Գագիկ Գյուրջյան. Հուշարձանների պահպանությունը մեր երկրում ցածր մակարդակի վրա է
Հայաստանում հուշարձանների պահպանությունը ցածր մակարդակի վրա է, թեև հուշարձանները զբոսաշրջության կարևորագույն աղբյուրներից է: Լրագրողների հետ հանդիպման ժամանակ ասաց ԻԿՕՄՕՍ-Հայաստանյան գրասենյակի նախագահ Գագիկ Գյուրջյանը:
Նա նշեց, որ տուրիզմը կառավարող, սպասարկող և կազմակերպող կառույցների միջև չկա փոխադարձ համագործակցություն. «Այդ կազմակերպություններից են մշակույթի և էկոնոմիկայի նախարարությունները, տեղական ինքնակառավարման մարմինները»:
Նա օրինակ բերեց Ամբերդը. «Այդտեղ միայն տուրիստական կազմակերպությունն է օգտվում: Բյուրական համայնքը, որտեղ գտնվում է Ամբերդը, որևէ օգուտ չունի: Անհրաժեշտ է այնպես անել, որ անկախ տվյալ ժառանգության օբյեկտի կարգավիճակից, շահի և համայնքը, թև պետական մարմինները, տուրիստական կազմակերպությունները»:
Որպես խնդրի լուծում Գ. Գյուրջյանը համարում է ոչ թե օրենսդրական փոփոխությունը, այլ՝ պարզապես պետք է ամեն ինչ ճիշտ կազմակերպել:
Նա նաև կարևորեց գիդերի դերակատարությունը, թե նրանք ինչպես են ներկայացնում Հայաստանի մշակութային ժառանգությունը, պատմությունը:
ԻԿՕՄ-ի Հայաստանի ազգային կոմիտեի նախագահ Մարինե Հարոյանն էլ նշեց, որ տուրիզմի զարգացմանը կարող է նպաստել նաև տուր- փաթեթների մշակումը: Նրա խոսքով, տուրիստական երթուղիները պետք է ավելի ընդլայնել և դրանց մեջ ներառել այնպիսի թանգարաններ, որոնք քիչ հայտնի են: Մ. Հարոյանն ասաց, որ կան թանգարաններ, դեպի այնտեղ տանող ճանապարհը բարեկարգ չէ, հետևաբար այն տուրիստական երթուղիներում ներգրավված չէ:
Լրահոս
Տեսանյութեր
Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան