Սպորտ

ԿԱՐՃ ԼՈՒՐԵՐ

17:48 Հայաստան
Շուրջ 10000 պայուսակ՝ 18 անուն գրենական պիտույքներով, արդեն իսկ տրամադրվում են մայրաքաղաքի վարչական շրջանների պատասխանատուներին,

որոնք մանկապարտեզների ավարտական հանդեսների շրջանակում կհանձնվեն ավագ խմբերի երեխաներին, ովքեր այս տարի առաջին անգամ կգնան դպրոց։
Աղբյուր՝ Երևանի քաղաքապետարան

17:37 Հայաստան
ՀՀ ԳԱԱ-ում մեկնարկել է գիտնական Սերգեյ Մերգելյանի 90-ամյա հոբելյանին նվիրված միջազգային գիտաժողովը

«Այս միջոցառման հիմնական նպատակն է նշել Սերգեյ Մերգելյանի հսկայական ծառայությունները մաթեմատիկական գիտության զարգացման գործում, նրա փայլուն կազմակերպչական գործունեությունը` ուղղված գիտակազմակերպչական, գիտատեխնիկական կառույցների ստեղծմանը...»,- իր ողջույնի ելույթում ասել է ՀՀ ԳԱԱ նախագահ ակադեմիկոս Ռադիկ Մարտիրոսյանը:
Աղբյուր՝ ՀՀ ԳԱԱ

17:00 Աշխարհում
Վարշավայի գյուղատնտեսության կենտրոնական գրադարանում տեղի է ունեցել Լեհաստանի հայերի երրորդ համաժողովը

Համաժողովը կազմակերպվել էր ՀՀ սփյուռքի նախարարության, Լեհաստանում ՀՀ դեսպանության, ԼՀ կառավարության և Ազգային ու էթնիկ փոքրամասնությունների համատեղ հանձնաժողովում հայ փոքրամասնության ներկայացուցիչ Է. Միեր-Ենդժեյովիչի կողմից։ Համաժողովի աշխատանքները մեկնարկել են Լեհաստանի և Հայաստանի պետական օրհներգներով, որից հետո հրապարակվել են ԼՀ Սենատի նախագահ (մարշալեկ) Ս. Կարչևսկու և ՀՀ սփյուռքի նախարար Մ. Հայրապետյանի ուղերձները։
Աղբյուր՝ mfa.am
 

16:55 Աշխարհում
Բելառուսի Գորոդոկ քաղաքում «Անիվ» հայագիտական հետազոտությունների զարգացման հիմնադրամի տնօրեն Ա. Խեչոյանի, Բելառուսի հայ համայնքի ներկայացուցիչ-բարերարների նախաձեռնությամբ

և Բելառուսի Հանրապետությունում ՀՀ դեսպանության աջակցությամբ կայացել է մարշալ Հովհաննես Բաղրամյանի հուշարձանի բացման հանդիսավոր արարողությունը, որին մասնակցել է ԲՀ-ում ՀՀ դեսպան Օ. Եսայանը: ՀՀ դեսպանը բելառուսական ԶԼՄ-ներին տված հարցազրույցում նշել է, որ բելառուսական հողում մարշալ Բաղրամյանի հուշարձանի բացումն առանձնահատուկ իմաստ և նշանակություն ունի՝ Խորհրդային Միության կրկնակի հերոսի փառքը հավերժացնելու և հայ-բելառուսական հարաբերությունների ամրապնդման գործում:
Աղբյուր՝ mfa.am

16:20 Հայաստան
Տեղի է ունեցել Արցախի Հանրապետության ԱԺ գիտության, կրթության, մշակույթի, երիտասարդության և սպորտի հարցերի ու ֆինանսաբյուջետային և տնտեսական կառավարման հարցերի

մշտական հանձնաժողովների համատեղ նիստը, որը վարում էին հանձնաժողովների նախագահներ Արմեն Սարգսյանը և Ռուսլան Իսրայելյանը: Ներկայացնելով կրթության, գիտության և սպորտի բնագավառի 2017թ.-ի տարեկան կատարողականը՝ նախարար Ն. Աղաբալյանը նշել է, որ հաշվետու տարում ոլորտին հատկացվել է 14մլդ 381,1մլն դրամ, կատարողականը կազմել է 13 մլդ 974,3 մլն դրամ  կամ 97%-ը: Նախարարի խոսքով բյուջեից հատկացված գումարի զգալի մասն ուղղվել է հանրակրթության ոլորտին:
Աղբյուր՝ Արցախի Հանրապետության ԱԺ

15:30 Հայաստան
Մայիսի 24-ին և 25-ին Շուշիում տեղի է ունենալու Ամերիկայի Հայ իրավաբանական միության (Armenian Bar Association) տարեկան համաժողովը՝ ԱՄՆ-ից և Կանադայից ավելի քան 40 իրավաբանների մասնակցությամբ

Արցախի ՄԻՊ հաստատությունը միջոցառման գործընկերն ու համակազմակերպիչն է։ Համաժողովը տեղի է ունենալու Շուշիի մշակույթի տան շենքում, 9։00-ից 11։30- ն։ Մուտքն ազատ է։
Աղբյուր՝ Facebook

15:17 Հայաստան
ՀՀ տարածքային կառավարման և զարգացման նախարար Ս. Պապիկյանը Հայաստանում Եվրամիության օրերի շրջանակներում մայիսի 20-ին ներկա է գտնվել Ամասիա համայնքում Եվրամիության կողմից համաֆինանսավորվող

«ԵՄ-ն Շիրակի մարզին։ Նոր աշխատատեղեր շնորհիվ բրդի արտադրության» ծրագրի բացման հանդիսավոր արարողությանը։ Միջոցառմանը ներկա են եղել Հայաստանում Եվրոպական միության պատվիրակության ղեկավար Պ. Սվիտալսկին, ՀՀ գյուղատնտեսության նախարար Ա. Խաչատրյանը, Շիրակի մարզպետի պաշտոնակատար Ս. Պետրոսյանը և այլք: Համագործակցության նպատակն է՝ ապահովել ծրագրերի և նախագծերի իրականացումը, որոնք վերցված են տարածքային զարգացման առաջնայնությունների շարքից և որոնց կիրառումը կհանգեցնի արդյունավետ և կայուն արդյունքի:
Աղբյուր՝ ՀՀ տարածքային կառավարման և զարգացման նախարարություն

14:42 Հայաստան
ՀՀ Հանրային խորհրդի նախագահ Վազգեն Մանուկյանը մայիսի 18-ին նամակով դիմել է վարչապետ Նիկոլ Փաշինյանին՝ հայտնելով, մայիսի 16-ի ՀԽ նիստում որոշում է կայացվել վարչապետի ուշադրությունը հրավիրել

այն առաջարկներին, որոնք Հանրային խորհուրդն այս տասը տարիների ընթացքում ներկայացրել է ՀՀ կառավարություն, և որոնց մի մասն ամբողջությամբ կամ մասամբ ընդունվել է ու կյանքի կոչվել, մի մասը մնացել է չիրագործված: Մանուկյանը նշել է, որ բոլոր այդ առաջարկները գտնվում են ՀՀ կառավարությունում, և կարելի է դրանք ներառել առաջիկայում ՀՀ ԱԺ ներկայացվելիք նոր կառավարության ծրագրում:
Մանրամասն՝ publiccouncil.am- ում

14:16 Հայաստան
Հատուկ քննչական ծառայության քննիչի վարույթ ընդունված քրեական գործի նյութերի համաձայն` մայիսի 3-ին ԱՆ «Վանաձոր» քրեակատարողական հիմնարկի հսկիչ անցագրային կետում

