Դա լպիրշություն է, ոչ թե լրագրություն. Զախարովան ադրբեջանական լրատվամիջոցների մասին
ՌԴ արտաքին գերատեսչության պաշտոնական ներկայացուցիչ Մարիա Զախարովան լրագրողների հետ հանդիպման ժամանակ դժգոհություն է հայտնել ադրբեջանական լրատվամիջոցների՝ ՌԴ ԱԳՆ-ի տարածած հաղորդագրության վերաբերյալ՝ անվանելով այն լպիրշություն: Տեղեկանում ենք ՌԴ ԱԳՆ պաշտոնական կայքից:
Նշենք, որ խոսքը եղել է ադրբեջանական դիվերսիոն հետախուզական խմբի՝ Արցախի Հանրապետությունում, կալանավորված անդամ Դիլհամ Ասքերովի վերաբերյալ ՌԴ ԱԳՆ-ի ներկայացուցիչ Ա.Ա.Կոժինի հայտարարության մասին, որի հրապարակումից հետո ադրբեջանական լրատվամիջոցները կոշտ արձագանքի են արժանացրել այդ հայտարարությունը:
Արձագանքելով Կոժինի հայտրարության վերաբերյալ մանրամասներ ներկայացնելու մասին ադրբեջանցի լրագրողի հարցին Զախարովան նշել է. «Ես անձամբ եմ կարդացել: Դրանք անտաշ հոդվածներ են՝ առանց վերլուծության կամ կառուցողական քննադատության: Ու այդքանից հետո դուք խնդրում եք ձեզ ավելի շատ տեղեկատվություն տրամադրենք: Խոստովանում եմ, այդպիսի հոդվածներից հետո, անգամ շփվելու ցանկություն չկա»:
«Դուք գիտեք, թե ինչքան բաց ենք մենք լրատվամիջոցների համար, սակայն լպիրշանալ, ոչ ոք թույլ չի տվել: Տեղեկատվության տրամադրումը, թեմայի առնչությամբ ցանկացած հարց մենք ողջունում ենք: եթե ձեզ ինչ որ բան հետաքրքրում է, մենք կտրամադրենք հավելյալ տեղեկատվություն, սակայն այս տոնայնությամբ լրագրողների հետ առկա կամ հեռակա կարգով շփման ցանկություն չկա: Եթե ունենաք հնարավորություն խնդրում եմ փոխանցեք ձեր գործընկերներին»,- նշել է Զախարովան և հավելել, որ իրենք կտրամադրեն հավելյալ տեղեկատվություն հետաքրքրող բոլոր հարցերի վերաբերյալ:
Ադրբեջանական «ԱՊԱ» գործակալության լրագրողի ճշտող ակնարկին, թե ինքը ներկայացնում է միայն «ԱՊԱ»-ն, Զախարովան նշել է, որ իր խնդրանքը մնում է ուժի մեջ:
«Ուշադրություն դարձրեք ադրբեջանական ԶԼՄ-ին տված ՌԴ ԱԳՆ-ի պատասխանի լպիրշ լուսաբանմանը: Դա լրագրողական աշխատանք չէ, դա լպիրշություն է: Այլ կերպ չեմ կարող բնորոշել: Ամենակարևորն այն է, որ նույն կարծիքին են նաև իմ ադրբեջանցի ընկերները, ովքեր անգամ ներողություն են խնդրել այդ առնչությամբ»,- նշել է Զախարովան և հավելել, որ ոչ մի նմանատիպ լրատվություն չի կարող փչացնել Մոսկվայի և Բաքվի հարաբերությունները կամ վեճի մեջ ներքաշել մարդկանց:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ
