Հասարակություն

ԿԱՐՃ ԼՈՒՐԵՐ

17:25 Հայաստան
ՀՀ առողջապահության նախարարի պաշտոնակատարը հանդիպել է Արագածոտնի մարզի Աշտարակի և Ապարանի տարածաշրջանի առողջության առաջնային պահպանման օղակի թերապևտների, մանկաբույժների և ընտանեկան բժիշկների հետ

Կարևորելով չարորակ նորագոյացություններով պայմանավորված մահացության ցուցանիշի նվազեցումը` Լևոն Ալթունյանը վստահություն է հայտնել, որ մարդու պապիլոմավիրուսային վարակի դեմ պատվաստումների և սկրինինգային հետազոտությունների իրականացման արդյունքում 10 տարի անց Հայաստանում կանանց շրջանում արգանդի պարանոցի քաղցկեղից մահվան դեպքերը կնվազեն առնվազն 50 տոկոսով։
Աղբյուր՝ ՀՀ առողջապահության նախարարություն

17:17 Աշխարհում
Արևելյան Եվրոպայում և Կենտրոնական Ասիայում ՄԻԱՎ/ՁԻԱՀ-ի հարցերին նվիրված վեցերորդ համաժողովում ՄԱԿ-ի գլխավոր քարտուղարի տեղակալ Մ. Սիդիբեն Հայաստանում մորից երեխային ՄԻԱՎ-ի փոխանցման վերացումը

գնահատել է որպես տարածաշրջանային մեծ ձեռքբերում և օրինակ մյուս երկրների համար։ Նա հույս է հայտնել, որ 2020 թվականին Հայաստանն առաջիններից մեկը կհասնի «90-90-90» թիրախներին: Այսօր լիագումար նիստում ՀՀ առողջապահության նախարարի տեղակալ Ս. Մարգարյանը հանդես է եկել «ՄԻԱՎ վարակի համաճարակին ազգային հակազդումը» զեկույցով։ Խոսելով վերջին տարիներին ՄԻԱՎ վարակի բուժման և կանխարգելման ոլորտում երկրում արձանագրված ձեռքբերումների մասին` նա ընդգծել է, որ բարելավվել է ՄԻԱՎ վարակի նկատմամբ համաճարակաբանական հսկողությունը, նվազել և կայունացել է ՄԻԱՎ-ի տարածվածությունը ռիսկային վարքագիծ ունեցող խմբերում, բուժումը հասանելի է ՄԻԱՎ վարակով բոլոր պացիենտներին:
Աղբյուր՝ ՀՀ առողջապահության նախարարություն
 

17:12 Հայաստան
ՀՀ Բարձրագույն դատական խորհրդի նախագահ Գ. Հարությունյանի և ՀՀ դատավորների ընդհանուր ժողովի կարգապահական հարցերի և ուսումնական հարցերի հանձնաժողովների անդամների հանդիպման ընթացքում

անդրադարձ է կատարվել հանձնաժողովների գործունեությանը, ինչպես նաև քննարկվել ուղղություններ՝ հանձնաժողովների աշխատանքները նոր դատական օրենսգրքի պահանջներին համահունչ դարձնելու կապակցությամբ: Բարձրագույն դատական խորհրդի նախագահն անդրադարձել է «ՀՀ Դատական օրենսգիրք» սահմանադրական օրենքով Հանձնաժողովներին վերապահված լիազորություններին, դրանց լիարժեք իրագործմանը, կառուցակարգային այլ հարցերի:
Աղբյուր՝ ՀՀ դատական դեպարտամենտի Արարողակարգի և հասարակայնության հետ կապերի վարչություն

16:20 Աշխարհում
Ապրիլի 18-ին Լիբանանում ՀՀ դեսպան Ս. Մկրտչյանը և Լիբանանի Արդարադատության նախարար Ս. Ժրեյսատը քննարկել են Հայաստանի և Լիբանանի միջև արդարադատության և իրավական ոլորտում

համագործակցության հեռանկարներին և առաջնահերթ խնդիրներին վերաբերող հարցեր: Զրուցակիցները կարևորել են երկու երկրների արդարադատության նախարարությունների միջև փոխգործակցության հաստատման և զարգացման անհրաժեշտությունը: Անդրադարձ է կատարվել առաջիկայում հնարավոր փոխայցելությունների իրականացմանը՝ համաձայնեցման փուլում գտնվող փաստաթղթերի ստորագրման նպատակով:
Աղբյուր՝ ՀՀ ԱԳՆ

13:40 Հայաստան
ՀՀ ֆինանսների նախարարի պաշտոնակատարն ընդունել է ՏՏ աութսորսինգի շուկայում խոշորագույն MAYKOR ռուսական ընկերության ներկայացուցիչներին` ընկերության գործադիր փոխնախագահ Դ. Սայենկոյի գլխավորությամբ

Կողմերը քննարկել են Հայաստանի թվային փոխակերպման բնագավառում համագործակցության հեռանկարները: Ընկերության ներկայացուցիչները ներկայացրել են ֆինանսների նախարարության գործառույթների շրջանակներում գտնվող թվայնացման ենթակա ոլորտները` բյուջետավորում, գանձապետական ոլորտ, պետական գնումներ, հաշվապահական հաշվառում, պետական պարտքի կառավարում և այլն: Ըստ ընկերության մասնագետների` ֆինանսների կառավարման պետական տեղեկատվական համակարգի մշակման և ներդրման նախագծի նպատակն է ՀՀ կառավարության ֆինանսական կառավարման արդյունավետության բարձրացումը:
Աղբյուր՝ ՀՀ ֆինանսների նախարարություն

13:12 Հայաստան
Մայրաքաղաքի Էրեբունի վարչական շրջանի ղեկավար Դ. Գրիգորյանի հրավերով Երևանում են եղել արցախցի պատանի երաժիշտները

Երևանի հիմնադրման 2800-ամյակին նվիրված միջոցառումներին ընդառաջ նրանք համերգային ծրագրերով ելույթներ են ունեցել Մ. Մալունցյանի անվան արվեստի և Տ. Չուխաջյանի անվան երաժշտական դպրոցներում, մասնակցել են վարպետության դասերի և ծանոթացել 2800-ամյա մայրաքաղաքի պատմությանը: Արցախցի երեխաներն այցելել են «Էրեբունի» պատմահնագիտական թնագարան, Լուսիկ Ագուլեցու տուն-թանգարան, «Տերյան» մշակութային կենտրոն և պատմամշակութային այլ հաստատություններ:
Մամուլի հաղորդագրություն

11:14 Աշխարհում
Պուերտո Ռիկոյում 3,5 միլիոն մարդ առանց լույս են մնացել

Կղզում Էլեկտրաէներգիայի անջատման պատճառը դեռ չի հաստատվել:
Աղբյուր՝ Reuters

18:06 Աշխարհում
Մոսկվայում Մեկնարկել է Արևելյան Եվրոպայում և Կենտրոնական Ասիայում ՄԻԱՎ/ՁԻԱՀ-ի հարցերին նվիրված վեցերորդ համաժողովը,

որի կազմակերպիչներն են Ռոսպոտրեբնադզորը և ՄԱԿ-ի ՄԻԱՎ/ՁԻԱՀ-ի միացյալ ծրագիրը: Համաժողովին մասնակցում են քաղաքական և հասարակական գործիչներ, գիտնականներ, բուժաշխատողներ, առողջապահության կազմակերպիչներ, միջազգային և հասարակական կազմակերպությունների, քաղաքացիական հասարակության ներկայացուցիչներ: Պաշտոնական պատվիրակությունների թվում է նաև ՀՀ առողջապահության նախարարի տեղակալ Ս. Մարգարյանի գլխավորած պատվիրակությունը: Համաժողովի նպատակն է մշակել ՄԻԱՎ/ՁԻԱՀ-ի խնդրի լուծմանն ուղղված ազգային, տարածաշրջանային և գլոբալ մակարդակներով համակարգային առաջարկություններ` միջոլորտային մոտեցմամբ:
Մամուլի հաղորդագրություն

17:53 Աշխարհում
Ապրիլի 17-ին Լիտվայում ՀՀ դեսպանությունը Լիտվայի կիրառական արվեստի թանգարանում կազմակերպել էր կամերային երաժշտության երեկո՝ նվիրված Հայաստանի և Լիտվայի անկախության 100-ամյակներին

Համերգին կատարումներով հանդես են եկել հայազգի թավջութակահար Լևոն Մուրադյանը, լիտվացի դաշնակահար Վայդա Կիրվելիտյեն և ջութակահար Ռայմոնդաս Բուտվիլան։ Համերգին ներկա են եղել Լիտվայում հավատարմագրված օտարերկրյա դեսպաններ, Լիտվայի օրենսդիր և գործադիր իշխանությունների ներկայացուցիչներ, հայ համայնքի ներկայացուցիչներ, մտավորականներ։ Բացման խոսքով հանդես է եկել Լիտվայում ՀՀ դեսպան Տիգրան Մկրտչյանը:
Աղբյուր՝ mfa.am

17:40 Աշխարհում
Մարտի 29- ին Մարսելում մեկնարկել է Հայաստանին նվիրված 15-օրյակ

Միջոցառմանը մասնակցել են Մարսելի փոխքաղաքապետերը, պատգամավորներ, Մարսելում ՀՀ հյուպատոս Ռ. Խարազյանը, տեղական ինքնակառավարման մարմինների ներկայացուցիչներ, քաղաքական գործիչներ, համայնքային կառույցների ղեկավարներ և ներկայացուցիչներ, հայ, ֆրանսիացի և այլազգի հասարակական և մշակութային գործիչներ, հայ համայնքի անդամներ։ Ապրիլի 7-ին Մարսելի Քաղաքապետարանի առջև մեկնարկել է Արա Խաչադուրյանի՝ տասնմեկ երկրներով անցնող մարաթոնը: Նույն օրը ՀՀ հյուպատոս Ռ. Խարազյանը մասնակցել է Հայոց ցեղասպանության 103-րդ տարելիցի հիշատակման Բուք Բել Էր քաղաքապետարանի շենքի ճակատային մասում փակցված Հայոց ցեղասպանությանը նվիրված պաստառի բացման արարողությանը:
Աղբյուր՝ mfa.am

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}