Երեկ երեկոյան Լոս-Անջելոսում մեկնարկած «Հայաստան» համահայկական հիմնադրամի ամենամյա հեռուստամարաթոնը ժամեր առաջ ավարտվեց: Հեռուստամարաթոնի արդյունքում հավաքվել է 15 մլն 275.436 հազար դոլար: Հիշեցնենք, որ նախորդ տարի հավաքվել էր 14 մլն դոլար:

Համազգային դրամահավաքի 10-րդ հեռուստամարաթոնն անցկացվել է «Մեկ ազգ, մեկ ապագա» նշանաբանով: Հավաքված գումարն ուղղվելու է Հայաստանի Տավուշի մարզի և Լեռնային Ղարաբաղի Մարտունի շրջանի գյուղերի վերականգմանը:
«Հայաստան» հիմնադրամի տվյալներով, հեռուստամարաթոնին ակտիվ մասնակցել են Լոս-Անջելոսի, Եվրոպայի, Ասիայի, ինչպես նաև Լեռնային Ղարաբաղի ու Հայաստանի ազգաբնակչությունը: Տասներորդ հեռուստամարաթոնը մեկնարկել է Լոս-Անջելոսում՝ նոյեմբերի 22-ին ժամը 8.00-20.00(տեղական ժամանակով 20.00-ից մինչև այսօր առավոտյան 8.00 ): Հեռուստամարաթոնն ուղիղ եթերով հեռարձակել է Հայաստանի հանրային հեռուստաընկերությունը:

Մինչև հեռուստամարաթոնի սկիզբը «Հայաստան» համահայկական հիմնադրամը նոյեմբերի 14-16-ը անցկացրել է հեռախոսամարաթոն, որի արդյունքնում Հայաստանի 2500 կազմակերպություններից հավաքվել է 142մլն 950 հազար դրամ, որից 120մլն 112 հազարն արդեն փոխանցվել է հիմնադրամի հաշվեհամարին:

Նոյեմբերի 15-18-ն անցկացված եվրոպական հետախոսամարաթոնի արդյունքնում հավաքվել է 1.1 մլն եվրո, 250.000 դոլար:
«Հայաստան» համահայկական հիմնադրամը սկսած 1996թ. անցկացնում է ամենամյա հեռուստամարաթոն: «ՎՏԲ» բանկի ղեկավարությունը պատրաստակամություն է հայտնել առանց միջնորդավճարի ապահովել գումարների փոխանցումը հիմնադրամի հաշվեհամարին: