![](https://panorama.am/news_images/370/1107233_1/f55c66af9254e5_55c66af9258cf.thumb.jpg)
Այսօր կկայանա «Սումգայիթ, փետրվար, 1988. Սովորական Ցեղասպանություն» ֆիլմի առաջին ցուցադրությունը
Այսօր՝ ժամը 22:30-ին Հանրային հեռուստաընկերությունն առաջին անգամ կցուցադրի «Սումգայիթ, փետրվար, 1988. Սովորական Ցեղասպանություն» փաստավավերագրական ֆիլմը: Այն նկարահանվել է «Սովորական ցեղասպանություն» ֆիլմաշարի մաս է:
Ֆիլմը հիմնված է բացառապես փաստավավերագրական նյութերի վրա. ներկայացված են էքսկլյուզիվ տեսանյութեր, ֆոտոփաստաթղթեր, ականատեսների վկայություններ, քննության և դատական գործընթացների մասին նյութեր, որոնք ցուցադրվում են առաջին անգամ ու ոչ միայն բացահայտում են ճշմարտությունը Սումգայիթում տեղի ունեցածի մասին, այլև ապացուցում են, որ այդ իրադարձությունները կազմակերպված էին Ադրբեջանի հատուկ ծառայությունների և իշխանությունների կողմից, դրանցում հանցավոր դեր է ունեցել Խորհրդային Միության ղեկավարությունը:
Ծրագրի հեղինակներն այն անվանում են ֆիլմ-մեղադրանք՝ Ադրբեջանի կողմից 1988թ. փետրվարի 27-29-ը մարդկության դեմ իրականացված հանցագործության դեմ, հարգանքի տուրք` այդ ողբերգությունների զոհերի հիշատակին, նաև կոչ` միջազգային հանրությանը՝ ճանաչելու և դատապարտելու Սումգայիթի կազմակերպիչներին ու դահիճներին:
Սումգայիթի իրադարձությունների մասին ֆիլմը, ինչպես ողջ «Սովորական Ցեղասպանություն» շարքը նպատակ ունեն արխիվային նյութերի միջոցով ի չիք դարձնել զանգվածային կեղծարարությունները՝ ոչ վաղ անցյալի պատմության վերաբերյալ: Այս պահին պատրաստվել ու տարածվել են խտասկավառակներ, ինտերնետում տեղադրվել են ֆիլմի հայերեն, ռուսերեն տարբերակները, այժմ այն թարգմանվում է անգլերեն, ֆրանսերեն, արաբերեն:
«Սումգայիթ, փետրվար, 1988. Սովորական Ցեղասպանություն»-ն այս շարքի երկրորդ ֆիլմն է: «Սովորական Ցեղասպանություն» ֆիլմաշարն իրականացվում է ՀՀ նախագահի աշխատակազմին կից «Հանրային կապերի և տեղեկատվության» կենտրոնի կողմից: «Բաքու, հունվար, 1990» առաջին ֆիլմի շնորհանդեսը կայացել է այս տարվա հունվարին, այն թարգմանվել է տարբեր լեզուներով, տարածվել խտասկավառակների միջոցով, տեղադրվել ինտերնետում:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)