նույն հիմնարկի անվտանգության ապահովման բաժնի մասնագետ Ա. Հ.-ի անձնական խուզարկությամբ, նրա մոտ գտնվող բջջային հեռախոսի մարտկոցի լիցքավորման սարքի միջից հայտնաբերվել է խոշոր չափերով` ընդհանուր 1,68 գրամ քաշով «Հաշիշ» տեսակի թմրամիջոց: Դեպքի առթիվ ՀՀ քննչական կոմիտեի Լոռու մարզային քննչական վարչությունում ՀՀ քրեական օրենսգրքի 34-266-րդ հոդվածի 2-րդ մասի 3-րդ և 4-րդ կետերով հարուցվել է քրեական գործ:
Աղբյուր՝ ccc.am

13:40 Հայաստան
Պրոբացիայի շահառուներին մայիսի 18-ին հավաստագրեր են հանձնվել «Առողջ ապրելակերպ» դասընթացի 1-ին փուլն ավարտելու կապակցությամբ

Դասընթացն իրականացվել է ՀՀ արդարադատության նախարարի 2018 թվականի հունվարի 22-ի հրամանի համաձայն՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի  կողմից: Պրոբացիայի շահառուներին ավարտական հավաստագրերը հանձնել են ՀՀ ԱՆ պրոբացիայի պետական ծառայության պետ Ա. Նավասարդյանը և «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի փոխտնօրեն  Գ. Հովակիմյանը:
Աղբյուր՝ ՀՀ ԱՆ

13:25 Հայաստան
Մայիսի 18-ին՝ Երևանի Դավիթաշեն վարչական շրջանի թիվ 200 դպրոցում տեղի է ունեցել «Արմաթ» ինժեներական լաբորատորիայի բացման պաշտոնական արարողությունը

Թիվ 200 հիմնական դպրոցի Արմաթը Հայաստանում գործող 220-ից ավելի լաբորատորիաներից մեկն է, իսկ Երևանում այն 29-րդն է: Թիվ 200 հիմնական դպրոցի տնօրինությունը ինքնուրույն է ֆինանասական միջոցներ ներդրել իր սաների համար նորարար կրթության պայմաններ ապահովելու համար:
Աղբյուր՝ uite.org

17:25 ԼՂՀ
Արցախի ԱԺ նախագահ Ա. Ղուլյանը և Հայաստանի արտգործնախարար Զ. Մնացականյանը զրույց են ունեցել Արցախի խորհրդարանական դիվանագիտության արձանագրած արդյունքների ու հետագայի ծրագրերի շուրջ

Այս համատեքստում նախարար Մնացականյանն ընդգծել է, որ Հայաստանի արտգործնախարարությունը շարունակելու է իր աջակցությունն Արցախի միջազգային կապերի ընդլայնմանը։ Արցախի օրենսդիր մարմնի նախագահը և Հայաստանի արտաքին քաղաքական գերատեսչության ղեկավարը քննարկել են ղարաբաղյան հիմնախնդրի խաղաղ կարգավորման գործընթացին առնչվող հարցեր:
Աղբյուր՝ Արցախի Հանրապետության ԱԺ

14:30 ԼՂՀ
Ստեփանակերտում տեղի է ունեցել Հայաստանի և Արցախի արտգործնախարարներ Զոհրաբ Մնացականյանի և Մասիս Մայիլյանի հանդիպումը

Արտգործնախարարներն ընդգծել են երկու երկրների արտաքին քաղաքական գերատեսչությունների միջև շարունակական ու արդյունավետ փոխգործակցության, պարբերական քաղաքական խորհրդակցությունների և ոլորտային պատասխանատուների մակարդակով հաճախակի հանդիպումների անցկացման կարևորությունը: Քննարկվել են Լեռնային Ղարաբաղի հիմնախնդրի բացառապես խաղաղ կարգավորման գործընթացի վերջին զարգացումները, անդարդարձ կատարվեց այդ ուղղությամբ տեղի ունեցած շփումներին:
Աղբյուր՝ mfa.am

Տեսանյութեր

Վարչապետի գլխավորությամբ քննարկվել են Ֆրանկոֆոնիայի գագաթնաժողովի անցկացմանը վերաբերող հարցեր
15:31 21/05/2018

Վարչապետի գլխավորությամբ քննարկվել են Ֆրանկոֆոնիայի գագաթնաժողովի անցկացմանը վերաբերող հարցեր

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}