ՏՀՏ-ն Հայաստանում

ԿԱՐՃ ԼՈՒՐԵՐ

19:16 Հայաստան
Հայաստանում ԵՄ պատվիրակության ղեկավար, դեսպան Պյոտր Սվիտալսկին ստորագրել է ընտրությունների նախապատրաստման և դիտարկման վերաբերյալ երեք նոր համաձայնագիր

850,000 եվրո բյուջեով ծրագրերը ֆինանսավորվում են Ժողովրդավարության և մարդու իրավունքների եվրոպական նախաձեռնության Հայաստանի համար նախատեսված բյուջեից և Հայաստանում ժողովրդավար ընտրություններին ուղղված ԵՄ աջակցության մաս են կազմում:
Աղբյուր՝ europa.eu

18:33 Հայաստան
ՀՀ արդարադատության նախարարի պաշտոնակատար Ա. Զեյնալյանը Քրեակատարողական ծառայության ղեկավար անձնակազմի հետ խորհրդակցություն է անցկացրել,

որը պայմանավորված է Կառավարության կողմից այս ոլորտը կարևորելու վճռականությամբ, ինչի ապացույցը վերջին տասը տարիների ընթացքում առաջին անգամ ՔԿ հիմնարկներում պահվող դատապարտյալների և կալանավորված անձանց բնակության կոմունալ-կենցաղային պայմանների բարելավման համար մոտ 280 միլիոն դրամ հատկացնելու որոշումն էր: Ա. Զեյնալյանը ՔԿՎ ղեկավար անձնակազմի հետ քննարկել է նաև դատապարտյալների պահման պայմաններին, սննդի որակին, քրեական ենթամշակույթի վերացմանը, ինքնավնասումների, ինքնասպանության փորձերի դրդապատճառներին վերաբերող մի շարք հարցեր:
Աղբյուր՝ ՀՀ ԱՆ

18:06 Հայաստան
ՀՀ սպորտի և երիտասարդության հարցերի նախարարի պաշտոնակատար Գ. Ղազարյանը հանդիպել է պարառաֆթինգի 2018 թվականի աշխարհի առաջնության չեմպիոններ դարձած հայ մարզիկների

և առաջնությանը մասնակցած Հայաստանի պատվիրակության մյուս անդամների հետ:
Նախարարի պաշտոնակատարը շնորհավորել է մարզիչներին և պատվիրակության անդամներին մարզական ձեռքբերումների համար: Հայաստանը ներկայացնող տղաների և աղջիկների թիմերը դարձել են առաջնության «Օփեն Քլաս» (Open Class) խմբերի հաղթողներ:
Աղբյուր՝ ՀՀ սպորտի և երիտասարդության հարցերի նախարարություն

17:53 Աշխարհում
Ինտերպոլի նոր նախագահ է դարձել Հարավային Կորեայի ներկայացուցիչ Կիմ Չոն Յանը

Քվեարկությունը տեղի է ունեցել Դուբայում՝ Ինտերպոլի Գլխավոր ասամբլեայի 87-րդ նստաշրջանում:

17:40 Հայաստան
Երևանի քաղաքապետ Հ. Մարությանը ՀՀ- ում ՄԱԿ-ի մշտական համակարգող Շ. Շարփի հետ հանդիպմանը հույս է հայտնել, որ իրականացվող ծրագրերը կլինեն շարունակական

Շ. Շարփը նշել է, որ Ծրագրի աջակցությամբ Երևանի մի քանի փողոցներում ներդրվել են լուսավորության ժամանակակից համակարգեր, որոնց շնորհիվ հնարավոր է խնայել 60% ավելի էներգիա և նվազեցնել ջերմոցային գազերի արտանետումները։ Բացի այդ, ՄԱԶԾ-ն աջակցություն է ցուցաբերել՝ Երևանի մի շարք հանրային և բնակելի շենքերում էներգիայի արդյունավետությունը բարձրացնելու նպատակով։
Աղբյուր՝ Երևանի քաղաքապետարան

17:00 Հայաստան
Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար

Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

15:44 Հայաստան
Այսօր 15:00-ի դրությամբ, հանրապետության միջպետական և հանրապետական նշանակության ավտոճանապարհներին առանց տեղումների եղանակ է

ՀՀ միջպետական և հանրապետական նշանակության բոլոր ավտոճանապարհները բաց են:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

15:17 Հայաստան
ՀՀ արտակարգ իրավիճակների փոխնախարար Ա. Բալյանն ընդունել է ՌԴ ԱԻՆ քաղաքացիական պաշտպանության և ԱԻ համառուսաստանյան գիտահետազոտական ինստիտուտի մասնագետներին

ու ՀՀ ԱԻՆ սեյսմիկ պաշտպանության տարածքային ծառայության հինգ աշխատակիցների, որոնք մասնակցել են շարժական դիագնոստիկ լրակազմ «Ստրունա-2»-ի շահագործման հմտությունների ուսուցման դասընթացներին: Հանդիպման նպատակն էր դասընթացի մասնակիցներին հանձնել մասնագիտական որակավորման վկայագրեր: Դասընթացները, որոնք վարել են ՌԴ-ից ժամանած մասնագետները, անցկացվել են հոկտեմբերի 29-ից նոյեմբերի 20-ը Ռուս-հայկական մարդասիրական արձագանքման կենտրոնում:
Աղբյուր՝ ՀՀ ԱԻՆ

14:42 Հայաստան
Նոյեմբերի 17-ից 30-ը Երևանում, Գյումրիում և Դիլիջանում Եվրոպական կինոփառատոնի շրջանակներում անց են կացվում Եվրոպական կինոյի օրերը

որի շրջանակներում Կինոյի տան փոքր կինոսրահում ցուցադրվել է Էմանուելե Կրիալեզեի «Նոր աշխարհ» ֆիլմը: Երեկոն կազմակերպվել է Հայաստանում Իտալիայի դեսպանության, Երևանում Դանթե Ալիգերի ընկերակցության հետ համատեղ: Հայաստանի կինեմատոգրաֆիստների միության նախագահ Հ. Խաչատրյանը, բացելով երեկոն, նշել է, որ հայ-իտալական կինոհարաբերությունները թեպետ լավ պատմություն ունեն, շատ հետաքրքիր էջեր կան այդ պատմությունում, շատ վառ անուններ ու անհատականություններ, այնուհանդերձ դրանք ամրացնելու կարիք կա:
Մամուլի հաղորդագրություն

 

14:17 Հայաստան
ՀՀ ԿԳ նախարարի հրամանով ստեղծված աշխատանքային խումբը, Եվրոպական կրթական հիմնադրամի աջակցությամբ, մշակել է

«Հայաստանում աշխատանքի վրա հիմնված ուսուցման զարգացման 2019-2025թթ. հայեցակարգի և ճանապարհային քարտեզի» նախագիծը, որը ներկայացվել է բոլոր շահառու խմբերին: Նախագծի ներկայացմանը ներկա են գտնվել ՀՀ ԿԳ նախարարի տեղակալ Հ. Հովհաննիսյանը, Հայաստանում ԵՄ պատվիրակության համագործակցության բաժնի ղեկավարի տեղակալ Գ. Ցուրիսը, Եվրոպական կրթական հիմնադրամի մասնագիտական կրթության և ուսուցման ոլորտում մասնավոր հատվածի ներգրավման գծով մասնագետ Դ. Ժիլբերին, միջազգային փորձագետներ, ուսումնական հաստատությունների տնօրեններ:
Աղբյուր՝ ՀՀ ԿԳՆ

14:04 Հայաստան
ՀՀ ԿԵ սննդամթերքի անվտանգության տեսչակամ մարմնի անձնակազմը միացել է Առողջապահության նախարարության՝ «պատվաստվում են բուժաշխատողները» ֆեյսբուքյան ֆլեշմոբին

Կարևորելով պատվաստումների դերը վարակիչ հիվանդությունների կանխարգելման գործում` ՍԱՏՄ աշխատակիցները ստացել են դիֆթերիայի, փայտացման, ինչպես նաև սեզոնային գրիպի դեմ կանխարգելիչ պատվաստումներ:
Աղբյուր՝ ՀՀ առողջապահության նախարարություն

13:25 Հայաստան
Տրանսպորտի, կապի և տեղեկատվական տեխնոլոգիաների նախարարի պաշտոնակատար Հ. Արշակյանն այցելել է «Հյուսիս-հարավ ներդրումային ծրագրի» Թալին-Լանջիկ (տրանշ-3) ճանապարհահատված,

որտեղ աշխատանքներ է իրականացնում չինական «Սինոհիդրո Քորփորեյշն» ընկերությունը։ Այս ճանապարհահատվածում որակի ու ժամկետների հետ կապված մի շարք խնդիրներ էին առաջացել, որոնց լուծման ուղղությամբ վերջին շրջանում կոնկրետ քայլեր են ձեռնարկվել. համալրվել է մասնագետների քանակը, ավելացվել է շինտեխնիկան։ Բացի այդ, կապալառու ընկերության առաջարկով որոշում էր կայացվել փոփոխել իրականացվող աշխատանքների տեխնիկան ու մեթոդաբանությունը։
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

13:12 Հայաստան
Հայաստանում Ամերիկայի Առևտրի Պալատը նոյեմբերի 16-ին հրավիրել էր իր տարեկան ընդհանուր ժողովը, որը գլխավորել է ՀԱԱՊ-ի նախագահ Արա Հովսեփյանը

Քննարկման օրակարգում եղել են տարվա ձեռքբերումները, կազմակերպության զարգացման հեռանկարները, 2017-18 թթ. ֆինանսական հաշվետվությունները, ինչպես նաև ՀԱԱՊ կանոնադրության փոփոխությունները: Պալատը իրավաբանական անձանց միությունից, համաձայն ՀՀ օրենսդրության, վերակազմավորվել է հասարակական կազմակերպության:  Ընդհանուր ժողովը ՀԱԱՊ-ի նախագահ է վերընտրել «ՔոնթուրԳլոբալ Հիդրո Կասկադ» ՓԲԸ գլխավոր տնօրեն Ա. Հովսեփյանին, ով հանդիսանում է էներգետիկ ոլորտի ամենախոշոր ամերիկյան ներդրումը Հայաստանում, որին է պատկանում Որոտան ՀԷԿ-ը:
Աղբյուր՝ Հայաստանում Ամերիկայի Առևտրի Պալատ

 

10:25 Հայաստան
Քննարկվել են միջպետական կանոնավոր և ոչ կանոնավոր ուղևորափոխադրումներին, տաքսի ծառայություններին, մեքենաների տեխզննությանը, ավտոկայանների գործունեությանն առնչվող մի շարք հարցեր

ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ Ա. Փամբուխչյանը, Արցախի Հանրապետության էկոնոմիկայի և արտադրական ենթակառուցվածքների նախարարի տեղակալ Տ. Թորոսյանը և նախարարության տրանսպորտի վարչության պետ Ա. Պողոսյանն անդրադարձել են երկու հայկական պետությունների միջև ստորագրված համագործակցության հուշագրի մի շարք դրույթներին, գործակցության շրջանակներն ընդլայնելու գործնական քայլերին։
Աղբյուր՝ mtcit.am

20:00 Աշխարհում
Հայտնի են «International Emmy Awards» մրցանակաբաշխության հաղթողների անունները

Այդ մասին ասվում է Հեռուստատեսության միջազգային ակադեմիայի մամլո հաղորդագրության մեջ:

19:00 Աշխարհում
ՀՀ պաշտպանության նախարարի պաշտոնակատար Դ. Տոնոյանը Քաբուլում հանդիպել է Աֆղանստանում «Վճռական աջակցություն» առաքելության զորքերի փոխհրամանատար Ս. Քամփորելիի հետ

Իտալացի գեներալը Դ. Տոնոյանին ներկայացրել է օպերատիվ իրավիճակը, խաղաղապահների ծառայության առանձնահատկությունները, խաղաղապահ զորքերի սպազինությունը և տեխնիկական հագեցվածությունը։ Ս. Քոմփորելին շնորհակալություն է հայտնել Աֆղանստանում «Վճռական աջակցություն» խաղաղապահ առաքելությանը մասնակցող հայ սպաների և զինվորների ծառայության համար, որոնք, ըստ գեներալի, աչքի են ընկնում բարձր կարգապահությամբ, նախաձեռնողականությամբ և պատրաստվածությամբ։
Աղբյուր՝ ՀՀ ՊՆ

