Տարածաշրջան

ԿԱՐՃ ԼՈՒՐԵՐ

17:47 Տարածաշրջան
Վրաստանում կորոնավիրուսի դեմ պատվաստվելիս կողմնակի բարդություն է եղել 34 դեպքում

Այս մասին հայտնել է Վրաստանի Հիվանդությունների վերահսկման ազգային կենտրոնի ղեկավար Ամիրան Գամղրելիձեն:

Աղբյուր՝ 1tv.ge

17:33 Աշխարհում
Նեթանյահուն Պենտագոնի ղեկավարի հետ հանդիպմանը Իրանն անվանել է գլխավոր սպառնալիք Մերձավոր Արևելքում

Իսրայելի վարչապետը հավաստիացրել է, որ թույլ չի տա Թեհրանին միջուկային զենք ձեռք բերել:

Աղբյուր՝ tass.ru

17:23 Աշխարհում
«Քոչվորների երկիրը» ֆիլմն արժանացել է BAFTA-ի 4 մրցանակի

Կինոյի և հեռուստատեսային արվեստի բրիտանական ակադեմիան (BAFTA) չինուհի ռեժիսոր Քլոե Չժաոյի «Քոչվորների երկիր» ֆիլմը (Nomadland) ճանաչել է լավագույն ֆիլմ։ Քլոե Չժաոն երկրորդ կին և առաջին ասիացի կին ռեժիսորն է, ով հաղթում է այս անվանակարգում: Ֆիլմը ճանաչվել է լավագույն ֆիլմ և մրցանակներ ստացել կնոջ լավագույն դերակատարման (Ֆրենսիս Մաքդորմանդ), լավագույն ռեժիսորական աշխատանքի և լավագույն օպերատորական աշխատանքի համար։

Աղբյուր՝ apnews.com

16:39 Հայաստան
ԱԶԲ-ն աջակցում է թվային հարթակի ստեղծմանը, որը կօգնի կատարելագործել հողային ռեսուրսների կառավարումը Հայաստանում:

Ասիական զարգացման բանկը հաստատել է 1.3 միլիոն ԱՄՆ դոլարի տեխնիկական աջակցություն` սատարելու ՀՀ՝ հողի սեփականության և այլ աշխարհագրական ստանդարտացված տվյալների կառավարման և պահպանման թվային հարթակի մշակման գործում։ Միասնական հարթակում կներառվեն տեղեկություններ հանրապետության ջրային ռեսուրսների և անտառների, բնության հատուկ պահպանվող տարածքների, պատմական և մշակութային հուշարձանների մասին։ Այն հնարավորություն կտա քարտեզագրել կլիմայի փոփոխությունների և բնական աղետների, ինչպես օրինակ երկրաշարժերի ենթակա և խոցելի տարածքները։

Աղբյուր՝ Ասիական զարգացման բանկ 

16:34 Աշխարհում
Վին Դիզելի հարեւանները բողոքել են դերասանի 12 ագրեսիվ թիկնապահներից

Ամերիկացի դերասան Վին Դիզելը ներկայումս բնակարան է վարձում Դոմինիկյան Հանրապետությունում: Տարածքի բնակիչները պատմել են, որ Զատիկին արտիստի աշխատակիցները արգելափակել են ճանապարհներից մեկի երթեւեկությունը, որպեսզի Դիզելն ու իր ընտանիքը կարողանան հեծանիվ վարել: Դերասանին մոտ կանգնած աղբյուրը բացատրել է, որ Զատկի տոնի ժամանակ նրանք ստիպված են եղել փակել ճանապարհը, քանի որ արտիստը ընտանիքի հետ նվերներով զամբյուղներ է բաժանել տեղի աշխատողներին:

Աղբյուր՝ lenta.ru

16:07 Աշխարհում
Ֆրանսիան արգելում է ներքին կարճ թռիչքները այն տարածքներում,

որտեղ ուղևորները կարող են գնացքով տեղափոխվել: Միջոցառումը՝ ածխածնի արտանետումները նվազեցնելու լայն ծրագրերի մաս է կազմում:

Աղբյուր՝ independent.co.uk

15:39 Աշխարհում
Ռուսական կինոստուդիան կնկարահանի «Աննա Կարենինան» Netflix-ի համար

Ծառայությունը առաջին անգամ է սերիալների արտադրություն պատվիրում ռուս արտադրողներից:

Աղբյուր՝ kommersant.ru

15:08 Հայաստան
Կայացել է «Միացյալ Հայաստան» կուսակցության հիմնադիր համագումարը

Ապրիլի 10-ին տեղի է ունեցել «Միացյալ Հայաստան» նորաստեղծ կուսակցության հիմնադիր համագումարը, որի ժամանակ կուսակցության նախագահ է ընտրվել Երվանդ Թարվերդյանը: «Հաջողակ գործարար է, հասարակական ակտիվ գործիչ»,- համագումարում այսպես են ներկայացրել Երվանդ Թարվերդյանին:

Աղբյուր՝ «Միացյալ Հայաստան» կուսակցություն

15:01 Աշխարհում
Ճապոնացիների ավելի քան 70%-ը դեմ է 2021 թվականի ամռան օլիմպիական խաղերին

Հարցման մասնակիցների 39,2%-ը կողմ է խաղերի ամբողջական չեղարկմանը, 32,8%-ը՝ հետաձգմանը: Միևնույն ժամանակ, 24,5%-ը կողմ էր խաղերը ժամանակին անցկացնելուն: Հետազոտությունը ցույց է տվել նաև, որ հարցվածների 92,6%-ը անհանգստացած է կորոնավիրուսային վարակի աճի նոր ալիքից:

Աղբյուր՝ sportrbc.ru

14:12 Աշխարհում
Չեխիայի արտգործնախարար Պետրիչեկն ակնկալում է, որ կհեռացվի կառավարությունից

Չեխիայի արտաքին գործերի նախարար Թոմաս Պետրիչեկը երկուշաբթի ասել է, որ սպասում է իր հեռացմանը կառավարությունից այն բանից հետո, երբ անցյալ շաբաթ ձախողեց՝ իր ձախ կենտրոնամետ Սոցիալ-դեմոկրատական կուսակցությունը (CSSD) ղեկավարելու հայտը:

Աղբոյւր՝ reuters.com

13:43 Տարածաշրջան
Իրանը խոստացել է վրեժ լուծել Իսրայելից միջուկային օբյեկտի վրա «հարձակման» համար

Իրանի արտաքին գործերի նախարար Մահմուդ Ջավադ Զարիֆը Իսրայելին մեղադրել է Նաթանզի միջուկային օբյեկտում դիվերսիա իրականացնելու մեջ. Թեհրանը խոստացել է վրեժ լուծել: Դիվանագետի խոսքով ՝ իսրայելական կողմը դրանով ցույց է տալիս, որ թույլ չի տա Իրանին առաջ շարժվել պատժամիջոցները վերացնելու հարցում:

Աղբյուր՝ ria.ru

13:25 Աշխարհում
Մոսկվայում ավարտվեց Եվրոպայի ծանրամարտի առաջնությունը

Թիմային պայքարում Հայաստանի հավաքականը հինգերորդն է, իսկ մեդալների հաշվարկով՝ երրորդը:

Աղբյուր՝ ՀԱՕԿ 

13:08 Տարածաշրջան
Վրաստանում հայտնաբերվել է կորոնավիրուսի 359 նոր դեպք, առողջացել է 526 հիվանդ

Վերջին 24 ժամվա ընթացքում վեց հիվանդ է մահացել կորոնավիրուսից: Ընդհանուր առմամբ, Վրաստանում հայտնաբերվել է կորոնավիրուսային վարակի 288.755 դեպք, որից ապաքինվել է 277.829 մարդ, մահացել է 3883-ը:

Աղբյուր՝ apsny.ge

13:02 Տարածաշրջան
Հարավային Կորեայի վարչապետը ժամանում է Իրան՝ օգնելու վերականգնել միջուկային գործարքը

Հարավային Կորեայի վարչապետ Չունգ Սայ-Կյունը կիրակի ժամանել է Իրան՝ օգնելու փորձել վերականգնել 2015-ի միջուկային գործարքը Իրանի և համաշխարհային տերությունների միջև: Չունգը Հարավային Կորեայի առաջին վարչապետն է, ով այցելել է Իրան վերջին 44 տարվա ընթացքում՝ Հյուսիսային Կորեայի հետ Իրանի ռազմական համագործակցության պատճառով երկու երկրների սառեցված հարաբերությունների ֆոնին:

Աղբյուր՝ reuters.com

12:38 Աշխարհում
«Քյոլնը» հեռացրել է գլխավոր մարզչին «Մայնցից» կրած պարտությունից հետո

Մարկուս Գիզդոլը հեռացվել է աշխատանքից, երբ Գերմանիայի առաջնության 28-րդ տուրում «այծերը» զիջեցին «Մայնցին» (2: 3) եւ վեցերորդ պարտությունը կրեցին վերջին ութ հանդիպումներում: «Քյոլնը» 23 միավորով Բունդեսլիգայի մրցաշարային աղյուսակում վերջից երկրորդ տեղում է: Գերմանացի մասնագետը Քյոլնի ղեկավարությունը ստանձնել էր 2019-ի աշնանը:

Աղբյուր՝ sport-express.ru

12:23 Աշխարհում
Հնդկաստանը գերազանցում է Բրազիլիային՝ դառնալով 2-րդը կորոնավիրուսի դեպքերի քանակով

