հեղափոխության բերած փոփոխությունները, այս մեկ տարվա ընթացքում գրանցած հաջողությունները: Սփյուռքահայ պատանիներն անդրադարձել են նաև սփյուռքի նախարարության վերակազմավորմանը, Հայաստան-սփյուռք գործակցության զարգացման հետագա ընթացքին: Սփյուռքի նախարարի պաշտոնակատարը նշել է, որ վարչապետի աշխատակազմում գործելու է սփյուռքի գործերի գլխավոր հանձնակատարի գրասենյակը, այսպիսով՝ Հայաստան-սփյուռք կապերը դրվում են ավելի բարձր մակարդակում:
Մամուլի հաղորդագրություն

16:20 Հայաստան
Երևանի քննչական վարչության Շենգավիթ վարչական շրջանի քննչական բաժնում քննվող քրեական գործով միջոցներ են ձեռնարկվում՝ պարզելու առերևույթ խարդախություն կատարած անձանց ինքնությունը

2018թ. ընթացքում ՀՀ ոստիկանության տարբեր բաժիններում մի շարք քաղաքացիներ հաղորդումներ են տվել առ այն, որ վստահությունը չարաշահելու եղանակով, խաբեությամբ, իրենց փաստաթղթերով առերևույթ հանցագործություն կատարած անձինք տարբեր բանկերում և վարկային կազմակերպություններում ձևակերպել են վարկեր՝ պատճառելով գույքային վնաս: Հարուցվել են քրեական գործեր, միացվել մեկ վարույթում, որոնց նախաքննությունն իրականացվում է ՀՀ քննչական կոմիտեի ԵՔՔՎ Շենգավիթ վարչական շրջանի քննչական բաժնում:
Աղբյուր՝ ՀՀ քննչական կոմիտե

 

Տեսանյութեր

Երկրի բարձրագույն ղեկավարությունը Ծիծեռնակաբերդում է
12:55 24/04/2019

Երկրի բարձրագույն ղեկավարությունը Ծիծեռնակաբերդում է

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}