Օրվա մամուլ

ԿԱՐՃ ԼՈՒՐԵՐ

17:28 Հայաստան
Երևանում մեկնարկել է Հեռահաղորդակցության միջազգային միության Սպեկտրի կառավարման հարցերով տարածաշրջանային եռօրյա համաժողովը

Հայաստանում այն անցկացվում է ՀՀ տրանսպորտի, կապի և տեղեկատվական տեխնոլոգիաների նախարարության, Հեռահաղորդակցության միջազգային միության և «Forum Global» ընկերության համատեղ ջանքերով: Համաժողովի աշխատանքներին մասնակցելու են ժամանել աշխարհի տարբեր երկրների շուրջ 100 ներկայացուցիչներ` ՀՄՄ անդամ-պետությունների նախարարություններից, կարգավորող գործակալություններից, հեռահաղորդակցության օպերատոր ընկերություններից, գիտական և նախագծային ինստիտուտներից: «Ռադիոկապի ռեգլամենտի գործնական օգտագործում». համաժողովի առանցքային թեման է եղել:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

17:25 Աշխարհում
Վերականգնվել է աշխարհի ամենասարսափելի ձայնը

BBC- ի նոր վավերագրական ֆիլմի համար բնագետ Քրիսն ուղևորվել է Տեխասի համալսարանի պալեոնտոլոգիայի դասախոսների մոտ, որպեսզի պարզի թե դինոզավրերն ինչպես են «հնչում»:

17:00 Հայաստան
Վարչապետ Կարեն Կարապետյանի գլխավորությամբ կառավարությունում տեղի է ունեցել խորհրդակցություն՝ վարչապետի հանձնարարականով ստեղծված աշխատանքային խմբի կողմից

գործարար միջավայրի բարելավման (Doing Business) միջոցառումների մշակման ընթացքի քննարկման նպատակով: Միջոցառումները միտված են բիզնես սկսելու և զարգացնելու համար պահանջվող վարչարարական ընթացակարգերի պարզեցման, ՓՄՁ-ների խթանման, ներդրողների պաշտպանվածության, շինարարական, քաղաքաշինական թույլտվությունների ստացման ընթացակարգերի, էլեկտրոնային համակարգերի շարունակական ներդրման, վարկերի հասանելիության, սեփականության գրանցման, ենթակառուցվածքներով ապահովման ցուցանիշների բարելավմանը:
Աղբյուր՝ ՀՀ կառավարություն

16:33 Հայաստան
Հանրապետության միջպետական և հանրապետական նշանակության ավտոճանապարհներին առանց տեղումների եղանակ Է, ճանապարհները բաց են

Վթարներից, պատահարներից, խցանումներից և արտակարգ իրավիճակներից խուսափելու նպատակով նախարարությունը վարորդներին հորդորում է երթևեկել բացառապես ձմեռային անվադողերով:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարությքւն

16:20 Հայաստան
2017թ. դեկտեմբերի 17-ին ժամը 11:00-ից ՀԵԿԱ-ն հրավիրում է մասնակցելու բարեգործական տոնավաճառին` նվիրված Ամանորին և Սուրբ Ծնունդին, որը կկայանա ՀՀ նկարիչների միությունում

Տոնավաճառին մասնակիցների շարքում կլինեն տարբեր երկրների մշակույթ ներկայացնող դեսպանատներ, տեղական և միջազգային ՀԿ-ներ, անհատ արտադրողներ և կազմակերպություններ, տեղացի և սիրիահայ արտադրողներ:
Մամուլի հաղորդագրություն

15:17 Հայաստան
«Նոր տարին Երևանում 2018» միջոցառումների ծրագրի շրջանակում Իրինա Ռոդնինայի գեղասահքի մարզադպրոցում տեղի է ունեցել «Դեպի ապագա» սառցե ներկայացման պրեմիերան,

որին ներկա է գտնվել քաղաքապետարանի աշխատակազմի մշակույթի վարչության պետ Ռ. Հովհաննիսյանը: Ներկայացումը բաղկացած է եղել երկու հիմնական հատվածներից:
Աղբյուր՝ Երևանի քաղաքապետարան

13:12 Հայաստան
Հայոց Կաթողիկոսը Մայր Աթոռ Սուրբ Էջմիածնում Վրաստանի և Հարավային Կովկասի Ավետարանական-Լյութերական եկեղեցու եպիսկոպոս Մարկուս Շոխի հետ հանդիպմանն անդրադարձ է կատարել

Հայաստանյայց Առաքելական և Ավետարանական եկեղեցիների միջև առկա կապերին և գործակցությանը Էկումենիկ կազմակերպությունների հարթակներում և տարբեր սոցիալական ու կրթական ծրագրերի շրջանակներում: Հայոց Կաթողիկոսը գոհունակություն է հայտնել Վիրահայոց թեմի և Ավետարանական-Լյութերական եկեղեցու միջև ձևավորված համագործակցության առիթով:
Աղբյուր՝ Մայր Աթոռ Սուրբ Էջմիածին

13:00 Աշխարհում
Apple- ը գնել է Shazam- ը

Գործարքը գնահատվում է 400 մլն դոլար:

11:43 Աշխարհում
Դեկտեմբերի 11-ին Վրաստանում ՀՀ դեսպան Ռ. Սադոյանը և Վրաստանի փոխվարչապետ, արտաքին գործերի նախարար Մ. Ջանելիձեն քննարկել են երկկողմ հարաբերությունների օրակարգային հարցերի լայն շրջանակ,

անդրադարձել բարձր մակարդակի փոխայցելությունների ժամանակցույցին։ Զրուցակիցներն անդրադարձել են նաև հայ-վրացական սահմանազատման հարցին՝ հույս հայտնելով, որ կողմերը տվյալ հարցի համար կգտնեն փոխշահավետ լուծում։
Աղբյուր՝ mfa.am

11:28 Աշխարհում
1915 թվականի դեկտեմբերի 12- ին ծնվել է ամերիկացի երգիչ և դերասան Ֆրենկ Սինատրան

Երաժշտական կարիերան սկսել է Հերրի Ջեյմսի և Թոմի Դորսի ստեղծագործական գործունեության ծաղկուն շրջանում։ Աննախադեպ հաջողության է հասել 1940-ականների սկզբներին Columbia Records-ում ձայնագրվելուց հետո։

10:51 Հայաստան
Դեկտեմբերի 11-ին ՀՀ սփյուռքի նախարարությունում տեղի է ունեցել լրագրողների համահայկական համաժողովները համակարգող խորհրդի նիստը,

որին Հայաստանից մասնակցել են Սփյուռքի նախարար Հ. Հակոբյանը, նախարարի տեղակալ Ս. Սրապիոնյանը, «Ազդակ» (Լիբանան) օրաթերթի գլխավոր խմբագիր, Լրագրողների համահայկական 6-րդ համաժողովի համակարգող մարմնի նախագահ Շ. Գանտահարյանը և այլք: Նիստին  հեռակապով միացել են Արցախի ժուռնալիստների միության նախագահ Կ. Գաբրիելյանը, «Խոսնակ» ամսագրի (Լիբանան)  գլխավոր խմբագիր Հ. Մարտիրոսյանը, «Օրեր» ամսագրի (Չեխիա) գլխավոր խմբագիր Հ. Ասատրյանը և այլք:
Աղբյուր՝ ՀՀ սփյուռքի նախարարություն

10:39 Աշխարհում
Դեկտեմբերի 9-ին Մինսկում կայացել է Սուրբ ծննդյան բարեգործական տոնավաճառ, որը կազմակերպել էր դեսպանների, դիվանագետների և օտարերկրյա ներկայացուցիչների կանանց Մինսկի միջազգային ակումբը

Տոնավաճառին ակտիվ մասնակցություն է ունեցել Բելառուսում ՀՀ դեսպանությունը՝ ներկայացնելով հայկական ապրանքները, հուշանվերները, ինչպես նաև հայկական խոհանոցի ուտեստներն ու քաղցրավենիքները: Միջոցառմանը նաև կատարմամբ հանդես է եկել «Էրեբունի» պարային համույթը: Հայկական տաղավարը լայնորեն լուսաբանվել է տեղական ԶԼՄ-ների կողմից:
Աղբյուր՝ ՀՀ ԱԳՆ

10:25 Հայաստան
Երևանի քաղաքապետարանի աշխատակազմի վարչություններին, քաղաքապետարանի ենթակայության բոլոր ստորաբաժանումներին հանձնարարվել է

Ամանորի տոնական օրերին սահմանել շուրջօրյա օպերատիվ հերթապահություն:
Տոնական ոչ աշխատանքային օրերին բնակչության կողմից «Թեժ գիծ» ծառայության հեռախոսահամարներով ստացվող զանգերին հնարավորին արագ արձագանքելու նպատակով աշխատակազմի քարտուղարին հանձնարարվել է կազմել  հստակ ժամանակացույց` Երևանի քաղաքապետարանի Արգիշտի 1 և Բյուզանդի 1/3 վարչական շենքերում իրականացնելու շուրջօրյա հերթապահություն: Նույն հանձնարարականը տրվել է նաև 12 վարչական շրջանների ղեկավարներին, ինչպես նաև կենսապահովման ոլորտի ծառայություններ մատուցող ընկերություններին:
Աղբյուր՝ Երևանի քաղաքապետարան

 

10:12 Հայաստան
Հանձնարարվել է խստորեն վերահսկել երկարացված ժամկետներով շինթույլտվությունների շրջանակում իրականացվող աշխատանքների համար սահմանված ժամանակացույցերի պահպանումը

Երևանի քաղաքապետարանում կայացած աշխատանքային հերթական խորհրդակցության ժամանակ զեկուցվել է, որ նախորդ շաբաթվա ընթացքում իրականացված վարչարարության արդյունքում մեկ դեպքի մասով շինարարական աշխատանքները վերսկսվել են, 12 հասցեների համար շինարարության թույլտվության ժամկետները երկարացվել են՝ աշխատանքները վերսկսելու համար, իսկ մեկ դեպքում էլ շինթույլտվությունը ճանաչվել է ուժը կորցրած:
Աղբյուր՝ Երևանի քաղաքապետարան

 

19:31 Հայաստան
Հանրապետության միջպետական և հանրապետական նշանակության ավտոճանապարհներին առանց տեղումների եղանակ Է,

ճանապարհները բաց են:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

18:33 ԼՂՀ
Արցախի Հանրապետության նախագահ Բ. Սահակյանը դեկտեմբերի 11-ին ստորագրել է «Քաղաքացիական ծառայության մասին» Լեռնային Ղարաբաղի Հանրապետության օրենքում փոփոխություն կատարելու մասին»,

«Հանրային ծառայության մասին» Լեռնային Ղարաբաղի Հանրապետության օրենքում փոփոխություններ և լրացումներ կատարելու մասին» և «Արցախի Հանրապետության 2018-2020 թվականների պետական վիճակագրական աշխատանքների եռամյա ծրագիրը հաստատելու մասին» օրենքները։
Աղբյուր՝ Արցախի Հանրապետության նախագահի աշխատակազմի  տեղեկատվության գլխավոր վարչություն

18:17 Հայաստան
ՀՀ տրանսպորտի, կապի և տեղեկատվական տեխնոլոգիաների նախարար Վ. Մարտիրոսյանի հետ հանդիպմանը «Softline» ընկերության նախագահ Ի. Բորովիկովը և Հայաստանում «Softline»-ի գլխավոր տնօրեն Ս. Հարությունյանը

նախարարին ներկայացրել են իրենց կողմից Հայաստանում «Data center» (տվյալների մշակման կենտրոն) հիմնելու հնարավորությունը։ Վ. Մարտիրոսյանը նշել է, որ նախարարությունը տեխնիկապես պատրաստ է քննարկելու ներկայացված ծրագրի դրույթներն ու մանրամասները։ Նախարարը համապատասխան վարչության մասնագետներին հանձնարարել է որոշակի ուսումնասիրություններից և ներկայացված բիզնես պլանին ծանոթանալուց հետո առավել ակտիվ շարունակել քննարկումները տեխնիկական բնույթի հարցերի շուրջ:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

18:08 Հայաստան
Մարդու իրավունքների միջազգային օրվա առթիվ Հայաստանի մարդու իրավունքների պաշտպան Ա. Թաթոյանը և նրա գլխավորած պատվիրակությունը դեկտեմբերի 9-ից 11-ն այցելել են Արցախ

Պատվիրակությունը հանդիպել է Արցախի նախագահ Բակո Սահակյանի հետ, որին մասնակցել է նաև Արցախի մարդու իրավունքների պաշտպան Ռ. Մելիքյանը: Հանդիպման ժամանակ քննարկվել են մարդու իրավունքների պաշտպանությանը և իրավապաշտպան երկու հաստատությունների համագործակցությանը վերաբերող հարցեր:
Աղբյուր՝ Մարդու իրավունքների պաշտպանի աշխատակազմի հանրային կապերի բաժին

18:06 Հայաստան
Գյումրու բրենդավորման ծրագիրը նախաձեռնել և անվճար, սեփական միջոցներով իրականացրել է Deem Communications PR և մարքեթինգային ընկերությունը՝

որպես ներդրում համայնքի զարգացման գործում՝ համագործակցելով Գյումրու քաղաքապետարանի, ՀՀ զբոսաշրջության պետական կոմիտեի, Կումայրի պատմական կենտրոնի զարգացման ծրագրի և Գյումրու հասարակական կազմակերպությունների հետ: Ընկերությունը մշակել է նաև բրենդի ներդրման ռազմավարության առաջարկ 2018-2019 թթ.-ի համար, որի իրագործումը կօգնի զարգացնելու քաղաքի սոցիալ-մշակութային կյանքը և արտաքին զբոսաշրջությունը:
Աղբյուր՝ Deem Communications

17:53 Հայաստան
Երևանի քաղաքապետարանում տեղի ունեցած խորհրդակցության ժամանակ ամփոփվել են մայրաքաղաքի վարչական շրջանների 2017թ. նոյեմբեր ամսվա գնահատման ու վերլուծության արդյունքները

Ներկայացնելով քաղաքային տնտեսության տարբեր ոլորտներում կատարած աշխատանքների նոյեմբեր ամսվա ամփոփ ցուցանիշները` քաղաքապետի խորհրդական Ա. Քոթանջյանը նշել է, որ աղյուսակային ընդհանուր սանդղակում առաջին հորիզոնականը զբաղեցրել է Շենգավիթ վարչական շրջանը, երկրորդ հորիզոնականը կիսել են Ավան և Դավթաշեն, իսկ երրորդ հորիզոնականը՝ Էրեբունի և Աջափնյակ վարչական շրջանները: Նոյեմբեր ամսվա ամփոփիչ գնահատման և վերլուծության արդյունքներով վերջին՝ ութերորդ, իններորդ և տասներորդ տեղերն էլ համապատասխանաբար զբաղեցրել են Արաբկիր, Նոր Նորք և Նուբարաշեն վարչական շրջանները: 
Աղբյուր՝ Երևանի քաղաքապետարան

17:40 ԼՂՀ
Դեկտեմբերի 10-ին Ստեփանակերտում ամփոփվել են 20-րդ դարասկզբի ականավոր իրավապաշտպան, գրող և հրապարակախոս Զաբել Եսայանի ժառանգությանը նվիրված

և «Ինչու են մարդու իրավունքները կարևոր» խորագիրը կրող աշակերտական շարադրությունների երկրորդ մրցույթի արդյունքները: Միջոցառմանը ներկա են եղել ՀՀ Մարդու իրավունքների պաշտպան, մրցութային հանձնաժողովի նախագահ Ա. Թաթոյանը, ԱՀ ԿԳ նախարար Ն. Աղաբալյանը, ԱՀ մշակույթի, երիտասարդության հարցերի և զբոսաշրջության նախարարի տեղակալ Գ. Գրիգորյանը և այլք: Առաջին մրցանակային տեղը զբաղեցրած մասնակիցը պարգևատրվել է iPod պլանշետով, երկրորդ մրցանակային տեղը զբաղեցրած մասնակիցը՝ iPod պլանշետով, իսկ երրորդ տեղը զբաղեցրածը՝ TSD ընկերության տրամադրած ArmPhone բջջայինով:
Աղբյուր՝ ՄԻՊ աշխատակազմ

17:25 Հայաստան
ՀՀ գյուղատնտեսության նախարարությունում տեղի է ունեցել ՀՀ-ում ԳՁՕ-ների գործածության կենսաանվտանգության ապահովման նպատակով ստեղծված աշխատանքային խմբի առաջին նիստը,

որը վարել է ՀՀ գյուղատնտեսության նախարար Ի. Առաքելյանը: Նիստին մասնակցել են ՀՀ գյուղատնտեսության, բնապահպանության, առողջապահության նախարարությունների ներկայացուցիչներ, ոլորտի հասարակական կազմակերպությունների ղեկավարներ, գիտնականներ:
Աշխատանքային խումբը քննարկել է ՀՀ-ում ԳՁՕ-ների գործածության կենսաանվտանգությանը միտված  առաջիկա քայլերը և ներկայացրել առաջարկներ դրանց իրականացման մեխանիզմների ուղղությամբ: Որոշվել է  ԳՁՕ-ների գործածության օրենսդրական կարգավորումներն իրականացնել՝ առաջնորդվելով «նախազգուշավորության սկզբունքով»:
Աղբյուր՝ ՀՀ գյուղատնտեսության նախարարություն

17:12 Հայաստան
Երևան քաղաքի Օրհուս կենտրոնում կայացել է աշխատաժողով, որին մասնակցել են ՀՀ բնապահպանության նախարարության բնապահպանության և ընդերքի տեսչական մարմնի Երևան քաղաքի

և տարածքային բաժինների տեսուչները, ինչպես նաև ՀՀ առողջապահության նախարարության առողջապահական տեսչական մարմնի տեսուչները։ Աշխատաժողովը նպատակաուղղված է եղել տեսուչների իրազեկության բարձրացմանը՝ միջազգային պայմանագրերով ՀՀ ստանձնած պարտավորությունների կատարմանը և քիմիական նյութերի և թափոնների կառավարումն ապահովող օրենսդրության կատարելագործման նպատակով դրանում կատարված փոփոխություններին ծանոթանալու համար։
Աղբյուր՝ ՀՀ բնապահպանության նախարարություն

17:00 Հայաստան
Նոյեմբերյանում տեղի է ունեցել Քաղաքացիների սպասարկման գրասենյակի (ՔՍԳ) պաշտոնական բացման արարողությունը

Գրասենյակը հիմնադրվել է Գերմանիայի միջազգային համագործակցության ընկերության (ԳՄՀԸ)  կողմից իրականացվող «Լավ տեղական ինքնակառավարում Հարավային Կովկասում» ծրագրի շրջանակում Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում՝ Շվեյցարիայի զարգացման և համագործակցության գործակալության (ՇԶՀԳ) և ԱՄՆ միջազգային զարգացման գործակալության (ԱՄՆ ՄԶԳ) համաֆինանսավորմամբ: Ծրագիրն իրականացվում է ՀՀ տարածքային կառավարման և զարգացման նախարարության (ՏԿԶՆ) հետ համատեղ։
Մամուլի հաղորդագրություն

16:59 Հայաստան
ՀՀ ԿԱ պետական եկամուտների կոմիտեն ավտոմատացրել է բնապահպանական և բնօգտագործման վճարների եռամսյակային հաշվարկ-հաշվետվության ներկայացման գործընթացը՝

նպաստելով ոլորտային բիզնեսի աշխատանքային գործունեության արդյունավետության բարձրացմանն ու ժամանակի խնայողությանը: Կատարված բարեփոխումներն այսօր ՊԵԿ-ում ներկայացվել են հարկ վճարողներին և շահագրգիռ կողմերին: Հարկային մարմնի կողմից ընդունվելու դեպքում ինքնաշխատ եղանակով հարկ վճարողին ներկայացվում է հաշվարկ-հաշվետվության ստացումը հավաստող համապատասխան էլեկտրոնային ծանուցում: Հարկային մարմինը հաշվարկ-հաշվետվությունը ներկայացնելու օրվան հաջորդող մեկ աշխատանքային օրվա ընթացքում այն էլեկտրոնային եղանակով ներկայացնում է ՀՀ բնապահպանության նախարարություն, որը, ճշգրտման անհրաժեշտության դեպքում, եռօրյա ժամկետում այդ մասին գրավոր ծանուցում է վճարողին:
Աղբյուր՝ ՀՀ ԿԱ ՊԵԿ

