Ձեր վստահելի աղբյուրը

Զարգացող շուկաների ընկերությունները, առաջ անցնելով իրենց արևմտյան գործընկերներից, առաջատար դիրք են գրավել սոցիալական կայքերում՝ հայտնում է Գրանթ Թորնթոն Ինթերնեշնլի Միջազգային գործարար զեկույցը (ՄԶԳ):

Հետազոտության արդյունքները ցույց են տալիս, որ ամբողջ աշխարհում հարցմանը մասնակից ընկերությունների 43% որևէ կերպ օգտագործում են սոցիալական կայքերն իրենց գործունեության մեջ: Այս ցուցանիշը նույնիսկ հասնում է 53% Լատինական Ամերիկայում և 50%-ի BRIC շուկաներում: Զարգացած շուկաներում արդյունքներն ավելի ցածր են՝ 40% Մեծ յոթնյակի երկրներում և միայն 35% Եվրոպայում:

Հայաստանում գրացված ցուցանիշը մոտ է եվրոպականին և սոցիալական կայքերի օգտագործմանն են դիմում հարցված հայկական ընկերությունների միայն 34%-ը: Միևնույն ժամանակ Լատինական Ամերիկայի ընկերությունների 3/4-ից ավելին (78%), Եվրամիության ընկերությունների 2/3-ը (66%) և Մեծ յոթնյակի ընկերությունների կեսից ավելին (55%) պլանավորում են ավելացնել սոցիալական կայքերի օգտագործման ծավալները:

Այս արդյունքներն ազդանշան են այն գործարարների համար, ովքեր չեն ցանկանում ընդունել թվայնացված նորարարությունները և կարող են կորուստներ ունենալ էլեկտրոնային կոմերցիայի՝ մինչ 2015 թ. 1.4 տրիլիոն դոլարի հասնելու պոտենցիալ ունեցող շուկայում:

Գրանթ Թորնթոն Մեծ Բրիտանիայի լրատվամիջոցների բաժնի ղեկավար Մարկ Հենշոուն մեկնաբանում է. «Արդյունքներն իսկապես զարմանալի են: Նրանք ցույց են տալիս, որ զարգացող շուկաների ընկերությունները շատ ավելի արագ են ներգրավվում սոցիալական կայքերում, քան նրանց գործընկերները զարգացած շուկաներում: Նրանք ավելի մեծ հավատ ունեն այն առումով, որ սոցիալական կայքերում իրենց ակտիվ ներկայությունը ազդեցություն կարող է ունենալ հաճախորդների, սպառողների հետ հարաբերությունների և, ի վերջո, նրանց ֆինանսական արդյունքների վրա:

Հետաքրքիր է, որ ընկերությունների կողմից սոցիալական կայքերի օգտագործումն արտացոլում է տնտեսության վիճակը: Զարգացող շուկաները, որ ամենից արագ են ընկալում նորությունները, կայուն աճ են ապրում, այն պարագայում, երբ Եվրոպայում շարունակ խնդիրներ են առաջանում: Ակնհայտ է, որ Եվրոպայի տնտեսական դժվարությունների պատճառը սոցիալական կայքերը չեն, այդուհանդերձ, այս հետազոտությունը մատնանշում է, թե ինչ տարբերություն կա մտածողության և աշխատանքի նոր ուղիների նկատմամբ վերաբերմունքների միջև:

Զարգացող երկրներում ինտերնետից օգտվողները տոկոսային հարաբերությամբ զիջում են Եվրոպային և Հյուսիսային Ամերիկային, սակայն նրանց բնակչությունները մեծաթիվ են, և հսկայական հնարավորություններով լի շուկա են ներկայացնում: Օրինակ, Չինաստանում ինտերնետից օգտվում է 485 միլիոն մարդ, որ նրա ներկայիս բնակչության ընդամենը 36%-ն է կազմում: Հնդկաստանում ինտերնետը հասանելի է բնակչության 10%-ից էլ պակաս թվին: Եվրոպական գործարարների մարտահրավերը պարզից էլ պարզ է՝ նրանք կամ պետք է հասցնեն այս արագությանը, կամ պարտվեն:»

Հետազոտության արդյունքները նաև ցույց են տալիս սոցիալական կայքերից հարցված ընկերությունների օգտվելու դրդապատճառները՝ գովազդ (53%), հաճախորդների հետ հաղորդակցություն (51%) և կադրերի ներգրավում (43%): Գովազդն առաջին դրդապատճառն է նաև Հայաստանում (28%), այնուհետև՝ կադրերի ներգրավումը (10%), իսկ հաճախորդների հետ հաղորդակցության տարբերակն ընդհանրապես չի նշվել հարցմանը մասնակից ընկերությունների կողմից:

ՄԳԶ-ը նաև նշում է, որ չնայած նոր լրատվամիջոցների սրընթաց տարածմանը, թերթերը շարունակում են մնալ գործարարների կողմից նորությունների ստացման նախընտրելի աղբյուրը: Համաշխարհային միջինը (79%) ցույց է տալիս, որ հարցված 5 գործարարներից 4-ը շաբաթն առնվազն երեք անգամ թերթ են կարդում: Հայաստանում հարցմանը մասնակից գործարարների 76%-ը հաստատել են, որ պարբերաբար թերթ են ընթերցում: Ի հավելումն, Հայաստանում թերթերը՝ տպագիր և էլեկտրոնային տարբերակներով, շարունակում են հանդիսանալ նորությունների ստացման ամենանախընտրելի աղբյուրը (66%), որին հետևում է հեռուստատեսությունը՝ ստանալով մասնակիցների ձայների 21%: