Հասարակություն

ԿԱՐՃ ԼՈՒՐԵՐ

18:45 Հայաստան
Հայոց Կաթողիկոսը Մայր Աթոռ Ս. Էջմիածնում ընդունել է ՀՀ- ում Գերմանիայի դեսպան Մ. Քիսլերին, ով ավարտում է իր դիվանագիտական առաքելությունը Հայաստանում

Հայրապետն անդրադարձ է կատարել հայ-գերմանական հարաբերությունների զորացման գործում ներդրվող ջանքերին, ինչպես նաև Գերմանիայի հայոց թեմին: Իր հերթին դեսպանը նշել է, որ տպավորված է Հայաստանով և նրա հարուստ մշակույթով: Պրն. Քիսլերը իր շնորհակալությունն է հայտնել Հայրապետին գործակցության համար` գոհունակությամբ հավելելով, որ պաշտոնավարման ընթացքում Գերմանիայից ժամանած բազում պատվիրակություններ է առաջնորդել Մայր Աթոռ:
Աղբյուր՝ Մայր Աթոռ Ս. Էջմիածին

18:17 Հայաստան
«Նուբարաշեն» քրեակատարողական հիմնարկի աշխատակիցները հայտնաբերել և առգրավել են ընդհանուր 644 գրամ քաշով կանեփանման զանգված

Նույն օրը ՀՀ ԱՆ «Արթիկ» քրեակատարողական հիմնարկի աշխատակիցները ժամը 15։30-ի սահմաններում զննության են ենթարկել դատապարտյալ Մ. Տ.-ի անվամբ քաղաքացի Վ. Ս.-ի կողմից բերված հանձնուքը։ Զննության արդյունքում հայտնաբերվել է բջջային հեռախոսի բաժանորդային քարտ, որը թաքցված է եղել սրբիչի մեջ։ Դեպքերի առթիվ նախապատրաստվում են նյութեր, նշանակվել է դատաքիմիական փորձաքննություն։
ՀՀ ԱՆ քրեակատարողական ծառայության հանրային կապերի բաժին

 

18:14 Արցախ
Տեղի են ունեցել Արցախի Հանրապետության ԱԺ մշտական հանձնաժողովների նիստեր

Պաշտպանության, անվտանգության և օրինապահպանության հարցերի մշտական հանձնաժողովը քննարկել է երկրորդ ընթերցմամբ խորհրդարանին ներկայցված՝ «Արտակարգ դրության իրավական ռեժիմի մասին» Արցախի Հանրապետության օրենքի նախագիծը: Առաջին ընթերցումից հետո հանձնաժողովը նախագծի վերաբերյալ որևէ առաջարկություն չի ստացել: Հանձնաժողովի քննարկմանն է ներկայացվել նաև «Սեյսմիկ պաշտպանության մասին», «Տեղական ինքնակառավարման մասին» ԼՂՀ օրենքում փոփոխություն և լրացում կատարելու մասին» Արցախի Հանրապետության օրենքների նախագծերի փաթեթը՝ երկրորդ ընթերցմամբ: Բոլոր նախագծերի վերաբերյալ հանձնաժողովը տվել է դրական եզրակացություն:
Արցախի Հանրապետության Ազգային ժողով

18:01 Հայաստան
Հայաստանի ֆուտբոլի ֆեդերացիայի նախագահ Ա. Վանեցյանը և Համահայկական խաղերի համաշխարհային կոմիտեի նախագահ Ի. Զաքարյանի գլխավորած պատվիրակությունը քննարկել են

ֆուտբոլին և ֆուտզալին առնչվող հարցեր: Ի. Զաքարյանը նշել է, որ ֆուտբոլը և ֆուտզալը  համահայկական խաղերի 17 մարզաձևերից ամենաշատ մասսայականություն վայելողն են, որոնց հայտերն արդեն իսկ մեծ թիվ են կազմում: ՀՖՖ նախագահ Ա. Վանեցյանը, ընդգծելով համահայկական խաղերի կարևորությունը, վստահեցրել է, որ կարվի հնարավոր ամեն բան՝ ապահովելու համահայկական խաղերի, մասնավորապես՝ ֆուտբոլային հանդիպումների պատշաճ կազմակերպումն ու անցկացումը: Կողմերը պայմանավորվել են, որ մինչև հուլիսի 10-ը Համահայկական խաղերի գլխավոր մրցավարը կներկայացնի հայտերի վերջնական թիվը:
Հայաստանի ֆուտբոլի ֆեդերացիա

17:38 Աշխարհում
ՀՀ Անվտանգության խորհրդի քարտուղար Ա. Գրիգորյանը Ռուսաստանի Դաշնության ՈՒֆա քաղաքում ելույթ է ունեցել «Անվտանգության հարցերը համակարգող բարձրաստիճան ներկայացուցիչների ամենամյա տասերորդ հանդիպմանը»

Ելույթը նվիրված էր «Պետության անվտանգության և կայուն սոցիալ-տնտեսական զարգացման ապահովումը, աճող հիբրիդային սպառնալիքների պայմաններում» թեմային։
Աղբյուր՝ ՀՀ Անվտանգության խորհուրդ
 

17:00 Հայաստան
ՀՀ տարածքային կառավարման և ենթակառուցվածքների նախարարը հանդիպել է Զարգացման ֆրանսիական գործակալության Արևելյան Եվրոպայի, Կովկասի, Թուրքիայի և Ասիայի տարածաշրջանի տնօրենի գլխավորած պատվիրակությանը

Հայաստանում ԶՖԳ-ի հետ համատեղ իրականացվող ծրագրերից առանձնացնելով Արարատյան հարթավայրի ոռոգվող հողատարածքների վերականգման նպատակով Վեդու ջրամբարի կառուցումը՝ նախարար Պապիկյանը նկատել է, որ իր կենսական նշանակությամբ այն երկրի ջրային ռեսուրսների արդյունավետ կառավարման խնդիր է լուծում։ «Վեդու ջրամբարի ենթակառուցվածքային ամբողջական համակարգի ներդրումը կարող է դառնալ Հայաստանում կաթիլային ոռոգման ցանցի ամրացման կարևորագույն ռեսուրսային հանգույցներից մեկը, ինչն էլ իր հերթին տնտեսության տարբեր ճյուղերի համար անխուսափելիորեն կունենա բազմագործոն ազդեցություն»,-ասել է նախարարը։
ՀՀ տարածքային կառավարման և ենթակառուցվածքների նախարարություն

16:39 Հայաստան
Փոխվարչապետ Մ. Գրիգորյանը և ՄԱԿ- ի մշտական համակարգող Շ. Շարփը մտքեր են փոխանակել մշակվելիք ոլորտային ռազմավարությունների բովանդակության և կառուցվածքի վերաբերյալ

Մհեր Գրիգորյանն ընդգծել է, որ վերջնական փաստաթղթերի որակը անմիջականորեն կախված է գործընթացի ճիշտ կազմակերպման և համակարգման հետ: ՄԱԿ մշտական համակարգող Շոմբի Շարփը փոխանցել է զարգացման գործընկերների պատրաստակամությունը աջակցությունը ցուցաբերելու ոլորտային ռազմավարությունների մշակման գործընթացում:
Աղբյուր՝ ՀՀ կառավարություն

16:33 Հայաստան
Մեկնարկել է ՀՀ կրթության, գիտության, մշակույթի և սպորտի նախարարության աջակցությամբ իրականացվող «Սասնա ծռեր» կամ «Սասունցի Դավիթ» էպոսի պահպանման և տարածման ծրագիրը,

որի նպատակն է պահպանել և տարածել հայկական հոգևոր և մշակութային արժեքները, նպաստել դրանց ընկալմանն ու գնահատմանը: Ծրագրի համալիր միջոցառումների ցանկում կկազմակերպվեն էպոսասացության մրցույթներ, որոնց մարզային փուլերի հաղթողները կմասնակցեն էպոսասացության մրցույթի եզրափակիչ փուլին: Այն տեղի կունենա 2019 թ. հոկտեմբերի 5-ին ՀՀ Արագածոտնի մարզի Օշական համայնքում: 2019 թ. նոր ծրագրով նախատեսվում է կատարելագործել «Սասունցի Դավիթ» բջջային հավելվածը՝ համալրելով «Ինտելեկտուալ խաղեր» բաժնի հարցերի բազան, «Ժամանցային խաղեր» բաժնում ստեղծելով էպոսի թեմայով ևս մեկ խաղ՝ հավելվածը ավելի բազմաբովանդակ դարձնելու համար:
ՀՀ կրթության, գիտության, մշակույթի և սպորտի նախարարություն

16:20 Հայաստան
Հունիսի 26-ին և 28-ին, Երևանի Կոմիտասի անվան պետական կոնսերվատորիաում Ա. Տիգրանյանի անվան երաժշտական դպրոցի սաների մասնակցությամբ կկայանա Ստեփան Ջրբաշյանի «Գիքոր» օպերայի բեմադրությունը՝

նվիրված Հ. Թումանյանի ծննդյան 150 ամյակին: Միջոցառումը կկայանա ՀՀ կրթության, գիտության, մշակույթի և սպորտի նախարարության աջակցությամբ։ Նախագծի ղեկավարն է Երևանի Ա. Տիգրանյանի անվան երաժշտական դպրոցի տնօրեն Ա. Գևորգյանը, հովանավորներ՝ ամերիկաբնակ Կարո և Սիրվարդ Կավուկչյաններ, կազմակերպիչներ՝ Ա. Տիգրանյանի անվան երաժշտական դպրոց և Մշակութային կրթության աջակցության հիմնադրամ: Նախագծում ներգրավված են շուրջ 150 մասնակից։
Աղբյուր՝ ՀՀ կրթության, գիտության, մշակույթի և սպորտի նախարարություն

14:42 Հայաստան
Հայաստանյայց Առաքելական Ս. Եկեղեցին տոնել է Ս. Գայանյանց կույսերի հիշատակը

Տոնի առիթով առավոտյան Մայր Տաճարից եկեղեցականների հանդիսավոր թափորը Էջմիածնի Հայորդյաց տան սաների հետ առաջնորդվել է Սուրբ Գայանե վանք: Թափորը մինչև Ս. Գրիգոր Լուսավորչի կամար գլխավորել է Հայոց Կաթողիկոսը։ Պատարագի ավարտին Ս. Գայանե վանքի բակում Արտակ եպիսկոպոսի նախագահությամբ կատարվել է սրբուհու մասունքակիր Աջով հավատացյալների օրհնություն և Անդաստանի կարգ:
Աղբյուր՝ Մայր Աթոռ Ս. Էջմիածին

 

14:30 Աշխարհում
ՀՀ տնտեսական մրցակցության պաշտպանության պետական հանձնաժողովի նախագահ Գ. Գևորգյանը Մոսկվաjյում կմասնակցի հունիսի 19-ին կայանալիք Եվրասիական տնտեսական հանձնաժողովի կողմից կազմակերպված

Մրցակցության հարցերի վերաբերյալ միջազգային կլոր սեղան-խորհրդակցությանը։ Միջոցառման նպատակն է ԵԱՏՄ անդամ-պետությունների տարածքում գործող օտարերկրյա ընկերությունների շրջանում բարձրացնել մրցակցության և հակամենաշնորհային կարգավորման ոլորտում Եվրասիական տնտեսական հանձնաժողովի իրավասությունների և գործունեության վերաբերյալ իրազեկվածության մակարդակը։
Աղբյուր՝ ՀՀ տնտեսական մրցակցության պաշտպանության պետական հանձնաժողով

13:25 Հայաստան
Անհայտ անձը թմրամիջոց իրացնելու նպատակով, դեռևս չպարզված հանգամանքներում և ժամանակահատվածում, ՀՀ ԱՆ «Վանաձոր» քրեակատարողական հիմնարկի պարսպից ներս է նետել զուգագուլպա

Զննությամբ պարզվել է, որ զուգագուլպայի մեջ եղել են ընդհանուր 8.8 գրամ քաշով կանեփանման զանգված, 1 բջջային հեռախոս, բջջային հեռախոսի 2 մարտկոց, 2 ականջակալ և լիցքավորման 1 սարք: Հայտնաբերվածներն առգրավվել են, դեպքի առթիվ նախապատրաստվում են նյութեր, նշանակվել է դատաքիմիական փորձաքննություն:
ՀՀ ԱՆ քրեակատարողական ծառայության հանրային կապերի բաժին

12:00 Աշխարհում
1942 թվականին այս օրը ծնվել է բրիտանացի երաժիշտ, երգիչ և երգահան Փոլ ՄքՔարթնին

Նա մեծ ճանաչում է ձեռք բերել որպես The Beatles-ի հիմնադիրներից մեկը։ ՄքՔարթնին գրանցվել է Գինեսի գրքում որպես աշխարհի ամենահաջողակ երաժիշտ-երգահան շուրջ 60 «ոսկե» սկավառակով և 100 միլիոն վաճառված սինգլով։

11:43 Հայաստան
Արդարադատության նախարարի տեղակալ Վ. Քոչարյանը ԵԽ գլխավոր քարտուղարի տեղակալ Գ. Բատաինի-Դրագոնիի գլխավորած պատվիրակության հետ հանդիպմանը կարևորել է արմատական բարեփոխումների փուլում

ԵԽ գործընկերների աջակցության պատրաստակամությունը: Փոխնախարար Քոչարյանն ընդգծել է նաև համագործակցության երկարատև ու հաջողված փորձը ԵԽ-ի հետ՝ որպես հետագա արդյունավետ գործունեության հիմնաքար: Արդարադատության նախարարի տեղակալը տեղեկացրել է, որ ներկայում Կառավարությունն իրականացնում է Դատաիրավական բարեփոխումների, Մարդու իրավունքների պաշտպանության ռազմավարության, ինչպես նաև Հակակոռուպցիոն ռազմավարության և դրանցից բխող գործողությունների ծրագրերի մշակման համալիր աշխատանքներ, որոնք կանխորոշելու են առաջիկա տարիների գործունեության առաջնահերթությունները նախանշված ոլորտներում:
Աղբյուր՝  ՀՀ ԱՆ

11:28 Հայաստան
Մարդու իրավունքների պաշտպան Ա. Թաթոյանը և Եվրոպայի խորհրդի գլխավոր քարտուղարի տեղակալ Գ. Բատաինի–Դրագոնիի գլխավորած պատվիրակությունը քննարկել են

Հայաստանի դատաիրավական բարեփոխումներին, դատական իշխանության համակարգում կոռուպցիայի դեմ պայքարին առնչվող հարցեր, ինչպես նաև անդրադարձ է կատարվել Հայաստան-Եվրոպայի խորհուրդ 2019-2022թթ. գործողությունների ծրագրին։ ՄԻՊ- ը նշել է, որ դատական համակարգում առկա են հրատապ լուծում պահանջող խնդիրներ: Առկա են խնդիրներ՝ կապված դատարանների արտաքին ու ներքին անկախության, դատական համակարգի նկատմամբ քաղաքացիների վստահության պակասի հետ և այլն։ Ա. Թաթոյանը տեղեկացրել է, որ այս ոլորտին վերաբերող հարցերը գտնվում են իր ամենօրյա ուշադրության ներքո և պատրաստակամ է աջակցելու Կառավարությանն ու ԱԺ-ին բարեփոխումների հարցում:
Աղբյուր՝ ՀՀ ՄԻՊ

11:14 Հայաստան
ՀՀ Ազգային ժողովում քննարկվել են մշակույթի ոլորտի գնումներին առնչվող հարցեր

ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի՝ մշակույթի, սպորտի, երիտասարդության և սփյուռքի ենթահանձնաժողովում՝ ՀՀ ԱԺ «Լուսավոր Հայաստան» խմբակցության պատգամավոր Հ. Բաբայանի նախագահությամբ, տեղի է ունեցել աշխատանքային քննարկում մշակույթի ոլորտում գնումներին առնչվող հարցերի շուրջ: Հանդիպմանը մասնակցել են պատգամավորներ, մշակույթի բնագավառի պետական ոչ առևտրային կազմակերպությունների ներկայացուցիչներ, փորձագետ-իրավաբաններ: Հարություն Բաբայանը նշել է, որ քննարկման նպատակն է վեր հանել ոլորտում առկա խնդիրները և փորձել կառավարության հետ համատեղ գտնել դրանց հնարավոր լուծումները:
Աղբյուր՝ ՀՀ ԱԺ

 

11:00 Հայաստան
Ապամոնտաժվում են վերգետնյա և ստորգետնյա անցումների, ինչպես նաև կամուրջների և ուղեանցների (թունելների) ճակատային հատվածներում տեղադրված անօրինական գովազդները

«Ապամոնտաժվող գովազդային միջոցները տեղադրված էին Երևան համայնքի սեփականություն համարվող գույքային միավորների վրա, որոնք օգտագործելու առումով առկա չէ իրավահաստատող որևէ փաստաթուղթ: Նման դեպքերն անթույլատրելի են, և Երևանի քաղաքապետարանը իր ողջ ներուժը կօգտագործի նմանօրինակ դեպքերը բացառելու համար»,-նշել է է արտաքին ձևավորման և գովազդի վարչության պետ Գարիկ Խաչատրյանը: Գույքագրված թվով 13 գովազդային պաստառներից 7-ն արդեն ապամոնտաժվել են: Առաջիկա օրերին կապամոնտաժվեն նաև մյուս գովազդները:
Երևանի քաղաքապետարան

 

 

10:51 Հայաստան
Արաբկիրի կենտրոնական՝ Կոմիտասի պողոտայի փակ շուկայի մուտքին հարող մայթին տեղադրված առևտրային տաղավարներն ապամոնտաժվում են

Այս ծրագրի հիմնական նպատակը մայթն ազատելն է, հետո նաև՝ շուկային իր նշանակությանը վերադարձնելն ու ծառայեցնելը: Տաղավարների ապամոնտաժումից հետո տարածքը կբարեկարգվի և կկանաչապատվի: Կվերականգնվի նաև մայթի ընդհատված ծառուղին, կփորվեն նոր բնաբաժակներ, և աշնանը տարածքը կհամալրվի նոր ծառերով: Արաբկիրում և հատկապես Կոմիտասի պողոտայում մայթերին տեղադրված կրպակների և տաղավարների ապամոնտաժման գործընթացը լինելու է շարունակական։
Երևանի քաղաքապետարան

10:39 Հայաստան
Լեհաստանում ՀՀ դեսպան Ս. Մկրտչյանը մասնակցել է «Ժողովրդավարությունների համայնք» կազմակերպության Կառավարող խորհրդի 30-րդ հանդիպմանը

Հայաստանը, մի շարք այլ երկրների հետ միասին, հրավիրված է եղել որպես դիտորդ։ Օրակարգի 11-րդ՝ «Ժողովրդավարական ճկունության օրինակներ (Examples of Democratic Resilience)» կետի շուրջ Ս. Մկրտչյանը հանդես է եկել ելույթով։ ՀՀ դեսպանն անդրադարձել էՀայաստանում տեղի ունեցած հեղափոխությանը և դրա ակունքներին, իրականացված և ընթացքում գտնվող բարեփոխումներին, քաղաքական գործընթացների և քաղաքացիական հասարակության փոխգործակցությանը։
Աղբյուր՝ ՀՀ ԱԳՆ
 

10:25 Հայաստան
Կայացել է Շրջակա միջավայրի նախարար Է. Գրիգորյանի և Գերմանական զարգացման բանկի (KfW) ծրագրի ղեկավար Ա. Բեռիելի գլխավորած պատվիրակությունների հերթական աշխատանքային հանդիպումը

Քննարկվել են նախարարության կողմից նախաձեռնած ոլորտի բարեփոխումների միջոցառումները և դրանցով նախատեսվող գործողությունները, մասնավորապես՝ անտառների կայուն կառավարման, կենսաբազմազանության և ԲՀՊՏ-ների պահպանության, ինչպես նաև շրջակա միջավայրի կառավարման ոլորտում օրենսդրական և ինստիտուցիոնալ բարեփոխումներին վերաբերող հարցեր։ Կողմերը դիտարկել են նաև իրականացվող միջոցառումներին KfW բանկի կողմից  աջակցության տրամադրման հարցերը։
Աղբյուր՝ mnp.am

10:12 Հայաստան
Երևանի քաղաքապետարանի և վարչական շրջանների աշխատակազմերում գործող «թեժ գծի» հեռախոսահամարներով նախարոդ շաբաթ ստացվել է

շուրջ 860 հեռախոսազանգ: Քաղաքապետ Մարությանը հանձնարարել է մշտական ուշադրության կենտրոնում պահել քաղաքացիների հետ հետադարձ կապի ապահովումը, որպեսզի բնակիչները տեղեկացված լինեն բարձրացված խնդրի լուծման ընթացքի մասին:
Երևանի քաղաքապետարան

10:09 Հայաստան
«Թափառող կենդանիների վնասազերծման կենտրոն» ՀՈԱԿ-ի տնօրենը զեկուցել է, որ նախորդ շաբաթվա ընթացքում պատվաստվել և ստերջացվել է մոտ 100 շուն

Թափառող շների հետ կապված բոլոր հարցերի դեպքում քաղաքացիները կարող են զանգահարել ընկերության «թեժ գծի»՝ (011) 51-45-39 հեռախոսահամարին:
Երևանի քաղաքապետարան

10:07 Հայաստան
Ավարտվել են Շիրակի փողոցի արտաքին լուսավորության ցանցի արդիականացման աշխատանքները

Գործընթացն իրականացվել է Երևանի քաղաքապետարանի և ՄԱԿ-ի Զարգացման ծրագրի հայաստանյան գրասենյակի կողմից՝ «Քաղաքային կանաչ լուսավորություն» ծրագրի շրջանակներում ստեղծված վերականգնվող ֆոնդի խնայված միջոցներով: Առաջիկայում լուսադիոդային լուսատուներով կփոխարինվի նաև Բաբաջանյան փողոցի լուսավորությունը: Ծրագրի շրջանակում նախատեսվում է շուրջ 620 նատրիումային լուսատու փոխարինել ժամանակակից, էներգախնայող շուրջ 350 լուսադիոդային լուսատուներով։
Երևանի քաղաքապետարան

10:03 Հայաստան
Երևանի վերելակների առկա ֆոնդի փոխարինման և բարելավման ծրագիրն այսօրվանից կմտնի գործնական կիրառման փուլ

Աշխատանքային հերթական խորհրդակցության ժամանակ քաղաքապետ Հայկ Մարությանին զեկուցվել է, որ ծրագիրը կյանքի կոչելու համար կհայտարարվի մրցույթ: Համաձայն ծրագրի` առաջին պիլոտային փուլում մայրաքաղաքում նախատեսվում է փոխարինել 20 վերելակ:
Երևանի քաղաքապետարան

 

20:00 Աշխարհում
Հորդանանում թագավորական գանձեր են պեղել

Բացահայտումները կատարվել են Պելլա հին քաղաքում:
Աղբյուր՝ Archaeology News Network

19:00 Հայաստան
Հայոց Կաթողիկոսը Մայր Աթոռ Ս. Էջմիածնի «Գարեգին Ա» կրթական կենտրոնում հանդիպում է ունեցել Մայր Աթոռում անցկացվելիք միաբանական համագումարի առիթով Էջմիածին ժամանած միաբանների հետ

Համագումարին մասնակցում են նաև ներկայացուցիչներ Մեծի Տանն Կիլիկիո Կաթողիկոսությունից և Կոստանդնուպոլսի Հայոց Պատրիարքությունից: Զրույցի ընթացքում Հայրապետն ու միաբաններն անդրադարձել են հոգևոր առաքելության իրականացման ճանապարհին առկա խնդիրներին, ազգային և հայրենական կյանքը հուզող հարցերին:
Աղբյուր՝ Մայր Աթոռ Ս. Էջմիածին

 

18:33 Հայաստան
ՀՀ Քննչական կոմիտեի նախագահ Հ. Գրիգորյանը ԵԱՀԿ-ի կիբեռհանցագործությունների գծով փորձագետ Մ. Ստոիլկովսկուն մանրամասներ է ներկայացրել վերջին հինգ տարում ԵԱՀԿ ներկայացուցիչների հետ

կիբեռհանցագործությունների ոլորտում համագործակցության մասին, որի շրջանակներում որոշակի աշխատանքներ են իրականացվել: Քննչական կոմիտեի նախագահը հյուրերին տեղեկացրել է, որ Քննչական կոմիտեն նախատեսում է ստեղծել կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության մասնագիտացված ստորաբաժանում, որտեղ ոչ միայն կկենտրոնացվեն և կքննվեն այդ բնույթի քրեական գործերը, այլև վարչության աշխատակիցները կապահովեն միջազգային համագործակցությունն ու քրեագիտական ապահովումը էլեկտրոնային ապացույցներ պահանջող Կոմիտեում քննվող այլ ոլորտի քրեական գործերով:
ՀՀ քննչական կոմիտե

18:20 Հայաստան
Հայաստանում Եվրոպական միության պատվիրակությունը Էյ Թի Փի բարեգործական հիմնադրամի հետ համատեղ

Աշոցքի դահուկային սպորտի կենտրոնում իրականացրել է Եվրոպական ծառատունկ և ազդարարել Հայաստանում իր տեսակի մեջ առաջին Ծառերի եվրոպական պուրակի ստեղծման մասին։
Աղբյուր՝ eeas.europa.eu

18:06 Աշխարհում
Բելառուսում Հայաստանի դեսպան Ա. Ղևոնդյանը և Բելառուսի արտաքին գործերի նախարարի տեղակալ Ա. Դապկյունասը քննարկել են

Հայաստանի և Բելառուսի փոխգործակցությանն առնչվող մի շարք արդի թեմաներ։
Աղբյուր՝ ՀՀ ԱԳՆ

17:53 Հայաստան
Խնկո Ապոր անվան ազգային մանկական գրադարանում ՀՀ մշակույթի նախարարության աջակցությամբ մեկնարկած խոցելի խմբերի երեխաների համար նախատեսված

մանկապատանեկան ստեղծագործական ամառային դպրոցն ընթացքի մեջ է: Թվով 55 երեխայի հնարավորություն է տրվել ամռան 3 ամիսներին, ըստ իրենց նախասիրության, մասնակցելու արտադպրոցական ստեղծագործական, այդ թվում՝ նկարչության, խեցեգործության, հուլունքագործության և ասեղնագործության, տիկնիկագործության և թատերական խմբակներին: Միաժամանակ՝ դպրոցի հմուտ մասնագետների օգնությամբ զարգացնելու իրենց արդեն իսկ ունեցած հմտությունները:
Աղբյուր՝ natchildlib.org

17:40 Աշխարհում
ՀՀ Ազգային ժողովի նախագահ Ա. Միրզոյանն ընդունել է Հանդուրժողականության և խաղաղության համաշխարհային խորհրդի նախագահ Ա. բին Մուհամադ ալ-Ջարուանիին,

որը Հայաստան է ժամանել՝ այս կառույցին անդամակցելու առաջարկ ներկայացնելու առաքելությամբ: Նրա խոսքով` Հայաստանը ճանաչված է որպես խաղաղասիրական և հանդուրժողականությունը հարգող երկիր ու անդամակցությունը Համաշխարհային խորհրդին նոր հնարավորություններ կստեղծի այս գաղափարների միջազգային տարածման համար: Շուրջ 50 անդամ ունեցող այս կառույցի գործունեությունը հիմականում անդրադառնում է սոցիալական և մարդասիրական ոլորտներին առնչվող համընդհանուր հիմնախնդիրներին:
Աղբյուր՝ ՀՀ ԱԺ
 

17:25 Հայաստան
Երևանում կայացել է հեծանվային շքերթ․ ծաղկային զամբյուղներով հեծանվորդներն առանձնացված երթուղով շրջել են Երևանի փողոցներով՝ անցորդներին նվիրելով ծաղկեփնջեր

Ծաղիկներով հեծանվային շքերթին միացել են ինչպես պրոֆեսիոնալ հեծանվորդներ, այնպես էլ հեծանվասպորտի սիրահարներ: Քաղաքային միջոցառում-ակցիան կոչվել է «Նվիրի՛ր ծաղիկ առանց առիթ», որի նպատակն էր հասարակության շրջանում ընդգծել ծաղկի նշանակությունը, զարգացնել ծաղիկ նվիրելու մշակույթը և պարգևել դրական զգացմունքներ քաղաքի բնակիչներին և հյուրերին։ Երևանի Կենտրոն համայնքի տարբեր հատվածներում՝ փողոցներում, զբոսայգիներում, բացօթյա սրճարաններում ծաղկներով զամբյուղով հեծանվորդի հանդիպող յուրաքանչյուրը ստացավ իր «առանց առիթ» ծաղկեփունջը:
Աղբյուր՝ Avenue des Fleurs- ի ֆեյսբուքյան էջ

17:00 Հայաստան
ՀՀ ԱԻՆ ՓԾ ճգնաժամային կառավարման ազգային կենտրոնում հունիսի 10-ից 16-ն ընկած ժամանակահատվածում գրանցվել է 761 դեպք, որից 484-ը՝ արտակարգ

Նշված ժամանակահատվածում արձանագրվել է 160 կենցաղային կանչ, 384 հրդեհ, 67 ճանապարհատրանսպորտային պատահար, որի հետևանքով զոհվել է 5 և տուժել 84 մարդ, իսկ փրկարարական օպերատիվ գործողությունների արդյունքում՝ փրկվել 3 քաղաքացի: Քաղաքացիների կողմից արձանագրվել է օձերի նկատման 84 դեպք, որոնցից 39-ի դեպքում փրկարարների կողմից օձերը հայտնաբերվել են: Շաբաթվա ընթացքում արձանագրվել է նաև թունավորման 11 դեպք, որի հետևանքով տուժել է 14, զոհվել՝ 1 քաղաքացի:
Աղբյուր՝ ՀՀ ԱԻՆ

16:33 Հայաստան
Բուլղարական «Պարադոքս» հրատարակչության նախաձեռնությամբ Սոֆիայի գրական ակումբում տեղի է ունեցել ռումինահայ գրող, Ռումինիայի խորհրդարանի պատգամավոր Վարուժան Ոսկանյանի

«Պատերազմի երեխաները» գրքի շնորհանդեսը: Միջոցառմանը ներկա են եղել Սոֆիայի հայ համայնքային կառույցների ներկայացուցիչներ, դիվանագետներ, բուլղարացի գրողներ, մտավորականներ, արվեստի և գրականության գործիչներ: Բացման խոսքով հանդես է եկել «Պարադոքս» հրատարակչության տնօրեն Դ. Մոնովան, ապա հեղինակին և նրա գիրքը ներկայացրել է Բուլղարիայի պետական ռադիոյի տնօրեն Ց. Ցվետանովը, ով կարևորվել է գրքի բացառիկ գեղարվեստական արժեքը:
Աղբյուր՝ ՀՀ ԱԻՆ

 

 

Տեսանյութեր

Բարոյական չէ ամեն գնով Սահմանադրական դատարանի հաստիքացուցակը ծանրաբեռնելը
14:26 18/06/2019

Բարոյական չէ ամեն գնով Սահմանադրական դատարանի հաստիքացուցակը ծանրաբեռնելը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}