Ձեր վստահելի աղբյուրը

«Մոտ օրերս Սահմանադրության նախագիծը կուղարկվի Ազգային ժողով: Ինձ թվում է` այսօր-վաղը պետք է որ Հանրապետության նախագահը ստորագրի Սահմանադրության նախագիծը»,- Panorama.am-ի թղթակցի հետ զրույցում տեղեկացրեց ԱԺ Հանրապետական խմբակցության ղեկավար Վահրամ Բաղդասարյանը:

Նրա խոսքով, սեպտեմբերի սկզբին մեկնարկելիք Ազգային ժողովի աշնանային նստաշրջանի առաջին քառօրյա նիստում նախագիծը քննարկման կդրվի:

Բաղդասարյանն ասաց, որ ԱԺ-ում քննարկվելիք փաստաթուղթը վերջնական չէ, «դոգմա չէ» և դրանում կարող են կատարվել փոփոխություններ:

«Նախագիծը Հանրապետական խմբակցությունում քննարկման առարկա է դառնում և հիմնական շեշտադրվող հարցը կայուն մեծամասնության ձևավորման խնդիրն է: Բնականաբար, բնականոն աշխատանքի համար հարկավոր է մեծամասնություն ձևավորելը: Շատ են երկրներ, որոնցում շատ արագ փոխվում են կառավարությունները և դա հիմնականում այն պատճառով է, որ չկա կայուն մեծամասնություն: Այսինքն` կա քննարկման խնդիր ու պատահական չէ, որ քաղաքական ուժերին քննարկման կոչ է արվել ու նրանք էլ շահագրգռված են, որ քննարկումների շարք սկսվի: Եվ մնացած բուռն քննարկումները, ինձ թվում է, կծավալվեն Ազգային ժողովում, որի ականատեսը կլինեն նաև լրագրողները»,-հավելեց պարոն Բաղդասարյանը:

Հարցին, թե հնարավո՞ր է, որ քննարկման մի փուլում որոշվի Սահմանադրության նախագծից հանվի 2-րդ փուլով ԱԺ ընտրություններ անցկացնելու մասին վիճահարույց դրույթը և տեղափոխվի Ընտրական օրենսգիրք, Բաղդասարյանը պատասխանեց. «Ես ավելի շատ հակված եմ, որ Սահմանադրությունը չծանրաբեռնվի նման կետերով: Կարելի է նաև այդ հարցը քննարկել: Տարբեր կարծիքներ կան, և քննարկումների արդյունքում կգանք ընդհանուր հայտարարի: Կա Սահմանադրություն և դրանից բխող օրենքներ` կարելի է Սահմանադրության մեջ ֆիքսել ընդհանուր քաղաքականությունը, իսկ մնացած մանրամասներին անդրադառնալ ածանցյալ օրենքներում»:

Թեմային առնչվող հրապարակումներ`
Հայաստանը դեռ պետք է մնա նախագահական երկիր. Սահմանադրագետ
Սահմանադրության նախագիծը դատավորներին անկախության երաշխիք չի տալիս. Սահմանադրագետ
Դատախազի վերաբերյալ Սահմանադրության նախագծում սահմանափակում չկա. Բալայան
Ովքե՞ր են ի պաշտոնե Անվտանգության խորհրդի անդամ լինելու. Սահմանադրագետի դիտարկումները
Սահմանադրության նախագծին դեմ են նրանք, ովքեր 2018-ին ցանկանում են նախագահի թեկնածու լինել. Սամվել Նիկոյան
Նոր Սահմանադրությամբ դատավորների «վախը չափողը» դառնում է ԱԺ-ն. Պարգև Օհանյան
Սահամանադրության նախագծով դատավորների անկախության երաշխիքն ավելի բարձր է, քան գործող Սահամանդրությամբ. Իշխանյան
Սահմանադրության նախագծում ամեն ինչի մեջ տրամաբանություն կա, մնում է լավ աշխատեցնել. Գագիկ Ղազինյան
Արա Զոհրաբյան. Ապագա Սահմանադրությունը, ընդունվելու դեպքում, չպետք է տեղ թողնի նույնասեռ ամուսնությունների համար
Վենետիկի հանձնաժողովը աննախադեպ գոհունակություն է հայտնել Սահմանադրության նախագծի վերաբերյալ. Արա Ղազարյան
2-րդ փուլի անցկացումը ժողովրդավարական ձեռքբերում է. Վարդան Պողոսյան
Իրական ականը հենց նախագծի հիմնադրույթներն աղավաղված ներկայացնելն է. Գևորգ Դանիելյան
Սահմանադրությամբ երկրի կառավարման մոդելի հստակեցումը ժամանակի պահանջն էր. Ռուստամ Մախմուդյան