Ադրբեջանի և Հայաստանի միջև «անհանգիստ» հակամարտությունը նորից բռնկվելու վտանգի առջև է կանգնած
«Ամռան դժվար օրերից հետո, Ադրբեջանի և Հայաստանի միջև «անհանգիստ» հակամարտությունը նորից բռնկվելու վտանգի առջև է կանգնած»,-այս մասին գրում է կանադական «Mir Online» պարբերականը։
«Երկու կողմերի միջև բախումները շարունակվում են առ այսօր, շփման գծում պարբերաբար միջադեպեր են գրանցվում, որոնք հանգեցնում են զինվորների և քաղաքացիական զոհերի:
Ամենամեծ բռնկումը տեղի ունեցավ 2016թ-ի քառօրյա պատերազմի ժամանակ, երբ երկու կողմերից էլ հարյուրավոր զոհեր եղան։
Քառօրյա պատերազմը կարծես թե հնարավորություն էր ընձեռում ԵԱՀԿ Մինսկի խմբին, որը պատասխանատու է խաղաղ կարգավորման համար, վերսկսել բանակցությունները և առաջընթաց գրանցել հակամարտության կարգավորման հարցում։ Դժբախտաբար, ամռան ընթացքում տեղի ունեցած զարգացումներն ապացույց են այն բանի, որ այս միջնորդ կազմակերպությունն ի վիճակի չէ կանխել լարվածությունը և հակամարտության հարցում միջնորդ հանդես գալ, որը արագ կերպով, ձնդագնդի պես վերածվում է լայնամասշտաբ պատերազմի»,-գրում է «Mir Online»-ը։
«Իսկ ինչո՞ւ է նման հակամարտությունը համաշխարհային հարթակում այդքան կարևոր, քանի որ համաշխարհային դերակատարներն ավելի շատ հակված են, որ պատերազմը նորից բռնկվի։
Մտահոգիչ է այն փաստը, որ այս հակամարտություն հարցում միջնորդավորվածությունը կարճաժամկետ հեռանկարում հաջողության չի հասնում, չի կարողանում երկու կողմերի համար վերջնական լուծում գտնել։ Եթե Հայաստանն ու Ադրբեջանը շարունակեն քարոզչությունն օգտագործել ու ատելության մշակույթ սերմանել, ապա պատերազմն անխուսափելի կլինի»,-գրում է պարբերականը։
Պարբերականը նաև հիշեցրել է 2004 թ-ին Բուդապեշտում ադրբեջանցի ոճրագործ սպա Ռամիլ Սաֆարովի կողմից Հայաստանի ԶՈւ սպա Գուրգեն Մարգարյանին կացնահարելու դեպքը, ինչպես նաև Սաֆարովին Ադրբեջան արտահանձնման ու Ադրբեջանում նրան հերոսի նման դիմավորելու դեպքերը։