ՀԱՄԱՑԱՆՑ
«Բլոգնյուզ» կայքի խմբագիր Արամ Գևորգյանը գրում է.
«Եթե որևէ զոմբիի հետ շփման ժամանակ միամիտ օդից վարակ բռնեք ու սկսեք մտածել, որ «դե նիկոլը ֆսյո ժը գործ անում ա էլի, չի թալանում, սարքում ա մարդը», պարզապես հիշեք, որ Կիրանցում 1,5 միլիոն դոլարանոց դպրոց են սարքել, որը սահմանազատումից հետո 50 մետր հեռավորության վրայա լինելու սահմանից, ու էտ դպրոց ոչ մի երեխա չի գնալու։
Երկիր «կառուցելու» փայլուն օրինակ։ Ի դեպ, հենց էս դպրոցի համար էր ասում՝ ծառեր տնկեք, որ չտենաք թշնամուն։
2023 թվականի երեսպաշտ ժաննա Անդրեասյանը ստատուս էր գրում ու նշում, որ գյուղում դպրոց է կառուցվում, որ գյուղը երբեք դպրոցի շենք չի ունեցել։ Ստացվում է, որ հիմա էլ՝ 615 միլիոն դրամ ծախսելուց հետո էլ, մեկա, էլի գյուղը դպրոցի շենք չի ունենալու»։
Հրապարակախոս Հովհաննես Իշխանյանը գրում է. «Երեկ հրապարակում հնչեց 44-օրյայի ժամանակ անհայտ կորած Հայր Մկրտչի անունը՝ որպես Բագրատ Սրբազանի հոգևոր զավակ։
Հայր Մկրտիչը՝ աշխարհիկ անունը՝ Հովհաննես Կարապետյանը կոնտրբաս էր նվագում։
Անի Եղիազարյանը այս մեկ րոպեանոց ֆիլմում միակցել է Հայր Մկրտչի աշխարհիկ ու հոգևոր կյանքերը՝ Նարեկացու տեքստով, որը կարդում է Հայր Մկրտիչը։
Ֆիլմը ներկայացված է Ակն ընդ ականի «Անարդարության շրջան» մրցույթին»։
Հայտնի մոդել, հաղորդավարուհի Լուսինե Թովմասյանին դուր չի եկել լրագրողի հարցը Տավուշի թեմի առաջնորդ Բագրատ արքեպիսկոպոս Գալստանյանի առաջնորդած «Տավուշը հանուն հայրենիքի» շարժման պայքարի մասին։
Հարցին՝ ինչո՞ւ չի մասնակցում սրբազան պայքարին, ի՞նչ դիրքորոշում ունի, նա պատասխանում է. «Լավ էլի, թարգեք, այնքան զզվելի է»։
Ամերիկայի Միացիալ Նահանգներում ծնվել է երգիչ Անդրեի որդին։ Այս մասին գրում է Armlur-ը։
«Անդրեն այս մասին լռում է, քանի որ հղի կնոջ՝ երգչուհի Անի Օհանյանի և իր ֆոտոշարքից հետո թիրախավորվեց։ Անդրեի և իր նորաստեղծ ընտանիքի հասցեին հնչեցին լուտանքներ, վիրավորանքներ և հենց այս պատճառով էլ Անդրեն սոցիալական ցանցերում այս պահին ակտիվ կյանք չի վարում։ Հավելենք նաև, որ իր սոցիալական էջերում Անդրեն սատարում է Բագրատ սրբազանի առաջնորդած երթին։
Հիշեցնենք, որ 2023 թվականին Անդրեն բարդ վիրահատության էր ենթարկվել ԱՄՆ-ում, որից հետո վերադարձել էր Հայաստան ու մի քանի ամիս բնակվում էր հայրենիքում»,-գրում է աղբյուրը։
ՀՀ նախագահ Վահագն Խաչատուրյանը մայիսի 6-11-ն աշխատանքային այցով գտնվում է ԱՄՆ Կալիֆորնիա նահանգում:
Yerkir.am-ին հասած բացառիկ տեղեկությունների համաձայն՝ Վահագն Խաչատուրյանը նախօրեին Սան Ֆրանցիսկոյում ցանկացել է հանդիպել ամերիկյան խոշորագույն տեխնոլոգիական ընկերություններից մեկի՝ «Գուգլի» տնօրենի հետ:
«Ընկերությունից, սակայն, կտրականապես մերժել են Վահագն Խաչատուրյանի առաջարկը՝ բացատրելով, որ նման հանդիպումների համար կա հատուկ նախատեսված կարգ, ըստ որի՝ պետք է առնվազն 30 օր առաջ դիմել և ստանալ հաստատում: Ընկերությունում հավանաբար նաև զարմացել են, երբ իմացել են, որ դիմողը չնայած երկրի նախագահ է, սակայն վերջինիս աշխատակազմը չի տիրապետում արարողակարգի տարրական կանոններին:
Իրականում՝ ՀՀ նախագահի աշխատակազմում հազիվ թե չիմանան, որ ցանկացած տիպի ու տեսակի հանդիպում, այն էլ երկրի նախագահի հետ, պլանավորվում է վաղօրոք: Սակայն ՀՀ միջազգային հեղինակությունը, Փաշինյանի ձեռամբ, հասցվել է շրիշակի մակարդակի, ինչի արդյունքում, դժվար է ճարել մի երկիր կամ խոշոր հաստատություն, ում մոտ որևէ հետաքրքրություն կառաջացնի Վահագն Խաչատուրյան անուն ազգանունը։ Ելնելով դրանից՝ վերջինիս աշխատակազմը, հավանաբար, փորձում է «ձեռքի հետ՝ ոտքի վրա» տարբերակով հանդիպումներ «կպցնել», նկարվել ու ցույց տալ դրանով, թե իբր Վահագն Խաչատուրյանը որքան է կարևորված այստեղ կամ այնտեղ:
Բայց Վահագն Խաչատուրյանի խայտառակվելը Սան Ֆրանցիսկոյում դրանով չի սահմանափակվել. չկարողանալով հանդիպել «Գուգլի» տնօրենի հետ՝ վերջինս դիմել է ընկերությանը՝ խնդրելով, որ իրեն թույլ տան հանդիպել ընկերության՝ Սան Ֆրանցիսկոյում բնակվող շուրջ 30 հայազգի աշխատակիցների հետ: «Գուգլի» գրասենյակից կրկին մերժել են՝ հայտնելով, որ չեն կարող դրա համար տրամադրել արարողակարգերի համար նախատեսված որևէ սենյակ: Արդյունքում՝ Վահագն Խաչատուրյանը ցանկացել է հայազգի աշխատակիցների հետ հանդիպել ընկերության ինչ-որ մի սենյակում: Բայց դա էլ է ձախողվել. Սան Ֆրանցիսկոյում «Գուգլի» շուրջ 3 տասնյակ աշխատակիցների ծանրակշիռ մասը ուղղակի մերժել է հանդիպել, իրենց իսկ բնորոշմամբ, «հող հանձնող» նախագահի հետ: Արդյունքում՝ արհամարհված Վահագն Խաչատուրյանն ու նրա 20 հոգանոց պատվիրակությունը դադարեցրել են նշված ուղղությամբ «բանակցությունները»»,-գրում է աղբյուրը։
Նշենք, որ նախագահի պաշտոնական էջում այս պահին որևէ տեղեկություն այցի կամ դրա ընթացքում հանդիպումների վերաբերյալ չկա։
Էթիկետի և պրոտոկոլի մասնագետ Հասմիկ Խաչատրյանը ներկայացնում է, թե որ շրջապատում կարելի է խոսել քաշի մասին։
«Քաշի մասին մտածելը շատերի համար դարձել է առօրյա մտահոգության հարց, և ծանոթին, մտերիմին, անգամ բարեկամին ասել` «նիհարել/գիրացե՞լ ես, թե՞ ինձ է թվում», կամ ասել` «նիհարել ես, հո բան չի՞ պատահել», կամ «գիրացել ես, գործերդ լավ են երևի», «լցվել ես մի քիչ, ես շատ լավ դիետոլոգ(կամ մարզիչ, սննդաբան) գիտեմ» ու նմանատիպ արտահայտություններ ոչ միայն շատ տգեղ է, այլև` անթույլատրելի։
Դա կարելի է քննարկել միայն շատ մտերիմ մարդկանց հետ, այն էլ, միայն այն դեպքում, եթե մարդն ինքն է խոսում այդ մասին»,-գրում է նա ինսթագրամի իր էջում։
Դերասան, հաղորդավարուհի Նազենի Հովհաննիսյանը ֆեյսբուքյան իր էջում հրապարակել է Բագրատ Սրբազանի լուսանկարն ու գրել.
«Տավուշի գյուղերը ՀՀ- ի վերջին պաշտպանական գիծն էին...
Սրբազանը՝ Հայոց Սրբազան հողը պաշտպանելիս(...
Այսօր ուղիղ եթեր չի լինի. հասկանալի պատճառով:
Սիրտս էնքան նեղ է(
Հայաստանի պես կծկվում ենք անվերադարձ(»։
.jpg)
Սերիալային դերասանուհի Անիտա Աբետիսյանը, որն առավել հայտնի դարձավ «Սարի աղջիկ» սերիալից, նշել է ծննդյան տարեդարձը։
«Ահա և իմ ծննդյան տարեդարձի նկարներից մի քանիսը: Երկու օր ու գիշեր նշեցի 25 ամյակս։ Նավի վրա, Օվկիանոսի մեջտեղում։
Մի քանի ժամից կտեսնեք նոր վիդեո»,-ինստագրամի իր էջում գրել է նա։
Երգչուհի Սիրուշոն լուսանկարներ է հրապարակել երեխաների հետ հանգստյան օրերից ու գրել.
«Ամեն շաբաթ երեխաների հետ գնում ենք մեզ համար նոր եկեղեցիներ բացահայտելու... Եկեղեցին մեզ մեր երկրի հետ կապող ամենակարևոր օղակներից է. ուզում եմ սովորեն գնահատել ու միևնույն ժամանակ այստեղ իրենց հանգիստ զգալ...
այստեղ է դեռ պահպանվում հայի բանալին, հայկական ակունքը, արժեքը»։
Երգիչ Արման Հովհաննիսյանն ինսթագրամի սթորի բաժնում հաճախ է ոչ ուղղակի կերպով իր աջակցությունը հայտնում Կիրանցում պայքարի դուրս եկած մարդկանց։
Օրինակ, նա այսօր սթորի բանում հրապարակել է կիրանցիներից մեկի խոսքից կարճ հատված։
Մինչ այս նա հրապարակել էր Բագրատ սրբազանի լուսանկարը նրա խոսքով և գրել. «Սրբազանն ասաց ամեն ինչ»։
Տեսանյութեր
Պաշտոնական որոշում չկա. Բագրատ Սրբազանը՝ իրեն վարչապետի թեկնածու առաջադրելու մասին