Վերջին 24 ժամվա ընթացքում ավելացած 168 912 դեպքերի արդյունքում Հնդկաստանի ընդհանուր թիվը հասել է 13,5 միլիոնի, իսկ Բրազիլիան ունի 13,4 միլիոն՝ ըստ Ջոն Հոփքինսի համալսարանի կազմած տվյալների: Հնդկաստանը հաղորդել է նաեւ, որ վերջին 24 ժամվա ընթացքում 904 մահվան դեպք է գրանցվել: Դեպքերի ընդհանուր թիվը հասել է 170 179-ի, ինչը չորրորդն է՝ ԱՄՆ-ից, Բրազիլիայից և Մեքսիկայից հետո:

Աղբյուր՝ apnews.com

11:45 Աշխարհում
Բրազիլիայում կառուցվում է Հիսուս Քրիստոսի նոր արձանը

Երկրի հարավում գտնվող Էկանտադո քաղաքում կառուցվում է Հիսուս Քրիստոսի նոր արձանը: Այն ավելի բարձր կլինի, քան Ռիո Ժանեյրոյի Քրիստոս Փրկչի հայտնի արձանը՝ 43 մետր ընդդեմ 38 մետրի: Հիսուս Պաշտպանի արձանը կդառնա բարձրությամբ երրորդ հուշարձանն աշխարհում։ Երկու ամենամեծ արձանները գտնվում են Ինդոնեզիայում (52,55 մ) և Լեհաստանում (52,5 մ)։

Աղբյուր՝ korrespondent.net

11:29 Հայաստան
Գազավորված ըմպելիքի արտադրամասը կվերսկսի գործունեությունը

ՀՀ սննդամթերքի անվտանգության տեսչական մարմնի ղեկավարի որոշմամբ՝ վերացվել է անհատ ձեռնարկատերեր Հայրապետ Զաքարյանին պատկանող գազավորված ըմպելիքի (Արմավիրի մարզ, ք. Էջմիածին) արտադրամասի կասեցումը: Ստուգմամբ հաստատվել է, որ տնտեսավարողը շտկել է արտադրամասում արձանագրված սանիտրահիգիենիկ նորմերի խախտումները:

Աղբյուր՝ snund.am

11:16 Աշխարհում
Էնթոնի Հոփքինսը BAFTA մրցանակ է ստացել՝ որպես լավագույն դերասան

Կիրակի Կինոյի և հեռուստատեսային արվեստների բրիտանական ակադեմիայի կողմից լավագույն դերասան է ճանաչվել բրիտանացի դերասան Էնթոնի Հոփքինսը: Հեղինակավոր մրցանակը շնորհվեց արտիսիտին՝ ռեժիսոր Ֆլորիան Զելլերի «Հայր» (The Father, 2020) դրամատիկական ֆիլմում կերտած կերպարի համար: Սա աշխարհահռչակ դերասանի երրորդ «բրոնզե դիմակն» է:

Աղբյուր՝ tass.ru

11:02 Աշխարհում
Էկվադորում նախագահ է ընտրվել պահպանողական նախկին բանկիրը

Էկվադորի նախագահական ընտրությունների երկրորդ փուլի քվերակության արդյուքներով հաղթել է Գիլերմո Լասոն: Նրա մրցակիցը՝ ձախակողմյան տնտեսագետ Անդրես Արաուզը, կիրակի ընտրատեղամասերը փակվելուց ժամեր անց ընդունել է պարտությունը: Քվեաթերթիկները հաշվարկից հետո Լասոն հավաքել է ձայների 52,5% -ը, Արաուսի օգտին են եղել ձայների 47,5%-ը:

Աղբյուր՝ bbc.com

10:31 Աշխարհում
Ղրրղզստանը, հանրաքվեի արդյունքներով, կդառնա նախագահական հանրապետություն

Հանրաքվեին մասնակցել է ընտրողների 37,4% -ը, որոնց գրեթե 79% -ը հավանություն է տվել փոփոխություններին:

Աղբյուր՝ tass.ru

10:20 Աշխարհում
Հայտնաբերվել է արքայազն Ֆիլիպի ծննդյան վկայականը հունական վիլլայի մոտակայքում, որտեղ նա ծնվել է

1921 թվականի փաստաթղթում, որը գրվել է հունական Կաթարեւուսա (հունարենի ավանդական տարբերակ) լեզվով Սպիրիոդոն Տրիֆոնաս անունով քահանայի կողմից, ասվում է, որ Հունական Ուղղափառ եկեղեցում մկրտվելիս ապագա դուքսը պաշտոնապես ստացել է «Ֆիլիպոս» անունը:

Աղբյուր՝ mirror.co.uk

10:10 Աշխարհում
Իսրայելը կիբերհարձակում է սկսել Իրանի միջուկային օբյեկտի վրա

Իսրայելը, ի դեմս «Մոսադ» հետախուզական ծառայության, կիբերհարձակում է սկսել Իրանի միջուկային կայանի վրա: Խոսքը Նաթանզ քաղաքում գտնվող միջուկային օբյեկտը սպասարկող էլեկտրակայանի մասին է: Ավելի վաղ Իրանի փոխնախագահը կատարվածը որակել էր «միջուկային ահաբեկչության ակտ»:

Աղբյուր՝ lenta.ru

10:00 Աշխարհում
Չինաստանը ընդունել է իր պատվաստանյութերի ցածր արդյունավետությունը

Չինաստանում մշակված կորոնավիրուսային պատվաստանյութերը ցածր արդյունավետություն են գրանցում: Այս մասին ապրիլի 11-ին հայտարարել է Չինաստանի հիվանդությունների վերահսկման կենտրոնի ղեկավար Գաո Ֆուն:

Աղբյուր՝ apnews.com

16:00 Տարածաշրջան
Թուրքիայի վարձկաններին չեն վճարել Արցախի դեմ կռվելու համար

Արաբալեզու սոցիալական ցանցերում հայտնված տեսանյութում Սիրիայից ժամանած զինյալները, որոնք վարձվել էին Անկարայի և Բաքվի կողմից Արցախյան երկրորդ պատերազմին մասնակցելու համար, բողոքում են վճարումների քիչ լինելուց: Այդ մասին հայտնում է War Gonzo-ի Telegram-ի ալիքը՝ կից ներկայացնելով տեսանյութը:
 

15:49 Աշխարհում
Բրիտանացի հեռուստադիտողները բողոքել են արքայազն Ֆիլիպի մահվան մասին լուրերի գերակշռությունից

BBC-ն ամբողջությամբ վերանայել է հեռարձակման գրաֆիկը նախորդ օրը՝ չեղյալ համարելով բոլոր նախատեսված ծրագրերը և միևնույն հաղորդումները հեռարձակելով միանգամից երեք հեռուստաալիքներով՝ նվիրված Եղիսաբեթ Երկրորդի ամուսնուն:

Աղբյուր՝ tass.ru

15:27 Հայաստան
Ծառատունկ՝ Սարալանջում. մեկնարկել է տարածքի կանաչապատումը

«Կանաչապատում և շրջակա միջավայրի պահպանություն» ՀՈԱԿ-ի ուժերով Սարալանջում տնկվել են առաջին 140 ծառերը: Ընդհանուր առմամբ գարնանն այստեղ մոտ 600 ծառ կտնկվի: Առանձնացված շուրջ 2500-3000 քմ տարածքում կտնկվի բարդի, վայրի ծիրանենի, փշատենի՝ այնպիսի ծառատեսակներ, որոնք առավել հարմարվող են լանջային պայմաններում: Առաջիկայում ծառատունկ է նախատեսված նաև Հրազդանի կիրճի՝ Սբ. Սարգիս եկեղեցու հարակից լանջին:

Աղբյուր՝ Երևանի քաղաքապետարան 

15:08 Աշխարհում
Մալթան կվճարի երկիր այցելող զբոսաշրջիկնեին մեկ պայմանով

Մալթայի իշխանությունները ծրագրում են զբոսաշրջիկներին վճարել մինչև 200 եվրո՝ տուրիստական արդյունաբերությունը վերականգնելու համար: Միջերկրական ծովի կղզի այցելող օտարերկրացիները կկարողանան գումար ստանալ մեկ պայմանով, եթե այնտեղ մնան առնվազն երեք օր:

Աղբյուր՝ reuters.com

14:51 Աշխարհում
«Առաքելությունն անիրականանալի է -7» ֆիլմի թողարկումը հետաձգվել է մինչ 2022 թվականը

Ֆիլմի պրեմիերան հետաձգվել է 2022 թվականի մայիսի 27-ին: Իսկ «Առաքելությունն անիրականանալի է -8»-ը կթողարկվի 2023 թվականի հուլիսի 7-ին:

Աղբյուր՝ kulturomania.ru

14:35 Աշխարհում
Չինաստանը տուգանել է Alibaba-ին`ռեկորդային 2.7 միլիարդ դոլարով

ՉԺՀ-ի Շուկայի վերահսկողության պետական գործակալությունը շաբաթ օրը հայտարարել է, որ տուգանել է Alibaba-ին 18 մլրդ յուանով (2.75 մլրդ դոլար)՝ հակամենաշնորհային օրենքների խախտման համար:

Աղբյուր՝ reuters.com

14:13 Աշխարհում
Երեք զինվորականների մահապատժի են ենթարկել Սաուդյան Արաբիայում

Սաուդյան Արաբիայի ռազմական դատարանը մահապատժի է դատապարտել պետական դավաճանության մեջ մեղադրվող երեք զինծառայողների:

Աղբյուր՝  ria.ru

13:38 Հայաստան
Համերգ՝ նվիրված Միշել Լեգրանին

Այսօր Արամ Խաչատրյան համերգասրահում Գարի Քյոսայանը և իր ջազ քառյակը ներկայացնում են համերգ՝ նվիրված աշխարհահռչակ կոմպոզիտոր Միշել Լեգրանին: Ծրագրում կհնչեն Գարի Քյոսայանի հեղինակային ստեղծագործությունները, համաշխարհային ջազային հիթեր, ինչպես նաև Միշել Լեգրանի ստեղծագործությունները: Համերգի սկիզբը՝ 19:00-ին:

Աղբյուր՝ toms.am

13:08 Աշխարհում
Սննդաբանը հայտնել է ձու պատրաստելու ամենաօգտակար ձևի մասին

Ձուն չի կարելի երկար ժամանակ եփել կամ տապակել, քանի վոր այդ դեպքում նրա սպիտակուցը շատ ավելի վատ կմարսվի: Այս մասին պատմել է սննդաբան Օլգա Դեքերը: Մասնագետի խոսքով ՝ լավագույն տարբերակն է ձուն թերխաշ անել կամ ակնիկ պատրաստել: Դեքերը հավելեցլ է նաև, որ ընդհանուր առմամբ, ձուն շատ օգտակար է, քանի որ պարունակում է շատ սպիտակուցներ և լեցիտին:

Աղբյուր՝ iz.ru

12:23 Աշխարհում
Ինդոնեզիայում 6.0 մագնիտուդ ուժգնությամբ երկրաշարժ է գրանցվել

Երկրաշարժը տեղի է ունեցել տարածաշրջանում տեղական ժամանակով ժամը 14-ի սահմաններում, 87 կմ միջանկյալ խորության վրա: Հայտարարվել է ցունամիի վտանգի մասին:

Աղբյուր՝ express.co.uk

12:05 Տարածաշրջան
Վերջին մեկ օրվա ընթացքում Վրաստանում հայտնաբերվել է կորոնավիրուսային վարակի 506 նոր դեպք

Համավարակի մեկնարկից ի վեր Վրաստանում գրանցված կորոնավիրուսային վարակի դեպքերի ընդհանուր թիվը կազմում է 287 689 մարդ: Մահերի թիվն ավելացել է 11-ով: Վրաստանում կորոնավիրուսով ախտորոշված մահերի ընդհանուր թիվը այժմ կազմում է 3 869: Ապաքինվել է 342 մարդ, նրանց ընդհանուր թիվն աճել է՝ հասնելով 276 426-ի: Ներկայումս Վրաստանում առկա է կորոնավիրուսի 7,083 ակտիվ դեպք:

Աղբյուր՝ newsgeorgia.ge

11:17 Աշխարհում
Ֆինլանդիայում մինչ տարեվերջ կարող են ստեղծել նոր պատվաստանյութ՝ քթի սփրեյի տեսքով

Պրոֆեսոր Կալլե Սաքսելայի խոսքով, դեղորայքը մշակողները կորոնավիրուսի դեմ նոր պատվաստանյութ-սփրեյի լուրջ կողմնակի ազդեցությունների չեն բախվել:

Աղբյուր՝ tass.ru

10:58 Աշխարհում
Նոր տեսակի մարտկոցը կարող է 10 անգամ ավելի արագ լիցքավորել, քան լիթիում-իոնային մոդելները

Ռուսաստանում գիտնականները մշակել են մարտկոցների նոր տիպի տեխնոլոգիա, որը, նրանց խոսքով, կարող է լիցքավորել 10 անգամ ավելի արագ, քան առկա լիթիում-իոնային մարտկոցները. սյս արագացումը կարող է ժամանակի մեծ խնայման արդյունք դառնալ, եթե դրանք ներառվեն առօրյա սարքերում:

Աղբյուր՝ sciencealert.com

10:45 Աշխարհում
Պիկեն և Սերխի Ռոբերտոն վերադառնում են «Բարսելոնայի» կազմ

«Բարսելոնայի» դուետ Ժերար Պիկեն և Սերխի Ռոբերտոն երկուսն էլ լավ մարզավիճակում են և ընդգրկվել են կիրակի կայանալիք «Էլ Կլասիկոյի» խաղին: Առաջնությունում միայն մեկ միավորով առաջատար «Ատլետիկոյին» զիջող «Բարսան» շաբաթ օրը կմեկնի Մադրիդ՝ իրեն երկու միավորով զիջող «Ռեալի» հետ խաղի համար:

Աղբյուր՝ sport.es

10:34 Աշխարհում
NASA-ն հայտնել է Մարսի վրա Ingenuity ուղղաթիռի առաջին սպասվող թռիչքի մասին

Առաքելության ղեկավար Միմի Օնգի խոսքով՝ մասնագետները կապի մեջ են ուղղաթիռի հետ, նրա մարտկոցը լիցքավորված է, եւ այն պատրաստ է թռիչքի: Գործարկումից առաջ սարքը կանցնի թիակի ամրության վերջին փորձարկումը:

