Վենետո ժամանող օտարերկրացիները ստիպված կլինեն 2 շաբաթ մեկուսանալ ու թեստ հանձնել
Վենետոյի նահանգապետը նոր հրամանագիր է ստորագրել և կառավարությունից խնդրել է խստացնել պատժամիջոցները նրանց համար, ովքեր չեն պահպանում սահմանափակումներն ու տարածում են վարակը։ Այս մասին գրում է liveitaly-ն։
Վենետոյի նահանգապետ Լուկա Ձայան Իտալիայի նահանգապետերից առաջինն է, որ որոշել է կրկին խստացնել շրջանի այցելուների և շրջանի բնակիչների համար վարքագծի կանոնները։
Ձայան ներկայացրել է տարածաշրջանային նոր կանոնակարգը, որը նախատեսում է 14-օրյա մեկուսացում՝
-Վենետոյի բոլոր բնակիչների համար, որոնք վարակված անձի հետ շփում են ունեցել,
- ռիսկի գոտում գտնվող երկրներից Վենետո եկողները՝ ներառյալ ԱՄՆ, Լատինական Ամերիկա, Ռուսաստանի Դաշնություն, Իսրայել,
- վարակի ախտանիշների առկայության դեպքում (բարձր ջերմություն և շնչառության հետ կապված խնդիրներ):
Պարտադիր ստուգում նրանց համար, ովքեր Վենետո են վերադառնում 120 ժամից պակաս գործուղումներից (ընկերության յուրաքանչյուր աշխատողի համար հազար եվրո տուգանքի սպառնալիքով)։ Յուրաքանչյուր վերահսկող մարմնի պարտականությունն է քաղաքապետին, պրեֆեկտուրային և դատական իշխանություններին տեղեկացնել մեկուսացման մեջ գտնվող բոլոր անձանց անձնական տվյալները և, առաջին հերթին, նրանց, ովքեր հրաժարվում են հոսպիտալացումից:
Յուրաքանչյուրը, ով կթաքցնի թեստի արդյունքները, հիվանդության հաստատման դեպքում, կարող է ձերբակալվել և դատապարտվել։
«Ազգային մակարդակով, ես ակնկալում եմ, որ մեկուսացումը կկարգավորվի. խախտողների համար պատիժը պետք է լինի ոչ միայն հազար եվրոյի տուգանք, այլև շատ ավելի լուրջ հետևանքներ»,-ասել է նահանգապետը:
Նշվում է, որ հուլիսի 1-ից մինչ օրս Վենետոյում 28 նոր վարակի դեպք է արձանագրվել։
«Կասեք սա մանրուք է, սակայն անհանգստացնում է, քանի որ դրանցից 15-ը ներմուծված դեպքեր են օտարերկրացիների կողմից: Այսօր հենց սա է իսկական խնդիր տարածաշրջանի բնակիչների համար ՝ կորոնավիրուսի տարածման առումով»,-ասել է Ձայան:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