Ձեր վստահելի աղբյուրը

«Սևանի «մյուս»  կողմում իմ տեսած ամենասիրուն ջրերն են ու Հայաստանը: Հայոց աղի արցունքներին հակառակ՝ ամենաքաղցր ջուրը: Վայրկյանում հազար գույն ու եղանակ փոխող Սևանը  հաստատ կին է. չէ, տրամադրության փոփոխությամբ չէ, այլ իր հաստատուն էությամբ. միշտ տեղում, միշտ սպասող ու շատ տարբեր, ամեն վայրկյան տարբեր... ու այդքան մերը... իմը»,-գրել է Նազենի Հովհաննիսյանը։

Նա շարունակում է.

«Տաք ավազներին թողնում ես կարոտներն ու մտնում ջուրը՝ գիտակցելով, որ ամենաքաղցր գիրկն ես մտնում, հասկանում ես, որ հավերժությունն էդտեղից է սկսվում, որ Երկինքի պատկերը հենց Սևանն է, որ կա, որ ամենաբարձր լեռների գրկում ծվարած այս գեղեցկուհին քո արյան կոդից ունի, ու որ սիրագարի պես ուզում ես բանաստեղծություններ ձոնել Նրան, բայց իր ալիքների երգն ավելի քաղցր է ու զիլ, քան աշխարհի բոլոր բառերը:

Չի պահանջում, չի ստիպում, լուռ կամ փոթորկոտ միշտ սպասում է....
ու... երևի էդպես էլ չգնահատված ապրում է՝ Երկնքի «ստվերի» ներքո:
Չէ՞, որ մարդիկ վերև են նայում երազելիս, կամ անգամ ցավի մեջ:

Իմ երկնային գեղեցկուհին Սևանն է, ու պետք չեն հազարավոր «Երկինքներ», երբ կա Նա)
Մանկությունից մինչև հասունություն՝ մի անծայրածիր կապույտ երջանկություն, որը երկրիդ կյանքի խորհուրդն է, որին էդպես էլ չճանաչեցին լիարժեք, չգնահատեցին ըստ արժանվույն, չսիրեցին՝ նրան վայել, որին ուզում ես գրկել ու սեղմել սրտիդ մեջ, որ չտանեն... երբեք:

Սևան- կինը՝ այդքան ուժեղ, ու այդքան պաշտպանության կարոտ՝ իր մարդկանցից... թշնամուց... անտարբերությունից...աղտողություններից, իրեն օգտագործող ու մոռացողներից...
Սևան- կինը՝ շոյանքի ու սիրո սպասող, Օվկիանոսներից անջատ, բայց իր սրտով՝ բոլոր օվկիաններից էլ մեծ ու ան սահ ման։
Հ.Գ. Դարանակ գյուղից էլ այն կողմ է էս ափը., թե Ծափաթաղից վերև չեք եղել, ուրեմն չեք ճանաչում հարստությունը, որն ունենք»։



 

«Հրապարակ» օրաթերթի գլխավոր խմբագիր Արմինե Օհանյանը գրում է.

«Ես անկեղծորեն կարեկցում եմ այն մարդկանց, ովքեր ստիպված են պաշտպանել իշխանություններին, արդարացնել նրանց քայլերը, դրական փոփոխություններ տեսնել մեր կյանքում:

Այդ մարդիկ 2 կատեգորիայի են բաժանվում` նրանք, ովքեր շատ լավ հասկանում են, թե ինչ ավերածություններ են տեղի ունեցել 6 տարում, բայց ի պաշտոնե, իրենց կարգավիճակից կամ ինչ-ինչ արտոնություններ չկորցնելու համար են դա անում եւ նրանք, ովքեր դեռ շարունակում են սիրել-հավատալ-վստահել-հույս կապել ՔՊ-ի ու Նիկոլ Փաշինյանի հետ:

Այս մարդիկ ստիպված են աչք փակել, օրինակ, Արցախը հանձնելու փաստի վրա եւ կենտրոնանալ տեղական նշանակության մի փաստի վրա: Օրինակ, մեկն ասում էր` տես, նախկինները վարչապետի անվան մրցաշարեր չէին կազմակերպում, Փաշինյանը կազմակերպում է` խրախուսում է առողջ ապրելակերպը: Մի ուրիշը, որ Տավուշից հող հանձնելու մասին ձկան պես լուռ էր, ոգեւորված էր այն փաստով, որ իրենց բակում 70-ականներին կառուցված ինչ-որ գարաժներ են քանդել` տեղը խաղահրապարակ սարքեն:

Մի երրորդն ասում էր` ճիշտ է, ամեն օր սպանությունների, ծեծուջարդի մասին լուրեր ենք կարդում, բայց մեր հարեւան Սերոժը ժամանակին ավտոն ճռռացնելով էր բակ մտնում, հիմա ավտոյի ու իր ձայնը չենք լսում: Գուցե այս մարդկանց մեջ կան նաեւ այնպիսիք, որոնց համար 5 հազար տղա զոհվելն ու հարյուր հատ ծառ տնկելը համարժեք իրադարձություններ են` մեկը մյուսին չեզոքացնող։

Բայց վստահ եմ, որ նման կերպ մտածողների մեծ մասն ըմբռնում է իր համեմատությունների աբսուրդայնությունն ու գիտակցում, որ մենք այսօր շատ վատ իշխանություն ունենք, որի ժամանակ համակարգեր են քանդվել, արժեքներ են կործանվել, մարդիկ են զոհվել, եթե անգամ չխոսենք հող հանձնելու մասին»։

ԱՄՆ-ում ունեցած համերգից հետո երգչուհի Սիրուշոն տեսանյութեր ու լուսանկարներ է հրապարակում դրա ընթացքից, ետնաբեմից, զավակների հետ զբոսանքից։

Մի քանի ժամ առաջ նա մի կարճ տեսանյութ է  հրապարակել, որտեղ դիմակով է, իսկ որդին շոյում է մազերը։

Տեսանյութին կից նա գրել է. «Ինձ ստուգման են բերել։ Որոշ տեղերում դիմակ կրելը դեռ պարտադիր է»։

Թե ինչ ստուգման մասին է խոսքը, երգչուհին չի մանրամասնել։

 

Երգչուհի Զարուհի Բաբայանն ամառային հանգիստն անցկացնում է Իտալիայում։ Ինսթագրամի իր էջում նա լուսանկարներ է հրապարակել Վենետիկից։ Լուսանկարներից երևում է, որ երգչուհին ամուսնու հետ է։

Հիշեցնենք, որ Զարուհի Բաբայանը հայտնի պարուհի Սոֆի Դևոյանի հարսն է։ Նրա 75-ամյակին նվիրված համերգի հաղորդավարներից մեկն էլ Զարուհին էր։ Մյուս հաղորդավարուհին Լուիզա Ղամբարյանն էր, որը Դևոյանի նախկին ամուսնու՝ երջանկահիշատակ Գեոգի Կիմիչի կինն է։

Ֆեյսբուքայն օգտատեր Արթուր Գրիգորյանը, անդրադառնալով երեկ մետրոյի Շենգավիթի կայարանի ջրալցմանը, գրում է.

«Մի ամիս առաջ Գործարանային մետրոյի մոտ մարդու էի սպասում ու էս բառդակը աչքովս ընկավ։ Էս ջրահեռացման համակարգը տարով չի մաքրվել։ Ու երբ երեկ ամառային անձրևի ժամանակ ջրհեղեղա եղել պատասխանատուները ասում են թե բա աննախադեպ անձրևներիցա։

Իսկ ես կասեմ աննախադեպ բառդակիցա, աննախադեպ լվացքատուն դարձնելուցա քաղաքի բյուջեն։ Հարցա թե թղթերով քանի անգամա մաքրած էս ջրահեռացման համակարգերը։
Երեկվա պատկերը կդնեմ մեկնաբանութնուններում»։

Հիշեցնենք, որ երեկ  անձրևի պատճառով հեղեղվել էր մետրոպոլիտենի «Շենգավիթ» կայարանի նախամուտքը։ Մետրոպոլիտենի աշխատակիցների ջանքերով խնդիրը կարգավորվել էր։