![](https://panorama.am/news_images/362/1085184_1/f55c664fd83d23_55c664fd8410f.thumb.jpg)
Վաղը կցուցադրվի «Սովորական Ցեղասպանություն. Սումգայիթ, փետրվար 1988թ.» անգլիալեզու ֆիլմը
Վաղը` հուլիսի 1-ին, ժամը 12-ին Ռազմավարական և ազգային հետազոտությունների հայկական կենտրոնը (ՌԱՀՀԿ) կցուցադրի անգլալեզու նոր փաստագրական կինոնկար Խորհրդային Ադրբեջանում 1988թ. փետրվարին տեղի ունեցած հայկական погром-ների ու բռնությունների մասին: Կինոնկարի պրոդյուսեր, ճանաչված լրագրող Մարինա Գրիգորյանը հանդես կգա ֆիլմի անգլերեն տարբերակի շուրջ մեկնաբանություններով:
Կենտրոնի մամուլի ծառայության տեղեկացմամբ, ՌԱՀՀԿ-ը 55 րոպեանոց այս տեսաժապավենը ցուցադրում է Սումգայիթ քաղաքում կազմակերպված հակահայ բռնությունների վերաբերյալ նոր ապացույցներ տրամադրելու նպատակով: Ցուցադրությունը նաև կոչ է միջազգային հանրությանը` արդարության և մարդկության դեմ իրագործված ոճիրների ճանաչման համար:
Այս կինոնկարը երկրորդն է «Սովորական Ցեղասպանություն» ֆիլմաշարից, որը հրապարակ իջավ ՀՀ նախագահի աշխատակազմի տեղեկատվության և հանրային կապերի կենտրոնի աջակցությամբ:
Առաջինը` «Բաքու, հունվար, 1990թ.» խորագրով, ցուցադրվեց այս տարվա հունվարին: Այն թարգմանվել է մի քանի լեզուներով և տարածվել համացանցում ու տեսասկավառակներով:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)