Աղբյուր՝ iz.ru

10:21 Աշխարհում
50 տարեկանում կյանքից հեռացել է ամերիկացի ռեփեր DMX-ը

Ամերիկացի ռեփեր և դերասան Էրլ Սիմոնսը, որը հայտնի է DMX կեղծանվամբ, մահացել է սրտի կաթված ստանալուց մեկ շաբաթ անց: Նա մահացել է ուրբաթ օրը, Նյու Յորքի White Plains հիվանդանոցում:

Աղբյուր՝ people.com

10:00 Աշխարհում
Կարիբյան կղզիներում հրաբուխ է ժայթքել՝ առաջացնելով տարհանումներ

Կարիբյան ծովի արևելքում գտնվող Սենթ Վինսենթ կղզու Սուֆրիեր հրաբուխը ժայթքել է ուրբաթ տասնամյակներ չգործելուց հետո՝ երկնքում առաջացնելով մոխրի և ծխի մեծ ամպեր և ստիպելով տարհանել հարակից գյուղերի հազարավոր բնակիչների: 1979 թվականից քնած հրաբուխը ակտիվության առաջին նշանները ցույց է տվել անցած դեկտեմերին:

Աղբյուր՝ reuters.com

18:00 Աշխարհում
Գիտնականները շտապում են հետևել ածխածնի պաշարներով ծովային մարգագետիններին, որոնք արագորեն կրճատվում են

Մարդկային գործոնի հետևանքով աշխարհում ամեն 30 րոպեում ոչնչանում է՝ ֆուտբոլի դաշտի տարածքին համարժեք քանակի ծովախոտ:

Աղբյուր՝ independent.co.uk

17:24 Աշխարհում
Իսպանիայում պարզաբանել են, թե արդյոք անհրաժեշտ կլինի ծովափին դիմակ կրել

Իսպանիայի Առողջապահության նախարարության ներկայացուցիչները հերքել են տեղեկությունը, թե լողափում գտնվելիս և լողալիս դիմակ կրելը պարտադիր է՝ պարզաբանելով, որ առանց դրանց կարելի է արեւայրուք ընդունել ու լողալ:

Աղբյուր՝ ria.ru

16:57 Հայաստան
Ազգային գրադարանային շաբաթը՝ Հայաստանում

2021 թվականի ապրիլի 12-19-ը Ազգային գրադարանային շաբաթը կանցկացվի հոբելյանական՝ 20-րդ անգամ։ Այս տարի հանդիսավոր բացումը տեղի կունենա  ապրիլի 12-ին, ժամը 14։00-ին Հայաստանի ազգային գրադարանի մեծ դահլիճում։

Աղբյուր՝ Հայաստանի ազգային գրադարան
 

 

16:41 Աշխարհում
Մահացել է Ռուսաստանի ժողովրդական արտիստ Ռուդոլֆ Ֆուրմանովը

Սանկտ Պետերբուրգում 83 տարեկան հասակում կյանքից հեռացել է ռեժիսոր, «Ռուսական անտրեպրիզա» թատրոնի հիմնադիր Ռուդոլֆ Ֆուրմանովը:

Աղբյուր՝ ria.ru

16:11 Աշխարհում
Ի հայտ են եկել սրտամկանի ինֆարկտի անսովոր նշաններ

Ատամների և որովայնի ցավը կարող է վկայել սրտի կաթվածի սպառնալիքի մասին: Այս մասին պատմել է բժիշկ-թերապևտ Ալեքսեյ Բեզիմյաննին: Ըստ նրա, ատամնացավը ավելի հազվադեպ է դառնում սրտի կաթվածի նշան, քան ցավը՝ էպիգաստրային շրջանում: Բժիշկը նշել է, որ որովայնի ցավից հնարավոր է կյանքին սպառնացող վիճակ կասկածել, եթե առաջին անգամ են նման զգացողություններ առաջանում:

Աղբյուր՝ ria.ru

15:36 Հայաստան
Ներերկրային իրավական հարցերի քննարկում՝ Բադասյանի ու Լին Թրեյսիի միջև

Հայաստանում ԱՄՆ արտակարգ և լիազոր դեսպանի հետ քննարկման ընթացքում անդրադարձ է կատարվել Հայաստանի վերաբերյալ՝ ԱՄՆ պետական դեպարտամենտի հրապարակած «Մարդու իրավունքներ 2020» զեկույցին, ներկայացվել քրեակատարողական, ապօրինի ծագում ունեցող գույքի բռնագանձման ոլորտներում ընթացող բարեփոխումները:

Աղբյուր՝ ՀՀ ԱՆ տեղեկատվության և հասարակայնության հետ կապերի վարչություն

15:25 Հայաստան
Հայաստանի հավաքականը՝ բռնցքամարտի աշխարհի երիտասարդական առաջնությունում