16:57 Հայաստան
ՀՀ աշխատանքի և սոցիալական հարցերի նախարար Ա. Ասատրյանը Ֆրանսիայի նորանշանակ դեսպան պարոն Ժ. Լաքոթի հետ հանդիպմանը ներկայացնելով աշխատանքային օրենսգրքում կատարվող հիմնական փոփոխությունները՝

նշել է, որ դրանք միտված են ՀՀ-ի կողմից ստանձնած միջազգային պարտավորությունների համապատասխանեցմանը և նպատակ ունեն բարձրացնել աշխատողների իրավունքների պաշտպանվածության մակարդակը՝ միևնույն ժամանակ գործատուներին թեթևացնելով գործող օրենսգրքով նախատեսված  որոշակի կոշտ կարգավորումներից: Անդրադառնալով  կուտակային կենսաթոշակային համակարգին՝ նախարարը նշել է, որ մեծ ձեռքբերում է համարում ակտիվները կառավարող երկու ընկերությունների մուտքը և նման կառավարման մշակույթի ներմուծումը Հայաստան:
Աղբյուր՝ ՀՀ աշխատանքի և սոցիալական հարցերի նախարարություն

16:44 Հայաստան
ՀՀ բնապահպանության նախարար Ա. Մինասյանի նախագահությամբ տեղի է ունեցել հասարակական խորհրդի հերթական նիստը,

որի կազմում ընդգրկված բնապահպանական հասարակական կազմակերպությունների ներկայացուցիչները և հրավիրված փորձագետները քննարկել են Հայաստանում բնապահպանական մշակույթի ձևավորման հիմնահարցերը և Հայաստանի կողմից Օրհուսի կոնվենցիայի դրույթների 2014-17թթ. կատարման ընթացքը: Օրակարգի վերաբերյալ հնչած հարցադրումներին պատասխանելուց հետո հասարակական խորհրդրի նախագահ Ա. Մինասյանը ներկաների հաստատմանն է ներկայացրել այն և առաջին հարցը զեկուցելու համար խոսքը փոխանցել նախարարի խորհրդական Ա. Պեպանյանին:
Աղբյուր՝ ՀՀ բնապահպանության նախարարություն

  
   

16:20 Հայաստան
Այսօր 15:00-ի դրությամբ, Ստեփանծմինդա-Լարս ավտոճանապարհը բաց է բոլոր տեսակի տրասնպորտային միջոցների համար

Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

15:53 Հայաստան
ՀՀ ԿԳ նախարարությունը նախաձեռնել է «Բարձրագույն կրթության մասին» ՀՀ օրենքի նախագծի հանրային քննարկումների շարք, որի մեկնարկային հանդիպումը տեղի է ունեցել ՀՀ ռեկտորների խորհրդի նիստում

Պայմանավորվածություն է ձեռքբերվել աշխատանքային մի քանի քննարկումների միջոցով մանրազննին անդրադառնալ նախագծի բոլոր հոդվածներին: Բացի այդ, քննարկում է տեղի ունեցել նաև ոչ պետական բուհերի ռեկտորների մասնակցությամբ, որը վարել է ԿԳ նախարար Լ. Մկրտչյանը, ով նշել է, որ օրենքի նախագիծը դրված է հանրային քննարկման՝ հորդորելով բոլոր շահագրգիռ կողմերին՝ ներկայացնել իրենց առաջարկությունները և դիտողությունները նախագծի վերաբերյալ:
Աղբյուր՝ ՀՀ ԿԳՆ

Տեսանյութեր

Նախագահի խոսքը տեղական ինքնակառավարման և տարածքային կառավարման մարմիններին նվիրված խորհրդաժողովում
11:44 11/12/2017

Նախագահի խոսքը տեղական ինքնակառավարման և տարածքային կառավարման մարմիններին նվիրված խորհրդաժողովում

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}