![](https://panorama.am/news_images/317/950578_1/f55c63b8ba5fc7_55c63b8ba63ac.thumb.jpg)
Թեհրանի համալսարանում ԼՂ հիմնախնդրին նվիրված քննարկում Իրանում ՀՀ դեսպանի մասնակցությամբ
Վաղը Թեհրանի համալսարանի Կովկասի ուսումնասիրությունների հիմնադրամում Իրանում ՀՀ դեսպան Գրիգոր Առաքելյանի և ՀՀ-ում Իրանի նախկին դեսպան Մոհամմադ Ֆարհադ Քոլեյնիի մասնակցությամբ «Լեռնային Ղարաբաղի հակամարտության լուծումը Հայաստան-Թուրքիա հարաբերություններում» թեմայով քննարկումներ կանցկացվեն:
Այդ մասին տեղեկացնում է իրանական «ՖԱՐՍ» լրատվական գործակալությունը:
Հիշեցնենք, որ Մոհամմադ Ֆարհադ Քոլեյնին վերջերս իրանական «ԻՌԱՍ» վերլուծական կենտրոնին տված հարցազրույցում խոսելով Լեռնային Ղարաբաղի Հանրապետության միջազգային ճանաչման և տարածաշրջանի մյուս հակամարտությունների մասին, նշել էր, որ Հայաստանը ԼՂ հակամարտության կարգավորմանն ուղղված բանակցություններում վկայակոչում է Կոսովոյի անկախության փաստը, իսկ Ադրբեջանը ստեղծված նոր աշխարհաքաղաքական իրավիճակում, հաշվի չառնելով միջազգային ասպարեզում կատարված որոշ իրադարձություններ, հայտնվել է մեկուսացման մեջ:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)