18:33 Հայաստան
Երևան-Սևան ավտոճանապարհի՝ Գագարին ավանի վարչական տարածքում երթևեկությունը երկկողմանի դադարեցրած քաղաքացիները և նրանց հարազատների պաշտպանները

ՀՀ արդարադատության նախարարի տեղակալին ներկայացրել են իրենց բողոքը մեկ գործով անցնող 8  կալանավորված անձանց դատական նիստերի՝ իրենց պնդմամբ անհիմն ձգձգման, դատարանի կողմից խափանման միջոց կալանքը գրավով փոխարինելու միջնորդությունը մերժելու և այլ հարցերի վերաբերյալ: Նախարարի տեղակալը ներկայացրել է ԱՆ իրավասությունները, աջակցելու հնարավորությունները, նշել, որ նախաքննության փուլում գործադիր իշխանությունը որևէ կերպ միջամտելու իրավասություն չունի, միաժամանակ տեղեկացրել, որ մեղսագրվող հոդվածների վերաբերյալ ունեցած նախնական տվյալների ուսումնասիրության համաձայն, կալանավորված անձինք դատարանի օրինական ուժի մեջ մտած դատավճռից հետո համաներման ակտով ազատ կարձակվեն:
Աղբյուր՝ ՀՀ ԱՆ

17:47 Աշխարհում
ՀՀ և ՌԴ պաշտպանության նախարարությունների երկկողմ համագործակցության 2018թ. պլանի համաձայն`

կապի համակարգի կատարելագործման բնագավառում փոխգործակցության հարցերով աշխատանքային հանդիպմանը մասնակցելու նպատակով նոյեմբերի 20-ին Մոսկվա է մեկնել ՀՀ զինված ուժերի կապի զորքերի պետ - կապի և ԱԿՀ վարչության պետ, գնդապետ Թ. Շահնազարյանի գլխավորած աշխատանքային խումբը:
Աղբյուր՝ ՀՀ ԶՈւ

16:20 Հայաստան
ՀՀ ԱՆ քրեակատարողական ծառայության պետը ՀՀ- ում Կարմիր խաչի միջազգային կոմիտեի պատվիրակության տարածքային պատվիրակի և պաշտպանական բաժնի համակարգողի հետ քննարկել է

Կարմիր խաչի միջազգային կոմիտեի աջակցությամբ 2018 թվականի նոյեմբերի 1-ից ՀՀ ԱՆ քրեակատարողական հիմնարկներում գործող տեսազանգի համակարգի կիրառման արդյունավետությունը և դրա բարելավման ուղղությամբ տարվող աշխատանքները, որոնք առավել արդյունավետ դարձնելու համար անհրաժեշտ համարվեց ընդունել հատկապես տեսազանգից օգտվող ազատազրկված անձանց կարծիքները և առաջարկները:
Աղբյուր՝ ՀՀ ԱՆ քրեակատարողական ծառայություն

15:30 Հայաստան
Փոխվարչապետի պաշտոնակատար Մ. Գրիգորյանի գլխավորությամբ ՀԲ ներկայացուցիչների հետ կառավարությունում տեղի է ունեցել քննարկում

մարդկային կապիտալի զարգացման վերաբերյալ: Քննարկմանը մասնակցել են նաև ՀՀ ԿԳ նախարարի պաշտոնակատար Ա. Հարությունյանը և ՀԲ Երևանի գրասենյակի տնօրեն Ս. Բոսութղոն: Համաշխարհային բանկի պատվիրակության անդամները ներկայացրել են ՀԲ-ի Մարդկային կապիտալի ծրագիրը, մանրամասն նկարագրել մարդկային կապիտալի համաթվի բովանդակությունն ու բաղադրիչները: Ս. Բոսութղոն խոսել է միջազգային լավագույն փորձից և ընդգծել, որ Հայաստանն ունի մարդկային կապիտալի մեծ ներուժ, որը պետք է իրացնել:
Աղբյուր՝ gov.am

Տեսանյութեր

Վալերի Պեկրեսն ամփոփեց հայաստանյան այցը
13:43 20/11/2018

Վալերի Պեկրեսն ամփոփեց հայաստանյան այցը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}