Ավագ մարզիչ Կարեն Աղամալյանը Լեհաստանի Կելցե քաղաքում ռինգ կուղեկցի  Գայանե Տեր-Բարսեղյանին  / 48 կգ / ,  Էլիդա Քոչարյանին  / 64 կգ /,  Ռուբեն Գարբոյանին  / 52 կգ /, Ռուսլան Ասլիկյանին   / 56 կգ /, Արթուր Սահակյանին  / 60 կգ /, Հարություն Հակոբկոխյանին  / 64 կգ /, Նարեկ Զախարյանին   / 69 կգ /, Էրիկ Աբելյանին  / 75 կգ /, Հրանտ Թորոսյանին   / 81 կգ /, Հենրիկ Ճղրիկյանին  / 91 կգ /  և  Հովհաննես Փափազյանին   / +91 կգ /: Մրցաշարը կմեկնարկի ապրիլի 13 –ին, իսկ հաղթողները հայտնի կդառնան ապրիլի 23 –ին:

Աղբյուր՝ ՀԱՕԿ 

14:32 Աշխարհում
Հայտնաբերվել է հին Եգիպտոսի 3000-ամյա «կորած ոսկե քաղաքը»

Եգիպտական հնագետները գտել են ավազի տակ թաղված քաղաք, որն ըստ մասնագետների Եգիպտոսի ամենամեծ անտիկ քաղաքն է: Կորած քաղաքի հայտնաբերումն իր կարեւորությամբ երկրորդ հնագիտական հայտնագործությունն է համարվում՝ Թութանհամոնի դամբարանից հետո: Պեղումները սկսվել են 2020 թվականի սեպտեմբերին, Ռամզես III և Ամենհոտեպ III դամբարանների միջև, Լյուքսորի մոտակայքում՝ մայրաքաղաք Կահիրեից 500 կմ հարավ: Քաղաքը կոչվել է Աթոն:

Աղբյուր՝ theguardian.com

13:58 Աշխարհում
Օսլոյի բնակարաններից մեկում գտել են տասը տարի առաջ մահացած տղամարդու մարմին

Ոստիկանության տվյալներով՝ տղամարդը, ամենայն հավանականությամբ, մահացել է 2011-ի ապրիլին, քանի որ բնակարանի սեղանին հայտնաբերվել է կաթի տուփ, որի վրա նշված է եղել այդ ամսաթիվը: Բացի այդ, փոստարկղում հայտնաբերվել է 2013 թվականի նամականի: Ըստ հարեւանների, բնակիչը հազվադեպ ու դժկամորեն էր շփվում այլոց հետ, մեկուսացած կյանք էր վարում, և ընտանիքի անդամների հետ կապ չէր պահպանում:

Աղբյուր՝ gazeta.ru

13:33 Աշխարհում
Զլատան Իբրահիմովիչը դերասանական դեբյուտ կունենա «Աստերիքսի և Օբելիքսի» մասին նոր ֆիլմերում

Նա արդեն ունի երգելու փորձ Սան Ռեմոյի իտալական երաժշտական փառատոնում, իսկ այժմ «Միլանի» հարձակվողը անցնում է դերասանական խաղին: Հաղորդումներն այն մասին, որ շվեդ ֆուտբոլիստը խաղալու է «Աստերիքս և Օբելիքս. Մետաքսի ճանապարհ» ֆիլմում հաստատվեցին, երբ Իբրահիմովիչը Instagram-ի իր էջում տեղադրեց լուսանկար՝ «Անտիվիրուս» մակագրությամբ. այն կերպարի անունը, որը նա պետք է մարմնավորի:

Աղբյուր՝ cnn.com

13:10 Աշխարհում
Ղրիմում ահաբեկչություն է կանխվել

Ձերբակալվել է երկու իսլամիստ, ովքեր պատրաստվում էին պայթյուն իրականացնել Սիմֆերոպոլի ուսումնական հաստատություններից մեկում, ուրբաթ հաղորդել է ՌԴ ԱԴԾ-ն:

Աղբյուր՝ ria.ru

12:44 Աշխարհում
Կիլիան Մբապպեն ցանկանում է հեռանալ ՊՍԺ-ից

Չեմպիոնների լիգայում Մյունխենի «Բավարիայի» նկատմամբ հաղթանակ տոնելուց հետո Մբապպեն իր ակումբին հայտնել է, որ չի ցանկանում երկարաձգել պայմանագիրը: Փարիզյան աստղի պայմանագիրը մինչև 2022 թվականն է, սակայն նա մտադիր է տեղափոխվել այս ամառ: Մբապպեն ցանկություն ունի խաղալ «Ռեալում»: Ֆլորենտինո Պերեսը երբեք չի թաքցրել Մբապպեին գնելու իր ցանկությունը, և ՊՍԺ-ն կարող է ստիպված լինել վաճառել նրան, որպեսզի նա չհեռանա անվճար:

Աղբյուր՝ sport.es

12:17 Հայաստան
Հայաստանի Ազգային Ագրարային Համալսարանում բացվել է արհեստական սերմնավորման մուլյաժներով կահավորված լսարան:

Ծննդագիտության դասընթացներն այստեղ կանցկացվեն ժամանակակից մեթոդներով՝ առանց կենդանուն ցավ պատճառելու:

Աղբյուր՝ Հայաստանի Ազգային Ագրարային Համալսարան

12:07 Աշխարհում
Հայ լրագրողները Եգիպտոսի ֆուտբոլային մրցաշարում գրավել են 2-րդ տեղը

Հայաստանի լրագրողների ֆուտբոլի հավաքականը Եգիպտոսի Շարմ էլ Շեյխ քաղաքում ավարտված Լրատվամիջոցների եւ լրագրողների 8-րդ միջազգային մրցաշարում արժանացել են արծաթե մեդալների։ Հայ լրագրողները տոնել են 4 հաղթանակ եւ կրել մեկ պարտություն, հավաքել են 12 միավոր եւ միայն լրացուցիչ ցուցանիշների պատճառով զիջել են առաջին տեղը Մոլդովայի թիմին։ Երրորդ տեղը գրավել է Ղազախստանի հավաքականը։

Աղբյուր՝ Armenian Journalists' National Football Team 

11:50 Տարածաշրջան
Վրաստանում հայտնաբերվել է կորոնավիրուսային վարակի 777 նոր դեպք

Համաճարակի մեկնարկից ի վեր Վրաստանում գրանցված կորոնավիրուսային վարակի դեպքերի ընդհանուր քանակը ուրբաթ առավոտյան կազմել է 287183: Քովիդից մահացել է եւս 9 հիվանդ: Վրաստանում կորոնավիրուսով ախտորոշված մահվան դեպքերի ընդհանուր թիվն այժմ կազմում է 3858 մարդ: Ապաքինվել է 342 մարդ, նրանց ընդհանուր թիվն աճել է՝ հասնելով 276426-ի: Ներկայումս Վրաստանում առկա է կորոնավիրուսի 6873 ակտիվ դեպք:

Աղբյուր՝ newsgeorgia.ge

11:37 Աշխարհում
Հարավային Կորեան գործարկում է KF-21-ը՝ միանալով գերձայնային կործանիչների արտադրողների էլիտային

Ուրբաթ օրը Հարավային Կորեան ներկայացրեց հայրենական գերձայնային ռեակտիվ կործանիչը՝ միանալով ռազմական ավիացիայի հսկաների բացառիկ ակումբին և հիմք դնելով 5,2 միլիարդ դոլար արժողությամբ ծրագրի:

Աղբյուր՝ cnn.com

11:10 Աշխարհում
Զիդանը կարող է հեռանալ Մադրիդի «Ռեալից» մրցաշրջանի ավարտին

Լրատվամիջոցների հաղորդմամբ, հեռանալու շարժառիթ կարող է հանդիսանալ հոգնածությունը՝ ինչպես հոգեբանական, այնպես էլ ֆիզիկական: Գործող պայմանագրի համաձայն՝ նա կարող է մնալ ևս մեկ տարի: Զիդանը «Ռեալի» մարզիչն է եղել 2016-2018 թթ.-ին: Այդ ընթացքում ակումբը երեք անգամ անընդմեջ հաղթել է Չեմպիոնների լիգայում: 2019-ի մարտին նա վերադարձավ «սերուցքայինների» մարզչի պաշտոնին:

Աղբյուր՝ sport-express.ru

10:53 Աշխարհում
Բայդենը խստացնում է զենքի վերահսկողությունը

ԱՄՆ նախագահ Ջո Բայդենը, պաշտոնը ստանձնելուց ի վեր զենքի վերահսկման իր առաջին միջոցառումներում, հայտարարեց, որ խստացնում է կանոնները «ուրվական զենքերի» (ինքնաշեն զենքեր, որոնք սովորաբար հավաքվում են առանձին մասերից և հաճախ չեն ունենում սերիական համարներ) գնորդների համար: Բացի այդ, առաջարկվող օրենքը, որը կլինի 60 օրվա ընթացքում, կխստացնի ատրճանակի ճարմանդների օգտագործման կանոնները:

Աղբյուր՝ apnews.com

10:32 Աշխարհում
ԱՄՆ-ը Ռուսաստանին անվանել է պատասխանատու հարաբերությունների անկայունության համար

Վաշինգտոնը համարում է, որ Մոսկվան պատասխանատու է ԱՄՆ-Ռուսաստան ներկայիս հարաբերությունների անկայունության համար, հինգշաբթի ասել է Պետդեպի խոսնակ Նեդ Փրայսը:

Աղբյուր՝ ria.ru

Տեսանյութեր

Մեզ տանում են կործանման, մենք պետք է պայքարենք. Տիգրան Հեքեքյան
13:36 17/03/2021

Մեզ տանում են կործանման, մենք պետք է պայքարենք. Տիգրան Հեքեքյան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}