Ինչո՞ւ են մանկապարտեզներում հաճախացել երեխաների թունավորումները
Արմավիրի թիվ 9 մանկապարտեզն այս պահին չի գործում: Փոխմարզպետ Լարիսա Մուրադյանը Panorama.am-ին ասաց, մանկապարտեզի՝ հիվանդանոց տեղափոխված վեց երեխաների վիճակը լավ է. «Այն բոլոր երեխաների տներում, ովքեր հաճախում են մանկապարտեզ, պետք է համայց իրականացվի՝ պարզելու, թե ինչ վիճակ է: Կեսը երեկ են արել, կեսը՝ այսօր կանեն»:
Լարիսա Մուրադյանը տեղյակ չէ, թե մանկապարտեզում ինչ են կերել երեխաները:
«Իրազեկ և պաշտպանված սպառող» ՀԿ նախագահ Բաբկեն Պիպոյանը Panorama.am-ի հետ զրույցում արձանագրեց, որ մանկապարտեզներում թունավորման դեպքերը հաճախակի են դարձել. «Ամբողջ խնդիրն այն է, որ պատկերացում չունենք, թե ինչի հետևանք են մանկապարտեզներում գրանցված թունավորումները: Պետական ապարատը կարծես որոշակի կաշկանդվածություն ունի՝ բացահայտելու խնդիրը: Մի բան ակնհայտ է, միանշանակ կերպով շատացել են թունավորման դեպքերը մանկապարտեզներում»:
Հիշեցնենք, որ այսօր Առողջապահության նախարարությունը հաղորդագրություն էր տարածել, ըստ որի՝ Արմավիր քաղաքի թիվ 9 մանկապարտեզի 6 սան մայիսի 15-ից 18-ն ընկած ժամանակահատվածում աղիքային գանգատներով դիմել է Արմավիրի բժշկական կենտրոնի ինֆեկցիոն բաժանմունք:
Պիպոյանը չի բացառում, որ թունավորման դեպքերի մասին սկսել է ավելի հաճախ խոսել առողջապահության նախարարությունը. «Կապանում գրանցված բրուցելոզի վարակի աղմուկից հետո, կարծես առաջընթաց կա ու պրոբլեմները բարձրաձայնվում են: Հիմա լուրջ խնդիր կա՝ պարզելու, թունավորումները սննդայի՞ն են, թե՞ ոչ սննդային, եթե սննդային են, որտեղից է խնդիրը գալիս: Այստեղ կարծես շատ կաղում ենք, և միանշանակ տեսնում ենք խիստ մտահոգիչ պատկեր: Սա մտահոգիչ է այն առումով, որ խնդիրը հայտնաբերվում է ոչ թե ստուգման արդյունքում, այլ բանը հասնում է թունավորման, մարդիկ դիմում են բժշկի, հիվանդանոցով ենք հասկանում, որ կա խնդիր»:
Պիպոյանը հիշեցրեց, որ Եղվարդում թունավորման դեպքից հետո որևէ մեկը պատասխանատվության չենթարկվեց. «Բացի այն, որ հայտարարվեց հակասանիտարական վիճակ է եղել, մատակարարվել էր նաև չթույլատրված նրբերշիկ, բայց ո՞վ կրեց պատասխանատվություն դրա համար: Որևէ հայտարարություն այդ մասին մինչ օրս չկա»:
Հիշեցնենք, որ օրերս թունավորման ախտանշաներով հիվանդանոց էին տեղափոխվել Արմավիրի մարզի Ալաշկերտ գյուղի մի քանի երեխաներ: Երեխաներից մեկը դեռ հիվանդանոցում է: Առողջապահության նախարարությունից Panorama.am-ին ասացին, որ պատճառների մասին տեղեկատվության կարող են տրամադրել ավելի ուշ: Արմավիրում վարակի աղբյուրը պարզելու նպատակով կենսաբանական նյութի նմուշառումներ են կատարվել հիվանդներից և մանկապարտեզի սպասարկող անձնակազմից, ինչպես նաև խոհանոցից և խմբասենյակներից։ Ձեռնարկվել են կանխարգելիչ և հակահամաճարակային համալիր միջոցառումներ։
Տեղեկացնում են նաև, որ հնարավոր այլ հիվանդներին վաղաժամ հայտնաբերելու նպատակով մարզպետարանի հետ համատեղ կիրականացվեն բակային համայցեր։ Ներկա պահին հիվանդանոցում բուժվող 6 երեխայի վիճակը մասնագետները գնահատում եմ միջին ծանրության։
«Կազմակերպված բուժման արդյունքում նկատվում է առաջխաղացման դրական տեղաշարժ», -նշվում է ԱՆ տարածած հաղորդագրության մեջ:
Նախորդող հրապարակումներ՝
Ալաշկերտի մանկապարտեզը չի գործում
Մանկապարտեզներին քիմիական մշակման ենթարկված թռչնամիս մատակարարելու դեպքով հարուցվել է քրեական գործ
Էդվարդ Մխիթարյան անունով անհատ ձեռնարկատեր ՍԱՊԾ-ում գրանցված չէ. Սուքիասյան
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
Երեխաները փչացած հավի միսը չեն կերել. Վստահեցնում են մանկապարտեզներից
Նոր մանրամասներ փչացած հավի մսի գործից
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
«Թունավորված երեխաների մեծ մասի մոտ աղիքային վարակ է». մասնագետի մեկնաբանությունները
Եղվարդի թիվ 1 մանկապարտեզում կասեցվել է սննդամթերքի օգտագործումն ու մատակարարումը
ԱՆ. Հոսպիտալացված երեխաների առողջական վիճակը բարելավվում է
Եղվարդում հոսպիտալացվել է 54 երեխա. Հարուցվել է քրեական գործ
Եղվարդի մանկապարտեզում թունավորված 15 երեխայից 2-ը տեղափոխվել են Երևան
ՍԱՊԾ –ն՝ Եղվարդի թիվ 1 մանկապարտեզում սաների թունավորման դեպքի մասին
Պիպոյանը՝ Եղվարդի դեպքի մասին. «Դանակը հասավ ոսկորին»
Լրահոս
Տեսանյութեր
Ի՞նչ կա մեքենայի մեջ. Կիրանցում ծակեցին մեքենայի անվանդողերը
