Տնտեսություն

ԿԱՐՃ ԼՈՒՐԵՐ

20:18 Աշխարհում
ՈւԵՖԱ- ն պատժել է «Միլան» ֆուտբոլային ակումբին

Իտալական ակումբը Եվրոպայի լիգայի համար 12 մլն չի ստանա:

19:45 Աշխարհում
Ցանցահենները «հարձակում են գործել» Ֆրանսիայի արտգործնապարարության վրա

Հարձակումն ազդել է Ariane պլատֆորմի վրա, որն արտերկրյա ճանապարհորդության գրանցման մասին տեղեկություններ է պարունակում:

18:09 Աշխարհում
Դեկտեմբերի 12-ին Ռումինիայում ՀՀ դեսպանությունում բացվել է ռումինահայ գեղանկարիչ Երվանդ Նիկողոսյանի ծննդյան 90-ամյակին նվիրված ցուցահանդեսը,

որին ողջույնի խոսքով հանդես է եկել Ռումինիայում ՀՀ դեսպան Ս. Մինասյանը: Լրագրող և թարգմանիչ Մ. Կարակաշյանը ներկաներին պատմել է նկարչի կյանքի ու գործունեության մասին, իսկ արվեստի քննադատ Ռ. Պասկուլեսկուն՝ նրա աշխատանքների յուրօրինակության: Ցուցահանդեսը տևելու է մինչև 2019 թվականի հունվարի 21-ը:
Աղբյուր՝ mfa.am

17:25 Հայաստան
ՀՀ արդարադատության նախարարի պաշտոնակատար Ա. Զեյնալյանն այցելել է «Երևան-Կենտրոն» քրեակատարողական հիմնարկ

Փոխնախարար Ս. Քրմոյանի և Քրեակատարողական ծառայության պետ Ա. Մխոյանի ուղեկցությամբ շրջել է հիմնարկում, ՔԿՀ ծառայողների աշխատասենյակներում, բուժկետում, գրադարանում, խոհանոցում, զբոսահրապարակում և նկուղային հարկում: Շրջայցի ընթացքում նախարարի պաշտոնակատարը հանձնարարականներ է տվել «Երևան-Կենտրոն» ՔԿՀ-ի խնդիրների լուծման ու պահման պայմանների բարելամանն վերաբերյալ:
Աղբյուր՝ ՀՀ ԱՆ

17:18 Հայաստան
Դեկտեմբերի 13-ին տեղի է ունեցել Հայաստանի համայնքների միության Իրավական-օրենսդրական հարցերի մշտական հանձնաժողովի նիստը,

որը նախագահել է հանձնաժողովի նախագահ, Վանաձորի քաղաքապետ Մ. Ասլանյանը:  Քննարկվել են «Երևան քաղաքում տեղական ինքնակառավարման մասին» ՀՀ օրենքի իրավակարգավորումների՝ ՀՀ Սահմանադրության 2015թ. փոփոխությունների համապատասխանությանը, «Տեղական ինքնակառավարման մասին» ՀՀ օրենքում լրացումներ կատարելու մասին օրենքի նախագծին վերաբերող և այլ հարցեր։ Քննարկման է դրվել նաև «Համայնքի կամավոր խնդիրները սահմանելու ու դրանց լուծմանն ուղղված սեփական լիազորությունների իրականացման կարգը հաստատելու մասին» որոշման օրինակելի նախագիծը և այլ հարցեր:
Աղբյուր՝ Հայաստանի համայնքների միություն

17:12 Հայաստան
ՀՀ ԱՆ տեղակալը մասնակցել է «Բազմաոլորտային ազգային հարթակի ուժեղացում՝ ուղղված երեխաների հանդեպ բռնությունը վերջ դնելու գործողությունների պլանավորմանը, իրագործմանը և գնահատմանը»

Տեղակալի խոսքով՝ առկա են մի շարք խնդիրներ՝ կապված մասնագետների վարձատրության, պրոֆեսիոնալիզմի, վերապատրաստումների անհրաժեշտության, սոցիալական դժվարությունների հետ: Ս. Քրմոյանը, կարևորելով սոցիալական ծառայությունների դերն ու նշանակությունը, համոզմունք է հայտնել, որ եթե լուծվեն հատկապես սոցիալական խնդիրները, իրավախախտտում կատարած անձինք այլևս քրեակատարողական հիմնարկ հետ չեն վերադառնա, քանի որ շատ են դեպքերը, երբ մարդիկ չունենալով հանցագործություն կատարելու միտում, սոցիալական ծանր վիճակի պատճառով հայտնվել են իրավախախտում կատարածի կարգավիճակում:
Աղբյուր՝ ՀՀ ԱՆ

14:04 Հայաստան
ՀՀ փոխվարչապետի պաշտոնակատար Տ. Ավինյանն ընդունել է լեհական «Փոլ-Մոտ» հոլդինգի պատվիրակությանը հոլդինգի փոխտնօրեն Մ. Փոլի գլխավորությամբ

Տ. Ավինյանը վերհիշել է, որ մի քանի ամիս առաջ Վանաձոր այցելության ընթացքում հայկական «Սլացք» ընկերության գործունեության հետ ծանոթացումը և լեհական հոլդինգի կողմից Հայաստանում տրակտորների արտադրություն սկսելու իր գրասենյակ ուղարկված առաջարկը զուգադիպել էին, և այժմ ուրախ է, որ համագործակցություն հաստատելու ուղղությամբ լուրջ քայլեր են արվում: Նա նաև հավելել է, որ կառավարությունը մեծ նշանակություն է տալիս օտարերկրյա ներդրողների հետ աշխատանքին և աջակցելու է «Փոլ-Մոտ»-ի գործունեությանը Հայաստանում:
Մամուլի հաղորդագրություն

12:43 Աշխարհում
Չինացի գիտնականների հետ քննարկվել է Հյուսիս-հարավ ճանապարհային միջանցքը «Մեկ գոտի, մեկ ճանապարհ» նախաձեռնությանը համակցելու հնարավորությունը

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատարը, կազմակերպության Հյուսիս-հարավ ճանապարհային միջանցքի ներդրումային ծրագրի խորհրդատուn հյուրընկալել են Չինաստանի հասարակական գիտությունների ակադեմիայի Ռուսաստանի, Արևելյան Եվրոպայի և Կենտրոնական Ասիայի ինստիտուտի գիտաշխատողների։ Չինական կողմին ներկայացվեl en Հյուսիս-հարավ ներդրումային ծրագրի շրջանակներում կատարվող աշխատանքները։
Աղբյուր՝ «Տրանսպորտային ծրագրերի իրականացման կազմակերպություն» ՊՈԱԿ

12:14 Աշխարհում
Բանտարկված լրագրողների թիվն աշխարհում ռեկորդի է հասնում

ԶԼՄ- ների աշխատողների մեծ մասը գտնվում են Թուրքիայի, Եգիպտոսի և Չինաստանի բանտերում:

11:43 Աշխարհում
Դեկտեմբերի 10-ին Հռոմի Մերուլանա պալատում կայացել է 1915թ. Հայոց ցեղասպանության հիշողություն և ցեղասպանությունների կանխարգելում խորագրով համաժողովը,

որը կազմակերպվել էր Ցեղասպանության հանցագործությունը կանխարգելելու և պատժելու մասին կոնվենցիայի և Մարդու իրավունքների հռչակագրի 70-ամյակի առիթով: Համաժողովը վարել է իտալական հայտնի «Կորիերա դելա Սերա» օրաթերթի լրագրող Մաուրիցիո Կապրարան:
Աղբյուր՝ ՀՀ ԱԳՆ

 

11:28 Աշխարհում
Դեկտեմբերի 11-ին Սիրիայում ՀՀ դեսպան Տ. Գևորգյանն իր հավատարմագրերն է հանձնել Սիրիայի նախագահ Բաշար Ալ-Ասադին

Պաշտոնական ընդունելությունների դահլիճում տեղի է ունեցել դեսպան Գևորգյանի հավատարմագրերի հանձնման արարողությունը, իսկ այնուհետև՝ առանձնազրույցը ՍԱՀ նախագահի հետ՝ փոխվարչապետ Վ. Ալ-Մուալլիմի և նախագահի հարցերով նախարար Մ. Ազզամի մասնակցությամբ: Հանդիպմանը քննարկվել են երկկողմ օրակարգի մի շարք այլ հարցեր:
Աղբյուր՝ ՀՀ ԱԳՆ

11:14 Աշխարհում
ՀՀ ԶՈՒ ավիացիայի շտաբի պետ Գ. Ասլանյանը դեկտեմբերի 13-ին մասնակցել է Աստանայում անցկացված

«ՀԱՊԿ հավաքական ավիացիոն ուժերի զարգացման խնդրահարույց հարցերը, դրանց կիրառման, ղեկավարման և համակողմանի մատակարարման պլանավորում» թեմայով միջազգային համաժողովին:
Մամուլի հաղորդագրություն

11:00 Հայաստան
ՀՀ ՊՆ Մարդու իրավունքների և բարեվարքության կենտրոնի պետ, գնդապետ Ա. Ավետիսյանի հրավերով դեկտեմբերի 13-ին ՀՀ պաշտպանության նախարարություն է այցելել

ՀՀ ՄԻՊ-ի գրասենյակի պատվիրակությունը՝ Մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Արտյոմ Սեդրակյանի գլխավորությամբ: Քննարկվել են ՊՆ և ՄԻՊ համագործակցության ամրապնդմանն ուղղված հարցեր:
Աղբյուր՝ ՀՀ ՊՆ

 

10:51 Աշխարհում
«ՀՀ և ՌԴ միջև հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագրի

դրույթների իրականացման հարցերով Հայաստանում դեկտեմբերի 11-ից 14-ը անցկացվող աշխատանքային հանդիպմանը մասնակցում են ՌԴ օդատիեզերային պաշտպանության զորքերի ներկայացուցիչները:
Մամուլի հաղորդագրություն

10:39 Աշխարհում
Դեկտեմբերի 12-14-ը ՀՀ զինված ուժերի գլխավոր շտաբի ՌԷՊ բաժնի ներկայացուցիչները մեկնել են Մինսկ՝

քննարկելու ՀՀ և Բելառուսի պաշտպանության նախարարությունների միջև ռադիոէլեկտրոնային պայքարի բնագավառում երկկողմ համագործակցության հարցերը:
Աղբյուր՝ ՀՀ ԶՈւ

 

10:25 Աշխարհում
Դեկտեմբերի 10-ին Բուենոս Այրեսում ՀՀ դեսպանության հովանու ներքո տեղի է ունեցել ՄԱԿ-ի մանկական հիմնադրամի (UNICEF)

և Արգենտինայի Հայաստան համահայկական հիմնադրամի կողմից կազմակերպված բարեգործական ընթրիքը, որը նպատակաուղղված էր Հայաստանում Սպիտակի երկրաշարժի աղետի գոտու վերականգնման ծրագրերի համար միջոցների հավաքագրմանը:
Մամուլի հաղորդագրություն

10:12 Աշխարհում
Դեկտեմբերի 12-ին Ավստրիայի Եվոպայի, ինտեգրացիայի և արտաքին գործերի նախարարությունը կազմակերպել էր հրաժեշտի միջոցառում՝

Ավստրիայում ՀՀ դեսպան, ԵԱՀԿ-ում և Վիեննայի միջազգային կազմակերպություններում ՀՀ ներկայացուցիչ Ա. Կիրակոսյանի պատվին: Միջոցառմանը մասնակցել են Ավստրիայի Եվրոպայի, ինտեգրացիայի և արտաքին գործերի դաշնային նախարարության ԵՄ և բազմակողմ համագործակցության հարցերով գլխավոր տնօրեն Ա. Ռիքենը (Andreas Riecken), Արևելյան Եվրոպայի, Հվ. Կովկասի, Կենտրոնական Ասիայի և Արևելյան գործընկերության վարչության պետ Կ. Վիզերը և այլք:
Մամուլի հաղորդագրություն

19:00 Աշխարհում
Արջի ձագն ուրախացել է առաջին ձյան համար

Հոլովակը նկարահանել են Կամչատկայում:

18:27 Հայաստան
Քաղաքապետ Հայկ Մարությանը ներկայացրել է Ավան վարչական շրջանի նոր ղեկավարին

Քաղաքապետը խոսել է այն խնդիրների մասին, որոնց լուծման ուղղությամբ հարկավոր է դրսևորել սկզբունքային մոտեցում: Հ. Մարությանն ընդգծել է, որ աշխատակազմից ակնկալում է թափանցիկ աշխատանք՝ օրինականության սահմաններում, միևնույն ժամանակ վստահեցրել է, որ օրինազանցության ցանկացած դեպք իրավական հետևանք է ունենալու:
Աղբյուր՝ Երևանի քաղաքապետարան

18:06 Հայաստան
«Ռազմավարական զարգացման գործակալություն» հասարակական կազմակերպությունը կազմակերպել է ՄԿՈւ ոլորտում ծրագրեր իրականացնող դոնոր կազմակերպությունների քննարկումների հարթակի 2- րդ հանդիպումը

ՀՀ կրթության և գիտության նախարարի տեղակալ Հ. Հովհաննիսյանը շնորհակալություն է հայտնել դոնոր կազմակերպություններին՝ ընդգծելով, որ ՄԿՈՒ ոլորտի զարգացման գործում մեծ աշխատանք է տարվում, որի պտուղները մեր երկրի տնտեսության համար տեսանելի կլինեն կարճ ժամանակահատվածում: Աշխատաժողովն իր աշխատանքները կշարունակի նաև վաղը, որի ընթացքում նախատեսվում է հետագա անելիքների քննարկում, ինչպես նաև համապատասխան հռչակագրի ընդունում:
Մամուլի հաղորդագրություն

17:53 Հայաստան
Բքի և անբավարար տեսանելիության պատճառով Վարդենյաց լեռնանցքը փակ է

Գորիսի, Մեղրու, Ջերմուկի ավտոճանապարհներին, Սարավանի և Վարդենյաց լեռնանցքներում ձյուն է տեղում: Արագած-Արթիկ ավտոճանապարհին, Սպիտակի ոլորաններում և Վարդենյաց լեռնանցքում տեղ-տեղ մերկասառույց է: Մեղրու լեռնանցքում մառախուղ է, տեսանելիությունը՝ 100 մետր:
Աղբյուր՝ mtcit.am

17:40 Հայաստան
ՀՀ ԱՆ «Վանաձոր» քրեակատարողական հիմնարկում սոցիալական, հոգեբանական և իրավական աշխատանքների բաժնի կողմից իրականացվել է

հերթական մարզական միջոցառումը՝ շախմատի առաջնություն դատապարտյալների շրջանում:
Մարզական միջոցառման ընթացքում շախմատային ընկերական հանդիպումներ են իրականացվել նաև հիմնարկի ծառայողների և ազատազրկված անձանց միջև՝ մասնակցությամբ հիմնարկի պետ, արդարադատության փոխգնդապետ Ա. Հովհաննիսյանի: Դատապարտյալների շրջանում իրականացված առաջնության 1-ին երեք մրցանակային տեղերը զբաղեցրած դատապարտյալներ Գ. Ավետիսյանը, Կ. Մեհրաբյանը և Խ. Պողոսյանը հիմնարկի ղեկավարության կողմից պարգևատրվել են պատվոգրերով:
Աղբյուր՝ ՀՀ ԱՆ քրեակատարողական ծառայություն

17:12 Հայաստան
ՀՀ արդարադատության նախարարի տեղակալ Վ. Քոչարյանը մասնակցել է «Հայաստանում կանանց նկատմամբ բռնության և ընտանեկան բռնության կանխարգելում և դրա դեմ պայքար» թեմայով խորհրդաժողովին

Փոխնախարար Քոչարյանը համոզմունք է հայտնել, որ օրենքի ընդունումը դեռ առաջին քայլն է, պետք է ստեղծվեն օրենքը լիարժեք կիրառելու ենթաօրենսդրական հիմքեր և ճկուն համագործակցության հնարավորություններ: Խորհրդաժողովում ներկայացվել են նաև ոլորտին վերաբերվող ԵԽ չափանիշները, կանանց նկատմամբ բռնության և ընտանեկան բռնության դեմ պայքարի և կանխարգելման պրակտիկ փործը:
Աղբյուր՝ ՀՀ ԱՆ

17:00 Հայաստան
Հայաստանի համայնքների միության նախաձեռնությամբ տեղի է ունեցել Համայնքային ծառայողների 5-րդ համաժողովը,

որին մասնակցել են համայնքների աշխատակազմերի քարտուղարներ և հարյուրավոր համայնքային ծառայողներ: ՀՀ ՏԿԶՆ աշխատակազմի վարչական վերահսկողության և համայնքային ծառայության հարցերի վարչության համայնքային ծառայության հարցերի բաժնի պետ Ա. Բարսեղյանն ասել է, որ այժմ նախարարությունը կանգնած է երեք մեծ օրենքների նախագծերի իրականացման կիրարկման շեմին և այստեղ կարևոր է համայնքային ծառայողների ակտիվությունը:
Աղբյուր՝ Հայաստանի համայնքների միություն

16:35 Արցախ
Արցախի Հանրապետության նախագահ Բակո Սահակյանը ստորագրել է

«Էներգախնայողության և վերականգնվող  էներգետիկայի մասին» Լեռնային Ղարաբաղի Հանրապետության օրենքում փոփոխություններ և լրացումներ կատարելու մասին»٫ «Էներգետիկայի մասին» Լեռնային Ղարաբաղի Հանրապետության օրենքում փոփոխություններ և լրացումներ կատարելու մասին»٫ «Պետական տուրքի մասին» Լեռնային Ղարաբաղի Հանրապետության օրենքում փոփոխություն կատարելու մասին» և «Լիցենզավորման մասին» Լեռնային Ղարաբաղի Հանրապետության օրենքում փոփոխություն կատարելու մասին» Արցախի Հանրապետության օրենքները։
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

16:20 Հայաստան
Արարատի մարզի Մխչյան, Հովտաշեն և Նորամարգ համայնքներով անցնող 2,12 կմ երկարությամբ ճանապարհը վերանորոգվել է

ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Հ. Արշակյանի հրամանով ստեղծված ավարտված շինարարական օբյեկտը շահագործման ընդունող հանձնաժողովի անդամներն այցելել են Արարատի մարզ՝ դիտարկելով նշված ճանապարհի վերանորոգման աշխատանքները։ Ճանապարհը վերանորոգվել է ՀԲ աջակցությամբ իրականացվող «Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում» ծրագրի շրջանակներում:
Աղբյուր՝ «Տրանսպորտային ծրագրերի իրականացման կազմակերպություն» ՊՈԱԿ

16:06 Հայաստան
Գեղարքունիքի մարզի Կարճաղբյուր համայնքի չորս փողոցների հիմնանորոգման աշխատանքներն ավարտվել են

Աշխատանքների մեկնարկը տրվել է մայիսին, ավարտը նախատեսված էր դեկտեմբերի 15-ին։ Սակայն շինարարությունն իրականացնող «Կապավոր» ընկերության ճանապարհաշինարարներն այն հասցրել են ավարտել ժամկետից 1,5 ամիս շուտ՝ հոկտեմբերի վերջին։ Հիմնանորոգման ընթացքում կատարվել են հողային աշխատանքներ, տեղադրվել է ճանապարհային պատվածքի խճային հիմք, կատարվել է երկշերտ ասֆալտապատում։ Երթևեկելի հատվածներում տեղադրվել են ճանապարհային նշաններ, կատարվել են գծանշումներ։ Ճանապարհաշինարարները վերականգնել են նաև համայնքի տարածքում գտնվող վթարային կամուրջը։
Աղբյուր՝ mtcit.am

Տեսանյութեր

Կարեն Վարդանյանը 52 միլիոն դրամի սարքավորումներ է նվիրել մանկական վերակենդանացման բաժանմունքին
17:29 12/12/2018

Կարեն Վարդանյանը 52 միլիոն դրամի սարքավորումներ է նվիրել մանկական վերակենդանացման բաժանմունքին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}